info@energjia.al

Gjatë ditës të sotme, çmimet e naftës janë regjistruar në rritje të lehtë, duke përmbysur disi ritmin e sesionit të kaluar.

Në këtë rubrikë ju njohim me ndryshimin e çmimit të naftës në tregjet ndërkombëtare dhe ju tregojmë çmimin real me shumicë, me të cilin nafta del sot nga dy portet kryesore të vendit, në varësi të tendencës së çmimeve gjatë ditës së djeshme.

Rënia e çmimeve të naftës në tregjet ndërkombëtare gjatë sesionit të kaluar është reflektuar edhe në tregun vendas gjatë sesionit të sotëm.

Gjatë ditës së sotme, nafta me shumicë në dy portet e vendit shitet me 143.84 lekë për litër, në rënie me 1.01% në krahasim me sesionin e kaluar. Çmimi i pasqyruar është aktual dhe i referohet vetëm ditës së sotme.

Luhatjet në çmimin e shumicës, përveç çmimit me të cilin kuotohet në bursë, vijnë edhe në bazë të kostove të transportit, cilësisë së produktit të zhdoganuar, kursit të këmbimit ndërmjet dollarit dhe lekut, si dhe barrës  shtetërore, që sot fiksohet në rreth 91.1 lekë për litër, ose 67% e çmimit total.

Këto të dhëna i referohen çmimit përfundimtar me të cilin nafta futet në tregun me pakicë, dhe jo çmimit me të cilin shitet në pikat e karburantit.

ScanTv  20.10.2017

Çmimet e naftës bruto u konfirmuan solide pas rënies së më shumë se 1 për qind të enjten, duke përmbysur katër ditë radhazi fitime. Arsyet lidhen me presionin e inventarit më të madh se sa pritej në Shtetet e Bashkuara dhe fitimit pas një periudhe të kohëve të fundit në tregje.

Brent LCOc1 i papërpunuar u rrit 17 cent në 57.40 dollarë për fuçi, ndërsa CLc1 i papërpunuar i SHBA u rrit gjithashtu me 22 cent në 51.51 dollarë.

Scan Tv,  20.10.2017

Çmimet e naftës po qëndrojnë në rritje edhe në sesionin e sotëm, për shkak të rënies së rezervave të naftës bruto në SHBA dhe shqetësimeve që kanë të bëjnë me tensionin në Lindjen e Mesme, që mund të dëmtojnë furnizimin.

Nafta Brent e Londrës po tregtohet në rreth 58.3 dollarë për fuçi, ndërsa nafta Bruto amerikane po tregtohet pranë 52 dollarëve për fuçi. Tregtarët shprehen se çmimet po mbështeten nga rënie e rezervave të naftës në SHBA dhe luftimet në Irak.

Edhe tensioni politik mes Amerikës dhe Iranit po mbështet çmimet. Rezervat e naftës bruto në SHBA ranë me 7.1 milionë fuçi, gjatë javës që u mbyll më 13 tetor, në totalin e 461.4 milionë fuçive, deklaroi Instituti Amerikan i Naftës.

Forcat irakiane të sigurisë rimorën qytetin Kirkuk, që zotërohej nga kurdët, por kjo ka shtuar shqetësimet se luftimet do të vazhdojnë, duke bërë që tregut mund  t’i mungojnë rreth 500 mijë fuçi në ditë. Krizës së Irakut i shtohet edhe tensioni mes SHBA dhe Iranit, pasi presidenti Trump refuzoi të certifikojë angazhimin e Teheranit për marrëveshjen bërthamore.

Irani është një prodhues i rëndësishëm i OPEC dhe nëse sanksionet ndërkombëtare ndaj këtij vendi rikthehen, atëherë tregut mund ti mungojnë rreth 1 milion fuçi në ditë. Pjesa më e madhe e naftës iraniane eksportohet drejt Europës.

ScanTv, 19.10.2017

Çmimet e naftës po qëndrojnë në rritje edhe në sesionin e sotëm, për shkak të rikthimit të primit të riskut në treg, ndërsa përshkallëzimi i luftimeve në Irak kërcënon furnizimin e tregut.

Në anën tjetër, edhe tensioni mes Shteteve të Bashkuara të Amerikës dhe Iranit, ka mbështetur gjithashtu çmimet. Përgjatë këtij muaji, çmimet e naftës janë rritur ndjeshëm, pasi edhe kërkesa është përmirësuar, sidomos nga Kina, që është importuesi më i madh i naftës në botë.

Nafta Brent e Londrës po tregtohet në rreth 57.8 dollarë për fuçi, në rritje me 2.5%, krahasuar me ditën e premte. Ndërsa, nafta Bruto amerikane po tregtohet pranë 51.8 dollarëve për fuçi.

Forcat irakene të sigurisë kanë rimarrë pjesën më të madhe të qytetit, Kirkuk, në përgjigje të referendumit për pavarësi të Kurdistanit. Gjithashtu, ka pasur raportime se, kurdët kanë mbyllur tubacionet për rreth 350 mijë fuçi në ditë.

Analistët shprehen se, rreth 500 mijë fuçi në ditë, që prodhohen në rajonin e Kirkukut, janë në rrezik. Përshkallëzimit të këtij konflikti, i shtohet edhe tensioni politik mes Shteteve të Bashkuara të Amerikës dhe Iranit.

Të premten e kaluar, presidenti amerikan, Donald Trump, refuzoi të certifikojë angazhimin e Iranit në marrëveshjen bërthamore të arritur në vitin 2015, duke i lënë 60 ditë kohë Kongresit, që të vendosë mbi hapat e tjerë që do të ndërmerren ndaj Teheranit zyrtar.

Gjatë periudhës së sanksioneve ndaj Iranit, tregut, sidomos atij europian, i munguan rreth 1 milionë fuçi në ditë.

Scan Tv,  18.10.2017

Çmimet e naftës u ndikuan nga një rënie e inventarëve të sasisë bruto të SHBA dhe shqetësimet e tensionet në Lindjen e Mesme mund të ndikojnë te furnizimet. Çmimi i naftës së papërpunuara Brent LCOc1 ishin në 58.31 dollarë, 0.4 përqind më shumë se më parë dhe gati një e treta mbi nivelet e mesit të vitit.

Revista Monitor,  18.10.2017

Gjatë ditës së sotme, nafta me shumicë në dy portet e vendit shitet me 143.14 lekë për litër, nërënie me 0.23% në krahasim me sesionin e kaluar. Çmimi i pasqyruar është aktual dhe i referohet vetëm ditës së sotme.

Luhatjet në çmimin e shumicës, përveç çmimit me të cilin kuotohet në bursë, vijnë edhe në bazë të kostove të transportit, cilësisë së produktit të zhdoganuar, kursit të këmbimit ndërmjet dollarit dhe lekut, si dhe barrës  shtetërore, që sot fiksohet në rreth 90.9 lekë për litër, ose 67% e çmimit total.

Këto të dhëna i referohen çmimit përfundimtar me të cilin nafta futet në tregun me pakicë, dhe jo çmimit me të cilin shitet në pikat e karburantit.

Scan Tv,  12.10.2017

Çmimet e naftës po qëndrojnë në rritje në sesionin e sotëm, pas deklaratës së OPEC, se tregu po ribalancohet.

Çmimet e naftës janë mbështetur edhe nga mos rifillimi i punës me kapacitet të plotë në rafineritë e Gjirit të Meksikës, për shkak të uraganit Nate.

Nafta Bruto amerikane po tregtohet pranë 50 dollarëve për fuçi, ndërsa nafta Brent e Londrës është ngjitur sërish përmbi 56 dollarë për fuçi. Tregtarët shprehen se, çmimet janë mbështetur nga komentet e Organizatës së Vendeve Prodhuese të Naftës, që deklaroi se, tregu po ribalancohet më shpejt se vlerësimet paraprake.

“Ka shenja të qarta se tregu po ribalancohet”, deklaroi sekretari i përgjithshëm i OPEC, Mohammad Barkindo për Reuters.

“Procesi i uljes së rezervave globale të naftës po vazhdon, ndërsa në anën tjetër, kërkesa po rritet”,shtoi ai. OPEC dhe vendet e tjera prodhuese të naftës janë angazhuar që të ulin prodhimin e naftës me 1.8 milionë fuçi në ditë, deri në mars të vitit të ardhshëm.

Por, në ditët e fundit janë shtuar spekulimet se, kjo marrëveshje mund të shtyhet përtej këtij afati. Ndërkohë, banka JP Morgan shprehet se, tensionet politike, sidomos mes Shteteve të Bashkuara të Amerikës dh Iranit, mund të mbështesin çmimet.

Në terma afatshkurtër, çmimet kanë gjetur një mbështetje edhe nga dëmtimi i prodhimit në Gjirin e Meksikës, për shkak të uraganit Nate. 85% e prodhimit në këtë zonë, ose 1.49 milionë fuçi në ditë, po i mungojë tregut, pasi rafineritë nuk kanë rifilluar punën me kapacitet të plotë.

Scan Tv,  11.10.2017

Në treg është rikthyer sërish shqetësimi për mbifurnizmin e tregut.

Investitorët janë të shqetësuar edhe për stuhinë tropikale, “Nate”, që mund të dëmtojë prodhimin e naftës në Gjirin e Meksikës. Gjithsesi, kjo stuhi pritet të godasë këtë zonë në ditën e hënë.

Nafta Brent e Londrës ka rënë sërish poshtë 57 dollarëve për fuçi, në sesionin e sotëm, ndërsa për të gjithë javën ka humbur rreth 1% të vlerës. Nafta Bruto amerikane po tregtohet pranë 50.3 dollarëve për fuçi, ndërsa gjatë kësaj jave ka rënë me rreth 2%.

Në Gjirin e Meksikës, BP dhe Chevron kanë ndaluar prodhimin në të gjitha platformat, ndërsa Royal Dutch Shell dhe Anadarko Petroleum kanë pezulluar një pjesë të aktivitetit. Exxon Mobil, Statoil dhe prodhuesit e tjerë kanë tërhequr personelin nga kjo zonë.

Mundësitë që OPEC dhe vendet e tjera, me në krye Rusinë, të shtynin marrëveshjen e uljes së prodhimit përtej marsit të vitit të ardhshëm, mbështetën çmimet në sesionin e fundit.

Por, ministri i energjisë i Arabisë Saudite tha se, ishte fleksibël mbi sugjerimin e Rusisë për të shtyrë marrëveshjen për uljen e prodhimit.

Scan Tv,  09.10.2017

Gjatë ditës të sotme, çmimet e naftës janë regjistruar në rritje, duke konfirmuar trendin e sesionit të kaluar. Në këtë rubrikë ju njohim me ndryshimin e çmimit të naftës në tregjet ndërkombëtare dhe ju tregojmë çmimin real me shumicë, me të cilin nafta del sot nga dy portet kryesore të vendit, në varësi të tendencës së çmimeve gjatë ditës së djeshme.

Rritja e çmimeve të naftës në tregjet ndërkombëtare gjatë sesionit të kaluar është reflektuar edhe në tregun vendas gjatë sesionit të sotëm.

Gjatë ditës së sotme, nafta me shumicë në dy portet e vendit shitet me 145.07 lekë për litër, nërritje me 1.05% në krahasim me sesionin e kaluar. Çmimi i pasqyruar është aktual dhe i referohet vetëm ditës së sotme.

Luhatjet në çmimin e shumicës, përveç çmimit me të cilin kuotohet në bursë, vijnë edhe në bazë të kostove të transportit, cilësisë së produktit të zhdoganuar, kursit të këmbimit ndërmjet dollarit dhe lekut, si dhe barrës  shtetërore, që sot fiksohet në rreth 91.1 lekë për litër, ose 67% e çmimit total.

Këto të dhëna i referohen çmimit përfundimtar me të cilin nafta futet në tregun me pakicë, dhe jo çmimit me të cilin shitet në pikat e karburantit.

Scan Tv,  06.10.2017

Edhe mëngjesin e ditës së sotme çmimet e naftës shënuan rënie.

Treguesit referencë për naftën e papërpunuar amerikane, WTI, ranë me 0.75 për qind dheu tregtuan me 50.04 dollarë për fuçi.

Treguesit referencë për naftën e papërpunuar europiane, Brent shënuan humbje dhe u tregtuan me 55.62 dollarë për fuçi.

Revista Monitor,  04.10.2017