info@energjia.al

Dobësimi i dollarit amerikan ndihmoi në rritjen e çmimeve të naftës gjatë mëngjesit të kësaj të enjteje.

Treguesit referencë ëpr naftën e papërpunuar amerikane, WTI, avancuan me 24 cent dhe u tregtuan me 44.98 dollarë për fuçi.

Treguesit referencë për naftën e papërpunuar europiane, Brent, avancuan me 22 cent dhe u tregtuan me 47.53 dollarë për fuçi.

Edhe indeksi i çmimeve të arit u rrit me 0.3 për qind gjatë ditës së sotme dhe u tregtua me 1.252.50 dollarë për onz.

Revista Monitor,  29.06.2017

Çmimet e naftës përmbysën trendin e sesioneve të kaluara gjatë së mërkurës, duke i dhënë fund 4 ditëve me radhë në rritje.

Në trajektoren e çmimeve gjatë ditës së sotme ka pasur ndikim një raport i fundit që vjen nga shtetet e bashkuara të Amerikës, e që flet për një rritje të mëtejshme të prodhimit të naftës në vend.

Në çelje të sesionit të sotëm, nafta Brent e Londrës kuotohej pranë nivelit të 46.59 dollarëve për fuçi, ndërsa ajo bruto amerikane pranë 44.09 dollarëve për fuçi.

Gjatë javës së kaluar, të dy benmchmarkët kryesorë kanë rifituar ndjeshëm terren, rreth 2 dollarë.

Të dhënat e fundit që vijojnë nga tregu fizik tregojnë se, mbingarkesa që zgjat prej tre vitesh është shumë larg eliminimit. OPEC është e paaftë të ngushtojë hendekun kërkesë-ofertë.

Scan Tv,  27.06.2017

Çmimet e naftës së papërpunuar shënuan rënie mëngjesin e ditës së sotme.

Treguesit e naftës së papërpunuar europiane, Brent, ranë me 6 cent ose me 0.1 për qind dhe u tregtuan me 46.59 dollarë për fuçi.

Treguesit e naftës së papërpunuar amerikane, WTI, ranë me 15 cent ose me 0.3 për qind dhe u tregtuan me 44.09 dollarë për fuçi.

Revista Monitor,  28.06.2017

Çmimet e naftës u regjistruan në rritje për të katërtin sesion me radhë gjatë së Martës, falë ripozicionimeve afat-shkurtër të investitorëve, pavarësisht se shqetësimet që lidhen me mbingarkesën në treg vijojnë.

Në çelje të sesionit të sotëm, nafta Brent e Londrës kuotohej pranë nivelit të 46.18 dollarëve për fuçi, ndërsa ajo bruto amerikane pranë 43.68 dollarëve për fuçi.

Ekspertët shprehen se, çmimet me shumë gjasa do ti rikthehen trajektores rënëse përgjatë ditëve në vijim. Përpjekjet e OPEC për të balancuar tregun nëpërmjet shkurtimit të prodhimit po rezultojnë të kota, ndërkohë që shtetet e bashkuara vijojnë të prodhojnë me ritme rekord.

Scan Tv,  27.06.2017

Çmimet e naftës së papërpunuar shënuan rritje mëngjesin e ditës së sotme.

Treguesit referencë për naftën e papërpunuar amerikane, WTI, u rritën me 30 cent ose me 0.7 për qind dhe u tregtuan me 43.68 dollarë për fuçi.

Treguesit referencë për naftën e papërpunuar europiane, Brent, u rritën me 35 cent ose me 0.7 për qind dhe u tregtuan me 46.18 dollarë për fuçi.

Revista Monitor,  27.06.2017

Çmimet e naftës u regjistruan në rritje për të tretin sesion me radhë gjatë së Hënës, pasi investitorët po ripozicionohen pas humbjeve të javës së kaluar, kur çmimet prekën nivelin më të ulët në 7 muaj.

Në Shtetet e Bashkuara ndërkohë raportohet për një numër rekord pusesh aktive të naftës.

Pavarësisht kësaj, tregjet amerikane besojnë se çmimet do të vijojnë në trajektoren rritëse. Nafta bruto amerikan është ngjitur me 10% që prej vitit të kaluar kur u prekën nivelet rekord minimale.

Në çelje të sesionit të sotëm, nafta Brent e Londrës kuotohej pranë nivelit të 46.02 dollarëve për fuçi, ndërsa ajo bruto amerikane pranë 43.48 dollarëve për fuçi.

Ekspertët argumentojnë se, nga OPEC nuk kanë çfarë të presin më, pasi gjasat për shkurtime të mëtejshme janë thuajse zero.

Ecuria e çmimeve do të varet tërësisht nga tregu fizik, pavarësisht se, spekulimet do të vijojnë të kenë ndikim në trajektoren e dy benchmarkëve kryesorë.

Scan Tv,  26.06.2017

Çmimet e naftës thelluan humbjet gjatë sesionit të sotëm, ndërkohë që të dy benchamrkët duket se po i drejtohen niveleve të reja rekord minimale.

Në çelje të sesionit të sotëm, nafta brent e Londrës kuotohej pranë nivelit të 44.67 dollarëve për fuçi, ndërsa ajo bruto amerikane pranë 42.39 dollarëve për fuçi.

Gjatë sesionit të djeshëm, të dy benchamrkët ranë më shumë se 2.5%. Ky është niveli më i ulët që prej gushtit të vitit 2016.

Çmimet kanë rënë me 20% që prej muajit shkurt të këtij viti. Gjatë muajve të kaluar investitorët i dhanë besim OPEC dhe strategjisë së saj për të nxitur tregun.

Tashmë kjo shpresë është venitur dhe investitorët i janë rikthyer tregut fizik. Mbingarkesa vijon të mbetet e thellë, ndërkohë që kërkesa vijon të tkurret.

Scan Tv,  24.06.2017

Çmimet e naftës u regjistruan në rritje minimale gjatë sesionit të fundit të javës. Pavarësisht kësaj, nafta është drejt 6 mujorit më të dobët në 20 vite. Kjo performancë vjen pavarësisht se OPEC vendosi të shtyjë në kohë strategjinë e shkurtimit të prodhimit.

Në çelje të sesionit të sotëm, nafta brent e Londrës kuotohej pranë nivelit të 45.33 dollarëve për fuçi, ndërsa ajo bruto amerikane pranë 42.83 dollarëve për fuçi. Stabilizimi i çmimeve gjatë sesionit të sotëm, vjen kryesisht si pasojë e ripozicionimit të investitorëve, në fund të një jave ku çmimet kanë rënë ndjeshëm.

Gjatë këtij viti, çmimet kanë rënë me 20%, që është performanca më e keqe që prej vitit 1997.

Scan Tv,  23.06.2017

Çmimi i naftës së papërpunuar ka mbetur poshtë nivelit të 45 dollarëve për fuçi, ndërsa investitorët po humbasin besimin në aftësinë e OPEC-ut për të balancuar ofertën…

Sipas Global Petrol Price, Shqipëria është  e 25-ta në botë për çmimin më të shtrenjtë për litër  në botë. Çmimin më të lartë të arit të zi e kanë vendet e Europës Perëndimore, ndërsa më të ulëtin vendet prodhuese. Sipas operatorëve të tregut në Shqipëri,  barra e lartë e taksave, sidomos në raport me rajonin, është arsyeja kryesore pse shqiptarët e paguajnë më shtrenjtë naftën.

Çmimet e naftës kanë rënë më shumë se 20% që nga fillimi i vitit, me tendencë për të kapur nivelin më të ulët që nga 1997. Nafta ra nën nivelin e 45 dollarëve për herë të parë gjatë këtij viti, këtë të mërkurë.

Kërkesa është nxitur që nga fundi i majit, kur OPEC-u vendosi të zgjasë marrëveshjen me Rusinë dhe të tjerë prodhues për të shkurtuar ofertën deri në 1.8 milionë fuçi në ditë.

Ndërsa prodhuesit amerikanë të shistit argjilor kanë rritur shkallën e shpimeve për të treguar se mund të konkurrojnë në një botë me naftë nën 50 dollarë për fuçi.

Shumë tregtarë besojnë se rënia e çmimeve do të frenohet vetëm kur shpuesit amerikanë të jenë të detyruar të ngadalësojnë planet e tyre për zgjerim ose drejtuesit e OPEC-ut të bien dakord për shkurtime edhe më të mëdha.

Nafta e papërpunuar, këtë të enjte tregtohej 0.2 pikë për qind më lirë se një ditë më parë, në nivelin e 44.73 dollarëve për fuçi.

Inventarët e naftës janë shtuar aq shumë në këtë trevjeçar, e cila u nxit prej përpjekjeve të Arabisë Saudite për të penguar rritjen e pjesës së tregut nga rivalët amerikanë.

Reviata Monitor,  23.06.2017

Çmimet e naftës së papërpunuar shënuan rritje mëngjesin e ditës së sotme.

Treguesit referencë për naftën e papërpunuar amerikane, WTI, u rritën me 6 cent dhe u tregtuan me 42.59 dollarë për fuçi, duke lënë pas nivelin e tyre më të ulët që shënuan ditën e djeshme.

Treguesit referencë për naftën e papërpunuar europiane, Brent, u rritën me 4 cent dhe u tregtuan me 44.86 dollarë për fuçi, duke lënë pas rënien e tyre prej 2.6 për qind në sesionin e kalaur, njëkohësisht edhe rënia e tyre më e lartë që prej nëntorit të 2016.

Indeksi i çmimeve të arit u rrit me 0.5 për qind dhe u tregtua me 1.252.80 dollarë për onz.

Revista Monitor,  23.06.2017