info@energjia.al

Gjatë sesionit të sotëm, çmimet e naftës janë regjistruar në rritje prej të paktën 1.5% që ën oprët e para, duke prekur kështu nivelin më të lartë që prej mesit të vitit 2015.

Në këtë rubrikë ju njohim me ndryshimin e çmimit të naftës në tregjet ndërkombëtare dhe ju tregojmë çmimin real me shumicë, me të cilin nafta del sot nga dy portet kryesore të vendit, në varësi të tendencës së çmimeve gjatë ditës së djeshme. Rritjae çmimeve të naftës në tregjet ndërkombëtare gjatë sesionit të kaluar është reflektuar edhe në tregun vendas gjatë sesionit të sotëm.

Gjatë ditës së sotme, nafta me shumicë në dy portet e vendit shitet me 148.52 lekë për litër, në rritje me 0.55% në krahasim me sesionin e kaluar. Çmimi i pasqyruar është aktual dhe i referohet vetëm ditës së sotme.

Luhatjet në çmimin e shumicës, përveç çmimit me të cilin kuotohet në bursë, vijnë edhe në bazë të kostove të transportit, cilësisë së produktit të zhdoganuar, kursit të këmbimit ndërmjet dollarit dhe lekut, si dhe barrës  shtetërore, që sot fiksohet në rreth 91.8 lekë për litër.

Këto të dhëna i referohen çmimit përfundimtar me të cilin nafta hyn në tregun me pakicë, dhe jo çmimit me të cilin shitet në pikat e karburantit.

Scan Tv,  12.12.2017

Çmimet e naftës e kanë filluar në qëndrueshmëri sesionin e parë të kësaj jave, pasi ulja  prodhimit nga OPEC po balancohet nga rritja  e aktivitetit të shpim-kërkimit në SHBA, që pritet të rrisë më tej prodhimin amerikan.

Nafta Bruto amerikane po tregtohet në rreth 57.15 dollarë për fuçi, ndërsa nafta Brent e Londrës po tregtohet në rreth 63.3 dollarë për fuçi. që nga niveli minimal i vitit 2017, çmimet e naftës janë rritur me rreth 1/3 për shkak të vendimit të OPEC dhe vendeve të tjera prodhuese, për të ulur prodhimin me 1.8 milionë fuçi në ditë, deri në fund të 2018.

Por, analistët shprehen këto përpjekje po dëmtohen nga rritja e prodhimit në SHBA, që nuk është pjesë e kësaj marrëveshjeje. Për këtë arsye, shqetësimi më i madh për investitorët është pikërisht rritja  prodhimit amerikan, që me shumë mundësi mund të sjellë paqartësi dhe paqëndrueshmëri në treg. Numri i puseve aktive në SHBA u rrit me 2 njësi, gjatë javës që u mbyll më 8 dhjetor, në totalin e 751 puseve.

Që nga mesi i vitit 2016, prodhimi në SHBA është rritur me 15%, në totalin e 9.71 milionë fuçive në ditë. Ky është niveli më i lartë që nga vitet 1970 dhe pranë prodhuesve më të mëdhenj në botë, Arabisë Saudite dhe Rusisë. Një shqetësim tjetër për tregjet është fakti se, disa vende anëtare të OPEC mund të rrisin prodhimin në mënyrë vullnetare.

Scan Tv,  11.12.2017

Çmimet e naftës shënuan rënie mëgjesin e ditës së sotme.

Treguesit referencë për naftën e papërpunuar amerikane, WTI, ranë me 0.4 për qind ose me 22 cent. Ato u tregtuan 57.14 dollarë për fuçi.

Treguesit referencë për naftën e papërpunuar europiane, Brent, ranë me 25 cent ose me 0.4 për qind, duke u tregtuar me 63.15 dollarë për fuçi.

Revista Monitor,  11.12.2017

Çmimet e naftës së papërpunuar shënuan rritje mëngjesin e ditës së sotme, duke lënë pas kështu nivelin e tyre të ulët të shënuar disa ditë më parë.

Treguesit referencë për naftën e papërpunuar amerikane, WTIu rritën me 0.3 për qind dhe u tregtuan me 56.14 dollarë për fuçi, por gjithsesi jo shumë larg nivelit të tyre të ulët prej 55.87 dollarë për fuçi.

Treguesit referencë për naftën e papërpnuar europiane, Brent, u rritën me 0.3 për qind dhe u tregtuan me 61.42 dollarë për fuçi.

Revista Monitor,  09.12.2017

Çmimet e naftës shënuan rënie mëngjesin e ditës së sotme.

Treguesit referencë për naftën e papërpunuar amerikane shënuan rënie edhe mëngjesin e kësaj të mërkure. Ata ranë me 22 cent dhe u tregtuan me 57.50 dollarë për fuçi.

Treguesit referencë për naftën e papërpunuar europiane, Brent, ranë me 6 cent dhe u tregtuan me 62.80 dollarë për fuçi.

Revista Monitor,  06.12.2017

Çmimet e naftës shënuan rënie mëngjesin e ditës së sotme.

Treguesit referencë për naftën e papërpunuar europiane, Brent, ranë me 25 cent ose me 0.4 për qind, duke u tregutar me 62.20 dollarë për fuçi.

Treguesit referencë për naftën e papërpunuar amerikane, WTI, ranë me 20 cent ose me 0.4 për qind dhe u tregtuan me 57.27 dollarë për fuçi.

Revista Monitor,  05.12.2017

Çmimet e naftës i janë rikthyer fitimeve në sesionin e sotëm, pas tre sesionesh me ndryshime minimale, për shkak se investitorët janë të bindur se, OPEC dhe vendet e tjera që nuk janë pjesë e organizatës do të bien dakord, më vonë gjatë ditës, të shtyjnë marrëveshjen për uljen e prodhimit deri në fund të vitit 2018.

Lajmi është bërë i ditur nga 4 burime të ndryshme brenda OPEC, ndërsa grupi po përpiqet të ulë rezervat globale të naftës dhe të shmangë një rënie drastike të çmimeve. Marrëveshja aktuale e prodhuesve të naftës, që ka ulur deri më tani prodhimin me 1.8 milionë fuçi në ditë, skadon në mars të 2018. “Marrëveshja do të shtyhet me 9 muaj”, deklaroi një delegat i OPEC.

Ndërsa një burim tjetër deklaroi për Reuters se, “nuk ka asnjë surprizë, të gjitha vendet janë dakord të një shtyrje me 9 muaj”. Me çmimet e naftës që gjenden pranë 60 dollarëve për fuçi, Rusia ka shprehur shqetësimet se, kjo do të rrisë prodhimin e naftës argjilore në Shtetet e Bashkuara të Amerikës, që nuk është pjesë e marrëveshjes. Rusia ka nevojë për çmime më të ulëta të naftës, për të balancuar buxhetin e saj, krahasuar me Arabinë Saudite, që ka një varësi më të madhe nga nafta.

Për këtë arsye, Arabia Saudite po përgatitet për të listuar në bursë kompaninë shtetërore, Aramco, gjatë vitit 2018. Tashmë, analistët mendojnë se, nafta Brent e Londrës mund të drejtohet në rreth 70 dollarë për fuçi.

Scan Tv,  01.12.2017

Çmimet e naftës shënuan rritje mëngjesin e ditës së sotme.

Treguesit referencë për naftën e papërpunuar amerikane, WTI, u rritën me 0.2 për qind dhe u tregtuan me 57.41 dollarë për fuçi.

Treguesit referencë për anftën e papërpunuar europiane, Brent, u rritën me 0.4 për qind dhe u tregtuan me 63.37 dollarë për fuçi.

Revista Monitor,  30.11.2017

Çmimet e naftës shënuan rënie mëngjesin e ditës së sotme.

Treguesit referencë për naftën e papërpunuar amerikane, WTI, ranë me 48 cent ose me 0.8 për qind dhe u tregtuan me 58.47 dollarë për fuçi.

Treguesit referencë për naftën e papërpunuar europiane, Brent, ranë me 21 cent ose me 0.3 për qind dhe u tregtuan me 63.68 dollarë për fuçi.

Revista Monitor,  27.11.2017

Çmimet e naftës janë ngjitur sërish në nivelin më të lartë në 2 vitet e fundit, për shkak të mbylljes së tubacionit Keystone, që lidh fushat naftëmbajtëse kanadeze me Shtetet e Bashkuara të Amerikës. Gjithsesi, në treg po ndikon edhe tregtia e pjesshme në Shtetet e Bashkuara të Amerikës, për shkak të se Premtes së Zezë.

Nafta Bruto amerikane po tregtohet në rreth 58.5 dollarë për fuçi, niveli më i lartë që nga korriku i vitit 2015. Aktiviteti tregtar ka qenë i ulët përgjatë sesionit të fundit të kësaj jave, për shkak të Ditës së Falënderimeve në SHBA.

Ndërkohë, nafta Brent e Londrës po tregtohet në rreth 63.6 dollarë për fuçi, ndërsa gjatë tregtisë aziatike pjesën më të madhe të sesionit qëndroi në territor negativ. Sipas analistëve, mbyllja e tubacionit Keystone po mbështet naftën Bruto amerikane, duke rritur edhe kontratat “futures” të muajit janar.

Çmimet po gjejnë një mbështetje të vazhdueshme edhe nga vendimi i OPEC për të ulur prodhimin me 1.8 milionë fuçi në ditë, nga janari i këtij viti deri në mars të vitit të ardhshëm. OPEC do të takohet më 30 nëntor dhe parashikohet një shtyrje e kësaj marrëveshjeje. Por, Rusia ka dërguar mesazhe, se mund të jetë kundër shtyrjes, por do të kërkojë një strategji të daljes.

Scan Tv,  25.11.2017