info@energjia.al

Dy persona janë arrestuar nga policia e Tiranës pasi kanë vjedhur energjinë elektrike.

Policia bën me dije se në pranga ranë 31 vjecari me inicialet Y.K dhe K.T.

Arrestimi i tyre u bë pasi në banesën e tyre janë konstatuar lidhje të paligjshme të energjisë elektrike .

Në një njoftim të uniformave blu thuhet :

“Më datë 10.07.2017,shërbimet e policisë kanë arrestuar në flagrancë për veprën penale të” Vjedhjes së Energjisë elektrike ” shtetasit: – K. T. dhe Y. K., 31vjeç, banues në Tiranë”.“Arrestimi i këtyre shtetasve u bë pasi në banesë janë konstatuar ngapunonjësit e OSHEE lidhje të paligjshme të energjisë elektrike.Vazhdon puna për goditjen e paligjshmërisë dhe vënien para përgjegjësisë të autorëve të veprave penale”, vijon më tej njoftimi i Policisë.

Shqiptarja.com  11.07.2017

Një bombol gazi shpërtheu rreth orës 21:30 të së djelës në një apartament pranë zonës së fizikës bërthamore në Tiranë, por fatmirësisht pa shkaktuar viktima.

Forcat zjarrfikëse, si dhe patrulla të policisë rrethuan vendngjarjen dhe bënë të mundur evakuimin e personave që ishin në vijën e rrezikut. Sipas të dhënave të policisë, bombola e gazit ishte e vendosur në ballkonin e shtëpisë dhe prej aty ka marrë flakë, duke rrezikuar familjarët.

Sikurse shihet edhe nga këto pamje, banorët kanë qenë në panik për minuta të tëra dhe shumë prej tyre kanë dalë në rrugë nga frika e një rreziku më të madh.

Ende nuk dihet, nëse bombola e gazit ka pësuar defekt, apo mund të ketë qenë ndonjë pakujdesi e të zotëve të shtëpisë.

Top Channel,  19.06.2017

Operatori i Shpërndarjes së Energjisë Elektrike njofton se për arsye të investimeve do të mbetet pa energji një pjesë e zonës së Liqenit të Thatë nga ora 10:30 deri në 14:00.

OSHEE njofton banorët e zonës që të marrin masat për pjesën e ditës që do të mbeten pa energji elektrike.

Në pjesën e rrjetit te zona e Liqenit të Thatë janë duke u kryer disa investime nga OSHEE.

Shqiptarja.com  11.04.2017

Për shkak të punimeve që po kryhen në disa nënstacione, OSHEE ka njoftuar se do të ketë ndërprerje të energjisë elektrike në Tiranë.

Përmes një njoftimi Operatori i Shpërndarjes së Energjisë Elektrike, OSHEE, njofton se për shkak të punimeve të planifikuara më datën 24 mars, në nënstacionin “Traktora”, do të ketë ndërprerje të energjisë elektrike nga ora 00:00 deri në orën 05:00. Për pasojë do të mbeten pa energji elektrike këto zona:

“Rruga “Ali Demi”, rruga “Hasan Sufa”, zona pranë ish Ndërtim Miniera, rruga “Gani Domi” , pallatet pranë Maternitetit të Ri, zona pranë spitalit Iranian, rruga “Qemal Stafa”, rruga “Sadik Petrela”, rruga “Telendini”, rruga “Ali Baushi”, rruga “Ramiz Treni”, rruga “Alibal Basha”, rruga “Ali Demi”, rruga “Shemsi Haka”, rruga “Mihal Grameno”, rruga “Petro Nini Luarasi”, rruga “Mustafa Lleshi”, rruga “Qamil Guranjaku”, zona pranë ish Artistikes, zona pranë Xhamisë Xhura, rruga “Aleksandër Moisiu”, rruga “Bajram Curri”, rruga “Vangjel Capo”, Fresku, zona e Teleferikut, rruga “Idriz Dollaku”, rruga “Sali Nivica”, rruga “Zonja Curre”, rruga “Shyqyri Ishmi”, rruga “Fatmir Haxhiu”, rruga “Mustafa Matohiti”, rruga “Lek Dukagjini”, rruga “Ismail Qemali”, pallatet përballe Fushës së Sportit “Ali Demi”, rruga “Hodo Beg”, zona pranë ATSH, rruga “Xhorxh Bush”, rruga “Xhorxh Martin”, rruga “Murat Toptani”, Privat/ Albace Shoes, Privat / Chatolinza.”,thuhet në njoftim

Ndërkohë po sot për shkak të punimeve që po kryhen në linjën 35kv L30-32 Shkozet – Durrës, janë pa energji elektrike disa zona në Durrës si: Fshatit Rinia, Bishti i Pallës, zona e Spitallës, zona e ish-Kënetës, zona e Nish Kimikes (Durrës), zona e Burgut, Peshkimi, Pastrimi Detar, Reparti 30-20, Fabrika e Kartonit, Hidrovoret.

Scan Tv,  21.03.2017

Zona përreth Stadiumit Qemal Stafa mbeti për orë të tëra pa furnizim me energji elektrike gjatë pasdites së djeshme.

Ndërprerja nisi rreth orës 14. Burime zyrtare pranë OSHEE thanë se shkak i ndërprerjes u bë një defekt tek fakulteti i Gjeologji Minierave, i shkaktuar nga Ndërmarrja e Bashkisë që kryente punime në zonë.

OSHEE tha gjithashtu se riparimi i defektit do të zgjaste rreth tre orë, duke bërë që furnizimi i zonës me energji të bëhet i mundur vetëm rreth orës 20:00 të mbrëmjes.

Shqiptarja.com  17.03.2017

OSHEE njofton ndërprerjen e energjisë elektrike në disa zona të kryeqytetit.

Në kuadër të investimeve në modernizimin e kabinave, sipas grafikut, sot datë 14 shkurt, do punohet në 6 kabina, gjatë intervalit të kohës 09.30 – 15.30

Zonat që preken nga stakimi i energjisë për qëllim të këtyre punimeve, sipas kabinës, janë:

1. Kabina “Grigor Heba 3″
Pjeserisht rruga “Grigor Heb”

2. Kabinat “Materniteti i Vjeter” dhe “Petal”.
Zona pa energji, “Bulevardi Zogu 1″ pjeserish, prane Maternitetit te Vjeter dhe rruga “Medar Shtylla” pjeserisht.

3. Kabina “Tekno Projekt”.
Zona pa energji, prane Zogut te Zi pjeserisht.

4. Kabina “Qemal Stafa 1″ .
Zona pa energji, rruga “Qemal Stafa”,

5. Kabina “Izraeli 4″
Zona pa energji, prane Fushes se Aviacionit, pjeserisht.

Shqiptarja.com  14.02.2017

Bashkia e Tiranës në bashkëpunim me Bankën Europiane për Rindërtim dhe Zhvillim, kanë nisur planin e veprimit për ta shndërruar kryeqytetin shqiptar në një qytet të gjelbër, ndryshe nga sa jemi mësuar ta shohim deri tani, ku hapësirat jeshile janë të limituara.

BERZH ka si synim që pjesa më e madhe e projekteve të financuara të përqendrohen në këtë drejtim, për të mundësuar një qytet më të gjelbër.

“Jeshilja duhet të jetë gjithnjë e më e rëndësishme për Shqipërinë, pasi bujqësia është një ndër shtyllat kryesore për rritjen ekonomike. Shqipëria duhet ta shfrytëzojë jeshilen për një ekonomi të qëndrueshme dhe konkurrencë në rajon. Kemi investuar 240 milion euro për projekte në Shqipëri dhe 80 për qind e tyre kanë qenë projekte jeshile. Presim që ky plan veprimi të çojë në masa konkrete që do të thithin investime substanciale. Ne do të marrim rolin udhëheqës për këto investime bashkë me banka dhe donatorë të tjerë”, deklaroi Mateo Colangeli, përfaqësues i BERZH.

Nga ana e tij, Kryebashkiaku Erion Veliaj theksoi se Tirana po ecën në këtë drejtim, pasi tashmë ka një plan të qartë vendor dhe janë marrë vendime që kanë si qëllim rritjen e sipërfaqeve të gjelbërta siç është edhe vendimi për kufizimin e ndërtimeve pa kriter.

Veliaj kërkoi ndihmë nga konsulentët që ky plan të përkthehet në projekte të implementueshme. Veliaj njoftoi gjithashtu që do të hapet diskutimi për ligjin  e financave vendore në mënyrë që Bashkitë të kenë më shumë akses në fonde dhe kreditim.

Scan Tv,  09.02.2017

Operatori i Shpërndarjes së Energjisë Elektrike, OSHEE, njofton se për shkak të punimeve që po kryhen në rrjetin elektrik të Tiranës, do të ketë kufizime energjie gjatë intervalit kohor 09.00 – 13.00.

Punimet po kryhen në kuadër të investimeve të nisura për fuqizimin e rrjetit elektrik.

Sipas OSHEE-së, pa energji do të jetë zona mes Bulevardit “B.Curri” dhe rrugës së Kavajës, pranë pallatit me shigjeta.

Shqiptarja.com  28.01.2017

OSHEE përmes një njoftimi për mediat ka bërë me dije se disa zona në kryeqytet janë pa energji elektrike, pasi ”nënstacioni i Karbit është jashtë pune pasi është dëmtuar transformatori i fuqisë”.

Zonat pa energji elektrike janë, Rr Siri Kodra (pjeswrisht), Rr Dibrë pjesërisht, Uzina Dinamo e Vjetër, Magazinat e Tregtisë OMT, Zona e Babrrusë Privat Ajka, Rr Riza Cerova.

OSHEE bën gjithashtu me dije se tek pallati me shigjeta, për shkak të dëmtimit të kabllit 2 kate të pallatit janë pa energji elektrike. OSHEE njofton se po punon për riparimin e defektit dhe rikthimin e energjisë elektrike.

Shqiptarja.com  23.01.2017

Operatori i Shpërndarjes së Energjisë Elektrike njofton se për shkak të punimeve që po kryhen në rrjetin energjetik të Tiranës, për fuqizimin e n/stacionit Selitë dhe garantimin e furnizimit me energji për festat e fundvitit,  gjatë ditës së sotme nga ora 10.00-14.00 do të stakohet energjia në n/stacionin Selitë.

Bëhet fjalë për vënien në eficencë të tre fiderave të rinj 20 kv.

Gjatë këtij intervali kohor do të ketë kufizime energjie në këto zona: Rruga Kongresi i Lushnjës, rr. Ndre Mjeda, Rr Frosina Plaku, Rr Ylbere Bylykbashi, Rr Frederik Shiroka, Hotel Mondial, Rr Bab Rexha, Fabrika Mjellit (Pjeserisht), Shkolla Industriale, Sport Klub “Partizani”.

energjia.al  27.12.2016