info@energjia.al

Sot nga ora 09.00-12.00 një pjesë e kryeqytetit do të jetë pa energji. OSHEE njofton qytetarët se nesër do të jenë pa energji disa zona për shkak se do të ndërhyhet në linjën 35kV L30-2 Sharre 220kV – Tec Kombinat. Ndërhyrja, sipas OSHEE do të bëhet për të parandaluar problemet e shpeshta, sidomos gjatë dimrit.

Zona qe mbeten pa energji ne Tirane / Ndroq, Pinet, Barzez, Zhurije, Peze e Madhe, Stacion Pompash, Vodafon Gro, Peze e Vogel, Peze Helmas, Zona Kashar (pjeserisht), Yrshek, Fushe Mezez, Ish Rruga Ura,

Zona prane Bregut te lumit, Laknas, Zona e Fushe Misto Mames, Sharre, Zona prane Kmy (pjeserisht), 3 Heronjte, Privat(Algrec), Yzberisht, Vaqarr, Kasalle, Vishaj, Damjan, Prush, Parafabrikatet, Qyteti Kombinat, Rr. Qelqit, Fabrika e Duhanit.

Shqiptarja.com  31.10.2017

-OSHEE, ka njoftuar nëpërmjet mediave se për shkak të punimeve që do të bëhen në nënstacionin Traktora, sot do të ketë ndërprerje nga ora 09.00-16.00.

Zonat që do të mbeten pa energji elektrike janë: Shkozë pjesërisht, Kodra e Kokonozeve pjesërisht, zona rreth Qytetit Studenti, Farkë, Porcelani pjesërisht, rruga Pasho Hysi pjesërisht, Kryegjyshata pjesërisht.

Kufizime të energjisë elektrike  do të kenë edhe zonat: Arkivi, Instrumentali, Reparti 8802, Poligrafiku, zona Uzina Traktorit, Kodra e Priftit pjesërisht, furnizim dytesor per Antenat e Televizioneve ne Dajt, Vilat Qeveritare ne Dajt, furnizim dytësor Televizioni News 24, zona prane Depos se Ujit , Garda, rruga Todi Shkurti pjesërisht, furnizim dytësor Burgu 325.

Shqiptarja.com  30.10.2017

Ditën e enjte ka nisur testimi i autobusëve elektrikë në qytetin e Tiranës. Ashtu siç ishte lajmëruar nga Bashkia më herë, do të zhvillohet një fazë prove me disa autobusë , për të parë se si përgjigjen me parametrat e rrugëve të Tiranës, të motit, të temperaturës dhe të distancave të linjave të ndryshme.

Në rast se prova do të kalojë me sukses dhe autobusi rezulton eficient, Kryetari i Bashkisë Erion Veliaj është shprehur se do të bëhen edhe porositë për këto mjete “për t’u siguruar që Tirana është avangardë në Evropën Juglindore, kur vjen puna edhe tek cilësia e transportit, por sigurisht edhe tek infrastruktura që na mundëson transporti”.

Modeli i autobusit që do të testohet i takon markës polake Solaris, raporton portali ekonomik SCAN.  Ai quhet Urbino electric, motori qendror ka fuqi prej 160 kw dhe është në gjendje të operojë deri në 24 orë pa ndërprerje, në varësi të kapaciteti të baterisë dhe sistemit të karikimit. Kapaciteti i pasagjerëve ulur është 37 njerëz dhe vetë kompania e këshillon për përdorim në qendrat urbane.

Në faqen zyrtare nuk është përcaktuar çmimi, por në varësi të parametrave të zgjedhur, ai mund të kushtojë deri në 70 mijë euro për njësi.

Scan TV,  26.10.2017

Në disa zona në kryeqytet, gjatë ditës së nesërme pritet të ketë ndërprerje të energjisë elektrike si pasojë e punimeve për ndërtimin e fiderit të ri 336.

Në një njoftim të OSHEE thuhet se gjatë ditë së nesërme, përgjatë orës 09:00 – 14:00 do të ketë ndërprerje të energjisë elektrike në rrugën “Artan Lenja”, pranë ish Parkut 21 Dhjetori, tek Fusha e Aviacionit.

“Për shkak të punimeve për ndërtimin e fiderit të ri 336, ku parashikohet të vendosen kabina dhe linja të reja 20 kV, nesër më datë  29 shtator, nga ora 09:00-14:00 do të ketë kufizime të energjisë në rrugën “Artan Lenja”, pranë ish Parkut 21 Dhjetori, tek Fusha e Aviacionit”, thuhet në njoftim.

Scan Tv,  29.09.2017

Së shpejti pritet të nisë testimi i autobusëve elektrikë, ku pritet të testohen edhe frekuencat në stacione.

Kështu është shprehur gjatë mbledhjes së Këshillit Bashkiak, kryebashkiaku Erion Veliaj, ku ndër të tjera u shpreh se pasi të jetë kryer eksperimentimi për këto mjete të transportit publik do t’i propozohet këshillit bashkiak, ku sipas tij edhe në këtë projekt nuk do të lihen jashtë edhe operatorët privatë.

Në fjalën e tij kryebashkiaku foli edhe për punën që pritet të nisë me ndërtimin e dy terminaleve të reja në Kryeqytet

“Për pak javë do të fillojmë testimet për autobusët elektrikë. Do testohen për frekuencën nëpër stacione, pasi t’i kemi eksperimentuar do t’i propozojmë në Këshill për t’i kthyer në një shërbim publik dhe mund të negociojmë edhe me operatorët privatë  Së shpejti do të fillojmë punën për dy terminalet e Transportit në Tiranë”, tha Veliaj.

Scan Tv,  28.09.2017

Kryebashkiaku Erion Veliaj, në “Ditën pa makina”, deklaroi se shumë shpejt do të nisin testimet e autobusëve elektrikë.

“Do të marrim vendime që kanë të bëjnë me transportin. Policia Bashkiake do të kalojë gjithmonë e më shumë në transport me biçikleta. Në Tiranë, 200 000 makina ndosin jashtëzakonisht shumë, edhe pse nuk e shohim këtë ndotje. Do të nisim shpejt testet e autobusëve elektrikë. Karburantet do të zëvendësohen me elektricitetin. Kompanitë e transportit të investojnë në autobusë elektrikë ose ua merr bashkia punën, siç mori pastrimin”, tha Veliaj.

Kryebashkiaku premtoi edhe se do të shtohen hapësirat pedonale në kryeqytet.

Top Channel,  22.09.2017

Disa zona në Tiranë nesër do të jenë pa energji elektrike për shkak të punimeve që po kryhen nga Operatori i Shpërndarjes së Energjisë Elektrike.

Nga ora 09:00 deri në orën 15:00 do të ketë kufizim të energjisë Shtëpia e Pritjes tek Presidenca dhe disa ambiente afër saj si dhe rruga “Dëshmorët e 4 Shkurtit” në zonën e ish-Bllokut.

“Operatori i Shpërndarjes së Energjisë Elektrike, OSHEE, njofton se për shkak të punimeve që po kryhen për instalimin e rrjetit 20 kv në kabina, në datë 20 shtator, ora 09:00-15:00 do të ketë kufizim të energjisë Shtëpia e Pritjes tek Presidenca dhe disa ambiente afër saj si dhe rruga “Dëshmorët e 4 Shkurtit”, pjesërisht’, thuhet në njoftimin e OSHEE.

Shqiptarja.com  20.09.2017

Bashkia e Tiranës kërkon të japë shembullin në ekologjizimin e flotës së automjeteve në kryeqytet, duke blerë 6 automjete elektrike.

Në procedurën e hapur ditën e premte për blerjen e disa mjeteve të transportit për nevojat e Bashkisë, krahas 1 mikrobuzi, 2 karotrecash dhe 2 kamionçinash Pick-Up, preventivi përfshin edhe 5 autovetura elektrike dhe 1 autoveturë elektrike hibride, e cila funksion edhe me benzinë.

Krahas 6 autoveturave elektrike, tenderi përfshin edhe blerjen e një karikuesi fast-charger për këto lloje automjetesh, për një fond limit prej mbi 48 milionë lekësh.

Pjesa më e madhe e këtij fondi duket se do të shkojë pikërisht për blerjen e automjeteve elektrike të prodhuara 2 vitet e fundit me kilometrazh zero. Sipas specifikimeve për automjetet elektrike, kërkohet që bateria të ketë një kapacitet minimal prej 55 KWh dhe modelet më të lira me këto parametra nisin nga 37 mijë dollarë, deri në mbi 100 mijë dollarë për modelet më të kushtueshme Tesla.

Por pavarësisht avantazheve ekologjike, problemi më i madh me autoveturat elektrike mbetet distanca që mund të përshkojnë. Nëse këto automjete do të jenë të karikuara plotësisht, distanca maksimale do të jetë 300 kilometra, e cila është e mjaftueshme për të shkuar nga Tirana në skajet e Shqipërisë.

Nuk dihet nëse stacioni i karikimit të Bashkisë do të mund të përdoret edhe nga automjetet e tjera elektrike në kryeqytet, duke iu shtuar atyre të Sheshit Skënderbej dhe Bulevardit të ri, por diçka e tillë do t’i jepte një shtysë më shumë qytetarëve për të kaluar në makina elektrike me bateri.

Fituesi i këtij tenderi do të ketë 90 ditë kohë për të dorëzuar mjetet, çka nënkupton se me shumë gjasa do t’i shohim veturat elektrike në qarkullim në fillim të vitit të ardhshëm.

Scan Tv,  15.09.2017

Tre persona janë vënë në pranga nga Policia e Tiranës me akuzen e vjedhjes.

Fatos Hasa, Roland Puleci dhe Sul Lami u kapën nga efektivët e Komisariatit nr. 1 në Tiranë teksa po vidhnin karburant në një mjet tip eskavator në fshatin Mullet.

Policia sekuestroi dy automjete, një pompë elektrike, 8 bidona dhe 120 litra naftë.

Po verifikohet ndërkohë nëse këta persona janë edhe autorët e vjedhjes së ndodhur më 10 shtator në një kantier ndërtimi gjatë rrugës Tiranë-Elbasan.

Top Channel,  13.09.2017

Pas bllokimit të disa pikave të karburanteve në territorin e Bashkisë së Tiranës, të cilat nuk ishin të liçencuara, në Drejtorinë e Tatimeve pranë bashkisë është regjistruar një fluks aplikimesh.

“Ky fluks ka nisur që ditën e parë, kur kemi patur dhe pagesat e para. Sot vazhdon i njëjti ritëm, është në proces, shifrat rriten nga momenti në moment dhe bashkia do ta vazhdojë aksionin deri në regjistrimin e pikës së fundit”, deklaron Arli Naska, drejtor i Tatimeve pranë Bashkisë së Tiranës.

Vendimi i Këshillit të Ministrave i dhjetorit 2015 për pagesën e një tarife ndaj bashkive për të gjitha pikat e karburantit dhe gazit u ankimua disa kohë më parë, por Gjykata Kushtetuese e konsideroi të drejtë këtë tarifë por me një ndryshim në vlerë.

“Solli ndryshim vetëm në nivelin e tarifimit. Për pikat që tregtojnë benzinë dhe naftë nga 5 milionë lekë parashikuar për t’u paguar për harkun kohor 5-vjeçar zbriti në 3 milionë, ndërsa për pikat e gazit nga 3 milionë zbriti në 1 milion për të njëjtin hark kohor”, sqaron Naska.

Në territorin e Bashkisë së Tiranës ushtrojnë aktivitetin e tregtimit të karburanteve rreth 173 pika, nga të cilat vetëm 3 prej tyre kishin aplikuar për liçencë, majde dhe këto me mangësi në dosje. Një ditë më parë u bllokuan 5 pika karburanti, ndërkohë që aksioni vijon deri në liçencimin e të gjitha pikave që ushtrojnë këtë aktivitet në Tiranë.

Top Channel,  12.08.2017