info@energjia.al

Kompania, e themeluar nga Elon Musk, ka konfirmuar se do të tërheqë 53 mijë mjetet e saj që kanë probleme me frenat. Tesla konfirmon se nuk ka pasur aksidente apo plagosje nga ky defekt.

Bëhet fjalë për modelet S dhe X për shkak të një problemi të frenimit gjatë parkimit, gjë që çon në mosfunksionimin e tyre.

Dhe pse nga ky problem janë prekur më pak se 5% e mjeteve, Tesla do të jetë e sigurtë që asnjë nga konsumatorët nuk është në rrezik. Bëhet fjalë për mjete që janë prodhuar mes Shkurtit dhe tetorit të 2016.

Kompania ka tërhequr vullnetarisht në nëntor 3 mijë mjete të Modelit S për të zgjidhur problemin e lidhjes së rripit të sigurimit. Gjatë 2016 kompania ka prodhuar 83.922 automjete.

Top Channel,  21.04.2017

Europa po e braktis qymyrin. Këtë e tregojnë ndryshimet radikale që kanë ndodhur vitet e fundit. Në 2013, rreth 19% e kapacitetit prodhues në BE ishte me qymyr, në krahasim me 25% në vitin 2000, pra në ulje. Midis viteve 2000 dhe 2013 19 gigawat termocentrale me qymyr janë mbyllur. Gjatë këtyre viteve janë mbyllyr më shumë termocentrale me qymyr se sa janë ndërtuar. Shumë nga termocentralet e planifikuara për tu ndërtuar përpara 2008, nuk janë ndërtuar.

Në Gjermani, nga 37 termocentrale të planifikuara për tu ndërtuar, 21 janë braktisur nga 2007, kurse 5 të tjera janë pezulluar për vite, 2 kanë filluar të punojnë. Një raport nga konsulentët Poyry në vitin 2013 konkludon se asnjë termocentral I ri me qymyr nuk pritet të ndërtohet në të ardhmen e afërt në Gjermani, Spanjë dhe Hollandë.

Madje dhe në Rumani, jo shumë ambicioze në këtë drejtim, termocentralet e vjetra po mbyllen, centralet e reja janë kryesisht me erë dhe diellore. Energjia e erës dhe diellit kanë pasur një zhvillim spektakolar në vitet e fundit. Kapaciteti total i energjive të rinovueshme është rritur nga 1% në fillim të viteve 2000 në 23 % sot (pa përfshirë HEC-et e mëdhaja).

Këto transformime po ndodhin sepse drejtuesit politikë I kanë kuptuar rreziqet e ndryshimeve klimatike dhe kanë vendosur rregulla të forta për përdorimin e energjisë. Për më tepër, gjatë 2014 institucionet më të mëdha financiare në botë deklaruan se nuk do të financojnë më qymyrin, burimin më ndotës fosil. Ndër to ishin dhe Banka Europiane e Investimeve, BERZH, dhe Banka Botërore.

Ishulli I Ballkanit

Për shkak të mungesës së fondeve nga Europa për financimin e qymyrit, Ballkani I është drejtuar investitorëve kinezë. Disa vende të Ballkanit Perëndimor vazhdojnë të kenë plane për ndërtimin e termocentraleve të reja me qymyr në vitet e ardhshme, derisa të bëhen anëtarë të BE-së dhe të zbatojnë rregullat e këtij të fundit. Gjatë dhjetorit në një samit në Beograd, udhëheqësit e vendeve të Europës Jug-Lindore nxorrën tapetin e kuq për kinezët dhe I ftuan të investonin në rajon.

Nga hekurudhat, tek rrugët, turizmi, bujqësia, IT, komunikimet dhe energjia u përmendën. Asnjë sektor nuk u la pa përmendur gjatë takimit, ku kryeministri kinez Li Keqiang ishte I ftuar nderi.

Ndërkohë që fokusi kryesor I samitit ishte infrastruktura e transportit, si dhe u përfshinë në axhendë ndërtimi I urës Zemun-Borca mbi Danub nga Korporata Kineze e Rrugëve dhe Urave, si dhe dy marrëveshje për modernizimin e linjës hekurudhore Beograd-Budapest, në ceremoninë përfundimtare të nënshkrimeve u përfshinë dhe 2 marrëveshje për shtim kapaciteti në termocentralet me qymyr.

Kur shumica e vendeve europiane po heqin dorë nga ndërtimi I termocentraleve të reja me qymyr, Bosnje Hercegovina dhe Serbia po planifikojnë të marrin kredi nga Banka Ex-Im kineze që të ndërtojnë respektivisht termocentralet me linjit Tuzla 7 dhe Kostolac B3.

Planet për Kostolacin janë në fazë të avancuar, kurse për termocentralin e Tuzlës për momentin ka vetëm një memorandum mirëkuptimi. Megjithë fanfarat në Beograd, ka ende rrugë të gjatë përpara se këto projekte qymyri të bëhen realitet

Arsyeja kryesore: kanë shumë parregullsi, të cilat janë të papëlqyeshme për gjykatat e këtyre vendeve, BE-në dhe investitorët kinezë. Pak I njohim ne europianët institucionet kineze dhe politikat e tyre, por bankat shtetërore, që po përfshihen me qymyrin në Ballkan, kanë normat dhe rregullat e tyre, përfshirë rregulla mjedisore, dhe jo domosdoshmërisht ndjehen entuziaste për investimet që kundërshtojnë objektivat e BE-së. Si investitorë pragmatistë e dinë se mospërputhshmëria me objektivat e BE-së mund të sjellë kosto shtesë gjatë zbatimit.

Qymyri I Ballkanit do të jetë nën vëzhgim më të afërt nga BE në vitet në vijim. Kjo pjesërisht për shkak të Komunitetit të Energjisë, një organizëm që synon të krijojë treg të lirë të energjisë midis BE-së dhe fqinjëve të saj, si dhe për shkak se akuisi mjedisor dhe ai I energjive të rinovueshme zbatohet ose do të zbatohet së shpejti dhe në vendet ballkanike jo anëtare të BE-së. Kandidatët per BE si Serbia duhet të zbatojnë akuisin, si psh Direktivën e Emetimeve Industriale dhe atë të ndihmës shtetërore, sot për projektet e reja të cilat do të jenë në punë kur Serbia të futet në BE. Projektet e miratuara me kaq gëzim në Beograd kundërshtojnë akuisin dhe do të sjellin kosto të larta financiare për këto vende kandidate të zhytura në borxhe.

Probleme të tjera më qymyrin në Ballkan

Nuk është vetëm akuisi që sjell probleme për termocentralet me qymyr në Ballkan.

Gjatë vitit të kaluar Serbia pati përmbytje të rënda që përmbytën miniera, duke mbuluar makineritë e tyre me baltë dhe ndaluar punën për kohë të gjata. Errësira mbuloi hapësira të mëdha në Serbi. Pas kësaj katastrofe ka qenë shumë e vështirë për autoritetet të pretendojnë se qymyri ofron furnizim të sigurtë me energji.

Shtesa e re në termocentralin e Kostolacit nuk respekton legjislacionin mbi VNM-të dhe mbi konsultimin me vendet fqinje që mund të preken nga ndotja prej tij, çka mund të sjellë probleme ligjore dhe protesta në të ardhmen.

Sa më shumë I afrohen vendet ballkanike BE-së, aq më shtrenjtë do të jetë për to të operojnë termocentrale që janë në kundërshtim me akuisin. Për termocentralin e ri në Tuzla, Bosnje Hercegovinë, rentabiliteti I tij duket I dyshimtë. Sipas një analize të fundit, ky investim mund të mos jetë rentabël nëse do të ketë shpenzime shtesë sado të vogla për kreditë, për linjitin apo për investimet. Në projekte të tilla gjithmonë ka shpenzime të paparashikuara. Është e dyshimtë nëse ndihma shtetërore, e cila mund të mos jetë e ligjshme, e premtuar nga qeveria për këtë projekt, do të realizohet. Një rezervuar që do të furnizojë me ujë termocentralin ka probleme me stabilitetin e digës, dhe konkurrencë me përdoruesit e ujit të pijshëm, si dhe nuk ka një vendgrumbullim të garantuar për mbetjet e hirit, çka mund të sjellë proçese gjyqësore.

Së fundmi, janë llogaritur kostot shëndetësore në zonën e Tuzlës, që vijnë nga përdorimi i qymyrit. Një studim I fundit ka gjetur se termocentralet me qymyr rreth Tuzlës, pritet të shkaktojnë kosto shëndetësore prej rreth 810 milion eurosh dhe humbjen e 39,000 viteve jetë në periudhën 2015-2030.

Kostolac B3 dhe Tuzla 7 nuk janë të vetmet termocentrale që mund të financohen nga bankat kineze. Termocentrali 300 Mw Stanari në Bosnje Herzegovinë, financohet nga Banka Kineze e Zhvillimit dhe është në ndërtim. Me shumë mundësi investitorëve kinezë do u ofrohet financimi I termocentralit Ugljevik III, po ashtu në Bosnje, e termocentralit Banovici në Tuzla, e termocentralit Pljevlja II në Mal të Zi, dhe e termocentralit Rovinari n Romania.

Të gjithë këto projekte kanë probleme ekonomike si dhe ligjore. Për momentin politikanët ballkanas mendojnë se mund ti realizojnë këto projekte sepse vendet e tyre nuk janë ende në BE dhe ndoshta mendojnë se kinezët janë më moskokëçarës. Nganjëherë këto projekte bëhen për të përfituar korrupsion.

Por sa më shumë vendet ballkanike I afrohen BE-së, aq më shtrenjtë do u kushtojë përdorimi I termocentraleve me qymyr që nuk zbatojnë akuisin. Në kontekstin e sotshëm europian termocentralet me qymyr janë bomba me sahat që do të duhet të çaktivizohen herët ose vonë. Investitorët kinezë nuk janë zgjidhje për çdo problem: ata do të investojnë vetëm atje ku ka interes, dhe qymyri është një biznes gjithmonë e më pak fitimprurës në Europë.

Ekolëvizja, 15.01.2015

Një delegacion nga ndërmarrja Trepça dhe Komisioni i Pavarur për Miniera dhe Minerale(KPMM) vizitoi Republikën e Çekisë dhe prezantoi seminarin kushtuar punës së bërë në sektorin minerar në Kosovë, perspektivën për investime potenciale të huaja dhe mundësitë e bashkëpunimit bilateral publiko-privat në këtë fushë.

Drejtori i përgjithshëm Ahmet Tmava, drejtori e Minierës me flotacion Trepça, Qazim Jashari, Ramiz Krasniqi ud. i kryesuesit të Bordit të KPMM, dhe kryesuesi i departamentit te Gjeologjisë Sali Mulaj, morën pjesë në një seminar në Ministrinë e Punëve të Jashtme të Republikës së Çekisë, kushtuar këtij aseti të çmueshëm të Kosovës. Në punimet e seminarit morën pjesë dhe e asistuan edhe personeli i Ambasadës së Çekisë në Prishtinë dhe Ambasadës së Republikës së Kosovës në Pragë, të cilët asistuan në mbarëvajtjen e tij.

Në prani të publikut të zgjedhur çek, përfaqësuesve të dy shteteve, ekspertët kosovarë të fushës së xehetarisë, minierave dhe gjeologjisë, prezantuan asetet e kompleksit industrial “Trepça”, përfaqësues të kompanive shtetërore dhe private.

Pas prezantimeve të tyre, përmes një komunikate për medie njoftohet se anëtarët e delegacionit zhvilluan takime të ndara me palët e interesuara për zhvillimin e veprimtarisë minerare në Kosovë dhe në këtë aspekt zgjuan kërshërinë e ekspertëve çekë dhe gatishmërinë e tyre që të fillojnë bashkëpunimin një punë më sistematike në të mirë të dyanshme. Me këtë rast delegacioni nga “Trepça” dhe Komisioni i Pavarur për Miniera dhe Minerale(KPMM) vizitoi Ambasadën e Republikës së Kosovës në Pragë.

Telegrafi, 06.11.2014

Prodhuesi portugez i energjisë së ripërtëritshme, “EDP Renováveis” (EDPR), ka siguruar 30 milionë euro (41 milionë dollarë amerikanë) në financat e projektit për 50 MW të PV (prodhues elektriciteti nën influencën e dritës) rumune, pavarësisht reduktimeve të fundit ndaj stimujve të energjisë diellore të vendit.

Investitori financiar i Europës, Banka Europiane për Rindërtim dhe Zhvillim (BERZH), do të ofrojë 20 milionë euro (27 milionë dollarë amerikanë), ndërsa institucioni i investimeve ndërkombëtare, Black Sea Trade Development Bank (BSTDB) do të ofrojë 10 milionë euro (13 milionë dollarë amerikanë).

30 euro do të shkojnë në ndërtimin dhe operimin e gjashtë centraleve të PV, 50 MW në total.

50 MW i PV do të operojë në jug të Rumanisë, në Oltenia, Vllahi.

Transaksionet financiare do të përfundojnë deri në korrik të 2014-s.

Centralet e PV do të përfitojnë nga skema e certifikimit të energjisë së rinovueshme të Rumanisë. Aktualisht çdo megavat i prodhuar energjie nga burimet e rinovueshme mund të tregtohet për një “certifikatë të gjelbër” në Rumani, me deri në tri certifikata të ofruara, “shkëputur” nga ndihma prej gjashtë certifikatash, në janar të 2014-s.

Me këtë marrëveshje të fundit, EDPR tha se do të kishte siguruar një projekt me vlerë mbi 505 milionë euro (694 milionë dollarë amerikanë) në Europën Lindore përmes shtatë marrëveshjeve të veçanta.

EDPR tha se shtimi i portofolit të projekteve prej 50 MW ishte një përforcim i angazhimit të saj për projektet e energjisë së rinovueshme në Europën Lindore, dhe planeve të saj për të nxitur zhvillimin ekonomik përmes “investimeve rigoroze” në rajon.

Sipas EDPR të Rumanisë, sektori i energjisë është ende shumë aktiv në investime. “Financimi i projektit diellor EDPR është transaksioni i tretë që ka përfunduar në sektorin e energjisë së Rumanisë që nga fillimi i vitit 2014”, – tha Riccardo Puliti, drejtori i BERZH-it për menaxhimin e energjisë dhe burimeve natyrore.

“Duke përfshirë projektin diellor të EDPR, ne kemi investuar afro 200 milionë euro në sektorin e energjisë së Rumanisë këtë vit”, – shtoi Puliti.

BSTDB është “ofruar” vazhdimisht në Rumani, dhe si pjesë e marrëveshjes së qeverisë, “energjia dhe infrastruktura janë sektorët prioritarë”, – tha Mustafa Boran, zëvendëspresident bankar i BSTDB-së.

EDPR njoftoi muajin e kaluar se po ndërton një central diellor prej 30 MW në San Bernardino County, Kaliforni, me kompaninë e inxhinierisë, prokurimit dhe ndërtimit (EPC), ABENGOA. Projekti është planifikuar të përfundojë deri në vitin 2014, dhe do të furnizojë me energji 5,000 shtëpi.

Centrali diellor i instaluar në Rumani aktualisht ka një kapacitet prej 1.158 GW.

Revista Monitor, 19.04.2014

Kompania suedeze e prodhimit të energjisë nga mbeturinat Usitall vendosi të heqë projektet e investimeve në Rumani, pas dy vjet negociatash të dështuara me autoritetet rumune lokale.
Usitall, e cila është aktive në rajonin e EQL-së, kërkonte të ndërtonte impiante energjetike me efikasitet të lartë. Kompania siguronte financimin, ndërsa komunat do të përfitoni energji më të lirë termike, në të njëjtën kohë edhe eliminimin e mbeturinave.

Revista Monitor, 10.12.2012

Edhe pse dihej që ish ministri i Ekonomisë Dritan Prifti dhe zëdhënësi i tij Leonard Beqiraj nuk kishin asnjë gje me drejtësinë, tani gjithcka është me letra dhe zyrtare, Prokuria e Përgjithshme tërhiqet zyrtarisht për akuzat ndaj ish-ministrit Dritan Prifti.
Tërheqja e Prokurorisë së Përgjithshme vjen për mos faktim të akuzës dhe mungesë provash, pasi nuk provoi korrupsionin e Priftit.
Gjykata e Lartë ja ktheu dosjen Prokurorisë e cila e pushoi çështjen ndaj Dritan Priftit
Ish-ministri Prifti dhe zëvendësi i tij, Leonard Beqiraj akuzoheshin për korrupsion pas publikimit në media të një videoje të fshehtë, ku ata shfaqeshin duke ndarë një sasi te konsiderueshme parash me njëri-tjetrin.

TV Ora News, 08.11.2012