info@energjia.al

Komisioni Hetimor “Për të kontrolluar zbatimin e legjislacionit në fuqi dhe mbrojtjes e interesit të shtetit shqiptar nga realizimi i marrëveshjes për zgjidhjen me mirëkuptim ndërmjet Republikës së Shqipërisë dhe shoqërisë “CEZ, A. S.”, u ngrit me kërkesë të PD pas pretendimeve të demokratëve se “marrëveshja, sipas të cilës qeveria do i kthejë CEZ 95 milionë euro në këmbim të rimarrjes së pronësisë në katër vjet është e paligjshme dhe jo transparente”.

Por, duket se ky komision vecse nuk ka qënë funksional në hetime, ka degraduar edhe në shkelje të panumërta ligjore e etike.

Një raport 77 faqësh, i publikuar nga “Albanian Platform For Policy Advocacy”  zbulon një numër të lartë shkeljesh nga deputetët, anëtarë të këtij komisioni, të cilët përmes fyerjeve, sherreve, presioneve ndaj dëshmitarëve, kanë shkelur një sërë nenesh të rregullores së brendshme të komisionit, ligjin e komisioneve hetimore, kodin e procedurës penale dhe rregulloren e parlamentit.

Kryetari i këtij komisioni Edmond Spaho, shënon rekorde shkeljesh, nga ku më flagrantet mbeten:

– zhvillimi i mbledhjeve pa kuorumin e nevojshëm duke deklaruar se “mbledhjen mund ta zhvilloj edhe i vetëm”.

-mohimin i të drejtës së fjalës së anëtarëve për procedurë, fyerjet ndaj kolegëve e dëshmitarëve si “karagjoz’, “arrogante”, apo ajo ndaj kryeministrit Rama: “Nuk do të zhveshim…”.

-Nuk mungojnë as rastet kur Spaho kërcënon dëshmitarët me shprehjet: “Provo të largohesh!”

Shqiptarja.com  21.04.2017

Puna në komisionin hetimor parlamentar për zgjidhjen e kontratës me CEZ degradoi me ofendime mes deputetëve Edmond Spaho dhe Eduard Shalsi.

Spaho: S’ke turp!

Shalsi: Palaço!

Spaho: Palaço je ti, që flet me këtë gjuhë.

Shalsi: Karagjoz.

Spaho: Njeri pa integritet.

Debati nisi pas kërkesës së demokratëve për shtyrjen e afatit të hetimit me 2 muaj, pasi ka mjaft dëshmitarë për t’u pyetur.

Por për mazhorancën koha ka qenë e mjaftueshme dhe sipas tyre, drejtimi i komisionit nga Edmond Spaho ka qenë jo korrekt. Gjithësesi do të jenë strukturat drjeteuse të Kuvendit që do të vendosin mbi shtyrjen e afatit të komisionit.

Përpalsjet vazhduan pa praninë e mediave, kohë gjatë së cilës, sipas socialistëve deputeti Florion Mima ka fyer rëndë kolegen Blerina Gjylameti.

Për këtë aryese, grupi parlametar i PS i kërkon Byrosë përjashtmin e Mimës me 10 ditë nga punimet e Kuvendit. Ndërkohë, në komisionin tjetër hetimor për privatzimin e Operatorit të Shpërndrajes së Energjisë, Nue Kalaj nuk u paraqit sërish.

Përpara deputetëve do të dalë për të dëshmuar edhe kreu i Drejtorisë së Parandalimit të Pastrimit të Parave në vitin 2009, Arbër Doçi, për të hedhur dritë mbi tërheqjen kesh në bankë të 7 milionë eurove nga Nuel Kalaj.

Top Channel,  27.01.2017

Situata e emergjencës së krijuar në vend si pasojë e reshjeve të shumta ka përplasur palët në Kuvend.

Gjatë seancës plenare, deputeti Edmond Spaho akuzoi qeverinë për mënyrën sesi ka reaguar për përballimin e situatës së shkaktuar nga përmbytjet, çka solli edhe kundërreagimin e ministrit të Energjetikës Damian Gjiknuri.

Scan TV,  11.11.2016

Mbledhja e komisionit hetimor për marrëveshjen e CEZ me qeverinë shqiptare është shoqëruar nga debate të ashpra mes mazhorancës dhe opozitës.

Ishin Edmond Spaho dhe Eduard Shalsi ata të cilët u përfshinë nga debatet deri edhe në fyerje ndaj njëri-tjetrit për arsyet e mosmbledhjes së komisionit hetimor.

Deputeti socialist, njëherazi nënkryetar i këtij komisioni, Eduard Shalsi i kërkoi llogari nga Edmond Spahos së PD, i cili është kryetar, se pse nuk e mblodhi komisionin prej më shumë se 1 muaji, që nga nisja e sesionit të ri parlamentar.

Nga ana e tij, Spahoi iu drejtua Shalsit se po sillet si dredharak pasi ishte njoftuar disa herë për mbledhjet dhe nuk ka lejuar as deputetët e tjerë të mazhorancës që të marrin pjesë. Ndërsa Shalsi iu përgjigj me tone të forta reagimi, duke e quajtur Spahon mashtrues.

I ftuar për të dëshmuar në komisionin hetimor për CEZ ishte kryetari i KLSH, Bujar Leskaj, i cili theksoi se një vit më parë institucioni që ai drejton denoncoi aferën e CEZ, që sipas tij i ka shkaktuar buxhetit të shtetit një dëm prej 479 milionë euro.

Debatet në komision

(Pas fjalës së Bujar Leskajt), Eduard Shalsi: Për procedurë.

Edmond Spaho: S’ka procedurë tani…s’do i kthehemi debatit nga fillimi. S’ka arrogancë këtu.

Eduard Shalsi: Arrogancë është të mbledhësh mbledhësh komisionin pa kuorumin e nevojshëm.

Edmond Spaho: Arrogancë është të caktosh datën e komisionit e të mos vish, por të ikësh në Greqi.

Eduard Shalsi: Arrogancë është të rrish një muaj në shtator për qëllime personale nëpër rrugë.

Edmond Spaho: Është turp për ju, vini këtu e bëni të fortin.

Eduard Shalsi: Mua turp prej teje s’më ka ardhur e as do të më vijë…

Edmond Spaho: Ty s’të ka ardhur turp për gjëra më të mëdha e do të të vijë këtu.

Eduard Shalsi: Më habit sjellje juaj vulgare…

Edmond Spaho: Më vulgar se ju nuk ka, që vini këtu e ndërprisni punën e komisionit. Vini e silleni si i fortë këtu. Për këtë duhet t’ju vijë turp e duhet të respektoni këta njerëz. Kjo është arroganca juaj që s’merrni pjesë në komisione.

Eduard Shalsi: Ke mbledhur komisionin në mungesë të kuorumit të nevojshëm. është rast flagrant.

(Spaho tenton të fikë mikrofonin e Shalsit)

Eduard Shalsi: S’ke për ta fikur kurrë.

Florion Mima: O Shals, ç’a po bën o burrë?!

Eduard Shalsi: Si?! Çfarë po bëj mo?! Do më tregojë ky mua se ku kam qenë tre ditë?!

Florion Mima: Po u mbyll tani ajo…

Eduard Shalsi: Pse nuk u mblodh komisioni në shtator?

Edmond Spaho: Se nuk vije ti, prandaj. Duhet të të luteshe ty, të të merrje dorën e të mblidhej komisioni.

Eduard Shalsi: Thuaj që nuk e mblodha komisionin se për një çështje personale isha në Belgjikë.

Edmond Spaho: As nuk e kam fare problem të pranoj të gjitha gjërat nëse i kam.

Edmond Spaho: Je dredharak, z.Shalsi, je dredharak…

Eduard Shalsi: Do ta banalizosh tani? Do që të prish gjuhën? Të shpalos fjalorin?

Edmond Spaho: Je dredharak…

Eduard Shalsi: Ik ore mashtrues, mos më thuaj mua dredharak. Mos e banalizo muhabetin. Do që të shpalosim fjalorin tani?

Ervin Bushati: Më mirë të bëjmë një pauzë.

Edmond Spaho: Ta mbyllim mbledhjen?

Eduard Shalsi: Ç’është kjo, e keni zakon të bini në nivele ordinere? E përmende 7 herë që ka qenë Shalsi, ka qenë Shalsi, në një kohë kur për një muaj rresht nuk e mblodhe komisionin se ishe në Belgjikë për çështje personale.

Edmond Spaho: Atëherë ik nga kjo sallë.

Eduard Shalsi: Mblodhe komisionin pa kuorum. Si mund ta mbledhësh komisionin pa kuorum?

Florion Mimia: Z.Kryetar, a ka mundësi të vijojmë mbledhjen?

Gent Strazimiri: A ka mundësi (i drejtohet Vasilika Hysit) t’i thuash atij që ke në krah, që thotë se plehrat nuk janë mbledhje, të pushojë dhe të dëgjojmë kryetarin? E të vijojmë mbledhjen. Për të, plehrat nuk janë mbetje…

Eduard Shalsi: Aty e ke hallin ti…vazhdo.

Edmond Spaho: Ndërpresim mbledhjen e komisionit.

Shqiptarja.com  13.10.2016

Konferenca e Kryetarëve ka debatuar në mbledhjen e saj të fundit për hetimin parlamentar për zgjidhjen me marrëveshje të kontratës me CEZ, për të cilën po heton opozita. Edmond Spaho, kryetar i komisionit hetimor është ankuar se institucionet nuk i kanë dhënë dokumentacionin e kërkuar komisionit parlamentar.

I kemi dërguar kërkesat ministrive për të na sjellë materialet për procesin hetimor dhe sipas ligjit ka një afat deri në 10 ditë. Ky afat i përcaktuar me ligj mbushet sot. Unë kam marrë një përgjigje nga Kryeministria e cila thotë se materialet që na kërkoni ne, ngarkojmë Ministrinë e Energjetikës që t’jua vërë në dispozicion. Ndërkohë nga Ministria e energjetikës i është dërguar një letër Prokurorisë ku i kërkohet leje në se munden të na i sjellim materialet apo jo.Kjo më duket jo serioze, pasi ligji e ka përcaktuar qartë natyrën e hetimit të Kuvendit dhe të Prokurorisë. Kërkojmë që të ndërhyni që të na sjellin dokumentacionin pa vonesë, pasi vonimi i dokumentacionit na çon në harxhimin e kohës dhe ne nuk mund të respektojmë afatet që ka vendosur Kuvendi për zhvillimin e tij”-tha Edmond Spaho.

Shqiptarja.com  21.06.2016

Palët u përballën për herë të parë në Parlament për akuzat e ditëve të fundit të opozitës, se OSHEE u ka dhënë tendera disa deputetëve të mazhorancës.

Opozita madje i ka bërë edhe publikë emrat e tyre.

Deputeti demokrat, Edmond Spaho, deklaroi se marifeti që po përdoret është kalimi i aksioneve tek të afërmit, por akuzën konkrete e përqëndroi tek emri i një deputeti socialist.

Edmond Spaho, deputet i PD: Përfaqësuesi ligjor i degës së zyrës së përfaqësimit, Arbër Abazi, para disa ditësh, me adresë Kompleksi Usluga, kati i 8, pranë Stacionit të Trenit, ka marrë tenderin rikonstruksion fideri 311, 11 kabina elektrike, rikonstruksioni i kabinës Kaldaja e Re. Ky tender, zoti Kryeministër, ka fondin limit 7 miliardë e 393 milionë e 177 mijë e 503 lekë, e ka fituar me vleftën 6 miliardë e 608 milionë e 406 mijë e 859 lekë. Besoj se jemi të qartë.

Kryeministri Edi Rama: Të sfidova profesor që të dalësh këtu dhe me fakte të tregosh ku janë. Por ti nuk mund të thuash që kjo kompani ka zyrën në kat të 8 tek pallati i filanit dhe asgjë tjetër dhe të bësh deduksionin se mqs kjo kompani e ka zyrën në kat të 8, atëherë është kompani e Sadri Abazit. Kjo është logjikë që do kishte skuqur edhe autorin e Zhvejgut.

Edmond Spaho, deputet i PD: Pas gjithë këtyre sukseseve që keni arritur zoti Kryeministër, ne nuk na ngelet gjë veçse t’u këndojnë ato katër vargjet e “Shakaxhiut të Përparimit” të Fan Nolit: “Rroftë Edi Rama! Rroftë! Shakaxhiu i përparimit, bres pas brezi u kujtoftë, si stërnip i Nastradinit!”

Edi Rama: Jepni e merrni me këmbë e duar, tamam si ajo poema; O i shkretë i punëtuar, jep e merr me këmbë e duar; bam me këmbë e bam me duar, o i shkretë i punëtuar.

Kryeministri shtoi se OSHEE po sulmohet nga opozita për shkak të rezultateve të kompanisë.

Top Channel, 23.10.2015

Vijon seanca parlamentare dhe debatet mes mazhorancës dhe opozitës për energjinë, taksat dhe atë që u bë temë e ditës në Kuvend, rrëzimi i një helikopteri me 1 ton hashash në Spanjë, që drejtohej nga një major shqiptar.

Kryeministri Edi Rama ka debatuar ashpër sot me deputetin e Partisë Demokratike, Edmond Spaho, i cili akuzoi qeverinë për reformën e energjisë, rritjen e taksave dhe shlyerjen e borxhit ndaj CEZ-it. Kreu i qeverisë deklaroi se nuk mund t’u ulen taksat atyre personave të cilët nuk paguajnë taksa, ndërsa akuzoi opozitën se vazhdon të mbrojë hajdutët e energjisë elektrike:

“Profesor, ju si i fushës duhet të jeni i qetë, pasi unë s’jam i fushës. Ç’është kjo 1 milion shqiptarë të pa punë. Si mund t’iu ulim taksat atyre që s’paguajnë. Për ata që nuk paguajnë, nuk ka se si të thuash pse s’ua ke ulur taksat. Ne ua kemi ulur taksat të gjithë shqiptarëve që i paguajnë dhe janë as më shumë e as më pak se 97 % e tyre.

Ne nuk mburremi dot me atë që e keni lënë vendin më volumin më të lartë të punës në të zezë. Ishim të gatshëm të konkurronim me vende të botës së tretë. Ne në një vit e kemi rritur numrin e taksapaguesve me 81 mijë. Këta janë në librin e shtetit. Këta në kohën tuaj ishin skllevër që paguheshin në të zezë. Merrnin vetëm një lëmoshë dhe do të shikoni këtë vit sa do të shkojë numri i tyre”.

Kreu i qeverisë tha se janë rritur taksat e kompanive, taksa e naftës, duhanit, dhe “kjo është thikë pas shpine për të dashuruarit me duhanin”.

“Kemi rritur taksat e depozitave, po kush janë këta, kjo është logjika e thjeshtë e gjërave”, u shpreh Rama.

Kryeministri ironizoi Spahon kur deklaroi se janë 500 mijë shqiptarë që harxhojnë më pak se 300 kw në orë:

Rama: Profesori thotë se janë 500 mijë shqiptarë që harxhojnë më pak, vazhdon t’i marrësh të mirëqenë hajdutët e energjisë elektrike. E di që jeni profesor i ekonomisë, vajmedet për ekonominë dhe ata që marrin mësime nga ju. Me qenë se po më kujtoni etikën, unë po ju them mos më ndërprit, jeni prof i ekonomisë!

Spaho: Jo..

Rama: Atëherë nuk po ju ngatërroj me profesorin. Të numërosh 500 mijë shqiptarë se janë për t’u mbrojtur, do të thotë të mbrosh edhe atë figurën tuaj me shtëpi 3-katëshe që kishte sahat me 300 kw në kat të parë e të dytë. Ka me mijëra si këta që janë futur në kushte të reja konsumi. Që e keni lënë ibret Shqipërinë, kjo dihet, po jo kaq keq,

Rama: Sot shqiptarët paguajnë më pak energji

Kryeministri Edi Rama Tha në Kuvend se sot shqiptarët po e paguajnë energjinë elektrike me çmim më të ulët se në kohën e qeverisjes së djathtë.

“Çmimi i energjisë elektrike është sot për qytetarin 9.6 lekë dhe jo 10.5 lekë sa ishte çmimi mesatar në qeverisjen e djathtë”, tha ai. Pas fashës mbrojtëse prej 300 kV, fshiheshin spekulantë dhe hajdutë të qeverisë, theksoi kryeministri. Ai akuzoi opozitën se e rriti borxhin me 200 milionë dollarë, si dhe rrezikoi pensionet e qytetarëve, duke krijuar një borxh prej 160 milionë dollarësh në buxhetin e sigurimeve shoqërore. Sipas tij, përmes taksës së sheshtë përfituan 97 % e qytetarëve shqiptarë. “Më thoni cila taksë i është rritur policit, apo mësuesit”, iu drejtua ai opozitës. Rama foli edhe për borxhin e qeverisë së kaluar ndaj biznesit. “Biznesi iu përgjigj thirrjes së qeverise për të investuar, duke marrë edhe kredi në banka, ndërsa qeveria nuk i pagoi ato për punët publike të kryera”, tha Rama.

Gazeta Shekulli, 29.01.2015

Replikat e ashpra mes zv.ministrit të Financave, Nezir Haldedaj dhe deputetit socialist Arben Ahmetaj kanë shoqëruar mbledhjen e sotme të Komisionit të Ekonomisë, ku po diskutohej akti normativ për buxhetin e vitit 2012-të
Situata energjetike në vend është bërë objekt i debatit në këtë komision. Gjatë diskutimeve në seancë, zëvendësministri i Financave, Nezir Haldeda, ka bërë me dije lidhur me mosshlyerjen e detyrimeve nga ana e pushtetit vendor ndaj CEZ. Por, pavarësisht detyrimeve të prapambetura nga ujësjellësi, Haldeda kërkoi nga CEZ të mos bëjë ndërprerje masive të energjisë.
Kërkesa e Ministrisë së Financave është kundërshtuar nga ligjvënësit socialistë. Deputeti i PS-së, Erjon Braçe deklaroi se ERE ka njoftuar se do nisë procedurën për heqjen e licencës së CEZ dhe nuk e ka bërë një gjë të tillë. Ndërkohë që deputetja Mimi Kodheli akuzoi Qeverinë se po ndërhyn në mënyrë të dhunshme në fondet e pushtetit vendor.
Opozita votoi kundër për aktin normativ, miratohet vetëm me votat e maxhorancës.

www.balkanweb.com, 09.10.2012