info@energjia.al

Një kamion tip “Benz” është përplasur me një fuoristradë në aksin rrugor Pogradec-Korçë.

Ngjarja ka ndodhur rreth orës 14:50 ku kamioni me targë AA267OJ dhe foristrada me targë AA 898 PM u përplasën dhe për pasojë është dëmtuar një shtetas egjiptian rreth 30 vjeç, i cili udhëtonte me mjetin me targë AA 898 PM, (punonjës i TAP)i cili po transportohet në Spitalin e Korçës për mjekim jashtë rrezikut për jetën.

Burime nga policia e Korçës njoftojnë se u ngrit grupi hetimor dhe po punohet për zbardhjen e rrethanave të aksidentit.

Shqiptarja.com  21.04.2017

Prej 2 muajsh kompania nuk u jep pagat, rreth 200 punonjës kanë protestuar sot në dyert e uzinës të rafinerisë së naftës “Armo” në Fier.

Punonjësit kanë ndërprerë punën pasi kanë 2 muaj pa marrë rrogat ndërsa shtojnë se prej afro 2 vitesh kompania nuk i siguron.

Protestës i janë bashkuar edhe punonjës të Ballshit, Vlorës dhe Përrenjasit të cilët deklarojnë se prej 22 muajsh punojnë pa rrogë dhe siguracione.

Shqiptarja.com  03.04.2017

Përkushtimi i jashtëzakonshëm i punëtorëve të KEK-ut, për të mbajtur termocentralet në operim.

Përkundër kësaj gjendje të jashtëzakonshme të krijuar ditët e fundit nga kushtet ekstreme atmosferike edhe përkundër vështirësive për shkak të pajisjeve të stërvjetruara, KEK-u, ditëve të fundit është duke realizuar planin e parashikuar me përpikëri. Si ilustrim, Më 10 janar plani i prodhimit është realizuar 98.9%, më saktë, nga 15360 MWh të planifikuara ka arrit të realizojë prodhimin 15190 MWh, një gjendje e ngjashme është edhe sot (e mërkurë).

Duke pasur parasysh gjendjen e krijuar për sa i përket sigurisë energjetike kombëtare dhe nevojën e shtuar për energji elektrike, KEK-u, përveç grupeve të operimit që punojnë në tri ndërrime, për të tejkaluar situatën aktuale të acarit, është përforcuar edhe me ekipet e mirëmbajtjes në Divizionin e Prodhimit të Qymyrit, Termocentralin “Kosova A” dhe Termocentralin “Kosova B”.

Për më tepër, operimi në termocentrale gjatë këtij moti të ligë dhe temperaturave jashtëzakonisht të ulëta është tepër i vështir. Mirëpo, falë angazhimit maksimal të punëtorëve të KEK-ut, kemi arritur, jo vetëm ti mbajmë në operim por edhe ta realizojmë prodhimin e planifikuar me përpikëri.

Me këtë dëshmohet edhe njëherë se KEK si bartës i stabilitetit të sektorit të energjisë është duke treguar përgjegjësi të larte ndaj qytetarëve të vendit. Sido që të jetë, përveç KEK-ut, një angazhim i tillë është i nevojshëm edhe nga të gjitha subjektet e ndërlidhura me sektorin e energjisë.

Për të qenë transparent ndaj të gjitha palëve, vlen të theksohet se furnizimi i konsumatorëve me energji elektrike në bazë të licencave të lëshuara nga ZRRE-ja, është përgjegjësi ekskluzive e Furnizuesit Publik përkatësisht KESCO-së, përgjegjësi kjo e ngarkuar edhe me ligjin për energji elektrike. Prandaj, për informimin e juaj KEK është përgjegjës vetëm për prodhim të energjisë elektrike dhe jo për reduktime apo furnizim të konsumatorëve.

Telegrafi,  12.01.2017

Ministri i Energjisë dhe Industrisë Damian Gjiknuri dhe administratori i OSHEE, Adrian Çela ishin sot në qarkun e Kukësit për të ndjekur nga afër situatën e krijuar nga reshjet e dendura të dëborës.

Ministri inspektoi nënstacion elektrik të zonës, duke theksuar se Operatori i Shpërndarjes me punonjësit e tij ka reaguar në mënyrën e duhur duke përballuar një situatë të jashtëzakonshme.

Duke i falenderuar të gjithë punonjësit e OSHEE dhe OST për sakrificën e bërë, z.Gjiknuri tha se 1800 punonjës në të gjithë Shqipërinë do të marrin shpërblim për punën e vështirë që kryen duke marrë një pagesë ekstra.

Ndërsa administratori i OSHEE-së, Ardian Çela tha se reforma e nisur në shtator solli një rritje të pagës bazë të punonjësve, ndërkohë që është bërë dhe sigurimi i jetës së tyre si dhe pajisja me uniforma.

Damian Gjiknuri, Ministër i Energjisë dhe Industrisë:

Periudha e dimrit është një test për aftësinë e OSHEE për të reaguar dhe një test për ne për të provuar investimet si nga ana operacionale, teknike, dhe në fund të fundit OSHEE provon vetveten.

Festat e fundvitit përfshi dhe situatën e emergjencës tregoi se të gjitha investimet e kryera kanë dhënë rezultat si nga ana profesionale, pra OSHEE me punonjësit e saj reagoi në mënyrën e duhur duke përballuar një situatë të jashtëzakonshme, duhet ta kuptojmë pavarësisht se ka spekulime politike që thonë se ka ndërprerje energjie. Sepse kudo ku ka problem me motin ka dhe me energjinë, sidomos në kushtet e rrjetit shqiptare.

Në një periudhë shumë të shkurtër, të gjithë strukturat e OSHEE dhe OST për rastin e Kukësit, bënë të mundur rikuperimin e avarive. Vetë abonentët e kanë ndjerë këtë, kanë parë dhe kushtet e vështira në të cilët ato punojnë. Dua ti falenderoj për sakrificën këta njerëz dhe pikërisht një aspekt i reformës në energjetikë është rritja e pagës së punonjësve tanë, përfshi dhe për këtë periudhë në dimër, është parashikuar një pagesë ekstra. Janë 1800 punonjës në të gjithë Shqipërinë që do të marrin shpërblim për punën e vështire që kryen, sepse sollën energjinë në shtëpitë e shqiptarëve duke punuar në kushte të vështira.

Investimet do të vazhdojnë në sistemin energjetik. Nëse do të mbajmë këto parametra financiarë dhe kjo qëndrueshmëri e të gjithë sektorit energjetik do të përkthehet në investime Janë parashikuar 100 mln dollarë, investimet më të mëdha të bëra ndonjëherë në sektor. Do ketë probleme? Sigurisht që do të ketë, sidomos në zonat rurale pasi zgjidhja  përfundimtare e furnizimit me energji do dojë disa vjet. Nëse vazhdon kjo marrëdhënie e mirë me OSHEE dhe abonentët, ulja e humbjeve, ulja e abuzimit, shtimi I pagesave, investimet do të jenë të pranishme kudo, si në Kukës ashtu dhe në të gjithë Shqipërinë. Kjo është garancia e vetme. Kompanitë energjetike si KESH, OST, mbi të gjitha OST, janë kthyer në kompani suksesi duke kontribuar në buxhetin e shtetit. Nga gropa që ishin para disa vitesh janë kthyer në faktor stabiliteti duke ofruar dhe paketa sociale.

A do të ndërtohet unaza e furnizimit me energji nga ana e Dibrës. Nga ana e Dibrës ju e dini ka qenë problem me një linjë private, sepse qeveria e shkuar, një linjë të tensionit të lartë ia ka lënë në pronësi një subjekti privat. Ne po gjejmë zgjidhje ligjore që kjo linjë të vihet në shërbim të sektorit public, pra OST, dhe që këtej e tutje të ketë një linjë të dytë  e bërë vitet e fundit, nga qeveria jonë. Ju garantoj se Kukësi do të ketë një linjë të dytë brenda këtij viti dhe  në dimrat e tjerë s’do ketë problem me energjinë.

Adrian Cela, administrator i OSHEE:

U vu re një reagim nga ana e kompanisë për eliminimin e defekteve dhe kthimin e energjisë në një kohë shumë të shpejtë. Brenda ditës, janë eliminuar gjatë këtyre 4 ditëve të gjitha defektet e ndodhura gjatë natës, megjithëse kushtet e motit ishin ekstreme.

Nëse do të krahasonim situatën me janarin e 2015, në zonën e Malësisë së Librazhdit dhe Kukësit pati temperatura jo kaq ekstreme, por reshje bore intensive, defektet zgjatën më shumë dhe një numër i konsiderueshëm abonentësh mbetën për një kohë më të gjatë pa energji. Këtë radhë, kompania pati një reagim të menjëhershëm për shkak dhe të investimeve që janë kryer këto dy vite, si dhe përkushtimin e punonjësve tanë. Ndaj jemi këtu bashkë me ministrin për ti falenderuar të gjithë punonjësit tanë jo vetëm këtu në Kukës, por dhe punonjësit nga drejtoritë e OSHEE nga veriu në jug që me përkushtim kanë riparuar në kohën maksimale të mundur defektet dhe risollën energjinë tek abonentët.

Investimet që kompania ka bërë gjatë këtyre dy viteve, dhanë rezultat dhe kapërcimi i situatës në këto kushte ekstreme, janë treguesit më të mire. Kompania i ka pasur parasysh këta punonjës që punojnë në kushte të vështira dhe gjatë këtyre viteve i ka shpërblyer me disa paga. Ajo reformë që nisëm në shtator për rritjen e pagës së bazës është një shpërblim për punën që kanë bërë këta punonjës. OSHEE ka bërë edhe sigurimin e jetës në rast aksidentesh si dhe pajisjet e tyre me veshjet e duhura në këto kushte ekstreme, njësoj si punonjësit e kompanive simotra në botë.

energjia.al  10.01.2017

Dy milionë lekë të vjetra është shuma e parave të grabitura sëbashku me kasafortën e karburantit tek Ura e Dajlanit.

Policia e Durrësit bën me dije se krahas parave  janë marrë dhe një sasi tollonash që shërbenin për furnizimin me karburant.

Sakaq policia ka marrë në pyetje të katër punonjësit të cilët ndodheshin në orarin e  punës përgjatë orëve të natës kur u grabit karburanti në autostradën Tiranë- Durrës.

Ata kanë deklaruar se nuk kanë konstatuar ndonjë person të dyshimtë që vërtitej pranë ndërtesës ku punonin, por kanë dëgjuar thjesht një zhurmë rreth orës 02:00, por nuk kanë menduar se bëhej fjalë për një vjedhje.

Momenti që kanë konstatuar vjedhjen ka qenë ora 05:00 e mëngjesit të sotëm, ku dhe më pas kanë lajmëruar policinë.

Policia ka dyshimet e saj se punonjësit janë të përfshirë në vjedhje, por janë hetimet që do të nxjerrin konkluzionet më pas.

Ora News,  30.11.2016

Rreth 150 punonjës të rafinerisë së naftës së ARMO-s në Fier, kanë protestuar sot para uzinës.

Shkak është bërë mungesa e rrogave prej tre muajsh, ndërsa kontributet shoqërore nuk iu paguhen prej rreth 16 muajsh.

Punëtorët janë ankuar, por nuk dinë se kujt t’i ankohen pasi nuk dinë kush është pronari i tyre.

Edhe këtë protestë që u bë, ata thonë se ndihen të kërcënuar se mos i pushojnë nga puna. Uzina sot ka ndaluar punën pas protestës së naftëtarëve.

Shqiptarja.com  25.10.2016

Pas propozimit të ministrit të Brendshëm për rritjen e masave të sigurisë së pikave të karburantit, që parashikon, ndër të tjera, vendosjen e pompave automatike dhe heqjen e shërbimit cash, kanë reaguar operatorët e tregut. Të kontaktuar nga ‘Monitor’, ata pohojnë se vendimi është i pazbatueshëm për shumë arsye.
-Së pari, periudha 6-mujore është shumë e vogël, sepse duhen porositur pajisjet që të paktën duhen përshtatur që të funksionojnë nga euro apo dollarë në lekë.
-Së dyti, për një pikë karburanti, investimi minimal i kërkuar është rreth 35-40 mijë euro, që për rreth 1200 pika karburanti përkthehet në kosto shtesë prej rreth 45 milionë eurosh, që pa asnjë dyshim do të transferohej direkt në çmimin final që paguan konsumatori (Edhe sot nga çmimi prej rreth 165 lekë, rreth 105 lekë, apo rreth 65% janë taksa).
-Së treti, nëse ky investim do të bëhej, ai do të linte automatikisht pa punë mijëra punonjës. Sot në një pikë karburanti punojnë mesatarisht 5 persona (pikat e vogla kanë të paktën tre, nga një për turn dhe të mëdhatë arrijnë deri në 10). Mesatarisht ky investim do nxirrte pa punë rreth 5-6 mijë punonjës.
-Së katërti, edhe në vendet e zhvilluara nuk funksionojnë tërësisht pikat e shitjes automatike dhe ka të paktën një pikë shitje me pompë manuale. Tjetër problem është dhe fakti që përdorimi i kartave të kreditit në Shqipëri është i ulët dhe sërish blerjet në pikat automatike do të ishin kryesisht me cash, duke u bërë objekt i grabitjes në momentin që do futen paratë në automat.
-Së pesti, operatorët e tregut pohojnë se vjedhjet në pikat e karburantit nuk janë aq shqetësuese, sa të justifikojnë një investim të tillë. Shuma maksimale e parave të vjedhura ka arritur deri në 200 mijë lekë, ndërsa mesatarisht janë vjedhur 20 apo 30 mijë lekë, aq sa mund t’i merren dhe një personi në rrugë, apo në një dyqan të vogël.

Por dy elementët më të rëndësishëm që ata veçojnë janë së pari që kostot shtesë do transferoheshin në çmimin e naftës si dhe pushimin nga puna të mijëra punonjësve që shërbejnë sot në tregtimin me pakicë të karburanteve.

Propozimi i Tahirit

Pak ditë më parë, ministri i Brendshëm, Saimir Tahiri, u ka dërguar një shkresë drejtuesve të pikave të tregtimit me pakicë të karburanteve në vend, ku u propozon të heqin shërbimin me para cash dhe të vendosin automatët elektronikë, duke shkuar kështu drejt vetëshërbimit.
Gjatë një takimi me përfaqësues të këtij sektori sot, Tahiri ka shpjeguar arsyet e kësaj kërkese.
“Unë ju jam adresuar me një letër që synoj bashkëbisedimin paraprak mbi të cilin duhet të shohim mënyrën sesi të marrim masa që këta faktorë nxitës t’i bëjmë zero, që të eliminojmë vjedhjen dhe grabitjen e karburanteve në të gjithë Shqipërinë: E para dhe më e domosdoshmja është eliminimi i parave cash gjatë natës në të gjitha pikat e karburanteve në Shqipëri dhe kjo të bëhet duke përdorur teknologjinë dhe duke përdorur mundësinë që paratë të mos i mbajë në xhep operatori shitës i karburantit, por të paktën gjatë natës, të jenë pjesë komunikimit që ka qytetari, konsumatori me një automat elektronik që garanton siguri maksimale. E dyta masë e domosdoshme është sistemi i kamerave. Thuajse të gjithë pa përjashtim sot keni bërë investimet tuaja personale, për të pasur një sistem kamerash, për të pasur në çdo pikë karburanti. Këtë e keni bërë si pasojë e vetëdijes stuaj se duhet ky investim për të qenë më të sigurt. Thuajse të gjithë e keni bërë këtë mbi bazën e njohurive personale apo profesionale pa një konsultim me policinë, sepse kjo çështje nuk ka qenë as në vëmendjen e policisë më parë”, tha ministri i Brendshëm.

Revista Monitor,  25.10.2016

Dy persona të maskuar kanë qëlluar sot për vdekje një punonjës të Operatorit të Shpërndarjes së Energjisë Elektrike, Saimir Jakun ndërkohë që një tjetër person ka mbetur i plagosur.

Burime pranë vendit të ngjarjes bëjnë të ditur se Jaku është qëlluar me armë zjarri nga dy persona të maskuar, teksa ka qenë duke pirë kafe në një nga lokalet e zonës më të frekuentuar të qytetit bashkë me një shok të tij.

Ngjarja ka ndodhur në pak minuta dhe dëshmitarët kanë thënë se autorët menjëherë pas krimit janë larguar me automjet.

Ngjarja e rëndë ka ndodhur në lokalin që ndodhet jo më larg se 20 metra larg komisariatit të policisë Rrëshen.

Pas marrjes së provave në vendin e ngjarjes, efektivët e policisë kanë shoqëruar në komisariat disa persona, të cilët kanë qenë në vendin e ngjarjes kur ka ndodhur edhe ekzekutimi mafioz i Jakut.

Burime pranë grupit hetimor, bëjnë me dije se pista kryesore e hetimit është fakti se Jaku përpara disa viteve ka qenë emigrant në disa shtete të ndryshme të Europës, atje ku mund të jetë përfshirë në ndonjë aktivitetit kriminal.

Megjithatë, policia ende nuk ka dalë me një deklaratë zyrtare rreth ngjarjes, motiveve apo edhe personave që kanë kryer krimin.

Saimir Jaku është anëtarë i Partisë Socialiste dhe anëtarë i Këshillit të Qarkut Lezhë.

Aktualisht ai punonte si shef sektori në Drejtorinë Qendrore të OSHEE-së në Tiranë, ndërkohë që më parë ka qenë ish-drejtor i OST-së për Veriun.

Shqiptarja.com

Kompania TAP ka reaguar gjatë ditës së djeshme rreth protestës së punëtorëve në Durrës. Duke theksuar se punëtorët nuk janë punësuar drejtpërdrejt nga TAP, por nga një nënkontraktor, TAP ka marrë garanci nga ky kontraktor se çështja e pagesave do të zgjidhet sa më parë të jetë e mundur.

Më poshtë gjeni njoftimin për shtyp të kompanisë TAP:

Pas lajmit te publikuar sot, per protesten e punetoreve ne Durres, kompania TAP ka reaguar duke thene se:

“TAP është informuar për situatën e krijuar midis kontraktorit Spiecapag dhe punëtorëve të kësaj kompanie. TAP ka marrë garancinë nga Spiecapag që situata me pagesat do të zgjidhet shumë shpejt.”

Ju lutem, kini parasysh qe TAP ka kontraktuar disa kompanie per te realizuar projektin TAP dhe Spiecapag eshte nje prej kompanive te kontraktuara. Punetoret qe protestojne nuk jane drejteperdrejte te kompanise TAP, por jane te Spiecapag. Prandaj edhe TAP sqaron se per kete ka folur me kompanine dhe ka marre aprovimin qe situate do zgjidhet prej tyre.

energjia.al  08.09.2016

Si pasoje e motit të keq me shira dhe erëra të forta që përfshiu vendin gjatë natës së djeshme pati një numër të konsiderueshem problemesh me energjinë ku janë stakuar një seri fiderash me defekt.

Sipas OSHEE gjëndja më problematike paraqitej në zonat rurale të Shkodres, Fierit, Durrësit, Tiranës, Vlorës dhe Burrelit. Gjatë orëve të para të paradites gjendja është përmiresuar ndjeshëm ( saktësisht 84% përmirësim situate) pasi janë vendosur në punë pjesa më e madhe e fiderave difektozë.

Sipas kompanisë së shpërndarjes në terren janë 1200 punonjës në gatishmëri për të ndërhyrë ndaj çdo situate por edhe për të riparuar pjesën e mbetur të defekteve si pasojë e motit.

Nga një analizë e post-situatës kompania vlerëson se linjat që furnizojnë spitalet, apo insitucionet kanë qenë të gjitha në punë. Një vëmendje e veçantë po i kushtohet pjesës së linjave që furnizojnë me energji elektrike hidrovoret të cilët në kushtet e rënduara të motit duhet të jenë në punë për të shmangur përmbytjet dhe për të mos përsëritur precedentë të mëparshëm. 

Scan TV,  07.09.2016