info@energjia.al

Erinda Ballanca, Avokatja e re e Popullit ka një të shkuar me të vërtetë të turbullt. Një ditë pas emërimit të saj në këtë detyrë me propozim të Partisë Demokratike, dalin fakte të reja që vërtetojnë përfshirjen e Ballancës në një prej aferave më të pista të ndodhura në Shqipëri gjatë 25 viteve të fundit.

Një artikull i publikuar në 9 prill 2013 nga Shqiptarja.com zbulon se Ballanca ishte emëruar në bordin e një kompanie fantazëm “offshore”, e cila sapo kishte blerë për 50 milionë dollarë 85% të aksioneve të “ARMO”-s nga Rezart Taci. Lexo më shumë në http://shqiptarja.com/m/home/firma-misterioze-blen-armo-ja-si-do-paguajne-50-mln–euro–171023.html.

Në fakt, kompania “Heaney Asset Corp” u krijua në Ishujt Virxhin, vetëm disa javë përpara blerjes së “ARMO”-s. Menjëherë pas këtij transaksioni, “ARMO” u la të falimentonte, por Ballanca fitoi shumë të rëndësishme financiare, duke përfaqësuar interesat e kompanisë fantazmë.

I njëjti shkrim zbulon se Avokatja e Popullit ishte përfshirë një vit më parë edhe në aferën e grabitjes së një shume prej 75 milionë eurosh, nga ana e disa investitorëve azerë. Të dy këto operacione dyshohen se kanë qenë në fakt megaafera të pastrimit të parave të qeverisë së kaluar nga ana e Rezart Taçit.

Përtej këtyre fakteve, është e njohur se Ballanca është një person që ka lidhur karrierën e saj që prej fillimit me Partinë Demokratike. Jo rastësisht, ajo mbrojti vjehrrin e Bashës, në momentin kur INUK vendosi për prishjen e pallatit që ai po ndërtonte në mënyrë të jashtëligjshme në bregdetin e Vlorës. Ndërkohë, në 2014-n, Avokatja që do të jetë personalisht e përfshirë në zbatimin e vetingut, kundërshtoi reformimin e KLD-së, duke u bërë një pengesë për disa muaj në zbatimin e reformës në drejtësi.

Në emërimin e Ballancës si Avokate të Popullit, Partia Demokratike zhbëhu me një të rënë të lapsit një praktikë të suksesshme të iniciuar nga Partia Socialiste në vitin 2012, kur ajo në opozitë hapi një konkurs mbarëkombëtar, nga i cili mes shumë emrave u përzgjodh kandidati fitues.

Shqiptarja.com  24.05.2017

Ministri i Mjedisit, Lefter Koka inspektoi impiantin e pastrimit të grykëderdhjes së lumit Shkumbin, të njohur si një nga grykëderdhjet më problematike në vend.

Pasi përfundoi inspektimin e impiantit Ministri Koka e vlerësoi maksimalisht investimin e kryer në një nga lumenjtë që krijon ndotjen më të madhe detare.”Ky është një investim i përkryer që disiplinon qoftë mbetjet e ngurta, ato plastike dhe vajrat. Gjithashtu edhe investimi që ka filluar në grykëdershjen e Ishmit, do të çojë në dy numrin e grykëderdhjeve të lumenjve që rehabilitojmë”- tha ministri Koka.

Duke iu referuar ndotjes së lumenjve ministri Koka paralajmëroi edhe një ndërhyrje në lumin e Gjanicës. “Kemi një problematikë shumë të madhe kryesisht me hidrokarburet. Industria e naftës kryesisht në zonën e Fierit, Ballshit, ka sjellë një ndotje të tejskajshme në lumin e Gjanicës. Fatkeqësisht nuk kemi mundur deri sot që të zgjidhim këtë problematikë në mënyrë definitive por besoj shumë shpejt një nga aksionet e Ministrisë së Mjedisit para fillimit të sezonit turistik do të jetë edhe ndërhyrja në këto aktivitete për të mundësuar një vijë bregdetare sa më të pastër, të shëndetshme për qytetarët shqiptarë dhe ata të huaj”- u shpreh Ministri i Mjedisit i cili theksoi gjithashtu se: “Është bërë një punë kolosale në të gjithë Shqipërinë në fushën e menaxhimit të mbetjeve. Pas investimit në qytetin e Elbasanit kanë filluar investimet në Vlorë, Korcë, Sarandë dhe Berat. Kemi bërë shumë në këto katër vite ndoshta edhe më shumë nga sa premtuam në 2013-ën. Menaxhimi i mbetjeve është një problematikë që kërkon një impenjim kombëtar, jo vetëm të qeverisë dhe të Ministrisë së Mjedisit por edhe të gjithë qytetarëve shqiptarë duke sensibilizuar që të mos ndotim më lumenjtë” përfundoi fjalën e tij, Ministri Koka.
Impianti i Pastrimit përfshin 3 barriera pritëse me qëllim kapjen e mbetjeve të rënda, pluskuese por dhe të vajrave. Barriera e parë është e përbërë prej kavo çeliku e cila kap mbetjet e rënda kurse barriera e dytë dhe e tretë shërbejnë për kapjen e objekteve pluskuese. Barrierat janë vetëlëvizëse dhe janë vendosur në një kënd të caktuar kundrejt rrjedhës së lumit me qëllim që depozitimi i këtyre mbetjeve të bëhet në vendin ku është vendosur transportieri nëpërmjet të cilit mbetjet kalojnë në koshin e plehrave për t’u transportuar më pas në pikat përkatëse. Qëllimi i vendosjes së 2 barrierave pluskuese është që në raste remonti apo avarie të jetë gjtihmonë një barrierë e cila qëndron funksionale
Gjithashtu në rastet e mbetjeve hidrokarbure apo lëndëve vajore është një lloj materiali i shpërndarë në të gjithë sipërfaqen e ujit që i thith këto lëndë dhe njësoj si mbetjet edhe ajo depozitohet në vendin e përcaktuar. Përvec impiantit të pastrimit gjatë këtij investimi është realizuar edhe rehabilitimi i vijës bregdetare pranë grykëderdhjes.

Investimi është financuar nga Ministria e Mjedisit me projekt propozimin e Bashkisë Rrogozhinë si pasojë e gjendjes së shkarkimit të mbetjeve në grykëderdhjen e lumit Shkumbin dhe gjendjes alarmante të ndotjes së plazhit, në territorin e Bashkisë Rrogozhinë.

Revista Monitor,  17.05.2017

Sot në Sheshin Nëna Terezë në Prishtinë, PEN – Rrjeti i Edukatorëve Bashkëmoshatarë dhe Lëvizja Shkenca për Ndryshim – SFCK, në mbështetje nga Komisioni Evropian, kanë ftuar të gjithë njerëzit, të rinjtë, fëmijët dhe prindërit, që të bashkangjiten në sheshin Nënë Tereza për të ngritur zërin ndaj ndotjes së ajrit në Prishtinë.

Edhe pse me ardhjen e stinës së pranverës dhe verës, nivelet e ndotjes së ajrit ulen, ajo që nuk duhet harruar është se përsëri me ardhjen e vjeshtës dhe dimrit, ndotjet enorme të ajrit do të rikthehen përsëri, duke kontribuar më tej në shtimin e sëmundjeve tek fëmijët, të moshuarit dhe qytetarët e tjerë.

Aksioni do të jetë aktive gjatë tërë kohës në orarin e cekur, dhe do të përfshijë: Intervenime artistike dhe muzikore kundër ndotjes së ajrit; Matje të drejtpërdrejta të cilësisë së ajrit nga aktivistët; Materiale informuese në lidhje me ndotjen e ajrit dhe ndikimin e saj në shëndet, si dhe shpërndarje të maskave kundër ndotjes së ajrit; Mesazhe solidariteti për të gjithë ata që janë prekur nga sëmundje të ndryshme si pasojë e ndotjes së ajrit. Kujtojmë se raporti i Bankës Botërore në Kosovë, ka përllogaritur rreth 835 vdekje të parakohshme çdo vit në Kosovë si pasojë e ndotjes së ajrit; si dhe thirrje ndaj institucioneve përgjegjëse, veçanërisht Ministrinë e Mjedisit dhe Planifikimit Hapsinor si dhe Agjencionin për Mbrojtjen e Mjedisit të Kosovës, që të punojnë në mënyrë sistematike në marrjen e masave gjatë periudhave kur ndotja e ajrit fillon të rritet, si dhe të vazhdojnë të publikojnë të dhanat për ndotjen e ajrit edhe gjatë stinës së pranverës dhe verës.

Projekti “Making Sense” është projekt inovativ, i mbështetur nga Komisionit Evropian, dhe zhvillohet paralelisht në Belgjikë, Spanjë, Skoci, Holandë dhe Kosovë. Ky projekt në Kosovë implementohet nga PEN (Rrjeti i Edukatorëve Bashkëmoshatarë) dhe Lëvizja Shkenca për Ndryshim.

Qëllimi i projektit është aftësimi i qytetarëve që të monitorojnë vetë gjendjen e mjedisit të tyre, të krijojnë kampanja mobilizuese, dhe së bashku me akterë kryesorë të synojnë ndryshime pozitive në fushën e mjedisit në Kosovë.

Agjensia e lajmeve ekonomia,  24.04.2017

Ditë ankthi dhe pasigurie për ish-kryeministrin Sali Berisha dhe djalin e tij, Shkëlzen Berisha, të cilët me ndërmjetësimin e sekserit Nuel Kalaj, rezultojnë se kanë mundësuar shitjen abuzive të 75 për qind të aksioneve të kompanisë shtetërore ‘OSSH’ tek kompania çeke ‘CEZ’, duke i shkaktuar shtetit shqiptar një dëm ekonomik prej 414 milionë eurosh.

Pas publikimit të transaksioneve dhe dokumenteve nga komisioni hetimor parlamentar, për tërheqjen e 7 milionë eurove nga sekseri Nuel Kalaj, me çanta, në një bankë të nivelit të dytë në Tiranë, pa paguar asnjë taksë dhe pa kryer një punë të dokumentuar, në lëvizje janë vënë menjëherë institucionet kompetente.

Shqiptarja.com ka mësuar se, institucionet ligjzbatuese, përfshirë Drejtorinë e Përgjithshme të Parandalimit të Pastrimit të Parave, kanë nisur hetimet ndaj shtetasit kosovar Nuel Kalaj, për pastrim parash, evazion fiskal dhe pastrim të produkteve të veprës penale. Autoritet përgjegjëse, përfshirë edhe shërbimet inteligjente, bazuar në indiciet e ditëve të fundit, po hetojnë burimin e 7 milionë eurove të tërhequra nga Nuel Kalaj, mundësinë e ndarjes me persona të tjerë, tjetërsimin si dhe skemën e investimit në pasuri të paluajtshme, nëse ka.

Shkëlzen Berisha nën hetim 
Shqiptarja.com ka mësuar gjithashtu se verifikimit për pastrim parash po i nënshtrohen edhe rrethi i personave të lidhur me sekserin Nuel Kalaj, ku përfshihet edhe i biri i Sali Berishës, Shkëlzen Berisha.

Sipas një e-maili të ish-drejtorit të CEZ në Shqipëri, Josef Hejsek, drejtuar nëndrejtorit të CEZ-it në Pragë, Tomas Pleskac, Nuel Kalaj rezulton mik i besuar i Shkëlzen Berishës, ku ky i fundit duket se i ka vënë vulën shitjes së OSSH tek çekët. Po ashtu, organet kompetente po verifikojnë edhe veprimet dhe mosveprimet e ish-drejtuesve, gjatë kohës kur Nule Kalaj ka mundur të tërheqë 7 milionë euro, nën hundën e institucioneve, pa paguar taksa dhe pa kryer një shërbim të dokumentuar.

Për një hetim sa më efikas, ka nisur edhe një bashkëpunim mes institucioneve kompetente, në bazë të marrëveshjeve të nënshkruara vitet e fundit. Në ditët në vijim pritet të dalin edhe rezultatet e para të verifikimit për lëvizjen e parave dhe personat e përfshirë në skandalin më të madh të 25 viteve të fundit.

Lëvizja e parave  
Edhe pse ka dyshime të forta se paratë e tërhequra mund të jenë ndarë jashtë sistemit bankar, mes personave që kanë mundësuar shitjen e OSSH në dëm të shqiptarëve, komisioni hetimor parlamentar u ka kërkuar bankave transaksionet bankare për Nule Kalajn, Shkëlzen Berishën, Sali Berishën dhe Hamza Merxhanin. Komisioni hetimor ka dyshimet të forta për 15 milionë euro transaksione bankare të dyshimta, të cilat kanë lidhjet me privatizimin e OSSH.

Po ashtu komisioni u ka kërkuar bankave transaksionet bankare për Suzana Guxhollin, Mimoza Vokshin, Neritan Alibalin, Enno Bozdon dhe familjarët e tyre, si dhe transaksionet bankare për anëtarët e Komisionit të Vlerësimit, Negocimit dhe Transparencës.

Po verifikohen gjithashtu edhe lëvizjet e Kastriot Ismailajt dhe Shkëlzen Berishës, pas informacioneve se në periudhën 2009, 2010, 2011 kanë qenë së bashku në Pragë.

Po verifikohen edhe tablatet telefonike të Sali Berishës dhe Nuel Kalaj, pas informacioneve se ka pasur mbi 100 telefona mes tyre. Gjithashtu po verifikohen në sistemin TIMS lëvizjet e Sali Berishës, Shkëlzenit dhe të Nuel Kalajt nëse përkojnë me e-mailet dhe dëshmitë e administruara nga komisioni hetimor.

Shqiptarja.com  20.01.2017

Përkushtimi i TAP-it për mjedisin vendor dhe për Sigurinë dhe Shëndetin është thelbësor për projektin tonë. Përpara fillimit të rikonstruksionit të urave në zonën e Fierit, në Shqipëri, TAP-i nisi një operacion pastrimi që filloi në shtator të vitit 2015.

Fieri është zona me numrin më të madh të urave që do të rikonstruktohen në Shqipëri dhe ka qenë në fokusin e projektit TAP gjatë këtij viti.

Ashtu siç shihet edhe në prezantimin shoqërues zona përreth urave ishte e zënë nga mbeturinat që ishin hedhur apo lënë aty dhe ishin lejuar të mblidheshin përgjatë një periudhe kohore. Kjo situatë e bënte rikonstruktimin e urave një sipërmarrje me mundësi rreziku dhe të vështirë. Një vëmënedje e veccantë ju kushtua përmirësimit të kushteve të këtyre hapsirave ku do të punohej duke larguar mbetjet dhe kështu duke përmirësuar rrjedhjen e ujrave, mjedisin ujor, si edhe duke ulur rrezikun për sigurinë dhe shëndetit e punëtorëve tanë dhe komunitetit.

Pastrimi përfshiu largimin e mbetjeve në të dy anët e urës, përfshirë:

Mbetje urbane;
Mbetje të ngurta;
Mbetje plastike;
Largimin e gjetheve të rëna dhe bimësisë stinore;
Rregullimin e mjedisit në zonë.

Ne do t’i lëmë këto sheshe pune në gjendje shumë më të mirë krahasuar me gjendjen në të cilën i gjetëm. Operacioni i pastrimit u ndërmor nga kontraktori i TAP-it Gener2 – Sicilsaldo dhe është mirëpritur nga komunitetet vendore. Komentet e tyre kane qenë shumë pozitive dhe shpresojmë që të rezultojë në ndikimin e qëndrimit të tyre në lidhje me përpjekjet për të mbrojtur mjedisin e nga hedhja e mëtejshme e mbetjeve në këto zona të ndjeshme.

Nisma të ngjashme janë ndërmarrë në rajonet e Korçës dhe Çorovodës ku gjithashtu po kryhet rikonstruktimi i urave.

energjia.al  02.12.2015

Ngjarja e 3 ditëve të shkuara, kur një pjesë e mirë e plazhit të Durrësit u ndot nga mbeturinat e hidrokarbureve të një anije deri tani fantazëm, ka ngritur edhe shqetësimin nëse ekzistojnë struktura për trajtimin e mbetjeve të lëngëta të anijeve që vizitojnë portin e Durrësit? Në këtë kategori bëjnë pjesë edhe mbeturinat e vajrave që përftohen nga lëvizja e anijeve nga njëri port në tjetrin.

Shqiptarja.com ka bërë një vëzhgim në portin detar të Durrësit ku ushtron aktivitetin e saj prej më shumë se 20 vjetësh firma “Pastrimi Detar” e cila merret me pastrimin e akuariumit të portit detar, me trajtimin e mbetjeve të lëngëta si dhe me larjen e teshave të hotelerisë së trageteve.

Për të kryer këto procese firma nga ngritur infrastrukturën e saj në det dhe në tokë. Kjo konsiston në krijimin e një flotilje detare me anije cisternë për grumbullimin e mbetjeve të lëngëta, në pajisjen me autobote po për të njëjtin problem si dhe ka ngritur në Porto-Romano një impiant për përpunimin e mbetjeve të lëngta.

Këtë të martë firma trajtoi 5 ton mbetje të lëngshme të cilën e shkarkoi një anije tregtare 20 mijë tonëshe.

Bëhet e ditur se të gjitha operacionet e pastrimit të anijeve nga këto mbeturina kryhen me dokumenta doganore pasi mbetjet e hidrokarbureve pasi trajtohen kthehen në lëndë të parë për prodhimin e vajrave të makinave dhe që janë mjaft të kërkuara në industrinë e prodhimit të vajrave industriale.

Agron Bregasi, përfaqësues i firmës “Pastrimi Detar” rrëfen të gjithë procedurën që kryhet për pastrimin e anijeve nga mbeturinat e hidrokarbureve, e cila nuk mund të realizohet pa plotësuar dokumentat doganore. Vetëm më pas këto mbeturina transportohen me autobote në Porto-Romano ku gjendet impianti i përpunimit të tyre.

“Në të gjitha rastet kur do të shkakrojë një anije pasi paraqit kërkesën agjensia përkatëse shkon protokollohet të nesërmen në sekretarinë e drejtorit. Më andej merret formulari i kapitenerisë për të cilën ka deklaruar sasinë që do shkarkoj dhe pasi bëhen këto dokumenta nëqoftëse është për nga deti shkojmë me anije, nëqoftëse është për nga toka shkojmë më autobot. Gjithmonë me anijet bosh dhe autobotet bosh. Pasi kryhet procedura e marrjes së tubit vendoset në flanxhe fillon shkarkimi dhe mbasi mbaron lëvis automjeti. Nëse është me autobot peshohet në doganë. Merren mostrat nga doganieri përkatës i sektorit të akcizës dhe shkohet në degën e doganës në Durrës. Mandej autoboti shkon në pikën e pastrimit detar, aty ndiqet procedura e shkarkimit,” shpjegon Bregasi.

Pasi lënë portin detar, autobotet i drejtohen Porto-Romanos. Atje, këto mbeturina i nënshtrohen një përpunimi të thellë i cili përfshin trajtimin e ujrave dhe atë të hidrokarbureve. Ky proces zgjat disa ditë dhe në fund përftohet një substancë e cila është lëndë e parë për fabrikat e vajrave. Kjo lëndë shitet duke ju nënshtruar përsëri akcizës dhe lejohet të dalë nga impianti vetëm me bekimin e doganës.

Mehmet Haxhiraj, inxhinier kimist në impiant sqaron të gjithë procesin kimik që kryhet ne këtë impiant.

“Ne mbasi i ndamë ujrat, mbaruam me ujrat, na ngelën hidrokarburet. Kemi impiantin e përpunimit të hidrokarbureve i cili është modern që bën përpunimin e këtyre vajrave. Aty kalon nëpër një proces teknologjik me solucionedhe mbasi kalon në temperaturat e caktuara aty fillon ndarja. Ne i heqim ujrat dhe ngelen vajrat. Vaji i përpunuar mbasi e grumbullojmë, nëpër depozita e çojmë atje ku bëhet ripunimi. Përdoret si lëndë e parë, për riciklimin e vajrave tjera,” thotë inxhinieri Haxhiraj.

Por drejtuesit e impiantit ngritën edhe një shqetësim që ka të bëjë me një situatë të pazakontë me të cilin po përballen punonjësit e këtij impianti. Ata sqarojnë se impianti i ka të gjitha depozitat plot me lëndë të parë për prodhimin e vajrave për shkak se Drejtoresha e Doganave gjendet në Amerikë dhe nuk ka se kush ta firmosë urdhrin e evakuimit të kësaj sasie. Një situatë e tillë po bëhet pengesë për funksionimin normal të këtij procesi.

Shqiptarja.com 11.11.2015

Dy punëtorë kanë rënë brënda një depozite karburanti  në zonën e pallatit me shigjeta.

Punëtorët po punonin për pastrimin e depozitës që kishte degraduar.

Në vendngjarje mbërritën zjarrëfikësit që kanë arritur tashmë të gjejnë dy personat, të cilët janë dërguar menjëherë në Spitalin Ushtarak.

Shqiptarja.com  04.06.2015

KEDS ka nisur pastrimin e rrjetit nga drunjtë në tërë territorin e Kosovës. Pastrimi do të bëhet në trasetë e linjave 35 kV (kilovolt), 10 kV dhe 0.4 kV. Gjithsej do të pastrohen 633 kilometra rrjet. Arsye e pastrimit të rrjetit nga drunjtë është pengesat që paraqisnin ata në kontakt me rrjet duke shkaktuar ndalesa të energjisë elektrike prej dhjetëra deri në mijëra konsumatorë, varësisht nga niveli i tensionit ku ndodh prishja, sidomos në kushte të rënduara atmosferike të shoqëruara me erëra të forta.

Prerja e disa drunjve do të rrisë sigurinë e furnizimit me energji elektrike për konsumatorët. Lidhur me këtë veprim që ndikon direkt në përmirësimin e shërbimeve për qytetarë, KEDS ka njoftuar edhe Agjensionin për Mbrojtjen e Mjedisit të Kosovës, Agjensionin Pyjor të Kosovës dhe kuvendet komunale. KEDS i falënderon për mirëkuptim agjencionet dhe kuvendet komunale përkatëse, sikurse edhe konsumatorët, pasi gjatë kryerjes së punës në terren, për shkaqe të sigurisë në punë, derisa të bëhet pastrimi i trasesë ku punohet, konsumatorët e asaj linje do të mbesin pa tension.

Lidhur më projektin KEDS ka angazhuar 30 punëtorë për një periudhë tremujore me mundësi vazhdimi sipas nevojës. Këta punëtorë do te punojnë në të gjitha distriktet e KEDS-it. Para fillimit të punës, KEDS ka mbajtur një trajnim me këta punëtor rreth sigurisë në punë, sikurse të gjithë i ka pajisur me vegla pune dhe pajisje personale mbrojtëse.

KEDS është kompani e përkushtuar ndaj konsumatorëve dhe ka për qëllim rritjen e kualitetit të shërbimeve në vazhdimësi. Kjo është dëshmuar edhe në praktikë, pasi kur janë bërë pak më tepër një vit nga fillimi i punës së kompanisë, dhjetëra-mijëra konsumatorë kanë shërbime dukshëm më kualitative falë investimeve të vazhdueshme anekënd vendit në Rrjetin e Shpërndarjes.

energjia.al 30.06.2014

Bechtel & Enka Projekti i Autostradës së Kosovës dhe KEK-u shpallin të përfunduar projektin e përbashkët te mbulimit te mbi 30 hektarëve te deponime së hirit te Termocentralit Kosova A ne zonën e Obiliqit.

Si pjese e fushatës “Ndërtojmë Korridorin e Gjelbër” Bechtel & Enka ofroi mjetet për gërmimin e materialit që do të përdorej për mbulimin e hirit, shtrimin dhe sistemimin ne hapësirat e kësaj deponie. Mbi 470,00m3 material është depozituar në ketë zonë gjatë një periudhe gjysmë shekullore duke e kthyer atë ne një kodër të gjelbër të integruar me fushat përreth deponisë.

Për 5 muaj me radhë gjatë kohës kur ndërtimi i Autostradës ishte ne momentet kulminante te tij Bechtel & Enka vuri ne dispozicion të kësaj deponie 40 kamion të rendë të cilët në një hapsirë prej 10 orësh pune depozitonin rreth 120 mbushje.

Ky aksion i përbashkët ishte i suksesshëm falë bashkëpunimit të KEK, qeverisjes qendrore dhe lokale, Bankës Botërore dhe ekipit te Bechtel & Enka.

Si një nga zonat problematike për cilësinë e ajrit dhe ndotjen e ambientit, puna e përbashkët e këtyre institucioneve ne këto muaj ka dhëne rezultatet e suksesshme tashme te dukshme për te gjithë.

Në kuadër të Projektit të Pastrimit dhe Rikuperimit të tokave, i bashke financuar nga Banka Botërore, KEK-u dhe Mbretëria Holandeze, KEK angazhohet qe ne vazhdim te realizoje projektin e nisur për mbulimin e plote te deponisë ne fjalë. Nga 25 gusht 2013, me finalizimin e transportit hidraulik nga TCA, pas 50 vitesh, është ndërprere përfundimisht hedhja e hirit te freskët ne ketë deponi. Si hap përfundimtar për rikultivimin e deponisë ne fjale mbetet mbulimi edhe te një hapësire prej rreth 90 hektarësh qe pritet te realizohet gjate vitit 2014.

Si rezultat përfundimtar, nga një kodër e hirit e cila për 50 vite ishte burim i ndotjes se vazhdueshme e cila afekton një zonë të gjerë nga Obiliqi deri në Prishtinë, tashmë një pjesë e konsiderueshme e saj është një zonë e gjelbër falë punës dhe bashkë investimit në fjalë, ku bashkëpunimi Projektit të Autostradës me KEK-un ka dhënë një kontribut shumë të çmueshëm.

Portali Telegrafi, 04.11.2013

Problemet e shumta të ndotjes së mjedisit dhe hedhja e mbeturinave jo në vendet e përcaktuara, kanë qënë jo pak herë objekt i nismave të ndryshme të shoqërisë civile, qeverisë dhe medias.

Të gjithë duhet të jemi pjesë e nismës “Ta pastrojmë Shqipërinë në një ditë” dhe t’i bashkohemi vullnetarëve në gjithë botën, pasi nuk mjafton të kemi ligje apo institucione të mira, por një vend të pastër dhe të denjë për në BE.

Kështu u shpreh Ministri i Mirëqënies Sociale dhe Rinisë, në një deklaratë të përbashkët e Eurodeputeten, Tanja Fajon, duke lancuar këtë nismë. Kjo nismë, që është pjesë e një projekti botëror për mjedisin, do të realizohet më 22 Nëntor në të gjithë vendin. Aktualisht, ky projekt është i shtrirë në 107 shtete dhe është mbështetur nga rreth 8 milionë vullnetarë.

TV Scan, 29.10.2013