info@energjia.al

Ekspertët besojnë se faktori kryesor që po përcakton tendencën e kursit të këmbimit valutor është gazsjellësi TAP. Ilirjan Ligaçaj, drejtor i departamentit të Thesarit në Union Bank, shprehet se çmimi qëndrueshëm i lekut që nga viti i kaluar i detyrohet kryesisht një oferte të lartë të euros në tregun valutor.

Monedha e përbashkët europiane në fund të vitit të kaluar dhe në shkurt të këtij viti ka prekur nivelet më të ulëta në pothuajse një dekadë, duke ju afruar nivelit të 134 lekëve. Ulja e qëndrueshme e euros poshtë vlerës 140 lekë, që ka qenë një lloj reference gjatë viteve të fundit, ka ngritur diskutime lidhur me faktorët e këtij dobësimi.

Ky zhvlerësim sigurisht nuk përjashton edhe konjukturën ndërkombëtare, ku normat negative të interesit dhe programi stimulit sasior kanë krijuar një bollëk likuiditeti në monedhën e përbashkët të eurozonës. Megjithatë, ekspertët shprehen se kursi po ndikohet qartësisht edhe nga faktorë të brendshëm, sidomos të krahut të ofertës.

Zoti Ligaçaj shprehet se deri tani kursi nuk ka luhatje që mund të lidhen me faktorë të kërkesës, që, sipas tij, ngelet në nivele pak a shumë të zakonshme. Deri tani, operatorët e tregut nuk konstatojnë ende as ndonjë ndikim të madh nga Banka e Shqipërisë, përmes ankandeve për blerjen e valutës. Ndonëse një gjë e tillë është paralajmëruar, për momentin, ky nuk po rezulton si faktor përcaktues.

Ekspertët presin që kursi i këmbimit mes euros dhe lekut të vazhdojë të ruajë raporte të ngjashme edhe gjatë muajve në vazhdim, me përjashtim të skenarëve të paparashikuar. Oferta e lartë e euros është reflektuar qartë edhe në strukturën e depozitave të sistemit bankar. Vitin e kaluar e gjithë shtesa e depozitave erdhi nga euro, çka bëri që për herë të parë depozitat në valutë të mbizotërojnë, me rreth 52.5% të totalit.

Ekspertët besojnë se, një plan për uljen e euroizimit të ekonomisë, në thelb do të reduktojë kërkesën për euro dhe do të ndikojë në një forcim të mëtejshëm të lekut në kursin e këmbimit valutor.

Dobësimi i euros ndaj lekut në ekonominë shqiptare është bërë për herë të parë i qëndrueshëm që nga kriza e vitit 2008, kur u zhvendos nga niveli fillestar 125 lekë në rritje pranë nivelit 140 lekë. Për momentin, kursi është stacionuar në intervalin mes 135 dhe 136 lekëve dhe, sipas ekspertëve, ka pak të ngjarë të ketë luhatje të ndjeshme, sidomos në kahun rritës.

Një strategji për të reduktuar euroizimin, në funksion të uljes së ekspozimit të ekonomisë ndaj rrezikut të kursit të këmbimit dhe rritjes së efikasitetit të politikës monetare, në parim do të ndikonte në një zhvlerësim të mëtejshëm të euros dhe do ta forconte lekun. Për një ekonomi me deficit të pozicionit të jashtëm, si ajo shqiptare, në vija të përgjithshme një çmim i monedhës vendase do të kishte më shumë përfitime, sesa humbje.

Scan Tv,  16.03.2017

Agjencia Kombëtare e Burimeve Natyrore shtyu për të disatën herë datën e pranimit të ofertave për dhënien në shfrytëzim ndaj kompanive private për nxjerrjen e naftës në Panaja dhe në Bllokun 5 nëpërmjet një marrëveshje hidrokarbure.

Në një njoftim zyrtar, AKBN bëri me dije se, afati për dorëzimin e ofertave shtyhet më 30 tetor. Burimet nga institucioni bëjnë me dije se shtyrja e afatit është bërë për shkak se nuk ka pasur të interesuar për shfrytëzimin e fushës. Më tej, ekspertë nga sektori i hidrokarbureve bëjnë me dije se, ky nuk është një moment i përshtatshëm për investime në nxjerrjen e naftës.

Çmimi i ulët në tregjet ndërkombëtare dhe cilësia e dobët e naftës nga nëntoka shqiptare nuk favorizojnë investime serioze momentalisht.

AKBN e kishte hapur garën për dhënien e kësaj fushe që në fillim të vjeshtës , por kanë munguar ofertat. Fusha naftëmbajtëse shtrihet nga Gadishulli i Karaburunit deri në Sarandë, ku përfshihet edhe kërkimi në detin Jon

Të gjitha depozitat e naftës që ekzistojnë në gjendjen e tyre natyrore në shtresat tokësore brenda juridiksionit të Republiksë së Shqipërisë janë pronë ekskluzive e shtetit shqiptar. Me ligj, qeverisë i lejohet të negociojë me privatë për shfrytëzimin e pasurive të nëntokës.

Sipas kushteve të kontratës, kohëzgjatja e periudhës së eksplorimit është deri në 5 vjet dhe mund të zgjatet deri në 7 vjet, në përputhje me “Ligjin e Hidrokarbureve”.

Kontraktuesi nuk mund të kalojë te faza pasuese pa plotësimin e detyrimeve dhe angazhimeve financiare. Kohëzgjatja e secilës fazë të periudhës së hulumtimit është subjekt i negociatave.

Në rast zbulimi, periudha për zhvillimin dhe prodhimin është njëzetepesë vjet dhe mund të zgjatet më tej siç parashikohet në ligji.

Revista Monitor,  21.09.2016

Ofertat për kërkimet në tokë janë shtyrë deri më 15 korrik, kurse për kërkimet në det janë pa afat.

Ministria e Energjisë ka vendosur të shtyjë afatin e dorëzimit të ofertave për blloqet e lira të naftës që do t’u jepen kompanive private për kërkim dhe zhvillim. Përmes një urdhri të posaçëm, ministri i Energjisë, Damian Gjinkuri, ka anuluar dy urdhra të mëparshëm që kishin vendosur si afat për dorëzimin e ofertave, datat 15 dhe 25 qershor, për shtatë blloqe kërkimi në gjithë territorin e vendit, si tokë ashtu dhe det.

Sipas Ministrisë së Energjisë, afati i ri i dorëzimit të ofertave do të jetë 15 korriku për pesë zonat e kërkimit në tokë që janë, blloqet 4 dhe 5, blloku C, ai i Panajasë dhe Blloku i Dumresë. Ndërsa për dy zonat e tjera të kërkimit në det që janë blloku i Rodonit dhe “Joni 5”, afati shtyhet në një periudhë të pacaktuar.

Burime nga ministria thanë se shtyrja me një muaj e afatit për pesë blloqet në tokë vjen, pasi disa kompani ndër më të mëdhatë në arenën ndërkombëtare kanë shprehur interes, por kanë kërkuar më shumë kohë në dispozicion për studimin e të dhënave dhe përgatitjen e ofertave. Ndërsa për blloqet e detit afati është shtyrë për të përmirësuar të dhënat sizmike.

Deri më tani, zonat hidrokarbure ishin nën administrimin e “Albpetrol” dhe ka qenë kjo kompani që i ka transferuar ato te privatët përmes negociatave të drejtpërdrejta. Me ndryshimin e ligjit, qeveria thotë se blloqet e reja do t’i nënshtrohen garës në një proces të hapur dhe fituesi do të zgjidhet përmes kritereve të paracaktuara.

Përmes riaktivizimit të kërkimeve hidrokarbure, qeveria shpreson të tërheqë kapital nga jashtë për të ndihmuar ekonominë, edhe pse industria e naftës gjendet në një moment të vështirë.

Rënia e çmimeve në tregjet ndërkombëtare ka goditur dukshëm investimet në këtë sektor, jo vetëm në kërkim, por edhe shfrytëzimin e burimeve ekzistuese. Disa nga kompanitë që shfrytëzojnë vendburimet e naftës në Shqipëri kanë njoftuar shkurtim të investimeve për të kompensuar rënien e të ardhurave.

Por përtej koniunkturës së rënduar globale, hidrokarburet mbeten një nga sektorët që vazhdojnë të thithin pjesën më të madhe të investimeve nga jashtë dhe që mbajnë peshën kryesore në eksportet kombëtare.

Vetëm pak ditë më parë, ministri i Energjisë dhe Industrisë, Damian Gjiknuri, është takuar me zëvendësndihmëssekretaren për diplomacinë energjetike të SHBA-së, Robin Dunnigan. Ajo konfirmoi interesin e kompanive amerikane për t’u njohur nga afër me potencialet që ofron Shqipëria në fushën e hidrokarbureve. Ministri Gjiknuri falënderoi SHBA-në për ndihmën që ka dhënë në reformën e sektorit energjetik, nëpërmjet programit të USAID-it.

Gazeta Shqip,  08.06.2015

“Oferta e Partisë Demokratike propozon 25% ulje të çmimit të energjisë dhe faljen e kamatë-vonesave për të gjithë shqiptarët”. Ky ka qenë premtimi që kryetari i Parisë Demokratike, Lulëzim Basha ka bërë para banorëve në Malësi të Madhe, Shkodër dhe Bushat gjatë një bashkëbisedimi që ai pati me banorë të këtyre zonave.

Ndërkohë, banorët, fermerët dhe tregëtarët i kanë shprehur atij shqetësimet dhe problemet që hasin çdo ditë që lidhen me taksat e larta, mungesa e subvencioneve, rritja e çmimit të energjisë, papunësia dhe rënia e fuqisë blerëse.

“Në listën e subvencioneve, figurojnë 850 milionë lekë subvencione për bujqësinë. Në realitet, asnjë fermer nuk ka marrë kokërr leku. Energjinë ka thënë do ta ulë, biznesit i është rritur 54.7%. Taksat ka thënë se do t’ia heqë biznesit të vogël, i ka rritur gati 50%. Rrimë tërë ditën me një palë këpucë, me fitu 2-3 mijë lekë. Flasin se kanë ulë taksat, po ne keni fatura”, – shprehen qytetarët.

“Rama dhe Meta po bëjnë çdo gjë për t’i ikur ballafaqimit, se ata e dinë që ju a kanë rritur taksën,” tha Basha.

“Ata mendojnë se janë të marrë njerëzit? Taksat janë rrit në stratosferë. Në 2013-ën, 164 mijë lekë. Urdhëro, 2015-ën, shkojnë 210 mijë lekë! Popullit po i thotë qeveria, o prano rritjen e dritave, rritjen e taksave, ose merrni rrugët e ikni nëpër azile”, – thonë të tjerë banorë.

“Më 21 qershor, me votën e shqiptarëve, të ulim taksat, të ulim çmimin e energjisë, të ulim çmimin e naftës dhe t’i japim mundësi biznesit të hapë vende pune, të shtojë të ardhurat. Vetëm këto mund ta hapin prapë këtë qepen, vetëm këto mund ta hapin perspektivën, me punë dhe dinjitet” – u përgjigjet Basha këtyre shqetësimeve.

Tregtarët thonë se qytetarët marrin me listë që nga ushqimet e deri tek veshëmbathjet. Kjo gjë ka vënë në vështirësi shumë tregtarë të cilët kanë vendosur të mos japin më me listë. Shumë biznese kanë shkuar drejt falimentimit dhe qindra qytetarë kanë marrë rrugët e emigrimit. Shqetësim për banorët ishin dhe faturat abuzive të energjisë elektrike dhe mungesa e vendeve të punës

“Këtu, rrogat janë më të ulëtat në Ballkan, mjerimi është më i larti, taksat janë më të larta. Në platformën tonë kombëtare kemi heqjen e TVSH-së për mallrat e shportës, duke përfshirë edhe miellin”, thotë Basha.

Banore: Shkoni thotë, e paguani paret e energjisë atje te kompjuteri, nuk dimë gjë sa duhet me çu. Nuk vjen njeri me pa as sahat, asgjë. Po shkon dy vjet.
Basha: A keni sahat?
Banorja: Po.
Basha: Oferta e Partisë Demokratike propozon 25% ulje çmimin e energjisë dhe faljen e kamatë-vonesave për të gjithë shqiptarët.

“Përballë tentativave për blerje votash, një shkodran ka dhënë një mesazh për të gjithë qytetarët: “I bëj thirrje gjithë popullit të Shkodrës e popullit shqiptar, s’ka të majtë e të djathtë, fukarallëku është i njëjtë për të gjithë. Nuk duhet me e shit votën, se e pamë 20 mijë lekëshin a 30 mijë lekëshin ku na çoi” – tha qytetari.

Shqiptarja.com 02.06.2015

Trans Adriatic Pipeline AG (TAP) ka nxjerrë Ftesën e parë madhore për Tender (ITT) për ndërtimin e seksionit tokësor të gazsjellësit. Kjo është një kontratë e Prokurimit të Ndërtimeve Inxhinierike (EPC), që mund të ndahet ne kontrata të tjera, në varësi të ofertave. ITT-ja ndjek fazën e para kualifikimit për kompanitë e ndërtimit të pjesës tokësore që u hap në maj të këtij viti.

Fushëveprimi i kontratës ose kontratave të tubacionit tokësor përfshin inxhinierinë, prokurimin dhe ndërtimin e rreth 760 km të pjesës tokësore të gazsjellësit prej 48 inç (1.2 m) diametër që përshkon Greqinë dhe Shqipërinë. Kompanitë që po ftohen të tenderojnë janë organizata ndërkombëtare të ndërtimit të gazsjellësve, përfshirë këtu edhe kompani nga vendet pritëse të TAP-it

Ndërtimi i Gazsjellësit Trans Adriatik planifikohet të nisë në vitin 2016, dhe për momentin planifikohet të ndahet në 5 segmente (ose seksione), tre prej të cilëve do të jenë në Greqi dhe dy në Shqipëri. Lartësia më e madhe e tubacionit do të jetë në nivelin e 1800 metrave mbi nivelin e detit në Shqipëri dhe përgjatë gjurmës së tij gazsjellësi do të kryqëzohet me shumë rrugë e lumenj.

TAP-i planifikon që të japë kontratën për tubacionin tokësor në tremujorin e tretë të vitit 2015. Ftesat e ardhshme për Tender (ITT) që do të nxirren nga TAP-i, do të jenë EPC-ja për stacionet kompresorë në Greqi dhe në Shqipëri, gjithashtu edhe prokurimi i njësive të kompresorëve për stacionet dhe prokurimi i valvulave sferike me diametër të madh. TAP planifikon t’i nxjerrë këto ITT në tremujorin e fundit të vitit 2014.

Knut Steinar Kvindesland, Drejtor i Prokurimeve i TAP tha: “Kontrata për ndërtimin e seksionit tokësor të gazsjellësit TAP është kontrata më e madhe që TAP planifikon të japë. Përzgjedhja e ofertuesve që janë ftuar të tenderojnë vjen pas një procesi rigoroz para kualifikimi. Aftësia e ofertuesve për të përmbushur standardet e larta të TAP-it lidhur me Shëndetin, Sigurinë dhe Mjedisin si dhe aftësia për të treguar se ata kanë “politikë pa asnjë dëmtim” kanë qenë dhe do të jenë pika kyçe për përzgjedhjen e ofertuesve.

Kontraktorët EPC të TAP-it do të kenë gjithashtu përgjegjësinë të përzgjedhin nën kontraktorët e tjerë të mundshëm për zbatimin e pjesëve specifike të detyrave të kontratës. Kjo mund të sjellë punësim të rritur dhe mundësi të shtuara biznesi, duke dhënë kështu kontribut për prosperitetin ekonomik të vendeve ku kalon TAP-i.

Për më tepër informacion mbi procesin e prokurimit të TAP-it dhe për kontratat që kompania planifikon të japë, ju lutemi vizitoni: http://www.tap-ag.com/project-opportunities/for-companies

Nëse jeni nën kontraktor dhe nëse jeni të interesuar të punoni për një nga kompanitë që TAP do të përzgjedhë për kontratat e tij, ju lutemi vizitoni http://www.tap-ag.com/project-opportunities/for-companies/interested-in-working-as-subcontractor për të regjistruar të dhënat tuaja, që do t’i përçohen më tej kompanive të ftuara për tenderim në procesin e prokurimit të TAP-it.

energjia.al 15.10.2014

Si pjesë e procesit të para kualifikimit për furnitorë potencialë, Trans Adriatic Pipeline (TAP) ka publikuar njoftimin e kontratës së ardhshme në Fletoren Zyrtare të BE-së.

TAP do të ndërtojë një gazsjellës prej 870 km të gjatë së bashku me infrastrukturën përkatëse në Greqi, Shqipëri dhe Detit Adriatik me dalje në tokë në Italinë Jugore.

Qëllimi i kontratës së radhës lidhet me prodhimin, testimin dhe dorëzimin e valvulave me diametër të gjerë: rreth 8 nga 36 inch (klasa 900) dhe valvul nga 46 të 48 inch (klasa 600). Kompanitë e interesuara duhet të kërkojnë një formular nga TAP jo më vonë se data 11.08.2014 në adresën e e-mailit: pqq.valves@tap-ag.com

Ky është njoftimi i pestë i TAP, që nga maji i këtij viti.

Kontrata e ardhshme që do të njoftohet nga TAP do të përfshijë parakualifikimin e kompanive që ofrojnë tuba çeliku për seksionet në tokë të TAP, të ndjekur nga parakualifikimi i kompanive, që ofrojnë shërbime ndërtimi për gazjellësin në det.

Revista Monitor, 25.07.2014

Komiteti Drejtues i Projektit (KDP) i Termocentralit “Kosova e Re”, i udhëhequr nga Ministri i Zhvillimit Ekonomik, Fadil Ismajli, mbajti takimin e radhës ku u diskutua lidhur me zhvillimet e fundit në këtë projekt.

KDP TC “Kosova e Re” u informua nga Këshilltari i Transaksionit dhe NJIP TC ‘Kosova e Re’, me gjendjen aktuale dhe rrjedhën e projektit deri më tani.

Komiteti Drejtues i Projektit në këtë takim aprovoi unanimisht kërkesën e investitorëve të bërë përmes Këshilltarëve të Transaksionit për shtyrjen e afatit të dorëzimit të ofertave deri më 15 Shtator 2014. Në bazë të këtij vendimi të KDP-së, si kërkesë e investitorëve shpallja e fituesit për fazën e parë të projektit do të bëhet më 30 Shtator.

Po ashtu, në këtë takim KDP u informua edhe për takimet që janë mbajtur me palët e përfshira në projekt nga ku është rikonfirmuar qëllimi i të gjitha institucioneve vendore dhe ndërkombëtare për të vazhduar me projektin.

energjia.al 21.07.2014

Kjo është një nga kontratat më të mëdha që TAP planifikon të realizojë. Përzgjedhja e ofertuesve potencialë do të jetë e rreptë…

Trans Adriatic Pipeline (TAP) ka publikuar njoftimin e dytë për kontratë (faza parakualifikuese) për një prokurim të madh për ndërtimet inxhinierike (EPC) në Gazetën Zyrtare të BE-së – the EU Gazette. Qëllimi i kësaj kontrate lidhet me punimet inxhinierike, prokurimet dhe ndërtimin e rreth 760 kilometrave të tubacionit në tokë me diametër 1.2 metra që lidh dy vendet Shqipëri dhe Greqi. Njoftimi aktual është i dyti, pas një njoftimi për ndërtimin e rrugëve dhe urave shqiptare të publikuar në 15 prill 2014. Përveç ndërtimit të gazsjellësit, kontrata do të përfshijë ndërtimin e 32 stacioneve valvolash përgjatë rrugës.

Ndërtimi i gazsjellësit planifikohet të fillojë në vitin 2016 dhe do të ndahet në pesë lote – tre në Greqi dhe dy në Shqipëri. Vlerësim më i lartë i TAP do të jetë 1,800 metra në Shqipëri dhe gazsjellësi do të ndeshë përgjatë gjurmës me shumë rrugë dhe lumenj.

Sipas njoftimit, kompanitë që janë të interesuara në fazën e para kualifikimit për kontratën e ndërtimit të gazsjellësit në tokë duhet të kërkojnë një pyetësor para kualifikimi nga TAP, jo më vonë se 26.05.2014. Vetëm një numër i përzgjedhur kompanish që kanë plotësuar para kualifikimin do të ftohen që të marrin pjesë në fazat e tenderimit të procesit të prokurimeve të TAP për dertimin në tokë të gazsjellësit.

Knut Steinar Kvindesland, drejtor i prokurimeve në TAP, tha: “Kjo është një nga kontratat më të mëdha që TAP planifikon të realizojë. Përzgjedhja e ofertuesve potencialë do të jetë e rreptë. Një kërkesë kyçe, që kontraktorët tanë duhet të përmbushin lidhet me standardet e larta në Shëndet, Siguri dhe Mjedis dhe politikës së TAP për zero dëme.”

Kontraktorët e EPC të TAP do të jenë përgjegjës për të siguruar nënkontraktorë shtesë për të zbatuar pjesë specifike të kontratës, duke krijuar në këtë mënyrë mundësi shtesë për ekonominë dhe punësimin në rajon.

Njoftimi i ardhshëm për kontratë, që do të publikohet nga TAP në javët në vijim, do të jetë ai për para kualifikimin e kompanive për ndërtimin e stacioneve të kompresorëve.

Parakualifikimi i kompanive për pjesën italiane në tokë do të njoftohet më vonë, si pjesë e një kontrate tjetër.

Linku i njoftimit.

Në prill u rishikua procesi i prokurimeve

Në prill 2014, pas një rishikimi të strategjisë dhe afateve, TAP vendosi të ri-prezantojë procesin e vet të prokurimeve dhe si rrjedhojë filluan proceset e reja të para kualifikimit për mallra dhe shërbime. Procesi i rishikuar synon të japë mundësinë maksimale për furnitorët kombëtarë dhe ndërkombëtare, që të marrin pjesë në projekt. TAP ka inkurajuar të gjitha kompanitë me përvojë domethënëse – përfshirë ato që kanë aplikuar më parë, që të marrin pjesë në raundet e reja të para kualifikimit.

Rreth Gazsjellësit Trans Adriatik (TAP)

TAP do të transportojë gaz natyral nga fusha gjigante e Shah Deniz II në Azerbajxhan për në Evropë. Gazsjellësi i gjatë përafërsisht 870 km do të lidhet me Gazsjellësin Trans Anatolian (TANAP) pranë kufirit greko-turk në Kipoi, do të përshkojë Greqinë, Shqipërinë dhe Detin Adriatik përpara se të arrijë në brigjet e Italisë jugore.

Trajektorja e TAP mund të lehtësojë furnizimin me gaz për disa vende të Evropës JugLindore duke përfshirë Bullgarinë, Shqipërinë, Bosnjen dhe Hercegovinën, Malin e Zi, Kroacinë etj. Pika ku TAP hyn në tokë në Itali ofron mundësi të shumëfishta për transportin e mëtejshëm të gazit natyror kaspik drejt disa prej tregjeve më të mëdha evropiane si Gjermania, Franca, Mbretëria e Bashkuar, Zvicra dhe Austria

TAP do të promovojë zhvillimin ekonomik dhe krijimin e vendeve të punës përgjatë gjurmës së tij;ai do të jetë një burim kryesor për investimet e huaja të drejtpërdrejta dhe nuk ka varësi nga grantet ose subvencionet. Pas shitjeve të para në Gjeorgji dhe Turqi të targetuara për fundin e vitit 2018, prurjet e para të gazit në Evropë do të ndodhin pas rreth një viti.

Aksionarët e TAP janë BP (20%), SOCAR (20%), Statoil (20%), Fluxys (16%), Total (10%), E.ON (9%) dhe Axpo (5%).

Revista Monitor, 12.05.2014

Ministri i Ekonomisë Edmond Haxhinasto tha dje per TOP Channel se me vendim të Këshillit të Ministrave, grupi negociator ka nisur procesin e vlerësimit të ofertës së dytë. Kjo ofertë është 297 milionë euro, gati tre herë më pak se oferta e parë dhe është dhënë nga kompania kineze ‘Win Business Energy’.
“Keshilli i Ministrave ka marrë vendimin, në bazë të rekomandimit nga grupi negociator, që e ka quajtur ofertën e parë të pavlefshme. Ky vendim ka autorizuar grupin negociator të vazhdoje me vlerësimin e ofertave të tjera, sic e parashikon ligji”, tha Haxhinasto.

Sipas Reuters, biznesmeni Rezart Taçi tha se grupi ishte habitur nga vendimi për shkak se ata po punonin për të finalizuar marrëveshjen. Theksohet se një vendim i tillë nuk gjendet në faqet në internet të qeverisë, ku publikohen zakonisht njoftime të tilla.

Energjia.al kishte kerkuar qe dy muaj perpara fillimin e negociatave me kinezet, duke qene se ishin tejkaluar te gjithe afatet e marreveshjes me Vetro Energy.

energjia.al, 09.02.2013

Albania calls off Vetro offer for Albpetrol oil firm
Albania has invalidated the winning 850 million euro ($1.1 billion) bid by Vetro Energy to buy its Albpetrol oil company after the Albanian-U.S. firm failed to come up with an initial payment, the energy minister said.
Minister Edmond Haxhinasto said on national television on Friday that the government had decided to “consider the first offer invalid” after Vetro failed to pay 170 million euros, equal to 20 percent of its bid.
Vetro had asked for a postponement but still failed to pay by a second deadline on Dec. 3.
The agreed price, equal to about 10 percent of Albania’s gross domestic product, would have been a windfall that the Balkan state could have used to help reduce its budget deficit and public debt.
“This (government’s) decision has authorized the group of negotiators to continue evaluating the other offers,” Haxhinasto, who serves also as deputy prime minister, told Top Channel.
Chinese consortium Win Business, with an offer of 298 million euros, was next in line to talk to Albanian negotiators, followed by Bankers Petroleum of Canada, which offered 106 million euros.
The government has offered to sell all of Albpetrol’s above-ground assets, the right to explore and exploit oil and gas for 25 years and licences to build a refinery and transport and distribute gas.
A source close to Vetro’s majority shareholder, Albanian oil businessman Rezart Taci, said the group was “surprised by the decision because we were working to finalise the deal”.
The decision could not found on the government’s website, where such decisions are normally published.
The government cancelled the deal after waiting on Vetro for two months and as it starts to prepare for parliamentary elections on June 23.

Reuters, 08.02.2013

BERISHA, PATTON BOGGS, TACI;
ESHTE TRINOMI I KRIMIT ME PRIVATIZIMIN E KOMPANISE ALBPETROL DHE TE DREJTAT SOVRANE TE SHTETIT SHQIPTAR!
Jemi ne kete pike:
Oferta e Tacit ka qene e pa garantuar ne shumen 10%; Banka Amerikane ka qene nje alibi per mashtrimin ne komisionin e tenderit; Patton Boggs, si konsulent i qeverise Berisha ne kete privatizim ka dale garant per “garancine e Tacit”-madje ka thene se e ka verifikuar dhe i rezulton garancia e mbuluar edhe me kolateral; ne fakt garancia 10%-85 milion dollare nuk egziston!!
AFATI 60 DITOR DHENE NGA LIGJI E RREGULLAT QE KOMPANIA E TACIT TE FIRMOSTE KONTRATEN KA MBARUAR ME KOHE!
SIPAS LIGJIT DHE RREGULLAVE, QEVERIA E BERISHES DUHET TE TERHIQTE GARANCINE PREJ 85 MILION EURO! POR AJO NUK ESHTE!
TACI DHE PATTON BOGGS KANE GENJYER, MASHTRUAR!
KOMISIONI I TENDERIT KA BERE SIKUR NUK E KA KUPTUAR DHE KA SHPALLUR FITUES KLIENTIN E BERISHES!
TANI, PER DY MASHTRUESIT, TACI E PATTON BOGGS;
DUHET HETIM PENAL!
POR BERISHA SKA KETE MENDJE!!

Faqja Facebook Erion Brace, 29.01.2013