info@energjia.al

HEC-i i Moglicës, një nga dy hidrocentralet e kaskadës së Devollit, në 2019 do të hedhë në rrjet energjinë e prodhuar, duke përforcuar kapacitetet prodhuese në vend. Punimet janë brenda parashikimeve dhe kjo iu bë e ditur Kryeministrit Edi Rama nga drejtuesit e kompanisë, gjatë inspektimit që Kryeministri, sëbashku me ministrin e Infrastrukturës dhe Energjetikës, Damian Gjiknuri, bëri sot në këtë vepër.​

“Do të fillojmë me mbushjen e digës vitin tjetër, në 2018 dhe do të shkojmë më tej me prodhimin gjatë pranverës së vitit 2019 dhe në fund të vitit 2019 do të përfundojë gjithçka,” – u shpreh një nga drejtuesit e Statkraft.

Me kapacitet të instaluar 256 Më, HEC-i i Moglicës rrit kapacitetet prodhuese të energjisë në vend me 700 Gëh dhe e gjithë kaskada e Devollit do të rrisë me 17% furnizimin me energji. HEC-i i Moglicës është një vepër unikale në projektim e ndërtim. Për herë të parë, diga e Moglicës do të lidhet me centralin e prodhimit nëpërmjet një tuneli 11 km të gjatë, i cili do të ndërtohet brenda në shkëmb.

“11 kilometra tunele nga këtu te centrali i prodhimit, i cili do të jetë nëntokë. Ky do të jetë centrali i parë i ndërtuar në Shqipëria nëntokë,” – u shpjegoi një nga drejtuesit e punimeve.

Po ashtu, me një lartësi prej 160 metrash, diga e Moglicës është një ndër digat më të lartë në botë në llojin e saj.  “Është një ndër më të lartët në llojin e tij. Mendoj se është vetëm një në Kinë që është pak më e lartë, por është thuajse e njëjta. Është një ndërtim unikal dhe shumë i madh,” – theksoi një nga inxhinierët zbatues.

Për ndërtimin e kësaj vepre aktualisht janë angazhuar rreth 1400 punonjës. “Përafërsisht, duke përfshirë edhe rrugët zëvendësuese, janë 1300-1400 njerëz,” – u shpreh një nga inxhinierët zbatues.

Përveç investimit në veprën energjetike, kompania ka investuar 60 milionë euro në infrastrukturën rrugore, duke iu ardhur në ndihmë banorëve të zonës së Devollit.

energjia.al  14.11.2017

Qendra rumune e Energjisë në bashkëpunim me Qendrën për Dialog dhe Bashkëpunim do të mbajnë një Konferencë Ministrore në Bukuresht. Konferenca do të zhvillohet nga data 8 deri në 10 nëntor, ku do të marrin pjesë ministrat e Energjisë nga shtetet e Evropës Qendrore, Lindore dhe Kinës.

Nëpërmjet kësaj konference synohet të arrihen strategji dhe bashkëpunim mes Evropës dhe Kinës në fushën e energjisë, duke zgjeruar praktikat rregullatorë, tregtinë dhe teknologjinë në një sërë fushash, si energjia e rinovueshme, energjinë bërthamore apo në qymyrin e pastër.

Konferenca do të pasohet nga Panairi Energjitik (16 + 1) i cili do të mbahet në po këto data. Panairi energjitik ofron një platformë për diskutimin dhe shkëmbimin e ideve për kompanitë dhe organizatat në fushën e energjisë, duke ofruar mundësinë për të eksploruar projekte dhe iniciativa të reja biznesi. Panairi do të ndiqet nga 30 kompani të mëdha kineze në fushën e energjisë, përfaqësues të kompanive të energjisë në Rumani dhe i disa firmave në Europën Qendrore dhe Lindore.

Këto janë edhe iniciativat e para të cilat do të ndodhin në kuadër të bashkëpunimit energjetik.

Vendet evropiane pjesëmarrëse përfshijnë Shqipërinë, Bosnje-Hercegovinën, Bullgarinë, Kroacinë, Republikën Çeke, Estoninë, Letoninë, Lituaninë, Maqedoninë, Malin e Zi, Poloninë, Rumaninë, Serbinë, Sllovakinë, Slloveninë, Hungarinë.

Qendra për dialog dhe bashkëpunim për energjinë e 16 + 1 (CDCEP 16 + 1) është themeluar në tetor të vitit 2016 si një iniciativë e Rumanisë në formatin 16 + 1, me një mision për të krijuar një platformë dinamike rrjeteve për bashkëpunimin për zhvillim energji mes vendeve partnere.

Vlen të përmendet fakti se në vitin 2016, Kina ka ngritur një fond investimi prej 10 miliardë euro për infrastrukturën e energjisë, bujqësinë, turizmin dhe projektet e infrastrukturës së transportit. Brenda këtij formati 16 + 1, Rumania zgjodhi investimet në sektorin e energjisë dhe krijoi Qendrën për Dialog dhe Bashkëpunim në Projektet e Energjisë – CDCEP.

Scan Tv,  10.11.2017

inister of Infrastructure and Energy Damian Gjiknuri, while addressing a conference on hydrocarbons held in Tirana,  stated the government is onsidering to change the models of contracts with oil and gas companies in Albania.

According to the minister, wherever there is oil and gas there are discrepancies between state and private contractors, but the current contracts put the investment risk on the state.

“The risk should be passed on to the contractors. At present, only when the oil company achieves profits the state can take 50% of the profit tax. Contract models should be changed based on best European practices.”

“Perhaps these companies have to be taxed just like other businesses, but they themselves bear the risk of investing and the state gets its share,” Gjiknuri said.

The Energy Minister also announced the establishment of the Oil and Gas Institute, which foreign experts considered as one of the key links to be funded and supported.

This institution will serve as the best technical capacity to help Albania negotiate with potential contractors.

Scan Tv,  09.11.2017

Ministri i Infrastrukturës dhe Energjisë Damian Gjiknuri shoqëruar nga Administratori i Operatorit të Shpërndarjes Adrian Çela ndoqën nga afër punimet që po kryhen për rinovimin e rrjetit elektrik në zonën e Laprakës. Investimi prek zonën e Stacionit të Trenit, Rrugën Jordan Misja, bllokun pranë Hipotekës, një pjesë të zonës së Don Boskos dhe pothuajse gjithë Laprakën.

Linja e vjetër  6 kV është demontuar duke u zëvendësuar me atë të re 20 kV duke garantuar një cilësi shumë më të lartë furnizimi.

“Janë 20 kilometra kabëll i ri, janë rreth 28 kabina të reja. Ky investim pasohet edhe nga një tjetër për fidrin 356 që do të kapë gjithë pjesën e mbetur të Don Boskos dhe Bregun e Lumit. Brenda këtij viti, kjo zonë do të ketë një linjë të re shpërndarjeje brenda standardeve. Nuk është investimi i fundit që po kryejmë në Tiranë me fondet e OSHEE. Dua të falënderoj të gjithë abonentët, jo vetëm në qytetin e Tiranës por në mbarë Shqipërinë që vazhdojnë ti përgjigjen pagesës së faturave. Ritmi i arkëtimeve është në nivele të kënaqshme dhe kjo po u kthehet qytetarëve me investime”, theksoi administratori i OSHEE-së Adrian Çela.

Ndërkaq, Ministri i Infrastrukturës dhe Energjisë Damian Gjiknuri u shpreh se këto investime janë pjesë e rivitalizimit të infrastrukturës energjitike të vendit.

“Është pjesë e një plani për rivitalizimin e të gjithë infrastrukturës energjitike në gjithë Shqipërinë. Kjo po vazhdon pavarësisht situatave të vështira financiare që ka patur Operatori i Shpërndarjes për shkak të krizës energjitike. Suksesi i reformës në energji u provua, me këtë test që kaloi sistemi, përballoi importe deri në 90 milion euro pa shkundur financat e shtetit. Të mos harrojmë se dikur, kur kishte krizë energjitike e thatësirë, financat e shtetit shkundeshin dhe pengohej çdo lloj investimi tjetër. Përkundrazi, OSHEE ka qenë në gjendje ti përballojë këto me të ardhurat e veta, me një mbështetje minimale e të programuar nga Buxheti i Shtetit. Në çdo rast vendi nuk duhet të mbetet pa energji por siç e thashë, treguesi i suksesit të reformës bëri të mundur që kompania të sigurojë furnizimin me energji, të importojë edhe pse në kushte të vështira e me çmime të larta për shkak të thatësirës e mungesës së prodhimit në gjithë Ballkanin. Ka qenë e planifikuar që në fillim të vitit një garanci e mbështetje prej 3 miliard lekësh për sektorin energjitik. Klima po përmirësohet dhe besoj se pjesa më e madhe e rrezikut është tejkaluar. Në kushtet që jemi, edhe me mbështetjen në bazë të aktit normativ, situata do jetë e stabilizuar dhe nuk do kemi problem me importin e furnizimin”, nënvizoi Gjiknuri.

Nga investimi që po kryhet në këtë zonë, më shumë se 10 mijë abonentë parashikohet të përfitojnë një furnizim më të qëndrueshëm e cilësor me energji.

energjia.al  25.09.2017

Me praninë e Komisionerit Evropian për Zgjerimin dhe Fqinjësinë e Mirë z. Johanes Hahn u zhvillua sot në Shkup të Maqedonisë ministeriali i gjashtë vendeve të Ballkanit Perëndimor. Republika e Shqipërisë u përfaqësua nga Ministri i Energjisë z.Damian Gjiknuri dhe zv.ministrja e Punëve të Jashtme znj.Odeta Barbullushi.

Takimi i parë u zhvillua mes ministrave të energjisë të gjashtë vendeve të Ballkanit ndërsa më pas u mbajt dhe një sesion i përbashkët mes ministrave të energjisë dhe atyre të jashtëm ku u dhanë mesazhe të rëndësishme për të ardhmen evropiane të këtyre vendeve.

Në takimin e Ministrave të Energjisë, drejtuesit e Sekretariatit të Komunitetit të Energjisë dhe Komisionit Evropian analizuan ecurinë e reformave në sektorin energjitik në vendet e Ballkanit ndërsa theksuan hapat pozitiv të ndërmarra në Shqipëri për reformimin e këtij sektori, mirëadministrimin dhe hapjen e tregut. Në takim u evidentua fakti që çertifikimi i Operatorit të Sistemit Shqiptar të Transmetimit është procesi i parë që kryhet në të gjithë rajonin duke e bërë tanimë pjesë të rrjetit evropian të transmetimit.

Z.Gjiknuri parashtroi në këtë takim ecurinë e deri më tanishme të sektorit energjitik në Shqipëri dhe hapat që parashikon të ndërmarrë qeveria me synim thellimin e kësaj reforme. Në kuadër të procesit të Berlinit për vendet e Ballkanit Perëndimor dy janë fushat ku do të përqëndrohet reforma. Së pari, në drejtim të krijimit të një tregu rajonal dhe së dyti sigurimi i qëndrueshmërisë energjitik edhe përmes rritjes së vëmendjes ndaj efiçencës së energjisë. Z.Gjiknuri theksoi hapat e ndërmarra nga qeveria për krijimin e Bursës së Energjisë dhe liberalizimin e tregut.

Në takim, Komisioni Evropian dhe Fondi Evropian i Investimeve firmosën marrëveshjen e dhënies së një kontributi prej 40 milion eurosh nga Bashkimi Evropian për të mbështetur Programin e Efiçencës Rajonale të Energjisë. Në sajë të këtij fondi pritet të përfitojë edhe Shqipëria në kuadër të krijimit të Agjencisë së Eficencës së Energjisë.

Duke shfrytëzuar prezencën e komisionerit Hahn, ministri Gjiknuri kërkoi që Komisioni Evropian të luajë rolin e tij për të ndërhyrë me synim zgjidhjen e ngërçit rreth linjës së interkonjeksionit 400 kV Shqipëri-Kosovë. Në këndvështrimin e z.Gjiknuri, pengesa të tilla të krijuara artificialisht nuk ndihmojnë integrimin e tregjeve dhe bashkëpunimin mes vendeve të rajonit.

I njëjti shqetësim u përforcua në këtë takim edhe nga zv.ministri i Zhvillimit Ekonomik të Kosovës z.Gani Koci. Gjatë reagimit të tij, ministri serb i energjisë pranoi se kjo është një çështje politike e cila po trajtohet si pjesë e dialogut mes Prishtinës dhe Beogradit me ndërmjetësimin e Brukselit dhe do duhet të gjejë zgjidhje në këtë nivel.

Në këtë takim, ministrat e energjisë ngritën shqetësimin e javëve të fundit lidhur me sigurinë e furnizimit për shkak të çmimeve të larta të importit në rajon të cilat janë shkaktuar si pasojë e temperaturave të ulëta dhe thatësirës. Kjo situatë ka bërë që në disa vende si Serbia dhe Kroacia çmimi i energjisë së importuar të shkojë deri në rekordin e 200 euro për megavat. Referuar kësaj çështjeje, ministri Gjiknuri tha se Shqipëria e ka zbutur këtë situatë përmes shfrytëzimit optimal të rezervës së saj hidroenergjitike, duke u ekspozuar sa më pak ndaj kësaj krize energjitike në rajon.

Ministrat u dakordësuan të mbështesin kryerjen e një studimi për potencialet hidroenergjitike të të gjitha vendeve të rajonit, studim i cili në kuadër të procesit të konektivitetit në Ballkanin Perëndimor do të identifikojë burimet e reja energjitike që mund ti shërbejnë në të ardhmen të gjithë rajonit.

energjia.al  10.02.2017

Intervistë dhënë gazetarit Ergys Gjençaj për televizionin Vizion Plus, rreth zhvillimeve politike në prag të zgjedhjeve parlamentare

z. Minister, tashmë kemi një dekret të Presidentit dhe datën e zgjedhjeve të ardhshme parlamentare që është 18 Qershori. Me çfarë bilanci vjen qeveria në këto zgjedhje?

Bilanci i qeverisë është bilanci i reformave strukturore të cilat kanë filluar tashmë të japin produktet e tyre. Nuk kemi pse të mos e themi se në krye të 4 viteve, përveç mbylljes së gropës së madhe financiare që kishte hapur qeveria e shkuar dhe borxhit galopant publik, po mundësojmë për qytetarët shqiptarë rritjen e rrogave dhe pensioneve. Një kërkesë e kahershme, një problem i madh për shkak të nivelit ekonomik në të cilin e gjetëm ne vendin kur erdhëm në qeveri. Bilanci i këtyre reformave është pikërisht ky, mbyllja e gropës financiare, forcimi i shtetit ligjor si në ligjshmërinë e pagesave të energjisë, në rendin publik por dhe reformat në arsim e shëndetësi. Të gjitha këto janë reforma të suksesshme të përkthyera me një faturë pozitive për qytetarët që do të thotë rroga dhe pensione më të larta. Kjo është patjetër një premisë e mirë për të vajtur ballëlart tek qytetarët e për tu kërkuar edhe njëherë votën dhe një mbështetje për këtë koalicion.

Referuar edhe daljeve të fundit, Kryeministri ka deklaruar se janë bërë shumë reforma, ka rezultate por mbetet ende i pakënaqur nga qeveria. Mos është vallë kjo një strategji politike që po luan Kryeministri?

Është diçka realiste, krejt normale për çdo politikan të përgjegjshëm i cili pavarësisht ritmit të reformave dhe sukseseve të tyre, patjetër ka shumë gjëra për të bërë. Ne nuk jetojmë në botën e çudirave, nuk premtojmë gjëra që nuk bëhen por natyrisht reflektojmë çdo ditë nga kontaktet me qytetarët për ecurinë e reformave. Kryeministri ka thënë një fjalë që do të jetë dhe lajtmotivi ynë: kemi bërë shumë por kemi akoma shumë për të bërë. Kjo është krejt normale. Janë bërë shumë gjëra por patjetër ka akoma shumë gjëra për të cilat mund të jemi edhe vet të pakënaqur. Prandaj do tu kërkojmë qytetarëve shqiptarë edhe një tjetër mandat për të përfunduar të gjithë ato projekte të nisura dhe për të përmbushur ato objektiva politike, sociale dhe ekonomike në dobi të publikut shqiptar.

Ku shikoni ju mangësi dhe që mund të ishin bërë më mirë?

Po patjetër, ka mangësi në çdo fushë. Po e filloj nga fusha ime që të jem dhe më i ndershëm. Patjetër, kemi bërë një reformë të thellë në sektorin elektroenergjitik por ka akoma hapësirë për tu përmirësuar shumë gjëra si në shërbimin ndaj klientit, përmirësimin e furnizimit me energji apo të vazhdojmë projektet e mëdha të investimeve. Kemi objektiva të qarta qoftë për përmirësimin e likujditetit në sektorin elektroenergjitik, rritjen e gamës së investimeve, për krijimin e një modeli më të qëndrueshëm ekonomik për investimet private në energji. Të gjitha këto janë të shoqëruara me rezultate positive nga reforma por njëkohësisht hapin edhe siparin e nevojave të reja. Pra, ky është një proces dialektik dhe kemi shumë për të përmirësuar. Pse po e nis nga sektori im? Për të qenë i ndershëm edhe me kolegët pasi gjithësecili normalisht e fillon nga vetja reflektimin. Siç unë shikoj tek fusha ime gjëra që duhen përmirësuar, ka edhe në fusha të tjera vende e hapësira për tu korrigjuar. Pra të gjitha këto, janë gjëra që ne nuk mundëm dot ti bëjmë të gjitha aq mirë në mandatin e parë, megjithëse duhet thënë se kemi bërë shumë duke marrë për bazë nga ku e nisëm. Besoj se mandatin tjetër kjo do të jetë një trajektore përmirësimi e dukshme dhe në fund të fundit, siç e thashë kjo është dialektika politike në synim të objektivave më të larta ne përpiqemi të bëjmë më të mirën.

Z. Ministër, Partia Socialiste ka nisur përgatitjet për zgjedhjet e 18 Qershorit. Ju jeni kordinator i PS-së për Qarkun e Vlorës dhe a mund të na thoni disa detaje për organizimin në funksion të zgjedhjeve, takime me elektoratin..?

Patjetër, takimet kanë qenë të vazhdueshme me strukturat e partisë dhe me një pjesë të elektoratit pasi nuk kemi filluar ende takimet masive me elektoratin duke mos qenë në fushatë zgjedhore. Po merremi kryesisht me organizimin e Partisë Socialiste, ngritjen e strukturave në të gjithë territorin në mënyrë që viti tjetër ta gjejë gjithë strukturën të gatshme për të përballuar procesin zgjedhor. Në fund të fundit ky është edhe qëllimi i delegimit tim aty dhe puna që po bëjmë në mënyrë të përditshme me të gjitha strukturat në Vlorë por edhe me pushtetin vendor. Duhet të harmonizojmë edhe interesat e qytetarëve në funksion të objektivave tona politike, gjithmonë duke e bërë të qartë atë lajtmotiv që unë e thashë më parë që kemi bërë shumë por kemi akoma shumë për të bërë.

A keni hasur në vështirësi z.ministër nga baza socialiste në Vlorë duke marrë shkas edhe nga qëndrimet e ish-deputetit Koço Kokëdhima i cili pritet të shkarkohet nga detyra që ka patur në mbledhjen e Asamblesë së 23 Dhjetorit?

Partitë politike kanë edhe debatet e tyre të brendshme. Në këtë pikëpamje dhe mënyrën se si e shtruar ju pyetjen, nuk ka ndonjë shqetësim në partinë e Vlorës lidhur me të ashtuquajturën lëvizje pasi këto nuk janë lëvizje të Partisë Socialiste. Janë lëvizje individuale për interesa politike individuale dhe nuk kanë lidhje me axhendën e Partisë Socialiste dhe strukturave të saj në Qarkun e Vlorës. Strukturat e partisë kanë debatet e tyre të brendshme se si mund të organizohet më mirë puna në funksion të objektivave elektorale dhe të korrigjojmë edhe ndonjë gabim që është bërë në aspektet e reformës strukturore që ka patur në forcën tonë politike në Qarkun e Vlorës. Pra, nuk bëhet fjalë për një axhendë të Partisë Socialiste dhe as shqetësim të saj, është më shumë shqetësim i një invidivi.

A do të dalë Partia Socialiste në një koalicion me Lëvizjen Socialiste për Integrim në zgjedhjet e ardhshme?

Partia Socialiste e ka deklaruar se ne jemi të hapur për rinovimin e këtij koalicioni. Kemi qeverisur bashkë dhe kemi bërë shumë gjëra të mira bashkë. Besoj se na lind e drejta që sëbashku ti kërkojmë edhe njëherë votëbesimin qytetarëve shqiptarë. Ky është qëndrimi i Partisë Socialiste. Çdo parti mund të bëjë zgjedhjen e saj dhe ne nuk i imponohemi askujt.

energjia.al  10.12.2016

Çështja CEZ, reforma në sektorin energjetik, projektet e HEC-ve të reja, këto janë disa nga tema e prekura në intervistën që ResPublica zhvilloi me ministrin e Energjisë dhe Industrisë, Damian Gjiknuri. Ministri deklaron se problematikat e ngritura nga opozita nuk kanë adresojnë një qasje alternative për hapat që duhen marrë në sektor, as konstituojnë një politikë tjetër; sipas tij ato janë diversion që buron nga shqetësimi që sjell reforma në drejtësi.

ResPublica : Z. Ministër ta nisim nga dy çështje që janë debat aktualisht: Së pari çështja e CEZ. Partia Demokratike ka ngritur disa pretendime për sugjerimet e Avokatit Ndërkombëtar. Si qëndron e vërteta rreth këtij problem?

Mjafton që ju t’i riktheheni arkivave tuaja si media dhe do të kuptoni se nuk ka asgjë të re në ato çka po deklaron sot Partia Demokratike, krahasuar me ato çka ka deklaruar që prej momentit të parë në Kuvend prej deputetit Sali Berisha e më pas edhe raportit të nxitur politikisht të Kontrollit të Lartë të Shtetit. Të gjitha këto pretendime janë bërë objekt i hetimit nga Prokuroria dhe më pas edhe Gjykata e Lartë. Institucionet e drejtësisë shqiptare kanë konstatuar se nuk ka asnjë shkelje ligjore dhe cënim të interesave të shtetit shqiptar nga marrëveshja e zgjidhjes me mirëkuptim të konfliktit mes CEZ a.s. dhe shtetit shqiptar për kompaninë e shpërndarjes së energjisë.

Nëse ktheheni pas në kohë do të shikoni se sa herë që Partia Demokratike vihet në siklet me pozicionet e saj bllokuese ndaj reformës së pandalshme në sistemin e drejtësisë, “zbulon” dhe “rizbulon” CEZ-in duke u kacavjerrë me synim shmangien e vëmendjes së opinionit publik. Në respekt të detyrimit ligjor dhe për hir të transparencës ndaj opinionit publik, njësoj siç kam vepruar në rastin e hetimit të kryer nga organi i akuzës, jam paraqitur gjithashtu dy herë në Komisionin Hetimor Parlamentar të ngritur nga opozita për çështjen e CEZ-it.

Referuar akuzave, ju sqaroj se avokati i huaj i shtetit shqiptar është konsultuar që në momentet e para që Qeveria ka marrë detyrën dhe është pikërisht Avokati që i drejtohet Qeverisë së re për ta sensibilizuar për pozitën e rënduar të shtetit shqiptar në konfliktin me CEZ nga mosmarrja e masave të rekomanduara prej tij nga ana e institucioneve publike përgjegjëse.

Në vazhdimësi ka patur shumë komunikime me avokatin me të cilin jemi konsultuar si për vendimin e Këshillit të Ministrave për ngritjen e Grupit të Punës për zgjidhjen me mirëkuptim të mosmarrëveshjes me CEZ, madje ky propozim ka ardhur prej tij, për Memorandimin e Mirekuptimit me CEZ, në momentin që Qeveria vendosi të ulej në negociata, ashtu edhe për letrën e drejtuar Arbitrazhit të UNCITRAL lidhur me pezullimin e procedurave të nisura me qëllim arritjen e një zgjidhje miqësore nëpërmjet negociatave me CEZ as, madje kjo letër është hartuar dhe drejtuar këtij Arbitrazhi nga vet studio ligjore Derains & Gharavi.

Avokati në këto raste ka dhënë mendimet e tija, pjesa më kryesore e të cilave janë reflektuar. Memorandumi të cilit i referohet PD në pretendimet e saj është një dokument i shprehjes së vullnetit të palëve për tu ulur në negociata dhe nuk ka të bëjë me produktin e negociatave. Pas disa diskutimeve dhe shkëmbimesh draftesh, MoU perfundimtar i nënshkruar nga palët, e vendos shtetin shqiptare në pozitë të barabartë me palën çeke gjatë procesit të negocimit, duke e ndaluar CEZ të kryejë veprime të mëtejshme në Arbitrazhin Ndërkombetar, të cilin ata tashmë e kishin iniciuar dhe avancuar në procedura, dhe nga ana tjeter, duke mos e kufizuar tërësisht shtetin shqiptar për të depozituar padinë në arbitrazhin e IÇ, në rast se do të arrihej të bëhej gati e gjithë praktika e nevojshme. Normalisht si çdo avokat ai ishte më i prirur për gjyq se sa për marrëveshje pasi çdo avokat përfiton më shumë tek pagesa nga gjyqi se zgjidhja me mirëkuptim jashtë arbitrazhit. Mjafton të kuptoni se avokati nuk pranonte pagesë të bazuar mbi suksesin e arbitrazhit të mundshëm, por kërkonte të paguhej me orë pune pavarësisht rezultatit.

Zgjidhja me mirëkuptim e konfliktit dhe jo vazhdimi i konfliktit ligjor, ishte një vendim politik i qeverisë, i sugjeruar nga gjithë partnerët ndërkombëtarë si FMN e BB, nisur nga situata alarmante e sektorit, nevoja për të marrë nën kontroll kompaninë e shpërndarjes, zhbllokimi i paketës së investimeve në sistem dhe vonesat që kishte shkaktuar qeveria e shkuar në përgatitjen e dokumenteve e më keq se kaq mosdepozitimi në arbitrazh i një padie ndaj CEZ a.s para se ata ta bënin diçka të tillë, konstatime të faktuara edhe nga avokati ndërkombëtar në letrën e 30 Shtatorit 2013.

ResPublica : Ka dy komisione hetimore për CEZ-in, një për privatizimin e operatorit shqiptar dhe tjetri për shtetëzimin. Në media kanë dalë audite, fragmente të dosjeve hetimore, ka spekullim për parregullsi. Çfarë ka ndodhur me këtë pasuri të shqiptarëve dhe si shpjegohet që çdo akuzë mbetet në nivel retorik?

Ju e dini se qeveria jonë e gjeti sektorin energjitik në prag kolapsi, të zhytur në mbi 1 miliard dollar borxhe. Zanafilla e kësaj “grope thithëse” që rrezikonte të përpinte financat publike të shtetit ishte privatizimi korruptiv dhe antiligjor i OSSH-së prej qeverisë Berisha e më pas favorizimi i vazhdueshëm që degjeneroi situatën deri në përzënien e dhunshme të kompanisë dhe vënien e shtetit shqiptar në pozitën e të paditurit në arbitrazh.

Menjëherë pas marrjes në kontroll të kompanisë dhe fillimit të procesit të rimëkëmbjes së sektorit çka përbënte emergjencë, në cilësinë e Ministrit të Energjisë dhe Industrisë urdhërova kryerjen e një auditimi të të gjithë procesit të privatizimit të OSSH duke filluar që nga krijimi i saj, përgatitjen për privatizim, hartimin e kuadrit ligjor përkatës, ndjekjen dhe zbatimin e procedurave të privatizimit, procesin e tenderimit, negocimin e kontratës, përmbylljen e procesit të privatizimit, zbatimin e kontratës së privatizimit, veprimet apo mosveprimet e institucioneve gjatë zbatimit të kontratës, ndërhyrjen e Qeverisë në vendimarrjen e institucioneve të pavarura si ERE, veprimet apo mosveprimet e institucioneve të shtetit shqiptar pas heqjes së licencës së shoqërisë CEZ Shpërndarje.

Mbi bazën e një analize të detajuar të dokumentacionit të administruar pranë MEI, por edhe të dokumentacionit të vënë në dispozicion nga institucionet e tjera si Kryeministria, MZHETTS, MF, ERE, OSHEE dhe KESH, konstatohet se privatizimi i OSSH, është një nga proceset më abuzive të kryera nga Qeveria e asaj kohe, i parakohshëm, në kundërshtim të hapur me aktet ligjore e nënligjore në fuqi dhe me praktikat më të mira të privatizimit në sektorët strategjikë, me elementë të pastër favorizues dhe të shkeljes së barazisë në tendera. Fakte që dëshmojnë qartë për një proces tejet fiktiv, me një fitues të paracaktuar, ende pa nisur mirë procesi i privatizimit dhe parashikueshëm që në fillim si një privatizim i dështuar.

Rezulton se këto veprime të paligjshme i kanë garantuar shoqërisë fituese të tenderit CEZ a.s. përfitime materiale të padrejta, duke dëmtuar rëndë me anë të veprimeve apo mosveprimeve të tyre, interesat e ligjshme të shtetit, të personave të tjerë juridikë dhe mbi të gjitha të konsumatorëve shqiptarë. Në konkluzion të auditit konstatohet se veprimet ose mosveprimet e personave përgjegjës, të analizuara në mënyrë të detajuar në raport, kanë shkaktuar një dëm financiar që arrin në shumën 57,931,041,292 lek ose rreth 414 milion Euro. Për këtë dëm ne kallëzuam në prokurori ish-ministrat Genc Ruli, Ridvan Bode dhe Florion Mima; zv.ministrat Eno Bozdo e Neritan Alibali ashtu sikurse këshilltaren e kryeministrit të atëhershëm Suzana Guxholli dhe persona të tjerë përgjegjës.

Me synim çorientimin e opinionit publik dhe shmangien e vëmendjes nga dëmi që i kishte shkaktuar interesave të shtetit dhe qytetarëve, Partia Demokratike ngriti një flluskë sapuni në ajër duke angazhuar edhe institucione që duhet të ishin të pavarura, për të ngritur kallëzime politike. Mjafton tu them se në kallëzimin e KLSH, në asnjë rresht nuk citohet asnjë nen dhe ligj i shkelur prej grupit negociator në zgjidhjen me mirëkuptim të konfliktit mbi kompaninë e shpërndarjes.

ResPublica : Ju jeni shprehur disa herë për një reformë në sistemin energjetik. Është sqaruar tanimë kalimi në një sistem menaxhimi më të mirë dhe në ulje të vjedhjes së energjisë. Këtu ndalojnë objektivat e kësaj reforme?

Ajo çka ndodhi në fakt pas zgjidhjes së konfliktit me CEZ a.s. tregon më së miri për vendimin e drejtë që ndërmori qeveria shqiptare për të mos vazhduar konfliktin në arbitrazh. Rimëkëmbja e sotme e sektorit elektroenergjitik e ka bërë të qartë për të gjithë reduktimin e humbjeve, rritjen e arkëtimeve, 6-fishimin e investimeve, reformat ligjore në përputhje me standardet më të mira evropiane. Mjafton të kujtojmë se barra e Buxhetit të Shtetit nga sektori elektroenergjitik në vitin 2013 ishte 21 miliard lek. Para këto të cilat subvenciononin vjedhjen e energjisë, mospagesën e saj dhe blerjen me çmime të larta nga importi. Për vitin 2017, barra e sektorit në Buxhet është reduktuar në vetëm 2.5 miliard lekë të cilat shkojnë vetëm për investime. Ndërkaq, KESH, OSHEE dhe OST kanë nisur të shlyejnë vet kreditë e marra me garanci qeveritare duke mos e rënduar Buxhetin edhe në këtë aspekt.

Nga ana tjetër, kontributi direkt në Buxhet nga 3 kompanitë e sektorit elektroenergjitik ka ardhur në rritje dhe gjatë vitit 2015 KESH, OSHEE dhe OST kanë kontribuar me shumën prej rreth 8.4 miliard lekësh. Përtej asaj cka parashikon Buxheti i Shtetit, kompanitë me fondet e tyre janë duke kryer investime intensive në prodhim, transmetim dhe shpërndarje. Kështu, nëse në vitin 2013 investoheshin vetëm 4.6 miliard lekë, plani i investimeve të vitit 2016 arriti në 24.1 miliard lekë. Kostoja financiare e mbulimit të humbjeve nga Operatori i Shpërndarjes për periudhën 10 Mujore (Janar-Tetor 2016) arrin në 47.1 milion euro. Për të njëjtën periudhë të vitit 2013, kostoja e mbulimit të humbjeve ishte jo pak por 116.2 milion euro.

Niveli i humbjeve në rrjet gjatë periudhës Janar-Tetor ka zbritur në 27.52%. Në të njëjtën periudhë të një viti më parë, ky tregues ishte 31%. Për vitin 2013 ky tregues ishte 43.7%. E njëjta ecuri pozitive paraqitet edhe sa i takon treguesve të nivelit të arkëtimit të faturave korente të energjisë elektrike. Gjatë periudhës Janar-Tetor 2016 janë arkëtuar nga faturat korente (pa llogaritur arkëtimet nga aktmarrëveshjet) 47,4 miliard lek. Për të njëjtën periudhë të një viti më parë ishin arkëtuar 46 miliard lek. Ndërsa në vitin 2013 ishin arkëtuar vetëm 32 miliardë lekë.

Garantuam paketën më të madhe të investimeve prej 300 milion eurosh për sektorin energjitik mes të cilave 23,6 milion euro grante. Negociuam me sukses financimin nga Banka Botërore të projektit për rimëkëmbjen e sektorit energjitik me vlerë 150 milion USD. U garantuan 218 milion euro të tjera nga BERZH-i për ristrukturimin e borxheve të vjetra të marra ndër vite nga Korporata Elektroenergjitike Shqiptare, duke cliruar dhe garancitë qeveritare të bllokuara gjatë viteve të shkuara.

Realizuam projektin e linjës së interkonjeksionit 400 kilovolt mes Shqipërisë e Kosovës dhe linjën 110 kV Unaza e Jugut të Shqipërisë. Rrjeti shqiptar i transmetimit u bë pjesë e familjes evropiane në sajë të ndërtimit dhe vënies në funksion të qendrës së re moderne dispecer. Është firmosur tashmë financimi i linjës së interkonjeksionit me Maqedoninë, puna për të cilën nis në fillim të vitit të ardhshëm. Shqipëria ndërkaq ka ndërmarrë reformat ligjore në sektorin elektroenergjitik që e kanë bërë të jetë ndër të parat edhe në rajon. Po implementojmë një model tërësisht të ri të organizimit të tregut të energjisë elektrike duke përkrahur dhe krijuar kushtet për çdo iniciativë të bashkëpunimit rajonal të tregut, deri në krijimin e Bursës së energjisë.

Është ndërmarrë një reformë strukturore, e cila së pari garanton kompanitë publike që të ushtrojnë veprimtari të ndara në përputhje me përgjegjësitë ligjore dhe detyrat funksionale që ato kanë dhe të kthehen në kompani vërtet tregtare.

Reforma tarifore dhe rregullatore bëri të mundur të krijojë kushtet për hapjen dhe funksionimin e tregut të liberalizuar. Prioritet ka qenë edhe mbështetja me infrastrukturë, ndërsa investimet që po kryhen rrisin sigurinë e furnizimit të vendit, përmiresojnë cilësinë e furnizimit të konsumatorëve.

ResPublica : Si do të zgjidhet problemi i madh mes kostos së prodhimit të energjisë dhe çmimit të shitjes në kushtet kur ju e keni edhe premtim elektoral uljen e TVSH-së për energjinë?

Së pari, duhet të kuptohet se çmimi i energjisë elektrike nuk është si një taksë të cilën e ka në dorë qeveria me politikat e saja fiskale. Energjia është si çdo lloj “malli” tjetër që ka një kosto konkrete. Kaskada e Drinit mbulon mesatarisht rreth 55-60% të nevojave të vendit për energji ndërsa pjesa tjetër mbulohet me energji të blerë nga importi dhe ajo e blerë nga prodhuesit privat brenda vendit. Është kjo energji e prodhuar në Kaskadën e Drinit, e cila shitet me çmim të ulët tek OSHEE, ajo që në fakt mban koston e energjisë për qytetarët shqiptarë në parametra e kontrollueshëm. Energjia e blerë nga importi dhe ajo e blerë nga HEC-et private brenda vendit ka një kosto shumë më të madhe. Për të arritur deri tek çmimi fundor, përvec kostos së prodhimit apo blerjes së energjisë nga importi përfshihet kosto e transmetimit dhe ajo e shpërndarjes deri tek shitja.

Çdo ndërhyrje politike për të ulur tarifa energjie pa ulur koston e energjisë çon në krijimin e hendekut dhe rikthen situatën aty ku ishte në kolaps financiar. Ajo çka ne po bëjmë është rimëkëmbja e sektorit, shëndoshja financiare, përmirësimi i gjendjes se rrjetit si rrjedhojë e investimeve në linja transmetimi e shpërndarje apo sisteme matjeje. Hapja e tregut, liberalizimi dhe ulja e kostove do të çojë patjetër tek ulja e çmimit të energjisë pa cënuar sistemin dhe stabilitetin e tij.

ResPublica : Z. Ministër si mund të harmonizohet praktika e liberalizimit të tregut të energjisë me politika sociale në shitjen e saj te konsumatori?

Qeveria shqiptare është tashmë në fazën e liberalizimit të tregut të energjisë dhe brenda vitit 2018 parashikohet që 30% e tregut të jetë e liberalizuar. Konsumatorët e biznesit, me përjashtim të atyre të lidhur në tensionin e ulët, do të dalin gradualisht në treg të lirë duke e blerë energjinë në treg dhe jo detyrimisht tek OSHEE. Krijimi i tregut të hapur dhe ndërtimi i linjave të interkonjeksionit krijon mundësinë që bizneset të gjejnë çmimin më konkurues të energjisë në tregun vendas apo atë rajonal e më gjerë Europian. Ndërkaq, përsa i takon konsumatorëve familjarë, për shkak të specifikave që lidhen me nivelin e jetesës, shteti nëpërmjet detyrimit të shërbimit publik, do të vazhdojë të ketë rolin e tij për të mbajtur nën kontroll cmimin. Kjo do të bëhet e mundur kryesisht duke shfrytëzuar burimet aktuale të Kaskadës së Drinit e cila ka një kosto më të ulët të prodhimit të energjisë elektrike.

ResPublica : Mund të sqaroni ju lutem cilat janë projektet akuale për ndërtimin e HEC-ve të reja, meqenëse ka jo pak reagime për pasojat e disa prej tyre në mjedis?

Duke qenë se Shqipëria është një vend importues neto, e ka të domosdoshme që të shtojë kapacitetet gjeneruese në harmoni me arritjen e objektivit të konsumit të burimeve të rinovueshme të energjisë dhe sigurisë së furnizimit. Gjatë vitit 2013 dhe 2014, marrë sëbashku, kosto financiare e energjisë së importuar ka qenë në shifrat 300 milion euro. Vetëm gjatë vitit 2015, në sajë edhe të reformave të ndërmarra nga qeveria në sektorin energjitik është bërë e mundur që kosto financiare e importit të ulet. Dihet se Shqipëria është një vend i cili ka nevojë për zhvillim të mëtejshëm dhe pret rritje ekonomike edhe përmes investimeve të huaja. Raportet e institucioneve financiare vendase e të huaja e theksojnë se investimet kryesore të huaja në Shqipëri aktualisht janë në sektorin energjitik. Çështja që shtrohet është gjetja e një ekuilibri mes zhvillimit ekonomik të vendit e mbrojtjes së mjedisit dhe qeveria po bën pikërisht këtë.

Nga viti 2007 deri në Korrik 2013 janë nënshkruar 175 kontrata koncesionare për ndërtimin e 505 hidrocentraleve. Nga gjithë ky numër, sot rezultojnë të ndërtuara dhe prodhojnë energji vetëm 122 hidrocentrale. Një pjesë tjetër është në fazë ndërtimi ndërsa rreth gjysma e kontratave të lëshuara janë ende në letër.

Referuar qeverisjes sonë, nga fillimi i vitit 2014 deri më tani janë nënshkruar vetëm 9 kontrata koncesionare ndërsa janë në proces vlerësimi edhe 3 të tjera. Ndërkaq, në zbatim të detyrimit ligjor, për HEC-et që nuk janë objekt koncesioni, MEI ka pranuar aplikime për HEC-e me kapacitet të vogël deri në 2 MË por nuk ka dhënë asnjë autorizim përfundimtar për ndërtimin e tyre. Të gjitha aplikimet janë në fazën e shqyrtimit paraprak dhe të periudhës së kryerjes së studimeve të thelluara. Pas auditimeve të kryera, MEI ka revokuar disa kontrata për mospërmbushje të detyrimeve të parashikuara nga ana e subjekteve koncesionare.

ResPublica : Cili pritet të jetë ndikimi i TAP në sektorin e energjisë dhe mos ndoshta ky projekt e bën të panevojshëm rendjen pas ndërtimit të HEC-ve të reja?

Projekti i gazsjellësit TAP e ndryshon padyshim hartën energjitike të Shqipërisë pasi i shërbën objektivit tonë për diversifikimin e burimeve. Qeveria ka përmbyllur tashmë dhe së shpejti miratohet në qeveri Masterplani i gazit. Sëbashku me Studimin e Fizibilitetit i cili është në zhvillim e sipër, këto dy dokumente shërbejnë bazën e procesit të gazifikimit të vendit. Ka investitorë të rëndësishëm të interesuar për gazifikimin e vendit dhe Shqipëria po bëhet gati për të shfrytëzuar maksimalisht nga projekti i gazsjellësit TAP. Përveç infrastrukturës së brendshme, Shqipëria po bën gjithçka i takon për të lobuar për ndërtimin e një tjetër gazsjellësi, atij Adriatiko-Jonian (IAP) që kalon nga Shqipëria drejt Malit të Zi, Bosnje Hercegovinës e deri në Kroaci. Një tjetër projekt është ai i degëzimit mes Shqipërisë dhe Kosovës, i njohur i ALKOGAP. Referuar gjenerimit të energjisë, po kryejmë studimin e fizibilitetit për lidhjen e Termocentralit të Vlorës me TAP-in për të mundësuar vënien në punë të kësaj vepre me gaz për prodhimin e energjisë.

ResPublica : Z. Gjiknuri mendoni se akciza për gazin redukton një mundësi alternative për konsumatorët meqenëse çon në rritje çmimi?

Propozimi në paketën fiskale i diferencimit të akcizës ka të bëjë vetëm me gazin që tregtohet për automjete, pra gazin në pikat e autogazeve. Gazi i cili tregtohet për konsumin familjar apo atë industrial nuk preket nga vendosja e akcizës. Kjo masë është pjesë e përpjekjes për disiplinimin e tregut të bombolave të gazit për konsumatorët familjarë, me synim rritjen e sigurisë dhe shmangien e ngjarjeve të rënda që kanë çuar edhe në humbje jetësh njerëzore. Konsumatori familjar duhet ti drejtohet pikave përkatëse të tregtimit të bombolave të gazit dhe të dorëzojë bombolën boshe e të marrë një bombol të mbushur, pra jo të kryejë mbushje bombole. Në këtë mënyrë do të marrë një bombol të kolauduar çka garanton sigurinë e jetës, do të respektojë ligjin por dhe do të marrë një produkt më të lirë e pa akcizë. Nëse konsumatori familjar do ti drejtohet një pike autogazi për të mbushur bombolën do të kryejë një shkelje ligjore, do të rrezikojë jetën për shkak të mungesës së kolaudimit të bombolës por dhe do të blejë një produkt më të shtrenjtë me akcizë.

ResPublica : Çështja e dytë është linja e intekonjeksionit me Kosovën të cilën e mban të bllokuar Serbia. Ju u shprehët pak kohë më parë se kjo do të diskutohet me kancelaren Merkel. Në ç’pikë kanë mbërritur këto negociata meqenëse kryeministri e zhvilloi vizitën e tij në Gjermani?

Pas një periudhe të gjatë bllokimi nga qeveria e shkuar, linja e interkonjeksionit me Kosovën u zhbllokua dhe u përfundua. Tashmë problematika për vënien në punë të kësaj linje është bërë e ditur për publikun. Komuniteti i Energjisë ka hapur një çështje kundër Serbisë ku i kërkon t’i jepet zgjidhje kësaj situate brenda 31 Dhjetorit 2016. Jemi në pritje të përmbushjes së detyrimeve, në të kundërtën do ti drejtohemi Komunitetit të Energjisë për të avancuar me sanksionet përkatëse ndaj palës serbe.

ResPublica: U fol për matësat inteligjentë, për një projekt pilot me pjesëmarrjen e Deutsche Telecom. Po kështu është paralajmëruar riprivatizimi i OSHEE-së – menaxhimit të saj. Si parashikohet të ecet për këto dy çështje?

OSHEE ka ndërmarrë një sërë hapash për të përfshirë teknologjinë e fundit me synim modernizimin e shërbimit ndaj klientit. Së pari u liberalizuan kanalet alternative të pagesës së faturave të energjisë. Sot janë mbi 200 mijë pagesa çdo muaj përmes kanaleve alternative çka ka shmangur radhët në Qendrat e Kujdesit ndaj Klientit. Një tjetër hap ishte vendosja e Infokioskave, sportele elektronike ku mund të kryhen veprimet nga konsumatori. Në të njëjtën formë janë implementuar edhe OSHEE Mobile; teknologjia e gjurmimit të ankesë/kërkesës; sistemi i menaxhimit të radhës. Këtë vit janë montuar mbi 55 mijë matësa elektronike dhe janë pajisur të gjithë konsumatorët me matësa duke zhdukur faturimin aforfe. Po pilotohet me zona të caktuara sistemi i leximit online të mëtësit dhe transmetimi i të dhënave me Bluetooth përmes pajisjeve PDA. Instalimi i matësave inteligjente është një proces që do të dojë kohën e vet por do të fillojë të zbatohet me disa zona pilot për të parë dhe ecurinë e tij.

Referuar çështjes së privatizimit, më duhet t’u them se ne kemi një program të rimëkëmbjes së sektorit energjitik dhe kompanisë së shpërndarjes. Siç e thashë më lart, kjo kompani ka një trashëgimi të keqe me privatizimin e dështuar përmes të cilit kaloi disa vite më parë. Kjo duhet të na bëjë të jemi shumë të kujdesshëm në ndërmarrjen e hapave për privatizim. Objektivi ynë primar sot mbetet rimëkëmbja financiare e kompanisë dhe reformimi i sistemit menaxherial të saj.

energjia.al  10.12.2016

Në një takim me përfaqësuesit e bizneseve të industrisë minerara ministri i Energjitikës ndër të tjerat theksoi se ka patur një kërkesë të ulët për kromin duke premtuar lehtësira për këtë mineralin e kromit.

Gjiknuri tha se kjo industri po punon me kapacitet të plotë dhe se synimi i i të gjithëve është të kemi bashkëpunim në marrjen e nismave kryesore në këtë fushë.

Në fjalën e tij para të pranishëmve, Gjiknuri ka vënë në dukje se kapacitetet e kësaj industrie në vendin tonë janë intensifikuar dhe duhet të ndryshim cilësor për të ecur më tej.

“Industria minerare po punon me kapacitete të plota dhe synimi ynë është të bisedojmë me ju pasi po ndërmarrim disa nisma. Ka ardhur momenti për një impuls për ta bërë këtë industri me cilësi më të mirë”, ka thënë Gjiknuri.

Shqiptarja.com 18.01.2016

Ministri i Energjisë dhe Industrisë Z.Damian Gjiknuri zhvilloi një vizitë zyrtare në Indi.

Gjatë qëndrimit në New Delhi, Z.Gjiknuri u prit në një takim nga Ministri i Energjisë dhe Naftës së Indisë Z. Shri Dhermenadra dhe nga Ministri i Shtetit për Punët e Jashtme, General V.K. Singh.

Bashkëbiseduesit diskutuan për format e bashkëpunimit mes dy vendeve në fushën ekonomike, mundësitë e shumta që ofron Shqipëria për të patur një prezencë të investimeve indiane dhe skemat e mundshme për financimin e projekteve nga India. Z.Gjiknuri u ndal konkretisht edhe tek potencialet e vendit për investime në fushën e kërkimit të naftës dhe gazit.

India përfaqëson sot një nga fuqitë ekonomike botërore me rritjen më të madhe ekonomike dhe me ekspansion të madh në investime të fushës së industrisë dhe energjisë.

Gjatë vizitës, Ministri Gjiknuri pati dhe një diskutim me përfaqësuesit e Dhomës së Bashkuar të Bizneseve të Indisë ASSOCHAM, ku morën pjesë kompani ndër më të rëndësishmet në fushën e energjisë e industrisë. Z.Gjiknuri njohu investitorët për mundësitë që ofron vendi ynë në sektorët e ndryshëm të ekonomisë dhe masat që po ndërmerr qeveria shqiptare për të krijuar një mjedis sa më favorshëm për rritjen e investimeve.

Z. Gjiknuri pati takime edhe me përfaqësues të shoqërive të njohura në fushën e energjisë dhe naftës, siç është “Tata Power” dhe kompania shtetërore e naftës ONGC. Ministri pati rastin të njihej me arritjet e Indisë në fushën elektroenergjetike, sidomos eksperiencën indiane në uljen e humbjeve në rrjet. Një ulje e ardhur si kombinim i masave shtetërore, manaxheriale dhe investime çka ka sjellë një rezultat domethënës. Z.Gjiknuri vlerësoi se këto janë modele të cilat mund të aplikohen me sukses edhe në Shqipëri.

Ministri Gjiknuri shoqërohej në këto takime nga drejtori i Agjencisë Kombëtare të Burimeve Natyrore Z.Dael Dervishi.

energjia.al 21.01.2015

Prime Minister Rama said on Twitter on Wednesday that no public official should expect understanding for failure to pay their electricity bills.

“I thank Mrs Bejko for her contribution as a deputy minister; however, no justification will suffice for failing to pay the electricity bill from anyone, even for a penny,” Rama wrote. [“E falenderoj Znj.Bejko per kontributin si zv.ministre por ne mospagesen e energjise s’do pranohet asnje justifikim per askend! As per 1 Lek! — Edi Rama (@ediramaal) December 17, 2014″

According to media reports, Bejko was dismissed for failing to pay the electricity bill of her summer condo in the coastal town of Velipoja.

The tough action comes against a political backdrop. The government recently launched a campaign against electricity theft, and it has told public servants to pay their electricity bills on time if they want to keep their jobs.

Hundreds of electricians working for the national power utility, OShEE, have been fired for failing to pay their bills on time.

More people who have made illegal connections to the power grid have also been arrested over the past month.

According to the World Bank, almost 30 per cent of the electricity that entered the grid in 2013 in Albania was stolen. Coupled with technical losses from the grid, the thefts have put OShEE under great strain and brought it close to bankruptcy.

Balkan Insight, 17.12.2014