info@energjia.al

Shtatë persona të armatosur dhe me maska kanë ushtruar dhunë fizike ndaj 6 punonjësve të HEC-it të Valikardhës në Bulqizë. Report Tv mëson se ngjarja e rëndë është shënuar pasditen e kësaj të marte, ndërsa policia e Bulqizës është nisur drejt vendit të ngjarjes. Mësohet se 2 prej 6 personave të lënduar kanë marrë plagë të rënda dhe ndodhen në kujdesin intensive të mjekëve. Agresorët janë larguar në drejtim të paditur, ndërsa mendohet se ajnë banorë të zonës. Këta të fundit kundërshtojnë ndërtimin e HEC-it janë kundër ndryshimit rrjedhës së lumit në Mat, çka sipas tyre do kishte pasoja të rënda të ekosistemit.

Shqiptarja.com  11.10.2017

Një pikë karburanti është grabitur rreth orës 01:00 në aksin Korçë-Kapshtisë në afërsi të fshatit Dishnicë.

Tre persona të maskuar dhe të armatosur kanë vjedhur në ambientet e brendshme të një pike karburanti një sasi parash.

Tre autorët e dyshuar të ngjarjes, pasi kanë parë të afroheshin shërbimet e Policisë, kanë qëlluar me armë në drejtim të tyre dhe këta të fundit i janë kundërpërgjigjur.

Më pas 4 grabitësit janë larguar me shpejtësi nga vendi i ngjarjes me një automjet.

Nga ana e Policisë, janë ngritur pika kontrolli me qëllim identifikimin dhe kapjen e autorëve.

Grupi hetimor po punon për sqarimin dhe dokumentimin e plotë të rrethanave të ngjarjes ndërsa ende nuk dihet shuma e grabitur.

Shqiptarja.com  24.02.2017

Tre persona të maskuar dhe të armatosur kanë grabitur një karburant në hyrje të Krujës. Ngjarja ka ndodhur sot rreth orës 01:00 të mëngjesit.

Njëri i pajisur me automatik ndërsa dy të tjerët me pistoleta kanë qëlluar në drejtim të zyrës së karburantit dhe në momentin që roja bashkë me shitësin kanë dalë për të parë se ç’po ndodh grabitësit u kanë vënë armet në kokë dhe i kanë detyruar që tu japin shumën e lekëve që ata kishin.

Sipas policisë ata kanë marrë të ardhurat e xhiros ditore, rreth 10 000 lekë.

Më pas të maskuarit i kanë marrë 2 punonjësve çelësat e një makine e cila ishte e parkuar në parkingun e karburantit.

Pas grabitjes tre autorët e maskuar janë larguar me mjetin tip Audi A 3, ngjyrë gri e errët, me targa AA 771 JG.

Ndërsa në rreth orës 03:00 tre persona me çorape në kokë të pajisur me armë kanë grabitur 1 milionë lekë një pikë karburanti te mbikalimi i Rinasit.

Shqiptarja.com  01.11.2016

Dy persona të maskuar kanë qëlluar sot për vdekje një punonjës të Operatorit të Shpërndarjes së Energjisë Elektrike, Saimir Jakun ndërkohë që një tjetër person ka mbetur i plagosur.

Burime pranë vendit të ngjarjes bëjnë të ditur se Jaku është qëlluar me armë zjarri nga dy persona të maskuar, teksa ka qenë duke pirë kafe në një nga lokalet e zonës më të frekuentuar të qytetit bashkë me një shok të tij.

Ngjarja ka ndodhur në pak minuta dhe dëshmitarët kanë thënë se autorët menjëherë pas krimit janë larguar me automjet.

Ngjarja e rëndë ka ndodhur në lokalin që ndodhet jo më larg se 20 metra larg komisariatit të policisë Rrëshen.

Pas marrjes së provave në vendin e ngjarjes, efektivët e policisë kanë shoqëruar në komisariat disa persona, të cilët kanë qenë në vendin e ngjarjes kur ka ndodhur edhe ekzekutimi mafioz i Jakut.

Burime pranë grupit hetimor, bëjnë me dije se pista kryesore e hetimit është fakti se Jaku përpara disa viteve ka qenë emigrant në disa shtete të ndryshme të Europës, atje ku mund të jetë përfshirë në ndonjë aktivitetit kriminal.

Megjithatë, policia ende nuk ka dalë me një deklaratë zyrtare rreth ngjarjes, motiveve apo edhe personave që kanë kryer krimin.

Saimir Jaku është anëtarë i Partisë Socialiste dhe anëtarë i Këshillit të Qarkut Lezhë.

Aktualisht ai punonte si shef sektori në Drejtorinë Qendrore të OSHEE-së në Tiranë, ndërkohë që më parë ka qenë ish-drejtor i OST-së për Veriun.

Shqiptarja.com

Një pikë karburanti në mes të qytetit të Burrelit është bërë objekt i një sulmi të maskave, mesanatën e së shtunës duke u gdhirë e diela. Raportohet se dy persona të maskuar dhe të armatosur rreth orës 02:00 pas mesnatë kanë mësyrë pikën e karburantit.

Nën kërcënimin e armëve ata kanë kërkuar rojes së objektit, Ahmet Lami, xhiron ditore. Kur ky i fundit ka refuzuar kërkesën e grabitësve, ndërsa është goditur në kokë më qytën e automatikut dhe më pas agresorët I kanë marrë shumën e parave që i ndodheshin në arkë.

Agresorët janë larguar nga vendngjarja me një mjet pa targa, ndërsa nuk ka vonuar edhe mbërritja e policisë. Blutë e Burrelit kanë nisur punën për zbardhjen e rrethanave të plota të kësaj ngjarjeje dhe identifikimin e autorëve.

Shqiptarja.com 01.03.2015

Një pikë karburanti në fshatin Dumas të Beratit është bërë objekt i një grabitjeje të armatosur.

Tre persona të maskuar dhe të armatosur kanë mësyrë karburantin që ndodhet buzë rrugës Kuçovë-Berat, ndërsa në të ndodhej vetëm një punonjës.

Ky i fundit përballë armëve ka dorëzuar lekët e xhiros, teksa shuma e grabitur është rreth 20 mijë lek.

Agresorët janë larguar me një automjet, ndërsa policia e Beratit ka mbërritur në vendngjarje dhe ka nisur punën për zbardhjen e rrethanave të grabitjes dhe identifikimin e autorëve.

Shqiptarja.com  19.02.2015

Pasditen e djeshme në fshatin Derven të Fushë Krujës ka ndodhur një grabitje me armë. Grabitësit kanë qënë dy, të armatosur dhe me maska dhe kanë sulmuar një pikë shitjeje gazi dhe materialesh ndërtimi. Pasi e kanë kërcënuar me armë, pronarin, ata i kanë grabitur 1.5 milionë lekë dhe janë larguar me makinë.
Pak më vonë, makina e tyre u gjet e braktisur disa km larg vendngjarjes. Pronari i pikës së shitjes së gazit nuk ka bërë kurrfarë rezistence, të armatosurve, por u ka dorëzuar menjëhërë paratë. Policia ëhstë duke hetuar ngjarjen dhe kërkuar autorët e grabitjes.

Gazeta Shqiptarja.com, 27.06.2013

Ervis Alimadhi, banues në fshatin Sovjan u arrestua rreth orës 19:30 të së hënës gjatë operacionit të koduar “Karburantet”. Burime nga policia lokale pohojnë se i riu u kap, pasi dyshohet se në bashkëpunim me persona të tjerë, më 10 shkurt të këtij viti ka grabitur me armë dhe maska pikën e karburantit A.L.F., në kryqëzimin e fshatit Leminot–Korçë dhe më 15 maj pikën e karburantit “Berla” në afërsi të fshatit Sovjan. Mësohet se Alimadhi ka qenë i dënuar më parë për akuzat “Kalim i paligjshëm i kufirit” dhe “Trafikim i klandestinëve”, dënim i kryer në Greqi.

Gazeta Shqiptare, 12.06.2013