info@energjia.al

Një kamion tip “Benz” është përplasur me një fuoristradë në aksin rrugor Pogradec-Korçë.

Ngjarja ka ndodhur rreth orës 14:50 ku kamioni me targë AA267OJ dhe foristrada me targë AA 898 PM u përplasën dhe për pasojë është dëmtuar një shtetas egjiptian rreth 30 vjeç, i cili udhëtonte me mjetin me targë AA 898 PM, (punonjës i TAP)i cili po transportohet në Spitalin e Korçës për mjekim jashtë rrezikut për jetën.

Burime nga policia e Korçës njoftojnë se u ngrit grupi hetimor dhe po punohet për zbardhjen e rrethanave të aksidentit.

Shqiptarja.com  21.04.2017

Akuzohet se ka përfituar miliona euro nga CEZ si sekser për të privatizuar operatorin e shpërndarjes, por Nue Kalaj, kalonte kufirin në këmbë.

Të gjitha lëvizjet e tij jashtë vendit janë bërë kryesisht nga pikat kufitare të Muriqanit dhe Morinit e më tutje nga territori kosovar lëvizte drejt shteteve të tjera.

Sipas të dhënave të sistemit TIMS, rastet kur sekseri i çekëve ka përdorur aeroportin e Rinasit gjatë viteve 2006-2012 kanë qenë minimale. Ai udhëtonte kryesisht me makina drejt Kosovës.

Kalaj ka lëvizur jashtë me 18 makina të ndryshme, 4 prej të cilave të paidentifikuara nga policia sepse figurojnë me targa të paregjistruara.

Në mbi 10 raste të tjera nga 125 hyrje daljet e Kalajt në 6 vite që kishte kontratë konsulence me CEZ-in cek, Kalaj figuron të ketë kaluar kufirin në këmbë.

Dhe gjatë muajit qershor 2009 kohë kur pretendohet se ka tërhequr nga një bankë e nivelit të dytë rreth 7 milion euro dhe i ka transportuar jashtë kufirit me më çanta, ai figuron të ketë udhëtuar drejt kosovës, nga Murriqani në datën 20, pra 4 ditë pas tërheqjes së parave.

Në komisionin hetimor për CEZ-in, kanë mbërritur dhe të dhënat e TIMS-it për Shkëlzen Berishën e Kastriot Ismailajt, të cilët figurojnë të kenë udhëtuar disa herë bashkë drejt të njëjtave destinacione.
Përsa i përket Kalajt, policia është autorizuar që sapo të shkelë në tokën shqiptare ta shoqërojë me forcë për të dëshmuar në komisionine CEZ, në të cilin nuk u paraqit për të tretën herë radhazi.

Ndërkohë dëshmitari tjetër, Hamza Merxhani, i përfolur si sekseri i parë që negocioi këtë privatizim ka rënë dakord qe dëshminë ta jaëe përmes nje videokonference, pasi ai gjendet ne Pragë.

Kalaj per here te trete ka refuzuar te paraqitet në Komision. Për këtë arsye edhe sot kryetari i Komisionit Hetimor per CEZ, Taulant Balla ka kërkuar kërkuar Policisë së Shtetit ta sjellin me forcë dëshmitarin kyç që ka negociuar për privatizimin e OSSH tek CEZ.

Gjithashtu Taulant Balla ka kërkuar që edhe ish- drejtori i CEZ, Hejsek të paraqitet në komision në mënyrë që të deklarojë se përse ai është paguar me një shumë aq të madhe.

Mësohet se biznesmeni nga Prizreni ka marrë nënshtetësinë shqiptare me nje dekret nga presidenti Nishani në datën 14 dhjetor 2015.

Shqiptarja.com  24.01.2017

Një shkencëtar iranian i quajtur Alaeddin Qassemi, pretendon se ka bërë një shpikje të re; një makinë që funksion me ujë.

Në një video të publikuar në Youtube, thuhet se makina është në gjendje të mbajë 60 litra ujë dhe mund të udhëtojë në 900 km për 10 orë.

Fuqi vjen pasi H2O është e ndarë midis hidrogjenit dhe oksigjenit, të cilat reagojnë kimikisht për të prodhuar energji. Sipas shpikësit, motori i makinës prodhon avujt e ujit, duke shkaktuar zero ndotje të ajrit.

Një litër ujë thuhet se mund të gjenerojë 96 megajoules (MD) të energjisë, ndërsa një litër benzinë prodhon vetëm 29 megajoules (MD) të energjisë.

Ora, News,  07.12.2016

Një model i makinës solar është ekspozuar gjatë prezantimit të “Projekt Sonnenwagen” në Aachen të Gjermanisë.

Studentë  të Universitetit të Shkencave të Aplikuara në Aachen të Gjermanisë duan të marrin pjesë në “Sfidën Botërore të Solarit” në Australi.

Atje ata do të paraqesin makina diellore të krijuara nga vetë ata.

Këto lloj makinash nuk do të funksionojnë as me bateri dhe as me karburant por vetëm në sajë të rrezeve diellore.

Ora News,  23.11.2016

Vetëm tri ditë nga prezantimi i modelit të ri të Tesla, Model 3, janë arkëtuar mbi 10 miliardë dollarë prenotime, ndërkohë që prototipi i parë del në 2017.

Sipas të dhënave të publikuara nga vetë kompania, deri më 2 prill, janë bërë 276 mijë prenotime për këtë lloj makine në të gjithë botën. Për më tepër që Modeli 3 është makina e parë elektrike, e përballuar në çmim nga të gjithë, pasi kushton rreth 35 mijë dollarë.

Megjithatë Tesla tashmë duhet të prodhojë të gjithë këto makina që janë porositur, që pritet të dalin në treg në mes të vitit të ardhshëm.

Model 3 është më i lirë se modelet e tjera. Model S shkon në 58.500 paund, ndëras Model X, SUV i kompanisë elektrike pritet të nisë nga 65 mijë paund. Çmimi i Model 3 do të nisë nga 35 mijë dollarë.

Top Channel,  04.04.2016

Në një replikë virtuale me ish kryeministrin Sali Berisha në lidhje me çmimin e naftës dhe benzinës në vend deputeti i PS dhe njëkohësisht kreu i Komisionit të Ekonomisë në Kuvend Erjon Braçe pasi përgënjeshtroi Berishën ia vuri fajin për çmimin kompanive të naftës.

Shqipëria vuan prej vitesh paradoksin e çmimeve të naftës që rriten dhe nuk bien edhe nëse kjo ndodh në tregjet ndërkombëtare. Braçe thotë se nafta mbërrin në dogana me një vlerë prej 55.7 lekësh për litër dhe pasi i shtohen taksat ajo arrin një çmim 147.7 lekë për litër.

Por në treg ajo shitet gjithmonë me mbi 180 lekë. “Shumica këtu, e di qëndrimin tim për çmimin e naftës dhe benzinës!! Nuk ndryshoj asgjë në çfarë kam thënë. Por, po lexoj çka thënë Sali Berisha, vecanërisht për çmimin e naftës. Vdiq ta çojë përsëri 2000 lekë të vjetra për litër, aty ku e la në fakt. Berisha realisht nuk e di sa është çmimi i naftës;

Ai ka një super benz, nga ata të fundit fare, por me benzinë, thotë ­të blerë nga partia dhe asnjëherë, po tamam asnjëherë, nuk ka shkuar vetë në një pompë nafte për të paguar qoftë edhe një litër të vetëm naftë”, shkruan Braçe. Sipas deputetit nafta  në pikat e shitjes me pakicë ka një cmim 184­187 lekë ndërsa benzina: 186­189 lekë.

Çmimi i shumicës është 55.7 dhe 57.63 lekë litri, ndërsa detyrimet fiskale 91.5 dhe 90.1 lekë. Por të dy produktet shiten me një diferencë ekstra prej 38-41 lekë litri me një rritje të fitimit mbi tatimet nga 19 deri në 21 lekë. Sidoqoftë deputeti i PS nuk ka propozuar një zgjidhje për situatën. Shqiptarët vijojnë të blejnë naftën më të shtrejtë në rajon dhe në zonat kufitare makinat po mbushen në fshatrat fqinj.

Mapo,  20.09.2015

Në një kohë kur shqiptarët përballen me cmime të larta të karburantit, disa këshilla për të kursyer kete produkt janë gjithmonë të vlefshme.

Në revistat që i dedikohen makinave, teknikë të automjuteve kanë renditur disa këshilla të vlefshme për të ulur shpenzimin e karburantit:

Si fillim Shmangni qendrimin ne vend me makine ndezur

Ne vend qe te mbani makinen ndezur per te degjuar muzike, kini parasysh qe muzika mund te degjohet edhe me makine fikur. Keni ngelur per minuta te tera ne trafik pa levizur? Fikeni makinen dhe do te kurseni ndjeshem. Edhe pse mund te duken te paperfillshme, kjo jep rezultat jo te vogel.

Zbrazeni bagazhin nga gjerat e panevojshme

Pesha e tepert nuk eshte problem vetem per sistemin e amortizimit. Ajo ndikon drejtperdrejt ne konsumin e karburantit, prandaj kudjesuni qe te mos e merrni te gjithe shtepine ne makine.

Mbani te paster filtrin e ajrit

Imagjinoni te vraponi nderkohe qe nuk merrni fryme mjaftueshem, e sigurt që dotë ndaleshit e do të jepnit dorëheqjen. E njejta gje vlen edhe per makinen, por me nje ndryshim te vogel; makina nuk do te jape doreheqjen ne moment por fillimisht do perpije karburantin, do persoje disa defekte dhe me pas do te shkoje ne varreza .

Kujdes nivelin e fryrjes se gomave

Statistikisht, gomave i kushtohet me pak vemendje ne nje makine. Por, presioni i duhur i gomave ka ndikim paresor ne konsumin e karburantit. Kjo, sepse me goma te shfryra rritet rezitenca ne rruge e cila duhet mposhtur.

Ngadaleso!

Pse duhet te nxitoni? Duke ecur me shpejtesi te larte ju konsumoni karburant ne sasi te madhe. Ne momentin qe shpejtesia kalon 80-90 km/h, edhe konsumi i karburantit i kalon limitet e kursimit. Duke ecur me ngadale do te kurseni jo pak.

Qendroni te qete

Shkelja e gazit deri ne fund sa here ndizet drita jeshile ne semafor dhe me pas frenimi i forte, jane armiqte me te rrezilkshem te xhepit tuaj. Ky eshte nje shpenzim i kote dhe plotesisht i shmangshem.

Parashikoni trafikun perpara jush

Se fundmi, nje tjeter menyre per te kursyer karburant eshte te qendroni te vemendshem dhe te parashikoni sjelljen e trafikut qe keni perpara.. “Ngarja Parashikuese” ju ndihmon te reduktoni konsumin e karburantit me 2

Top Channel, 03.12.2014

Rreth 20 mije makina është stoku i automjeteve të përdorura në Shqipëri, që janë zhdoganuar në dy vitet e fundit dhe nuk janë targuar. Ky informalitet i lartë në tregun e makinave ka bërë që të favorizohen vetëm tregtarët informalë, ndërsa pas këtij fenomeni është një industri e tërë koncesionarësh që dëmtohen.

Nisur nga ndotja e lartë që shkaktojnë makinat në Shqipëri, nga kushtet e dobëta të sigurisë, si dhe informaliteti i lartë, shoqata e koncesionareve i kërkon qeverisë që të vendose barazi në treg, si dhe të ndikojë në rritjen e sigurisë së jetës. Dhe një masë e tillë arrihet duke mos pranuar më makina euro 3, që do të thotë automjete me vit prodhimi 2001.

Shqipëria ka një moshë mesatare makinash 12-vjeçare. Ky standard automjetesh është kthyer në vrasësin kryesor, për shkak të nivelit të lartë të ndotjes. Por, nga ana tjetër tendenca për të blerë më lirë, në fakt na kushton jetën, pasi makinat vjetra në vendin tonë nuk kanë standarde sigurie.

TV Vizion Plus, 07.11.2013

Vetëm gjatë vitit 2012-të në Shqipëri janë importuar 60 mijë makina. Këto lloj automjetesh jo vetëm ndotin ambientin por në shumë raste bëhen shkak për rrezikimin e jetës së qytetarëve. Çështja më e debatuar gjatë këtyre viteve në Shqipëri ka qenë pikërisht nëse duhet rritur apo jo taksa e qarkullimit të automjeteve. Jo më larg se në qershor të këtij viti buxheti i shtetit pësoi një humbje në vlerën e 2.5 miliard lekëve nga hyrja në fuqi e ligjit të ri për përgjysmimin e taksës së qarkullimit të makinave. Edhe pse gjatë katër viteve të fundit kjo lloj takse është ndryshuar disa herë, Ministri i Zhvillimit Ekonomik, Arben Ahmetaj, në një takim me koncesionarët e makinave dha të kuptohej se shumë shpejt do të merren masat që ata që kanë makina të vjetra të paguajnë më shumë. Kjo ka qenë edhe një nga kërkesat e kompanive të cilat sjellin në Shqipëri makina me kilometrazh zero. Ata i bënë të ditur ministrit se e kanë të pamundur që të konkurrojnë në një treg i cili përveç informalitetit, tërheq klientët duke shitur më lirë automjetet. Por a janë dakord drejtuesit e makinave për rritjen e kësaj takse? Vendet e Bashkimit Europian tatojnë më shumë automjetet e vjetra të cilat bëhen shkak për mbrojtjen e ambientit. Por në Shqipëri, përveç pjesës së tregtimit të mjeteve me përdorim afatgjatë shqetësim mbetet edhe pjesa e shërbimit që shoferi i bën makinës së tij. Sipas të dhënave nga shoqata e transporteve 80% e serviseve në vendin tonë punojnë në mënyrë informale.

TV Vizion Plus, 25.10.2013

Pas katër ditë garash, ekipi i Universitetit Delft nga Holanda është pranë fitores të Garës Botërore Diellore. Ekipi “Nuon Solar” ka zgjeruar diferencën ndaj sfiduesve japonezë të universitetit Tokai. 40 ekipe nga më shumë se 20 vende të botës, po zhvillojnë një garë 3 mijë kilometra të gjatë nëpër Australi, nga Darwin deri në Adelaide.

Për herë të parë kjo lloj gare u zhvillua në vitin 1987 dhe makinat diellore harxhojnë 5 kilovat/orë energji të depozituar në bateri, ndërsa pjesa tjetër e energjisë gjenerohet nga dielli ose rikuperohet nga energjia kinetike e automjetit. Për këtë vit gara është e ndarë në tre kategori, sfidues, udhëtarë dhe aventurierë. Autoritetet shprehen se ky është një aktivitet që promovon përdorimin e energjisë diellore.

TV Scan, 09.10.2013