info@energjia.al

OSHEE vijon kontrollet e vazhdueshme në të gjithë Shqipërinë. Skuadra Task Forcë e OSHEE vuri në pranga 2 abonentë në qytetin e Durrësit për vjedhje të energjisë elektrike përmes skemave të ndryshme.

Njëri nga abonentët e proceduar ishte edhe pronar i një subjekti privat, lokal dasmash.

Ndërsa abonenti tjetër ishte debitor ndaj shtetit 9 milionë lekë. Ky i fundit, krahas kësaj përdorte një linjë të dytë, jashtë matësit për furnizimin me energji.

Sipas të dhënave të OSHEE, nga kontrollet e fundit janë proceduar rreth 50 persona vetëm në Rajonin e Durrësit.

Scan Tv,  16.11.2017

Konsorciumi i TAP AG njoftoi përmes Twitter- it se më shumë se 78 për qind e tubave janë lidhur përgjatë rrugës së tubacionit Trans Adriatik (TAP) në Greqi dhe Shqipëri.

Sipas konsorciumit, shtrirja e tyre ka përfunduar në 598 kilometra nga 764 kilometrat e përgjithshme të linjës së TAP në këto dy vende.

Vetëm disa ditë më parë u mbyll edhe 80 për qind e pastrimit të gjurmës në Shqipëri dhe Greqi, ku është përqendruar edhe pjesa më e madhe e projektit.

Sa i përket Shqipërisë, konsorciumi ka njoftuar se për periudhën 2017 – 2018 do të investojë 800 milionë euro.

Scan Tv,  10.11.2017

Depozitohet në Kuvend projektligji për mbështetjen e sektorit elektroenergjetik, me synim rritjen e kapaciteteve të transmetimit të energjisë elektrike. Kështu, projektligji parashikon dhënien e një huaje për projektin “Linja e transmetimit 400 kV Shqipëri – Maqedoni (Fier-Elbasan-Qafë Thanë)”. Ky projekt përfshin në sërë pikash kyçe:

Ndërtimin e linjës së re ajrore 400 Kv, Elbasan 2 – Manastir

Zgjerimin e nënstacionit 400 Kv Elbasan 2

Ndërtimin e linjës së re ajrore 400 kV, Elbasan 2 – Fier

Zgjerimin e nënstacionit 220 kV Fier

Huaja që arrin vlerën 50 milionë euro do t’i jepet Operatorit të Sistemit të Transmetimi sh.a. Kjo shumë do të ndahet në dy këste: një këst prej 30 milionë eurosh dhe një këst prej 20 milionë eurosh.

Kjo hua do të përdoret për investime në infrastrukturën e transmetimit të energjisë elektrike për projektin e përmendur më lart, pjesë e korridorit Lindje –  Perëndim. Kështu, do të mundësohet një lidhje direkte e sistemeve të energjisë midis Shqipërisë dhe Maqedonisë.

Scan Tv,  13.10.2017

Një 70-vjeçar ka gjetur vdekjen teksa tentonte të lidhte në mënurë të paligjshme energjinë elektrike.

Policia thotë se ngjarja ka ndodhur në Dropull, ndërsa viktimë është Vangjel Beka nga fshati Llongo.

I moshuari mësohet se është ngjitur me shkallë në një shtyllë të tensionit, por nga pakujdesi dhe padija, ra në kontakt me energjinë elektrike dhe për pasojë ka ndërruar jetë.

Policia mbërriti në vendin e ngjarjes për të kryer hetimet e rastiti.

Ora News,  05.10.2017

Dy persona ranë në prangat e policisë për shkak të lidhjeve të paligjshme të energjisë.

Njoftimi i plotë:

Specialistët e Seksionit për Krimet në Komisariatin e Policisë Korçë, bënë kapjen dhe arrestimin në flagrancë të shtetasve :

Erjon Hëna, 35 vjeç, banues në fshatin Vloçisht-Maliq dhe

Gëzim Kupe, 32 vjeç, banues në Vashtëmi-Maliq.

Arrestimi i tyre u bë pasi këta shtetas në lagjen nr 10 në Korçë, dyshohet se kanë kryer rilidhje të energjisë elektrike, në mënyrë të paligjshme, për llogari të një televizioni kabllor, tek i cili këta shtetas punonin respektivisht si elektriçist dhe operator.

Materialet i kaluan Prokurorisë të Rrethit Gjyqësor Korçë për veprën penale: “Vjedhja e energjisë elektrike” parashikuar nga neni 137 i Kodit Penal.

energjia.al  31.07.2017

Vijojnë kontrollet për lidhjet e paligjshme të energjisë elektrike në të gjitha qytetet e vendit. OSHEE Tiranë ka shtuar kontrolle kryesisht gjatë natës, në bashkëpunim me grupet Task Forcë, me mbështetjen e Policisë së Shtetit, duke bërë të mundur zbulimin dhe kapjen në flagrancë të 36 abonentëve që vidhnin energjinë elektrike gjatë muajit Korrik.

Nga këto vetëm në 24 orët e fundit janë kallëzuar në Prokuroi 6 abonentë, për vjedhje të energjisë në zonat e ndryshme të Tiranës. Këta abonentë furnizoheshin me energji jashtë sistemit matës.

Materialet me prova dhe procesverbalet e të proceduarve, ku më shumë se gjysma ushtronin aktivitet privat – biznes, i kanë kaluar për hetim organeve kompetente.

Scan Tv,  26.07.2017

Pas arrestimit të dy personave në Tiranë e Shkodër, për lidhje të paligjshme të energjisë elektrike, OSHEE vazhdon me kontrollet në të gjithë vendin.

Në Vlorë OSHEE ka denoncuar në polici 13 raste të rilidhjes së energjisë elektrike nga debitorë të cilëve u ishte ndërprerë energjia elektrike pasi  nuk kishin kryer pagesat në kohën e duhur.

OSHEE u bën me dije abonentëve se rilidhja e energjisë mbasi është prerë nga OSHEE përbën vepër penale dhe dënohet me ligj.

Shqiptarja.com  20.07.2017

Aksioni i OSHEE Vlorë në 12 orët e fundit ka regjistruar tre raste të vjedhjes së energjisë.  Dy raste janë rilidhje e paligjshme, ndërsa rasti i tretë u kap gjatë natës, pronari i një restoranti të njohur në Dhërmi duke vjedhur energji me linjë të dytë.

Referuar njoftimit të OSHEE, në 24 orët e fundit, OSHEE Vlorë ka proceduar penalisht 5 raste, ku tre janë biznese ndërtimi dhe restoranti. Aksioni është i përqendruar natën, ku konstatohet tendenca e furnizimit abuziv e i dëmtimit të linjave.

Scan Tv,  10.07.2017

OSHEE po vijon aksionin kundër vjedhjes së energjisë në rajonin e Shkodrës. Në bashkëpunim me policinë po ushtrohen kontrolle kryesisht në zonat rurale.

Nga aksioni i deritanishëm janë shoqëruar në komisariat 3 punonjës të OSHEE për favorizim të lidhjeve ilegale: Fatmir Selvija, Edmond Lishi dhe Aleksandër Rroku; si dhe 5 abonentë nga zona e Shkodrës: Sadik Hyseni, Shyqyri Bilali, Ylber Stafa, Fahri Tusha dhe Pal Zef Marashi.

Sipas një njoftimi për shtyp, aksioni po vijon dhe deri mes të tjerash më tani janë proceduar 31 persona për abuzim me ligjin.

Top Channel,  24.12.2016

Enti Rregullator i Energjisë ka nxjerrë për konsultim një rregullore lidhur me lidhjet e reja në sistemin e shpërndarjes së Energjisë.

Vlerën totale të lidhjes së re e përbëjnë katër lloje tarifash që nisin me tarifën e studimit, vlerësimit e miratimit të projektimit, me tarifën e distances, më pas me tarifën e fuqisë (leke/ kW fuqi të kërkuar) në fund tarifa e shërbimeve për realizimin e lidhjes së re dhe matjes.

Kur aplikantit i miratohet lidhja në tension të ulët 0.4 kilovolt tarifa që do të paguajë është 7250 lekë deri në 7462 lekë plus tarifa e distancës e cila varion nga konsumatori në konsumator.

Për konsumatorët jofamiljarë në tension të ulët për një lidhje të re do paguhet 12750 lekë plus tarifa e distancës e cila nuk është standarde. Në rastin kur lidhja është në tension të mesëm pra 6, 10, 20 kilovont aplikanti do të ndërtojë kabinë elektrike kurse lidhja do ti kushtojë 20 950 lekë.

Edhe këtu nuk përfshihet tarifa për distancën e cila llogaritet specifikisht për çdo aplikant sipas metodologjisë së miratuar.

Kur aplikanti lidhet në tension të mesëm 35 kilovolt tarfia që do të paguhet është 21 250 lekë duke mos përfshirë distancën e cila edhe në këtë rast ndjek të njëjtën formulë si për llojet e tjera të lidhjeve.

Të gjitha këto ndryshime në rregullore përfshirë këtë për lidhjet e reja vijnë në kuadër reformimit të sektorit energjetik dhe modelit të ri të tregut.

Scan Tv,  12.10.2016