info@energjia.al

Ministri i Zhvillimit Ekonomik, Valdrin Lluka, ka pritur në një takim një delegacion të investitorëve nga Gjermania, kryesuar nga Hans Jurgen Muller, Kryetar i Shoqatës Ekonomike Gjermano-Shqiptare, i shoqëruar nga Ambasadori i Kosovës në Berlin, Skënder Xhakaliu.

Me këtë rast Ministri Lluka, ka njoftuar të pranishmit për sektorët që mbulon MZHE, respektivisht edhe projektet që do të realizohen.

Ministri Lluka, po ashtu ka prezantuar para investitorëve mundësitë e investimeve në Kosovë, duke u fokusuar në katër fusha; Energjinë, Energjinë e Ripërtëritshme dhe Efiçiencën e Energjisë, Minierat me fokus të veçantë Trepçën, sektorin e TIK-ut me fokus infratrukturën si dhe proceset e Ndërmarrjeve Publike në vend.

Gjithashtu, Ministri Lluka, prezantoi planet e tij për rritje të transparencës në proceset e marrjeve të licencave për energji të ripërtëritshme, duke prezantuar konceptin në formë të ankandeve të hapura, ku investitorët marrin pjesë në formë transparente.

Nga ana tjetër Kreu i Odës Gjermano-Shqiptare Hans Jurgen Muller, ka përgëzuar Ministrin Luka për angazhimet e tij në zhvillimin ekonomik të Kosovës, duke vlerësuar transparencën që ministri Lluka po promovon.

Ndryshe, dyja palët janë dakorduar që pas krijimit të Qeverisë së re Gjermane të organizohet një Konferencë për investitorë për energji dhe miniera në mes të dyja shteteve.

Agjensia e lajmeve ekonomia,  13.11.2017

Kryeministri shqiptar Edi Rama viziton Beogradin për herë të tretë në dy vitet e fundit.

Kryeministri i Shqipërisë Edi Rama dhe homolugun i tij serb Aleksandër Vuçiç janë ulur së bashku në forumin “Stabiliteti i Europës Juglindore’ ku po diskutojnë për marrëdhëniet e Shqipërisë dhe Serbisë dhe intensifikimin e tyre.

Në konferencë u trajtuan shumë çështje që kanë të bëjnë me mbijetesën e demokracisë në dy vendet, bashkëpunimin substancial apo sipërfaqësor mes vendeve, vijimin e këtij bashkëpunimi dhe rolin e shoqërisë civile në promovimin e progresit shqiptaro-serb.

“Serbia duhet të njohë Kosovën sa më shpejtë”- kështu u shpreh kryeministri Rama nga Beogradi, gjatë Forumit për Sigurinë. Sa i përket projekteve rajonale ekonomike dhe të sigurisë, Rama deklaroi se për Shqipërinë ka vetëm një Dashuri: Perëndimi. Ndërsa kryeministri Vuçç u shpreh se ka BE por ka edhe Rusi, referuar trysnive të vazhdueshme të Bashkimit Evropian ndaj Serbisë.

Rama në Beograd: Trepça e Kosovës, Serbia të njohë pavarësinë
Sërish në zemër të Beogradit, Rama kërkoi që Serbia të njohë Kosovën. Duke hequr paralele me cështjen e Trepcës, Rama shpjegoi se njohja e Kosoovës është cështje më e rëndësishme pasi flitet për një shtet.

RamaNe jetojmë në një botë kur gjërat janë të ndërlidhura dhe nuk e kemi shansin të mos flasim me njëri-tjetrin. Ai sërish foli dhe dha provën për dy dashuri., Kosova është aty ku ne nuk biem dakort fare. Pikëpamja ime është sesa më shpejt Serbia të njohë Kosovën do jetë më mirë për të gjithë. Ka një proces që e mbështes dhe të dy palët e liderët duhet të lavdërohen është dialogu. Ai është mjet i rëndësishëm për të ankoruar pushtetin e së ardhmes sepse nuk është për atë cka njerëzit mendojnë në Rusi e përsërisim, cfarë një prift mendon për vendet e shenjta,por ku duhet të ankorohet pushteti në vendin ku jemi, ai ankorohej në të kaluarën,e përgëzoj Vuçiç për ta cuar pushtetin në të ardhmen, mendoj se nuk duhet të harrojmë kurrë se kur bëjmë dialog po flasim për njerëzit jo për historinë, cfarë pëlqen ky, ai, por flasim për popullin. Shembull, kur mediat flisnin pë Trepcën, ajo është minierë në tokën e Kosovës, cfarë bëni me Trepcën, e transportoni në Beograd dhe nga ana tjetër, në Kosovë duhet të kuptojnë se Trepca është në minierë në tokën e Kosovës dhe i përket Kosovës. Trepça bëhet fjalë për ekonomine. Pyetja është; A duhet ekonomia të vendosë nëse kjo minierë funksionon apo jo apo duhet të vendosë politika??? Përgjigjia nuk është e lehtë, një tjetër temë e nxehtë, si dëshirojmë të ecim përpara pa pastruar këtë listë që janë të kërkuar? Sepse mund të kuptoj argumentat por kur dikush kalon kufirin për herë të 10 dhe njëherë në 10 herë arrestohet, cfarë është kjo??? Në Kosovë dhe në Serbi jam i bindur se prioritet kur mendojmë për njëri-tjetrin është që të bëjmë njerëzit të lumtur.

Nuk duhet të humbasim në përkthim, të dy vendet kanë premtuar për të ecur përpara, për të lënë pas të kaluarën dhe jam dakort me Vucic, nuk më intereson se disa njerëz mund të thonë se kur u largova nga Tirana në Beograd më thanë se isha tradhtar e kur u ktheva më thanë se jam hero. Unë s’jam asnjëri e as tjetri, por Kosova e Serbia duhet të bëjnë atë që duhet bërë, pas shekujsh ndarje nga një lumë gjaku, shembujt janë atje e ne jemi këtu por e ardhmja është këtu, dhe duhet ta kapim.

Vucic: Kur vura re prezencën e mëdias kosovare e dija që Edi do bënte politikë ditore, ai është është politikan më i mirë se unë. Nuk e përdora mundësinë për të thënë diçka të keqe për homologët e Kosovës. Do jap dy shembuj, foli për Trepcën, guxoj të them se di më shumë për Trepcën, nëse ai thotë se është çështje ekonomie, Prishtina bëri lëvizjen më të keqe sa i përket ekonomisë e zhvillimit të Trepcës. Kur thoni se bëhet për të mirën e shqiptarëve e Serbëve, a mund të gjesh një serb që do binte dakort me këtë? A u përpoqën ata që të gjejnë një serb që bie dakort? Jo, nuk folën fare me serbët që jetojnë e punojnë atje. Nuk u kujdesën, por u kujdesen për arsyet e tyre politike të brendshme. Nuk e di pse e bënë këtë. Kur analizojmë gjithçka nga pikëpamja racionale këtë nuk e kuptoj. Duke u kthyer tek Nehat Thaci, nuk di gjë për këtë rast, kemi hapur kapitullin 23, janë paralajmëruar edhe për raste më të vogla ndaj BE dhe ajo s’do ketë standarde të dyanshme. Nuk ka pasur arsye që ti ndalojmë negociatat apo dialogun edhe kur u përballa me rastin kundër Oliver Ivanovic, u arrestua e burgos, nuk e dëgjuat këtë argument nga unë apo si argument mjaftueshëm për të ndalur dialogun e për t’u zënë. Sapo për të thënë se tani nuk kemi nevojë për të diskutuar cështje të tjera se s’ka arsye. A besoni se Thaci u arrestua për qëllime politike??? Jo, askush se bëri, ishte mandat arresti i lëshuar në ’97. Ne duhet t pastrojmë këtë listë se vijojmë ti kthehemi asaj dhe zyrës tonë të prokurorit. Jam dakort me ju se duhet ti shikojmë të gjitha por duhet ta bëjmë në mënyrë të përbashkët dhe duhet të keni të njëjtin qëndrim kur flisni për serbët.

RamaNuk mora anë kur fola, por Trepcën, por po ju them se askush nga një botë normale nuk do të kuptonte se cfarë po ndodh me minierën e Kosovës dhe nuk ka mundësi për ta importuar këtu. Qytetarët e Kosovës janë aty, është ekonomi, s’po them se kush bëri cfarë, por ka disa gjëra që dalin nga e kaluara dhe i gjejmë si pengesë për të ardhmen.

VucicEdi, po del dicka nga e kaluara, ne duhet të zgjidhim këtë cështje të panevojshme, ndaj them dhe jua thashe edhe miqve tuaj se nuk e kuptova dhe nuk do flas më për këtë. Nuk e kuptoj cështjen e Trepces, kemi qëndrime të ndryshme, ju mendoni se është i pavarur e sovran, por duhet të flasim. Kjo lëvizje e Trepces ishte dicka që doli nga hiçi dhe nuk e kuptoj se cila ishte arsyeja. Jam i gatshëm ta diskutoj atë. Jam i zhgënjyer jo se është temë kryesore por jam i zhgënjyer se mund të bëni ç’të doni.

RamaE pashë në gjithë mediat serbe mbrëmë, ka rëndësi kur të jemi të qartë, ne mendojmë të kundërtën për Kosovën sa i përket statusit, por ka një dialog, s’duhet të harrojmë se bëhert fjalë për ndjenjat e popullit

VucicNjerëzit nuk u pyetën në veri për këtë çështje.
Më duhet të ndaloj, më thotë protokolli.

Shqiptarja.com  14.10.2016

Shqipëria shpenzon 3 mijë euro për kilometër në mirëmbajtjen e rrugëve, ndërsa vendet e rajonit 5 deri në 7 mijë euro.

Nëse i referohemi këtyre shifrave kuptohet situata në të cilën ndodhen akse të ndryshme në vend, përsa i përket rrezikëshmërisë për aksidentë rrugore. “Standardet e Sigurisë Rrugore në Bashkimin Europian, pikë referimi për Shqipërinë”, organizuar nga TAP dhe “Avis” ishte konferenca e parë e organizuar në Shqipëri.

Në këtë konferencë u diskutuan zgjidhje mes institucioneve shtetërore dhe private përsa i përket shmangies së aksidenteve rrugore. Menaxheri i TAP për Shqipërinë dhe Greqinë, Karl Roberts në një intervistë për televizionin Scan, u ndal në rëndësinë që ka trajnimi i shoferëve për të shmangur aksidentet.

Presidenti i “AVIS” për Shqipërinë, Gazmend Haxhia, cilësoi si zonat më të rrezikshme aktualisht për aksidente vijën bregdetare, duke ju referuar edhe fluksit të pushuesve, të cilët duhet të respektojnë më shumë sinjalistikën.

Standartete e zbatuara nga vendet e Bashkimit Evropian mbi sigurinë teknike të rrugëve u morën si pikë referimi në këtë konferencë, për të drejtuar përpjekjet e përbashkëta të sektorit publik dhe privat në Shqipëri për rrugë më të sigurta.

Scan TV,  07.07.2016

Konfederata Kombëtare e Industrisë me mbështetjen e Ministrisë së Energjisë dhe Industrisë organizuan në Tiranë edicionin e dytë të ExpoForumit “Projektet lider dhe modelet e reja të menaxhimit të sektorëve strategjikë Shqipëri & Kosovë”.

Forumi u moderua nga Gjergji Buxhuku ndërsa në panel referuan Ministri i Energjisë dhe Industrisë z.Damian Gjiknuri, Ministri i Zhvillimit Ekonomik të Republikës së Kosovës Blerand Stavileci dhe Ministri për Diasporën në Kosovë z.Valon Murati.

Gjatë diskutimeve u paraqitën në disa panele projektet kryesore në shfrytëzimin e burimeve natyrore, modelet e reja të menaxhimit publik–privat të sektorëve strategjikë si dhe instrumentat financiare të nevojshëm për tërheqjen e burimeve alternative të investimit në kushtet e paskrizës globale në Shqipëri dhe Kosovë.

Ministri Gjiknuri në fjalën e tij deklaroi se brenda Qershorit do të përfundojë Linja e Interkonjeksionit 400 kilovolt me Kosovën ndërsa në qeveri do të kalojë një memorandum që do mundësojë fillimin e kryerjes së studimit të fizibilitetit për një vepër të përbashkët gjeneruese të energjisë.

Gjithashtu, ministri u ndal tek projekti TAP ndërsa tha se Shqipëria me Kosovën kanë aplikuar pranë Bashkimit Evropian për mundësimin e realizimit të studimit të fizibilitetit për degëzimin e gazsjellësit mes Shqipërisë dhe Kosovës.

Duke analizuar efektet e projektit TAP, z.Gjiknuri tha se do mund të avancohet edhe me vënien në punë të Termocentralit të Vlorës. “Ne kemi siguruar edhe fonde për studimin e fizibilitetit, madje besoj që shumë shpejt do të kemi mundësinë edhe për afrimin e partnerëve privatë dhe gjithmonë këtu synohet. Kemi synimin që të gjejmë një operator privat nëpërmjet partneritet publik-privat, të marrë përsipër vënien në punë, riparimin, investimet e nevojshme për konvertimin me gaz. Megjithëse ato turbinat punojnë me naftë edhe me gaz është çështje e gjithë aksesorëve dhe konvertimet e tjera. Pra, lidhja me gazsjellësin edhe stacionet e reduktimit të presionit dhe shumë elementë teknikë si këto. Pra, do të kemi mundësi që edhe këtë TEC ta vëmë në funksionim të sektorit elektroenergjetik shqiptar”, nënvizoi z.Gjiknuri.

Fjala e Ministrit të Energjisë dhe Industrisë z.Damian Gjiknuri:

Faleminderit z.Buxhuku,

Faleminderit për ftesën dhe për organizimin. Jeni specializuar në organizimin e këtij forumi, sidomos kur përfshihet edhe Kosova. Më vjen mirë sepse keni kapur një këndvështrim që shumë pak organizata të tjera biznesi e kanë kapur, sidomos bashkëpunimin Shqipëri-Kosovë duke u fokusuar kryesisht tek sektorët strategjikë.

Në fakt, ky është takimi i dytë pasi të parin e kemi zhvilluar në Prishtinë. Më vjen mirë që ka edhe ecuri konkrete mes të dyjave vendeve tona, pikërisht për këto projekte strategjike të cilat jo vetëm lidhin vendet por mbi të gjitha krijojnë mundësi të reja ekonomike, sidomos për investime e për shkëmbime më të mëdha. Jemi shumë afër datës së inaugurimit të projektit shumë të rëndësishëm që është interkonjeksioni i Shqipërisë me Kosovën. Brenda Qershorit do të inaugurohet dhe është projekt i parë strategjik i rëndësishëm mes dy vende, lidh të dyja rrjetet energjetike duke hapur mundësi të mëdha për shkëmbime nga pikëpamja energjetike, por mbi të gjitha dhe për investime të përbashkëta.

Me qeverinë e Kosovës jemi duke diskutuar dhe shumë shpejt në qeveri do të kalojë edhe memorandumi përkatës i bashkëpunimit, për të parë mundësinë e krijimit të kapaciteteve të përbashkëta. Kuptohet, kjo është thënë edhe herë të tjera por ne po shkojmë në një stad shumë më të avancuar që është fillimi i studimit të fizibilitetit edhe nëpërmjet një partneri strategjik apo pjesëmarrje më të gjerë me kapital privat, për të bërë të mundur që Shqipëria dhe Kosova të krijojnë një kapacitet të ri gjenerues. Do duhet të bazohet tek linjiti i Kosovës sepse mundësitë janë dhe linja e bën këtë edhe më ekonomike nga të dyja krahët. Besoj se ky është një drejtim i duhur, që Shqipëria dhe Kosova krahas lidhjes fizike, të kenë mundësi të përbashkët edhe të prodhimit të energjisë.

Nga ana tjetër, kuptohet kanë ndodhur zhvillime interesante në Europën Juglindore, përfshirë edhe atë që u tha pak më parë, pra zhvillimet përsa i përket Korridorit të Jugut, i cili u nis si një projekt europian, me interes europian, por që patjetër transformoi edhe faqen e sigurisë energjetike të Ballkanit.

Shqipëria, Greqia, por me mundësitë që hapen edhe vende të tjera si Mali i Zi e Kroacia do të jenë pjesë e rrjeti energjetik të korridorit të jugut dhe kjo është një mundësi e madhe. Mundësi e madhe përsa i përket sigurisë energjetike, përsa i përket rolit strategjik që vendi do të fitojë, por nga ana tjetër unë doja ta shikoja edhe nga një plan më praktik, të hapjes së mundësive të reja ekonomike.

Ardhja e gazit në Shqipëri do të jetë një burim i ri energjie. Nuk është vetëm çështja e investimit imediat të TAP-it rreth 1 miliard dollarë ku patjetër përfitimi do të jetë direkt në ekonomi dhe kjo nuk diskutohet. Gjithashtu përfitime përsa i përket punësimit apo edhe zinxhirit tjetër të gjithë kontraktorëve dhe punimeve që do të zhvillohen në Shqipëri. Mbi të gjitha ne krijojmë një burim të ri energjie dhe kjo ka një rëndësi mjaft të madhe. Perspektiva është e tillë që sasitë e gazit do të jenë më të mëdha sesa 10 bcm. Nuk do të justifikonte njeri thjesht të ndërtonte një korridor, të diversifikonte burimet europiane për një sasi krejt minimale të gazit. E rëndësishme është që aty të kemi edhe sasi të tjera të gazit dhe ato do të jenë. Kjo do të jetë një mundësi e re për Shqipërinë, qoftë për të përdorur gazin për nevojat tona, për të diversifikuar qoftë prodhimin e energjisë elektrike duke mos mbetur vetëm tek hidro, por qoftë edhe për vetë konsumin e familjeve shqiptare apo industrive shqiptare.

IMG-20160524-WA0014Nisur nga burimet që ka Shqipëria, qoftë në naftë, qoftë edhe me disa burime të gazit siç janë zbuluar në rastin e SHELL-it, do të krijojë sinergjinë e nevojshme dhe le të themi mjedisin e nevojshëm ku mund të zhvillohen edhe industritë petrokimike. Momenti që ke naftë, gaz dhe furnizim stabël me energji elektrike, të tre këto elementë janë bazë për të krijuar industrinë petrokimike që unë besoj do të rigjallërohet në Shqipëri në të ardhmen. Është një zhvillim për tu përshëndetur dhe patjetër që Kosova nuk mund të ngelet jashtë këtij zhvillimi rajonal.

Ne sëbashku me Kosovën kemi aplikuar në Bashkimin Europian, pra nëpërmjet një mekanizimi ku është WBIF, të cilat janë fonde që i vihen në dispozicion vendeve për të çuar përpara projektet e fizibilitetit. Do të mundësojmë studimin e fizbilitetit për gazsjellësin Shqipëri-Kosovë, në mënyrë që edhe Kosova të jetë pjesë e rrjetit të gazit, pra pjesë edhe e korridorit të jugut. Njësoj edhe në projektin Jonian-Adriatik i cili është një projekt ku Shqipëria ka pjesën e saj, kemi filluar avancimin nëpërmjet krijimit të njësisë së përbashkët. Po krijojmë një entitet juridik, një projekt me përfaqësues nga Shqipëria, Mali i Zi dhe Kroacia për të qenë si një njësi permanente, hapi i parë përpara se të krijojmë një kompani. Pas krijimit të kompanisë, patjetër do të jenë edhe mundësitë për përfshirjen e investitorëve strategjikë.

Ky projekt, kuptohet tashmë është në letër dhe dikush mund të thotë se duket si ato vijat e perspektivës në hartë, por vë re që sa më shumë maturohet ecuria e projektit TAP, aq më shumë efektiv bëhet ky projekt dhe më interesant për investitorët strategjikë. Jo vetëm që kompania SOCAR është pjesë e këtij projekti, kompania e Azerbajxhanit, por ka edhe kompani të tjera të cilat kanë shprehur interesin që të bëjnë pjesë e këtij projekti që në këtë fazë.

Ne sëbashku me shtetet e tjera do punojmë për një hartë të qartë veprimesh në lidhje me korporatizimin e gazsjellësit dhe më tepër financimit, por sinjalet janë shumë pozitive. Këto janë zhvillime afatgjata sepse vet industria në sektorë strategjikë është afatgjatë, por shenjat janë pozitive. Kompletimi i projektit TAP patjetër do të krijojë mundësi edhe për këtë projekt. Do të hapë mundësi, siç e kam thënë më përpara, për vënien në punë edhe të një aseti tjetër strategjik tonin, që fatkeqësisht ka qenë fantazmë siç është TEC-i i Vlorës. Ne kemi siguruar edhe fonde për studimin e fizibilitetit, madje besoj që shumë shpejt do të kemi mundësinë edhe për afrimin e partnerëve privatë dhe gjithmonë këtu synohet. Kemi synimin që të gjejmë një operator privat nëpërmjet partneritet publik-privat të marrë përsipër vënien në punë, riparimin, investimet e nevojshme për konvertimin me gaz. Megjithëse ato turbinat punojnë edhe me naftë edhe me gaz, është çështje e gjithë aksesorëve dhe konvertimet e tjera, pra lidhja me gazsjellësin edhe stacionet e reduktimit të presionit dhe shumë elementë teknikë si këto. Pra do të kemi mundësi që edhe këtë TEC ta vëmë në funksionim të sektorit elektroenergjetik shqiptar.

Këto janë zhvillime të cilat janë vënë në shinat e duhura, do të duan kohë por ka qenë pikërisht vullneti i qeverisë dhe vizioni për ti vënë në përdorim të gjitha këto mundësi të reja që krijohen nga këto zhvillime që disa vjet më parë nuk mendoheshin. Kjo është një e vërtetë, që nuk mendohej, para 3-4 vjetëve ka pasur shumë skeptikë edhe për projektin TAP për shumë arsye. Arsye politike, arsye ekonomike, rënia e çmimeve të gazit ka vënë në pikëpyetje shumë edhe mbarëvajtjen e shumë gazsjellësve.  BE-ja e ka vënë në objektivat e saj strategjikë për arsye diversifikimi dhe projekti TAP tashmë ka gjetur dhe mbështetjen e nevojshme. Besoj se do të kompletohet në kohë dhe ky është një lajm i mire, krijon një platformë të re, krijon një mundësi të re dhe krijon sinergji të reja për shkak të gjithë industrive të lidhura rreth gazit.

Shqipëria nuk ka një histori të lavdishme në sektorin e energjisë elektrike. Gjërat po ndryshojnë edhe pse vazhdojnë të jenë të vështira. Sektori i energjisë elektrike, për vetë faktin që është i rregulluar dhe mbi të gjitha ndikon tek mbarë popullata është një sektor i vështirë. Hapat që po hidhen janë të sigurta dhe janë shumë positive, jo vetëm për përmirësimin e imazhit, reduktimin e humbjeve, rritjen e likuiditetit. Kompani të cilat kanë qenë shtetërore, kanë qenë në njëfarë mënyre një gangrenë e sistemit, në vend që të sillnin kontribut në ekonominë shqiptare, përkundrazi kishin filluar të konsumonin taksat që vileshin nga popullata duke shkuar për të mbuluar keqmenaxhimin.

Po të shikoni parametrat e të treja kompanive, ato po shkojnë drejt një korporatizimi, komercializimi të mëtejshëm. Patjetër, janë kompani shtetërore dhe nuk mund të themi se janë në gjendjen e tyre më të mirë por mjafton të shikojmë vit për vit parametrat financiarë, kemi një përmirësim të dukshëm, qoftë në stokun e kredive që kanë e që po përmirësohen. Gjithashtu, për kreditë që po përdoren, nëqoftëse më përpara përdoreshin thjesht për të mbuluar dëmet e keqmenaxhimit, tashmë të gjitha këto kredi të buta po shkojnë në financime në sektor. Parametrat financiarë patjetër po përmirësohen, mbi të gjitha është rritur likuiditeti.

Komercializimi i kompanive ka hapur perspektiva të tjera edhe në investime të mëtejshme në sektorin e energjisë elektrike. Megjithëse energjia elektrike në përgjithësi ka rënë dhe çmimi nëpër botë, incentivat për investim nuk janë të mëdha, shohim fatmirësisht në Shqipëri interes në investimin në HEC-e edhe pa garanci të blerjes së energjisë elektrike. Kjo për mua ka qenë domethënëse, pikë kthese pasi nuk e mendoja që do vinte kjo. Gjithmonë ka qenë një pikëpyetje e madhe edhe ne qeveri. A do kemi ne mundësi të ftojmë investime private pa dhënë garanci qeveritare apo pa garantuar biznesin e tyre? Pra, të kemi një model ekonomik të qëndrueshëm që ecën vet apo thjesht një model ekonomik i cili bazohet gjithmonë në garanci qeveritare, por në momentin që për arsye nga më të ndryshmet këto garanci bihen edhe ky model kthehet i pasuksesshëm dhe kthehet në një barrë për Buxhetin e Shtetit apo për mbarëvajtjen e investimeve të tjera.

Sot që flasim kemi një investitor të ofruar në një vlerë mbi 120 milion dollarë në hidrocentralin e Poçemit, i cili është pa garanci blerje energjie. Përsa i takon Katundit të Ri, gjithashtu është shpallur procedura dhe këtu kemi investitorë pa garanci blerje energjie. Do të thotë se krijohen agjentët e nevojshëm të tregut për të nxitur prodhimin e liberalizuar të energjisë elektrike. Çfarë do të sjellë kjo? Kjo do të sjellë dhe një projekt tjetër të rëndësishëm. Pra e lidh këtë zhvillim me atë çka po ndodh në sektorin energjetik përsa i përket krijimit të tregut. Ju e dini që kemi filluar tashmë reformat liberalizuese në treg. Patjetër z.Buxhuku si një përkrahës i vazhdueshëm i industrisë ka ngritur edhe pikëpyetjet se si do të bëhet liberalizimi i konsumatorëve të mëdhenj të energjisë elektrike dhe çfarë efekti do të kenë këto reforma në treg.

Shtimi i burimeve të energjisë pa garanci blerjeje dhe prodhimi i shtuar nga sektori privat do të krijojë një garanci të madhe edhe për furnizimin nesër të konsumatorëve në tregun e parregulluar. Pse?! Do të krijohet bursa energjetike, do të ketë më stabilitet në çmim, do të ketë prodhim më të madh në Shqipëri nëpërmjet hidros por edhe nga burimet e tjera dhe shpresoj edhe gazi do të jetë një burim i mjaftueshëm. Ashtu siç edhe kapacitetet që folëm me Kosovën do të jenë tepër të nevojshme për gjithë balancën energjetike mes Shqipërisë dhe Kosovës, por edhe për të qenë komplementar për ato situata kur vërtet kemi nevojë se Zoti nuk mund të jetë gjithmonë me ne që do ketë shi. Në këtë pikëpamje, të gjitha ato zhvillime sjellin garanci edhe për industrinë. Se ku do shkojë ky prodhim? Patjetër do shitet tek industria. Dhe aty pastaj, industria ka çmimet e energjisë stabël se energjia është shumë e rëndësishme, sidomos tek industritë me konsum intensiv.

U tha këtu se kemi një avancim shumë të madh vitet e fundit, rritje të prodhimit të ferrokromit. Na vjen mirë dhe e përgëzojmë kompaninë në fjalë e cila ka kryer investimet e nevojshme. Nga ana tjetër, ne si qeveri kemi dhënë mbështetjen e duhur që industria përpunuese e kromit të zgjerohet në Shqipëria, duke krijuar iniciativën e nevojshme fiskale, duke ulur rentën për të nxitur prodhimin vendas të ferrokromit. Industritë kanë një rëndësi, sidomos këto që janë ferrokromi, nesër përpunimi bakrit apo qoftë nikeli se Shqipëria ka rezerva të mëdha nikeli.

Ka rezerva të jashtëzakonshme që me një ngritje të çmimit të nikelit patjetër do të krijohet mundësia edhe për rritjen e përpunimit të tij. Çfarë duan këto? Energji. Pra momenti kur burimet e energjisë janë në vend, janë të përballueshme, sepse kryesisht vijnë nga hidro, patjetër do të zhvillohet edhe industria e nikelit apo do të rriten kapacitetet e ferrokromit dhe do të zhvillohen të gjitha industritë e rënda. Prandaj janë shumë të lidhura të gjitha këto reforma, të gjitha investimet që po bëhen në sektorin energjetik, qoftë publike, se vërtet janë investime publike. Dëgjoj ndonjëherë debat sa investime keni sjellë, a ka investime? Fakti që kompanitë shqiptare, kompani që në fund të fundit janë komerciale, po kryejnë investimet e tyre kjo është për tu përshëndetur. Jo vetëm që vjen kapitali huaj sepse rrjeti po përmirësohet dhe thashë të gjithë këto reforma kanë krijuar incentiva për kapitalin e huaj, por nga ana tjetër vetë kompanitë publike po investojnë dhe ky është qëllimi në vetvete. Që kompanitë të komercializojnë dhe të investojnë për të rritur vlerat e aseteve të tyre, por njëkohësisht për të përmirësuar shërbimet. Nga ana tjetër, Buxhetit të Shtetit i lirohen shumë hapësira që në vend të shkonin të mbyllnin gropat e keqmenaxhimit, të investohen në sektorë të tjerë apo fusha të tjera të infrastrukturës publike aq të nevojshme për qytetarët shqiptarë.

Të gjitha këto zhvillime në këto sektorë strategjikë janë të lidhura me njëra-tjetrën, nuk duhen parë të shkëputura por duhen parë si një e tërë. Edhe gazi duhet lidhur me energjinë elektrike. Reformat liberalizuese në energji elektrike patjetër do të lidhen edhe me mundësitë e reja që krijohen në investime. Të gjitha këto sjellin mundësi, rritje ekonomike, një model më të qëndrueshëm ekonomik dhe patjetër do të hapin sektorë të rinj në ekonominë shqiptare.

Të njëjtën gjë mund të themi për hidrokarburet. Patjetër, që për shkak të rënies së çmimeve të naftës, investimet kanë qenë të kufizuara aty dhe tashmë këtë e dimë. Megjithatë, kemi mundur të sigurojmë edhe investitorë të rinj, zgjerimin e aktivitetit të SHELL-it, ardhjen e investitorëve të tjerë nga Izraeli në fusha të reja të naftës. Interesi për Shqipërinë vazhdon të jetë i madh dhe shpresojmë që edhe në të ardhmen, me praninë e gazit dhe me rritjen e prodhimit të naftës, të mund të zhvillohet një industri e cila ka vuajtur nga keqmenaxhimi apo nga keqprivatizimi. I tillë është rasti i rafinimit, pra industria e rafinimit të naftës në Shqipëri e cila tashmë ka falimentuar por do të mund të rigjallërohet.

Është shumë e rëndësishme edhe mënyra sesi i privatizojmë asetet strategjike. Edhe disa mësime duhen nxjerrë nga mënyra sesi u kryhen privatizimet në Shqipëri, për të mos shkelur në të njëjtat rrugë të gabuara. Privatizimet e nxituara, me idenë vetëm që të heqim qafe një aset se na është kthyer në një plagë sociale është gjëja me e gabuar. Nuk mund të heqësh dorë nga një gjë që i përket të gjithë popullit dhe që në fund të fundit automatikisht ti si shtet do të përfshihesh. Nuk mund të mbyllësh sytë dhe të lash duart si Ponç Pilati që u privatizua sektori i shpërndarjes dhe tregu do të bëjë mrekullira. Jo! Ka shumë rëndësi kuadri i fortë rregullator dhe privatizime ku shteti të ketë patjetër një paketë të rëndësishme kontrolluese. Në rast edhe krizash, se këto ndodhin, shteti të ketë mundësi veprimi por pa krijuar trauma dhe pa krijuar dalje kaotike, të cilat mund të kenë pasoja financiare, pasoja shumë më të rënda se ato që ne patëm në kurriz me dështimet në rastin e privatizimit të sektorit të shpërndarjes të energjisë elektrike apo që e kemi akoma edhe me dështimin e privatizimit të ARMO-s.

Në këtë drejtim, në këtë mandat kjo qeveri nuk ka në plan të bëjë privatizim strategjik të kësaj natyre por mendojmë se komercializimi i kompanive do të krijojë mundësinë që mandatin tjetër, pasi të kemi kaluar përshembull në rastin e sektorit të energjisë elektrike rimëkëmbjen e plotë financiare të këtij sektori, do të kemi mundësi për privatizime shumë  më të matura ku mbase edhe publiku shqiptar duhet të jetë pjesëmarrës. Në fund të fundit janë asete që i përkasin te gjithë popullit dhe nuk ka pse biznesi shqiptar të mos jetë i interesuar për të qenë pjesë e këtyre kompanive, që në perspektivë gjithmonë do të ketë një interes dhe një qëndrueshmëri ekonomike të sigurtë.

Edhe njëherë, ju falenderoj dhe besoj ky forum do ti vlejë edhe sensibilizimit të gjithë aktorëve, shkëmbimit të informacionit por edhe të kontributit për këto që themi, se mbase jo të gjitha gjërat i bëjmë mirë. Ne kemi nevojë të dëgjojmë edhe të tjerët për atë çka mund të bëjmë më mirë.

Faleminderit!

energjia.al  25.05.2016

Ulja e çmimeve të naftës ka ulur edhe eksplorimin dhe zhvillimin e hidrokarbureve në mbarë botën. Kompanitë e naftës dhe industria e shërbimeve që mbështet eksplorimin kanë shkurtuar dhjetëra mijëra punëtorë gjatë muajve të fundit. Nuk është surprizë që edhe pjesëmarrja në konferencën vjetore të teknologjisë për nxjerrjen e naftës nga deti ishte e ulët.

Realiteti virtual vjen në fushat e naftës nëpërmjet kësaj paisjeje të krijuar nga një kompani kineze. Por, ndoshta nuk do të ketë treg të madh në këtë periudhë. Milo Lu thotë se çmimet e ulëta të naftës kanë ulur aktivitetin eksplorues pothuajse kudo.

“E vetmja zonë ku vazhdon puna është Lindja e Mesme. Gjithkund tjetër ka ndaluar.”

Megjithatë një ekran i madh është vendosur tek konferenca e këtij viti.

“Duhet të tregojmë se vazhdojmë të ekzistojmë.”

Megjithëse ka rënë pjesëmarrja këtë vit, kompanitë e shërbimeve ofrojnë këtu gjithçka, që nga anijet e mëdha dhe platformat e eksplorimit dhe deri tek paisjet e vogla që monitorojnë rrjedhën e tubave.

Richard Nott, i një firme londineze, thotë se kompanitë që po mbyllin projektet do të kenë nevojë rrjedhimisht për shërbime.

“Shumë nga këto projekte që janë pezulluar nuk janë zhdukur. Po mendojnë se si mund të operojnë më shpejt, me çmim më të ulët dhe me më shumë efikasitet.”

Brady Austin, i degës së kompanisë në Houston, thotë se zhvillimi i një projekti për kërkimin e naftës në det është një investim i kushtueshëm afatgjatë.

“Duhen vite të tëra pasi duhen marrë shumë vendime, dhe në një treg të tillë duhet parë çdo hap me sy kritik.”

Steve Koch, i kompanisë “3M”, demonstron një parzmore mbrojtëse dhe një sistem shpëtimi për punëtorët që punojnë në platfoma në det.

“Ka ende punëtorë në platforma, të cilët duhen mbrojtur. Ne mundohemi t’u ofrojmë punëdhënësve zgjidhjet me koston më të ulët.”

Megjithëse ka një rritje të vogël rishtazi në çmimet e naftës, shumica e pjesëmarrësve në konferencë thonë se janë përgatitur për një rënie që mund të zgjasë për të paktën një vit dhe më tej.

Zëri i Amerikës,  06.05.2016

Instituti për Politika Zhvillimore – INDEP organizon konferencën “Zhvillimi i efikasitetit të energjisë”.

Kjo konferencë organizohet si pjesë e projektit “Mbështetje në zbatimin e efikasitetit të energjisë dhe masave për ndërtimin e kapaciteteve në sektorin publik dhe privat në rajonin e qendrës”, një projekt ky të cilin INDEP po e realizon me mbështetjen e Zyrës së BE-së në Kosovë.

Objektiva e përgjithshme e këtij projekti është të ofrohet mbështetje për institucionet publike në zbatimin e masave për efikasitetin e energjisë, objektiva këto për të cilat është pajtuar në planet komunale për efikasitet të energjisë dhe të cilat janë caktuar nga Komuniteti për Energji.

Përveç kësaj, ideja është që të rritet vetëdijesimi për efikasitetin e energjisë dhe të ofrohet ndërtim i kapaciteteve për institucionet dhe organizatat publike, si dhe të përkrahet sektori privat në krijimin e vendeve të reja të punës.

Kjo konferencë ka për qëllim që të mbledhë palët kryesore të interesit në fushën e efikasitetit të energjisë, palët e brendshme të interesit si dhe ekspertët e jashtëm në mënyrë që të vlerësohen dhe të diskutohen të arriturat e Kosovës në fushën e efikasitetit të energjisë dhe identifikimin e alternativave më të përshtatshme për veprim të mëtutjeshëm.

Agjensia e lajmeve ekonomia, 07.06.2016

Ministri i Zhvillimit Ekonomik, Blerand Stavileci po merr pjesë në konferencën më të madhe në nivel global për industrinë minerare që mbahet çdo vit në Toronto të Kanadasë, me ç’rast do të prezantojë resurset minerale të Kosovës dhe mundësitë për investime në këtë sektor.

PDAC Konferenca Ndërkombëtare e Tregtisë dhe Këmbimit të Investimeve 2016 (PDAC International Convention, Trade Show & Investors Exchange 2016) është konferenca më e madhe për nga pjesëmarrësit, kompanitë dhe organizatat që merren me eksplorimin e mineraleve. Në të marrin pjesë rreth 1.000 ekspozues dhe 23.500 pjesëmarrës nga mbi 100 vende të botës.

Qëllimi i PDAC është të promovojë eksplorim e mineraleve dhe zhvillimin e qëndrueshëm të këtij sektori, duke inkurajuar teknikat bashkëkohore e mjedisore që rrisin sigurinë dhe performancën sociale në nivel ndërkombëtar.

Stavileci në kuadër të kësaj konference do të prezantojë mundësitë dhe projektet konkrete për investime në sektorin minerar, për çka edhe janë përcaktuar edhe zonat me interes të veçantë, me qëllim të nxitjes së investimeve të jashtme.

Ministri Stavileci në margjinat e kësaj konference ka zhvilluar takime bilaterale me Ministren për Tregti të Jashtme të Kanadasë, Chrystia Freeland, me të cilën ka biseduar mbi mundësitë e bashkëpunimit mes dy vende.

Gjithashtu, Stavileci ka takuar edhe drejtues të kompanive dhe organizatave të ndryshme.

Agjensia e lajmeve ekonomia, 07.03.2016

Në Forumin e nivelit të lartë “Siguria e furnizimit me energji elektrike”, ministri i Zhvillimit Ekonomik Blerand Stavileci, ka thënë se ky vit do të jetë sfidues për furnizim me energji elektrike.

Ai ka shtuar se ka edhe shumë sfida përpara për të cilat po punohet. “Kosova e Re do të fillojë këtë vit, ndërkaq për Termocentralin “Kosova A” është vështir të dekomisionohet në afatin e paraparë pasi kërkohet një studim i thellë për të parë çfarë duhet bërë”, ka deklaruar Stavileci.

“Sektori i energjisë, mbetet njëri prej sektorëve më sfidues në ekonominë e vendit tonë. Përpjekje dhe investime të shumta janë bërë në këtë fushë që nga paslufta, por mbesin shumë sfida para nesh për të cilat jemi duke punuar pareshtur, në mënyrë që të adresojmë secilës një nga një. Në kuadër të adresimit të këtyre sfidave dhe vendimmarrjes p ër secilin projekt, ne i kemi qëndruar besnik katër objektivave, të cilat janë pjesë e programit qeverisës 2015-2018. Vendimmarrja jonë është bazuar në balancimin e katër objektivave, siguria e furnizimit për nevoja të Kosovës, çmimet e energjisë të jenë të përballueshme për qytetaret dhe bizneset. Të mbrohet ambienti dhe të shfrytëzohen resurset në mënyrë efikase dhe efiçiente, të rriten investime private dhe të krijohen vende të reja të punës”, tha Stavileci.

Kryeministri Isa Mustafa ka thënë se sigurimi stabil i energjisë elektrike është një nga prioritetet e Qeverisë.

“Ne para disa ditësh kemi aprovuar strategjinë kombëtare të zhvillimit ekonomik, kemi programin e reformave ekonomike, kemi programin qeveritar, të orientuar në fushën e zhvillimit ekonomik. Mirëpo e gjithë kjo kërkon që ne t’i japim prioritet sigurimit të energjisë elektrike, sidomos për aktivizimin e bizneseve dhe të sektorit të prodhimit. Në qoftëse ne dëshirojmë ta aktivizojmë sektorin minierave dhe mineraleve, do të llogarisim se për këtë sektor na nevojitet energji elektrike më e madhe. Në qoftë se ne dëshirojmë ta rrisim standardin e qytetarëve, atëherë domosdoshmërish që këtij standardi, duhet t’i përgjigjet edhe konsumi i energjisë elektrike. Prandaj në këtë aspekt ne do të zhvillojmë reformat e caktuara”, tha ai.

Ai ka shtuar se Qeveria mbetet e për kushtuar për shkëmbim të energjisë me Shqipërinë.

Ndërkaq, ambasadori amerikan në Kosovë Greg Delawie, tha se Kosovës i duhet infrastrukturë e sigurt në furnizim me energji përmes së cilës sjellë investime dhe shton vende pune. Ai përmendi raportin e USAID që tregon se furnizimi i pasigurt me energji i kushton 300 milionë euro bizneseve në Kosovë.

Telegrafi,  01.03.2016

Ministri i Energjisë dhe Industrisë Z.Damian Gjiknuri mori pjesë në konferencën dy ditore Globale të Nismës për Transparencë në Industrinë Nxjerrëse, e cila u zhvillua në Lima të Perusë. Nisma për Transparencë në Industrinë Nxjerrëse (EITI) është një iniciative ndërkombëtare e institucionalizuar në vitin 2002, me nismën e Kryeministrit të Britanisë së Madhe. Standardi EITI, nënkupton vendosjen e transparencës së biznesit në industrinë nxjerrëse, në mënyrë që të ardhurat nga ky biznes të kontribuojnë më shumë në zhvillimin e vendit.

Në fjalën e tij para të pranishmëve, ministri Gjiknuri deklaroi se Shqipëria nga një vend problematik tanimë ka shënuar arritje pasi në dy vitet e fundit ka publikuar disa raporte në përputhje me standardet EITI.

“Në 20 vitet e fundit ekonomia ka ndryshuar por ende industria nxjerrëse dhe industritë e lidhura me mineralet, naftën dhe gazin luajnë një rol të rëndësishëm për Shqipërinë. Transparenca për mënyrën se si këto burime janë duke u përdorur bëhet shumë e rëndësishme”, u shpreh ministri Gjiknuri.

Z.Gjiknuri kërkoi që nisma EITI të mund të zgjerohet duke përfshirë si aktorë kryesorë shtetet e mëdha me synim rritjen e transparencës. Gjatë diskutimeve të zhvilluar anë konferencë, një prej objektivave të ardhshëm të EITI-it në nivel global ka të bëjë me identifikimin e pronarëve të vërtetë të kompanive që shfrytëzojnë burimet natyrore të vendeve anëtare.

“Ka shumë arritje, por ka ende shumë për të bërë. Kjo është një iniciativë shumë e mirë, pavarësisht se është një iniciativë e një grupi të vogël vendesh. Ne këtu bëmë diskutime se si do të rrisim transparencën, si të luftojmë korrupsionin. Transparenca është me shumë rëndësi për të kuptuar se kush janë pronarët e vërtetë të kompanive që shfrytëzojnë burimet natyrore. A do të jemi ne në gjendje që përmes kësaj iniciative të vogël të bëhemi global, duke shtuar shtetet anëtare dhe të imponojmë transparencën se cilët janë pronarët e vërtetë të kompanive që shfrytëzojnë burimet natyrore”, deklaroi z.Gjiknuri.

Gjatë qëndrimit në Peru, Ministri Gjiknuri zhvilloi takime me homologë dhe Drejtuesin e Sekretariatit EITI z. Jonas Moberg. Ky i fundit përgëzoi Shqipërinë për punën e bërë gjatë dy viteve të fundit në publikimin e disa raporteve në përputhje me standardet e transparencës.

EITI në funksion të transparencës, monitoron të ardhurat e kompanive që operojnë në sektorin nxjerrës, si dhe pagesat që kompanitë bëjnë në institucionet shtetërore, të cilat konsiderohen të ardhura për shtetin, nëpërmjet një raporti vjetor, që përgatitet nga një administrator i pavarur.

EITI është implementuar nga 51 vende, me anëtarësimin e Republikës Dominikane dhe Gjermanisë më 23 Shkurt. Gjatë konferencës së organizuar në Lima të Perusë u zgjodh drejtuesi i ri i EITI-t, Fredrik Reinfeldt ish kryeministri i Suedisë në vitet 2008-2014. Më 2 Maj 2013, Shqipëria është deklaruar vend anëtar i Bordit Ndërkombëtar EITI, çka e detyron vendin të ketë një proces efektiv për deklarimin vjetor dhe rakordimin e të gjitha të ardhurave që vijnë nga sektori i industrisë nxjerrëse.

energjia.al  26.02.2016

Në Pekin u mbajt takimi i 3-të Ndërkombëtar i ekspertëve organizuar nga Sekretariati i Kartës së Energjisë, Qeveria e Turkmenistanit dhe Administrata Kombëtare e Energjisë së Kinës.

Në takimin në të cilin merrnin pjesë 60 përfaqësues qeverish nga vende të ndryshme të botës, Shqipëria përfaqësohej nga një delegacion i kryesuar nga zv.ministri i Energjisë dhe Industrisë Z. Ilir Bejtja dhe dy prej drejtorëve të MEI-t, Z. Dritan Spahiu e Aurora Alimadhi.

Drejtori i Sekretariatit të Kartës së Energjisë Z. Steivan Defilla mirëpriti të ftuarit dhe më pas mbajtën nga një fjalë rasti zv.ministri i Energjisë dhe Industrisë së Shqipërisë Z.Ilir Bejtja dhe Drejtori i Përgjithshëm i Departamentit të Bashkëpunimit Ndërkombëtar në Administratën Kombëtare të Energjisë në Kinë.

Në këtë takim u diskutua kryesisht për çështjet e sigurisë së furnizimit me energji elektrike dhe roli i tranzitit të energjisë në këtë drejtim përfshirë rastin e gazit natyror, naftës dhe energjisë elektrike. Ekspertët nga vendet e ndryshme adresuan çështje që lidhen me gazsjellësin TAP, aksesin në infrastrukturë, mekanizmat e alokimit të kapaciteteve, ndërtimin dhe zgjerimin e infrastrukturës, ashtu sikurse tarifat dhe pagesat.

energjia.al 05.12.2015