info@energjia.al

Kina ka lançuar anijen e parë elektrike për transportimin e ngarkesave.

Siç raportohet nga China Daily, anija me 2000 ton u nis në qytetin e Guangzhou muajin e kaluar dhe po shkon drejt Lumit Pearl.

Ndërtuar nga Kompania Guangzhou International Company Ltd ajo mund të udhëtojë 80 kilometra pasi është karikuar për 2 orë.

Siç është cekur nga Clean Technica, 2 orë është përafërsisht koha që do të duhej për të shkarkuar ngarkesën e anijes gjatë ankorimit.

Statistika të tjera për anijet e ngarkesave të Kinës përfshijnë 70.5 metra gjatësi, një kapacitet prej 2400 kwh, dhe një shpejtësi prej 12.8 kilometrash në orë.

Sigurisht që kjo nuk është makina më e shpejtë elektrike që kemi parë të godasë ujin por është e projektuar për transportimin e ngarkesave të mëdha dhe jo për shpejtësi të lartë.

“Ndërsa anija është plotësisht elektrike, nuk paraqet kërcënime për mjedisin”, tha Huang Jialin administrator i përgjithshëm i kompanisë që ka projektuar anijen.

Por ironikisht kjo anije po përdoret për të transportuar thëngjill, sipas drejtorit të përgjithshëm të Guangzhou Shipyard International.

Pavarësisht mos krijimit të gazrave dhe mos ndotjes së ambientit për nga vetë lloji i saj, kjo anije në njëfarë mënyre po kontribuon në përhapjen e gazrave me anë të ngarkesës së saj, por gjithsesi është shumë herë më mirë se sa do të ishte një anije normale mallrash që do të transportonte këtë ngarkesë.

Scan Tv,  11.12.2017

Kompania për Ditribuimin e Energjisë Elektrike KEDS brenda vitit eksporton miliona euro energji elektrike jashtë vendit.

Vitin e kaluar ka eksportuar energji në vlerë prej 25 milionë eurove, kurse vetëm në tremujorin e tretë të këtij viti ka eksportuar 5.4 milionë euro.

Ndërkohë këtë sasi të rrymës KEDS po e eksporton në Serbi e Kinë.

Këtë për Gazetën Fjala e kanë konfirmuar nga Doganat e Kosovës.

“Po Dogana ka të dhëna dhe vendet ku ne kemi eksportuar janë Serbia, Danimarka dhe Kina”, ka thënë Adriatik Stavileci, zëdhënës i Doganës së Kosovës.

Ndryshe KEDS, bazuar në të dhënat e fundit të Agjencisë së Statistikave të Kosovës, vetëm në tremujorin e tretë të këtij viti, ka eksportuar rrymë jashtë vendit në vlerë prej 5.4 milionë eurove.

“Në tremujorin e tretë të vitit 2017, Kosova ka importuar 66.7 GËh energji elektrike. Në këtë tremujorë (TM 3 2017) Kosova ka eksportuar 194.4 GËh energji elektrike”, thuhet në raportin e ASK-së “Bilanci i energjisë”.

Këtë sasi të energjisë KEDS po e eskprton në kohën kur vendi rrezikohet nga një kolaps I mundshëm energjetik, për shkak të mungesës së prodhimit të energjisë elektrike nga KEK-u.

Gazeta Zëri,  22.11.2017

The Trans Adriatic Pipeline Consortium recently announced that 80% of the work in Albania and Greece has been completed, where is concentrated the bulk of the project.

According to the consortium, so far 627 kilometers have been completed in Albania and Greece, out of 878 kilometers of the project.

After the completion of this phase, the works for the final and the most delicate phase will be started, the pipeline will be extended to the Adriatic Sea, where the link between Albania and the Puglia region in Italy will be established.

Some weeks ago, the consortium announced that the delivery of all materials has been completed in Albania, Greece and Italy, which translates at the fastest working pace hereafter.

Completion of works within the deadline is repeatedly underlined by the European Union, which sees the pipeline as a strategic project, to reduce somewhat Europe’s dependence on Russian gas.

In Albania, the works seem to have been running at more than satisfactory rates.

Scan Tv,  09.11.2017

Kina ka ofruar të blejë në mënyrë direkte 5% të prodhuesit arab të naftës, Saudi Aramco, një lëvizje që do t’i jepte Arabisë Saudite fleksibilitet në planin për të listuar kompaninë më të madhe të naftës në tregun e kapitaleve.

Kompanitë shtetërore të naftës në Kinë, PetroCHina dhe Sinopec, kanë kontaktuar me Saudi Aramco gjatë kohëve të fundit duke shprehur interes në një marrëveshje direkte, raportojnë burimet e industrisë për Reuters.

Kompanitë janë pjesë e një konsorciumi shtetëror, që përfshin fondin e pasurisë sovrane të Kinës.  Princi trashëgimtar i Arabisë Saudite, Mohammed bin Salman, tha javën e kaluar se mbretëria po konsideron listimin e rreth 5% të Saudi Aramcon në bursë gjatë 2018-ës, gjë që do të gjeneronte 100 miliardë dollarë.

Vlera e kompanisë në total arrin në rreth 2 trilionë dollarë, sipas vlerësimeve fillestare, që do të përbënte gjigantin më të madh të listuar ndonjëherë, duke injoruar edhe kompanitë e teknologjisë në SHBA si Apple.

Oferta publike fillestare e Saudi Aramco është baza e një plani të reformimit ekonomik, për të gjeneruar të ardhura që do të mundësojë ekonominë saudite që të largohet nga varësia e naftës.

Megjithatë, plani i ofertës për listim, ka shkaktuar dyshime se Riadi do t’i dorëzojë të huajve aktive të çmuara të vendit, në një kohë të rënies së çmimeve të naftës. Sipas kompanisë, një serë opsionesh po rishikohen për listimin në bursë të Saudi Aramco.

Scan Tv,  18.10.2017

Kina do të caktojë një datë për prodhuesit e makinave, për të përfunduar shitjet e automjeteve që përdorin lëndë djegëse fosile, një lëvizje që synon të nxisë kompanitë për të përshpejtuar zhvillimin e makinave elektrike për tregun më të madh në botë.

Ministria e Industrisë dhe Teknologjisë së Informacionit deklaroi se Qeveria po punon me rregullatorët e tjerë mbi një afat kohor për të përfunduar prodhimin dhe shitjet.

Kjo lëvizje do të ketë një ndikim të madh në mjedisin dhe rritjen e industrisë së makinave në Kinë. Kjo do të bëjë që prodhuesit lokalë dhe globalë të zhvendosen drejt makinave elektrike, gjë që do të nxisë shitjen e tyre dhe reduktojë ndotjen.

Prodhuesi japonez Honda, ka lajmëruar se do të prezantojë një model elektrik për tregun kinez në vitin 2018.

Kina po përpiqet të mbajë premtimin për të limituar emetimin e gazrave ndotës deri në vitin 2030 dhe është vendi i fundit që planifikon të ndalojë makinat që përdorin lëndët djegëse fosile.

Mbretëria e Bashkuar deklaroi në Korrik se planifikon të ndalojë makinat që përdorin naftë dhe benzinë deri në vitin 2040, ndërsa Franca lajmëroi të njëjtën gjë, për të reduktuar ndotjen e ajrit dhe arritur angazhimet e rëna dakord në marrëveshjen e Parisit.

Scan Tv,  11.09.2017

Marrëdhëniet Shqipëri-Kinë janë duke përjetuar një fazë të re nën iniciativën “Një Rrip një Rruge” dhe mekanizmit të bashkëpunimit 16+1 ndërkohë që investimet kineze në Shqipëri janë rritur ndjeshëm nga 87 Milionë dollarë në vitin 2015 në 760 milionë dollarë në fund të vitit 2016.

Rritja e investimeve kineze vjen pas blerjes së kontratës koncesionare të Aeroportit Ndërkombëtar të Tiranës nga China Everbright Limited dhe të koncesionit tjetër, atë të kompanisë që nxjerr dhe prodhon naftë Bankers Petroleum nga Geo-Jade.

Kompania kanadeze, që prej vitit 2004, ka të drejtën për të operuar në Patos-Marinëz, fusha më e madhe naftëmbajtëse në tokë në Europën kontinentale. Volumi I naftës së prodhuar në vend arrin në rreth 1.2 milionë ton dhe ky sektor luan një rol thelbësor në zhvillimin ekonomik të Shqipërisë. Kompania kineze e kërkimit dhe zhvillimit të naftës dhe gazit Geo-Jade Petroleum është një sipërmarrje në zhvillim të shpejtë.

Geo Jade ka avantazhe të dukshme profesionale në teknologji, në menaxhim dhe në netëork-un e biznesit që ka. Kompania bleu 100% të aksioneve të kompanisë kanadeze “Bankers Petroleum” duke investuar kështu në fushën e Patos-Marinzës. Kjo fushë ka rezerva nafte të rëndë çka kërkon operacione të komplikuara të eksplorimit, nxjerrjes dhe ruajtjes së saj. Kompanitë perëndimore shpesh nuk kanë teknologjinë e duhur për të zhvilluar opearcione për nxjerrjen e naftës së rëndë.

Menaxheri i Bankers Petroleum Albania, Zhang Guanqing thotë se pas blerjes së kompanisë, Geo-Jade ka importuar nga Kina teknologji për të nxjerrjen e naftës së rëndë, si dhe pajisje e makineri të tjera me kosto të ulët duke reduktuar ndjeshëm kostot e nxjerrjes së naftës. Aktualisht kompania po ndërmerr operacione për të zhvilluar eksplorime për hapjen e puseve të reja dhe ndërkohë po vlerëson edhe potencialet e puseve ekzistuese.

Përfaqësuesi tjetër i kompanisë, Kastriot Muskaj thotë se punonjësit shqiptarë të kompanisë janë besimplotë për investitorët kinezë. Sipas tij, investimet kineze do të zhvillojnë më tej nxjerrjen e naftës në Patos-Marinzë.

“E them këtë sepse shoh përfshirjen e specialistëve kinezë, integrimin e tyre të menjëhershëm dhe puna që po bëjnë për të mësuar më shumë rreth fushës, duke ofruar eksperiencën e tyre vlefshme. Kjo eksperiencë po ndërthuret me atë kanadeze dhe shqiptare. Ne jemi të bindur që fusha naftëmbajtëse e Patos-Marinzës do të shndërrohet në një nga asetet më të mira të naftës në Europën Lindore, jo vetëm në Shqipëri dhe Ballkan”, thotë Muskaj.

BalkanWeb,  20.08.2017

Çmimet globale të naftës tregojnë një ngritje të lehtë të hënën me rritjen e brendit ndërkombëtarë Brent çmimi bruto i së cilës është rritur për 0.51 për qind në 49.16 dollarë, kurse marka amerikane e naftës së papërpunuar WTI u rrit për 0.49 për në 46.77 dollarë të hënën.

Të premten, brendi ndërkombëtar Brent e naftës së papërpunuar ka treguar një rritje prej 0.81 për qind në 48.81 dollarë për fuçi.

Analistët thonë se rritja e çmimeve të naftës është rezultat i kërkesës së madhe nga Kina.

Numri i puseve të naftës në SHBA është rritur me dy të tjera javën e kaluar, në bazë të kompanisë të shërbimeve të puseve të naftës Baker Hughes të publikuara të premten.

Industria amerikane e naftës ka nxjerrë dy puse të naftës në internet gjatë periudhës 10-14 korrik, me çka numri i përgjithshëm i puseve të naftës në vend është rritur në 765, bën të ditur Administrata amerikane e informacionit të energjisë (EIA).

Agjensia e lajmeve ekonomia,  19.07.2017

Industria e makinave është përballë një momenti historik. Ekspertët e industrisë thonë se më shumë ndryshime pritet të ndodhin në 5 vitet e ardhshme se sa kanë ndodhur në 50 vitet e kaluara.

Teksa teknologjia e makinave që vetëdrejtohen po përmirësohet, ndryshimi nuk është më çështje rendjeje pas fitimeve, por është luftë për mbijetesë. Por të dish se kur të hidhesh tërësisht në një investim është shumë e vështirë.

Pavarësisht numrit në rritje të kompanive që prodhojnë automjete elektrike, konsumatorët ende nuk po tërhiqen në masë për t’i blerë dhe mbështetja e makinave që vetëdrejtohen përballet me pengesa ligjore.

Megjithatë në këtë industri, një treg ka qëndruar konsistent dhe është në rritje të vazhdueshme: tregu i shitjes së makinave në Kinë. Prej vitesh tashmë, prodhuesit e makinave kanë kuptuar rëndësinë e këtij tregu dhe tashmë Kina përbën tregun më të madh të makinave në botë.

Mbi 28 milionë automjete të reja u shitën në Kinë vitin e kaluar, çka është shumë vështirë për t’u injoruar krahasuar me 17,5 milionë makinat e shitura në SHBA.

Ndonëse qeveria kineze ka vendosur taksa të larta për makinat superluksoze, Maserati, Porsche dhe McLaren patën një vit rekordesh në shitje. Kompanitë madje janë përshtatur me kërkesat e tregut, duke zgjeruar hapësirën në sediljet e pasme për pronarët që preferojnë të kenë shoferë.

Kina është tregu numër një për makinat me katër dyer për shumë kompani, madje po nënkupton edhe një mundësi të madhe për ta për gjeneratën e re të makinave elektrike.

Qeveria kineze propozoi vitin e kaluar se deri në 2018-ën, 8% e flotës totale duhet të jetë e përbërë nga automjete me eficiencë në karburant. Ndaj Kina mund të jetë në të ardhmen udhëheqësja e një shoqërie me makina elektrike.

Edhe tek panairi i makinave në Shanghai, prodhuesit e makinave prezantuan një sërë makinash elektrike, të kombinuara me oreksin e blerësve për fuoristrada dhe gjysmë-fuoristrada.

Tashmë industria e makinave, pret vetëm një sinjal nga ekonomia më e madhe në botë për të bërë ndryshimin më të madh të këtij shekulli: zëvendësimin e plotë të motorave me djegie me ata elektrikë.

Scan Tv,  25.04.2017

Prodhuesi kryesor i makinave elektrike në Kinë, BYD po planifikon të shesë makina elektrike për pasagjerë në SHBA, në 2-3 vitet e ardhshëm.

BYD do të jetë prodhuesi i parë i makinave të Kinës, që shet makina elektrike në tregun amerikan.

Kompania BYD është e specializuar në prodhimin dhe studimin e automjeteve elektrike dhe hibride .

Aktualisht, prania e kësaj kompanie në tregun amerikan është e kufizuar në prodhimin e autobusëve dhe shitjen e automjeteve për shërbimin taksi.

Agjensia e lajmeve ekonomia,  24.01.2017

Kina lëshoi një satelit vrojtimi për dyoksidin e karbonit. Lëshimi i bërë nga qendra e “Jiuquan” e Kinës u bë me raketën mbajtëse CZ-2D.

Ky është sateliti i parë i Kinës për vrojtimin global të vëllimit të dyoksidit të karbonit në atmosferë. Sateliti do të kryejë monitorimin e përqindjes së vëllimit të dyoksidit të karbonit në krahinat kryesore të Kinës dhe në mbarë botën.

Një gjë e tillë ka rëndësi për të njohur procesin e qarkullimit global të karbonit dhe ndikimin e tij mbi ndryshimin e klimës globale.

Sipas një raporti të publikuar nga Komiteti i Posaçëm Ndërshtetëror i OKB-së mbi Ndryshimin e Klimës, ndryshimet kanë ndodhur të ndikuara nga veprimtaria e njeriut.

Temperatura e sipërfaqes së Tokës po ngrihet çdo vit. Prandaj mbikëqyrja e saktë të lëshimit të dyoksidit të karbonit është kërkesë urgjente zhvillimi i studimeve efikase për ndryshimin e klimës.

Sateliti do të ofrojë kushtet e nevojshme për të vrojtuar vëllimin e dyoksidit karbonit në krahinë të ndryshme të Kinës dhe të mbarë botës, sidomos për zonat e rëndësishme, si dhe do të plotësojë mungesat e Kinës në teknologjinë e kontrollit të gazit serrë.

Inxhinieri Li Jahong nga Ministria e Industrisë dhe e Teknologjisë së Informacionit, tha se lëshimi i satelitit për të vrojtuar dyoksidin e karbonit ka rëndësi të madhe për Kinën për të kuptuar ndryshimin e formave të ngrohjes globale dhe shpërndarjen e botërore të nivelit të shkarkimit të karbonit dhe për të përmirësuar veprimin ndaj ndryshimeve të klimës.

Pas lëshimit të suksesshëm dhe provës prej gjashtëmuajsh, sateliti i dyoksidit karboni do të fillojë tani zyrtarisht punën.

Sateliti do të kryejë ekzaminimin e plotë fizik të Tokës çdo 16 ditë dhe të dërgojë të dhëna. Saktësia e vrojtimit të dyoksidit të karbonit në atmosferë do të jetë më e mirë se standardi 4ppm.

Inxhinieri Li Jiahong tha se lëshimi i satelitit tregon katër aspekte të përmirësimit të novacionit.

“Së pari qëndron saktësia e lartë e matjes së nivelit të dyoksidit të karbonit në atmosferë. Së dyti sipërfaqja e mbulimit është më e madhe. Së treti ndjeshmëria e përgjithshme e satelitit është shumë e lartë dhe së katërti standardi i mbikëqyrjes është shumë i lartë duke arritur deri në mbi 4ppm,” tha Li.

Siç mësohet, të gjitha të dhënat nga vrojtimi i satelitit do të merren nga shumë institucione të Kinës dhe gjithashtu autoritetet do të bashkëpunojnë me Organizatën Botërore të Mbikëqyrjes së Tokës (GEO), dhe do të zhvillojnë studime të thella me Agjencinë Hapësinore Europiane nëpërmjet Programit të Dragoi BE – Kinë.

Agjensia e lajmeve ekonomia,  23.12.2016