info@energjia.al

Bullgaria do të punojë vitin tjetër gjatë presidencës së saj europiane në zhvillimin e një vizioni të përbashkët për zhvillimin e industrinë së naftës, tha ministrja e Energjisë, Temenuzhka Petkova, në një takim të Association of European Petroleum Organizations të mbajtur në Sofje,

Sipas saj, gjatë Presidencës së Bullgarisë, mund të organizohet një forum për problemet e industrisë së naftës. Ajo e cilësoi të rëndësishëm takimin, ku ishin të pranishëm më shumë se 80 për qind e industrive europiane të naftës, i cili nxjerr në pah vizionet dhe vendimet e marra në këtë sektor në Bashkimin Europian.

Në fillim të takimit, Petkova tha se qeveria bullgare është duke punuar me vendosmëri për të krijuar kushtet e duhura për të tërhequr investitorë të huaj. Lufta me sektorin informal është një ndër pikat kyçe të qeverisë bullgare, pasi jep garanci për investitorët se ata do të veprojnë në një mjedis normal tregu, duke ndjekur rreptësisht rregullat europiane, tha ministrja Petkova.

Ministrja e Energjisë bëri të ditur për kompanitë e naftës prioritetet e Presidencë së Bullgarisë në fushën e energjisë. “Temat kryesore dhe diskutimet që lidhen me ‘energjinë e pastër’ për të gjithë qytetarët europianë do të përfshijnë nisma legjislative dhe jo legjislative, të cilat kanë të bëjnë kryesisht me energjinë e rinovueshme, efikasitetin e energjisë, modelin e tregut të energjisë elektrike dhe zhvillimin e një rregulloreje qeverisëse të Unionit të energjisë”, – shpjegoi ministrja Petkova.

Novinite,  17.11.2017

Kompania gjermane EON do të bashkëpunojnë me norvegjezët e Clever që prodhojnë pika karikimi për të ndërtuar një rrjet me stacione karikimi të shpejta përgjatë autostradave europiane. Ky lajm vjen në një kohë që rajoni po has vështirësi të përhapjen masive të kërkesave për automjete elektrike.

Rrjeti do të mbështetet edhe nga një financim prej 10 milionë eurosh nga Bashkimi Europian dhe do të ketë fillimisht 180 stacione që shtrihen nga Italia në Norvegji. Stacionet e para në Gjermani dhe Danimarkë do të hapen para verës, ndërsa të tjerët do të vendosen të paktën çdo 180 kilometra dhe do të mundësojnë kështu udhëtimet brenda kontinentit.

Për të treguar dhe nxitur që makinat elektrike janë e ardhmja, BE po planifikon një standard të ri ndotjeje, duke u kërkuar prodhuesve të automjeteve me karburant të reduktojnë me 30% emetimet e gazit deri në vitin 2030.

“Ne duhet të jemi gati për adoptimin në masë të automjeteve elektrike. Na duhet infrastrukturë dhe na duhet të pakësojmë ankthin për rrezen e udhëtimit. Ajo çfarë na mungon është një rrjet që të lidhë qytete dhe shtete”, thotë Casper Kirketerp, shefi ekzektuiv i Clever.

Plani i Clever dhe EON është i ngjashëm me përpjekjet e Volkswagen, BMW dhe Mercedes-Benz që janë bashkuar për të ofruar një rrjet me 400 stacione karikimi deri në vitin 2020. Investimi reflekton vështirësinë e prodhuesve për të zbutur shqetësimet e individëve mbi përdorimin e automjeteve me bateri.

Shqetësimi parësor është distanca që mund të përshkojë makina pa patur nevojë të karikohet sërish, e cila me bateritë varion nga 100 kilometra për modelet më të lira dhe deri në 570 kilometra për ato më të kushtueshmet të ofruara nga Tesla.

Stacionet e karikimit që do të vendosen nga Clever, kompani e cila operon tashmë 1500 stacione në të gjithë Skandinavinë dhe Gjermaninë, do të mund të karikojnë baterinë e një makine për 20 minuta. Ato do të mund të akomodojnë 2 deri në 6 makina dhe do të vendosen kryesisht në vendpushimet nëpër autostrada.

Scan Tv,  10.11.2017

Ambasadori i Shteteve të Bashkuara të Amerikës në Shqipëri, Donald Lu deklaroi se gazsjellësi TAP dhe degëzimi në Ballkan për projektin e ri IAP që pritet të ndërtohet do të çlirojë Europën nga gazi rus.

Diplomati amerikan theksoi se Ballkani njihet për luftërat mes fqinjëve, por gazsjellësi IAP është i rëndësishëm, pasi mbështetet në bashkëpunimin rajonal dhe sigurinë.

Gazi ka të bëjë me pushtetin. Në luftojmë për korridorin, pasi do të ndihmonte në bashkëpunim mes vendeve në Ballkan, por do të çlirojë Europën nga varësia e gazit rus.

Shqipëria luan një rol kryesor për gazsjellësin dhe ne jemi shumë pranë përmbushjes së kësaj ëndrre.

SHBA e ka mbështetur gjithmonë këtë korridor, së bashku më interkonjeksion Greqi-Bullgari, do të rrisë shumëllojshmërinë e furnizimit me energji për vendet e Ballkanit.

Në Shqipëri qeveritë kanë treguar mbështetje për TAP, nuk ka simbol më të fuqishëm për integrimin në BE.

Për konsumatorët shqiptar, e ardhmja sjell mundësi për investime të reja. Shqipëria shpenzoi mbi 80 mln Dollarë për energjinë këtë verë, ndërsa tani do të paguajnë më pak.

Ballkani njihet për luftërat mes fqinjëve, gazsjellësi IAP është i rëndësishëm, pasi mbështetet në bashkëpunimin rajonal dhe sigurinë.

Për këtë arsye keni mbështetjen e SHBA” deklaroi Lu.

Projekti IAP, Vlahutin: BE është muskuli pas këtij projekti
Edhe ambasadorja e SHBA në Tiranë, Romana Vlahutin theksoi rëndësinë e veçantë të këtij projekti dhe mbështetjen nga Bashkimi Europian.

Vlahitin u shpreh gjithashtu se projekti i ri do të rrisë edhe investimet në Shqipëri dhe në Ballkan.

BE është muskuli pas këtij projekti. Jemi të kënaqur për ecurinë për projektet e gazit në Shqipëri dhe në rajon.

Gazifikimi i Kroacisë, Bosnjës dhe Malit të Zi, interesat dhe përfitimet janë të qarta për Shqipërinë dhe Ballkanin.

Në muajt e fundit në Shqipëri mbështetja te energjia hidrike ka pasur pasoja, prandaj duhet të kalojë në kanale të ndryshme furnitore.

Gazifikimi i Ballkanit i bën venet jo vetëm më të ndërlidhura, por edhe më afër BE.

Reforma në energji, jo vetëm që sjell përfitime për Shqipërinë, por janë edhe mundësi për investime të reja.

Ne mirëpresim bashkëpunimin mes vendeve të BE, pasi shton shanset  e interesave më të mëdha të investuesve.

Investimet për Ballkanin do të sjellin edhe grante deri në 6 mln euro. BE do të mbështesë investimet për të gjitha vendet” deklaroi Romana Vlahutin.

Gjiknuri: Mali i Zi, Kosova, Bosnja dhe Kroacia pjesë e projektit
Ministri i Energjisë, Damian Gjiknuri gjatë fjalës së tij deklaroi se Mali i Zi, Kosova, Bosnja dhe Kroacia janë pjesë e projektit të gazsjellësit, ndërsa shtoi se kemi besim se do të gjendet mbështetja për projektin “Ionian Adriatic Pipeline”.

Takimi i sotëm do të bëjë të mundur për një qëndrim të unifikuar, duke demonstruar këtë mbështetje.

Shpresojmë mbështetje nga SHBA dhe nga BE. Qeveria ka mbështetur projektin TAP, që deri tani është kompletuar 50%.

Siguria energjetike në rajon dhe europë ka marrë një rëndësi jetike. Prodhimi i energjisë në Shqipëri bazohet në burime hidrike, por zvogëlimi i reshjeve që parashikohet, përfshirja e gazit përbën një drejtim të rëndësishëm për rritjen e prodhimit të energjisë në vend dhe sigurisë.

Jo vetëm TAPP, por edhe projekti i ri IAP siguron një zgjidhje realiste në rajon dhe rrit stabilitetin në rajon.

Projekti IAP ka hasur barriera, pasi duhet të mbështet nga dy vende të BE” tha ministri.

Ministrja malazeze: Projekti ka rëndësi të veçantë
Ndërsa ministrja e Energjisë së Malit të Zi, deklaroi se “IAP nuk është vetëm një projekt, por mënyra e vetme për të zgjidhur kufijtë e ofrimit të energjisë për Malin e Zi.

Është një mundësi për ne, gazi është i një rëndësie të veçantë, BE na ka mbështetur” përfundoi ajo.

Projekti i gazsjellësit IAP, synon furnizimin me gaz të vendeve të Ballkanin Perëndimor, ndërsa degëzimi do të bëhet në Shqipëri.

Shqiptarja.com  08.09.2017

Zyrtarët e Komisionit Europian kërkojnë nga Këshilli i Europës një mandat për të negociuar me Rusinë për aspektet kryesore të operimit të gazsjellësit Nord Stream 2.  Nëse ai do të ndërtohej, Komisioni kërkon që të funksionojë në një mënyrë transparente dhe në linjë me ligjin europian për energjinë.

“Të krijojmë një treg gazi konkurrues dhe të diversifikuar është prioritet për strategjinë e energjisë së Bashkimit Europian dhe Unionin Energjitik. Nord Stream 2 nuk kontribuon në objektivat e Unionit Energjitik. Nëse gazsjellësi do të ndërtohej gjithsesi, do të duhej së paku të siguroheshim që do të operojë në mënyrë transparente dhe në linjë me rregullat e tregut europian të energjisë”, u shpreh zëvendëspresidenti i Unionit të Energjisë Maroš Šefčovič.

Sipas Komisionit Europian, Nord Stream 2 nuk ofron akses në burime të reja furnizimi dhe thjesht do të lejonte furnizuesin e vetëm të forconte pozitën në tregun e gazit. Madje ndërtimi do të rrezikonte edhe rrugën e transportit ekzistuese, si ajo që kalon përmes Ukrainës.

Parimet që KE kërkon të sigurojë për Nord Stream 2 janë:

  • Transparenca në operimin e gazsjellësit,
  • Tarifa jo-diskriminuese,
  • Një nivel i përshtatshëm jo diskriminues i aksesit për palë të treta
  • Një shkallë ndarjeje mes aktiviteteve të furnizimit dhe shpërndarjes

Strategjia e diversifikimit të tregut të gazit përqendrohet në implementimin e projekteve si Korridori Jugor i Gazit. Gjithashtu, BE preferon të mbështesë projekte që nxisin bashkëpunimin mes shteteve anëtare si ngritja e infrastrukturave të gazit në rajonin Baltik, apo linja ndërlidhëse me Polonisë dhe Lituanisë, Finlandës dhe Estonisë.

Scan Tv,  10.06.2017

Operatori i Sistemit të Transmetimit të Gazit në Rumani, Transgaz është zyrtarisht nën hetim nga Komisioni Europian, për të kuptuar nëse ka penguar qëllimisht eksportet e gazit nga Rumania në drejtim të vendeve të BE.

Komisioni do të hetojë nëse Transgaz ka abuzuar me pozicionin e tij dominues në treg, duke krijuar një strategji për të kufizuar eksportet e Rumanisë.

Nëse sjellja e Transgaz do të quhet e qëllimtë, kjo nënkupton se operatori ka ndikuar në çmime më të larta dhe në shterimin e burimeve të gazit natyror duke ulur likuiditetin në tregun e gazit në Rumani. Kjo lloj sjelljeje do të ishte në dëm të konsumatorëve europianë dhe kundër objektivave të Unionit Energjitik.

Rumania është prodhuesi i tretë më i madh i gazit natyror në BE (Pas Holandës dhe Mbretërisë së Bashkuar) dhe ka rezerva të konsiderueshme, përfshirë edhe disa depozita gazi të zbuluara së fundmi në Detin e Zi. Transgaz është operatori i vetëm i transmetimit të gazit natyror në Rumani.

Strategjia që mund të ketë përdorur Transgaz për të kufizuar eksportet drejt BE mund të jetë zbatuar në forma të ndryshme si: tarifa për interkonjeksionin e transmetimit; nëninvestimet dhe vonesat në ndërtimin e infrastrukturave përkatëse; si edhe argumente teknike të pabazuara si pretekst për të justifikuar vonesat në eksporte.

“Komisioni është i vendosur të sigurojë që konsumatorët në BE të gëzojnë furnizime të sigurta me energji dhe me çmime të përballueshme. Ndaj na duhet të hetojmë nëse Transgaz ka abuzuar me pozicionin dominant duke izoluar tregun rumun të gazit dhe duke parandaluar integrimin e tij në rrjetin europian të gazit”, u shpreh Komisionerja Margrethe Vestager, e cila është në krye të politikave të konkurrencës.

Kohëzgjatja e investigimit të antitrustit është e papërcaktuar dhe varet nga një sërë faktorësh, si kompleksiteti i çështjes.

Scan Tv,  02.06.2017

Italia, Izraeli, Greqia dhe Qipro u angazhuan sot të çojnë përpara projektin e tyre të gazjellësit nëndetar, që do të jetë më i gjati në botë duke lidhur Mesdheun lindor në jug të Evropës, me mbështetje të Bashkimit Evropian.

Është parashikuar që gazjellësi me një kosto prej 6,2 miliardë dollarësh (5,8 miliardë euro) të drejtojë gazin e zbuluar së fundi në brigjet qipriote dhe izraelite në Evropë duke reduktuar gjithashtu varësinë e kontinentit ndaj energjisë ruse.

Ministrat e Energjisë së katër vendeve, si dhe komisioneri evropian për veprim mbi klimën dhe energjinë, Miguel Arias Canete, rikonfirmuan vendosmërinë e tyre për projektin gjatë një konference të përbashkët në Tel-Aviv.

“Studimet për fizibilitetin kanë përfunduar, por zhvillimi i projektit nuk do të fillojë dhe për disa vite dhe gazsjellësi do të jetë operacional vetëm në 2025”, theksuan ministrat.

“Ky do të jetë gazjellësi nëndetar më i gjatë dhe më i thellë në botë”, deklaroi ministri izraelit i Energjisë, Yuval Steinitz.

Gazeta Dita,  07.04.2017

Sekretariati i Komunitetit të Energjisë paralajmëroi Shqipërinë dhe Bosnjë-Hercegovinën për moszbatimin e rregullave për eficiencën e energjisë.

Në një njoftim zyrtar të institucionit, që merret me politikat ndërkombëtare të energjisë, thuhet se Sekretariati i qëndron mendimit se Shqipëria dhe Bosnjë-Hercegovina kanë shkelur në mënyrë të vazhdueshme ligjin e Komunitetit të Energjisë, duke mos miratuar të gjitha dispozitat ligjore të nevojshme për të arritur një nivel të mjaftueshëm të zbatimit të dispozitave të Direktivës 2006/32 / KE, objektivi i të cilit është që të promovojë dhe monitorojë shërbimet e energjisë dhe masa të tjera për përmirësimin e efikasitetit energjetik. Për më tepër, Sekretariati pohon se duke mos miratuar Planin e Veprimit të Eficiencës së Energjisë siç kërkohet nga Direktiva, këto palë Kontraktuese janë ende në shkelje të detyrimeve të tyre që rrjedhin nga Traktati i Komunitetit të Energjisë.

Qëllimi i Direktivës është të bëjë të mundur përdorimin fundor të energjisë më ekonomike dhe efikase, duke vënë objektiva dhe stimuj, si dhe duke krijuar kornizat institucionale, financiare dhe ligjore të nevojshme për të eliminuar barrierat e tregut dhe defektet të cilat pengojnë përdorimin final të energjisë.

Në rastin e Shqipërisë, mosplotësimi përfshin mungesën e legjislacionit dytësor për zbatimin e Ligjit të Eficiencës së Energjisë dhe mungesën e përshtatjes së një Plani të Veprimit për Eficiencën e Energjisë.

Pas paralajmërimit, Shqipërisë i është kërkuar që të korrigjojë çështjet e identifikuara të mosrespektimit brenda afatit prej dy muajsh.

Si anëtarë e Komunitetit të Energjisë dhe angazhimeve të tjera të marra prej saj, Shqipëria është e angazhuar për të ndjekur prirjen e Bashkimit Europian për eficiencën e energjisë, duke adoptuar legjislacionin në përputhje me Acquis të BE për Eficiencën e Energjisë, Energjive të Rinovueshme etj., dhe të përgatisë periodikisht Planet Kombëtare të Veprimit, monitorimin dhe raportimin mbi realizimin e objektivave të energjisë së rinovueshme, eficiencës së energjisë dhe reduktimit të emetimeve të gazrave me efekt serë. Objektivi konkret afatmesëm i vendosur nga Qeveria Shqiptare në këtë kontekst, është ulja e konsumit të energjisë prej 9% deri në vitin 2018.

Në zbatim të këtyre detyrimeve, në nëntor 2015, Parlamenti i Shqipërisë miratoi ligjin Nr. 124 dt. 05.11.2015 “Për eficiencën e energjisë”, si mekanizëm për transpozimin e Direktivës 2012/27 të BE “Për Eficiencën e Energjisë”, si hap të parë drejt transpozimit të plotë të direktivave të BE-së për eficiencën e energjisë. I botuar në Fletoren Zyrtare numër 201, të 24 nëntor 2015, ky ligj ka hyrë në fuqi më 9 dhjetor 2015 duke parashikuar që të sillte rezultatet e para dhe ngritjen e institucioneve të reja brenda 12 muajve në vijim.

Kur kanë kaluar mbi 15 muaj nga hyrja në fuqi e dispozitave të tij, situata e hartimit të akteve dytësore paraqet vonesa të theksuara. E njëjta situatë me shkelje të afateve konstatohet edhe në lidhje me ngritjen dhe funksionimin e institucioneve të parashikuara nga ligji.

Nëse nuk ecet me shpejtësi dhe bllokohet procesi, kjo mund të ndikojë negativisht në rekomandimet që Sekretariati i Komunitetit të Energjisë, – një institucion që ka për qëllim të zgjerojë tregun integral të energjisë së BE-së në Europën Juglindore e më tej përmes një kuadri ligjor detyrues – do të japë për Shqipërinë, me efekt në marrëdhëniet që vendi ka me të tretët për energjisë, deri në huatë ndërkombëtare që i jepen shtetit shqiptar për energjinë.

Revista Monitor,  05.04.2017

Sekretariati i Komunitetit të Energjisë i ka dërguar Shqipërisë dhe Bosnje-Hercegovinës opinionet në lidhje me angazhimet e ndërmarra për eficiencën e energjisë përkatësisht për periudhën 2013-2014.

Në dokument thuhet se Shqipëria dhe Bosnja kanë shkelur në mënyrë të vazhdueshme angazhimet e marra në kuadër të Komunitetit të Energjisë pasi nuk kanë miratuar të gjitha dispozitat ligjore të nevojshme për transpozimin dhe zbatimin e dispozitave të Direktivës 2006 / 32 / EC. Kjo direktivë ka si objektiv të promovojë dhe të monitorojë masat e marra për përmirësimin e eficiencës së energjisë.

Sipas dokumentit të Sekretariati, këto dy vende duke mos adaptuar planin e veprimit të eficiencës së energjisë vazhdojnë të shkelin detyrimet që rrjedhin nga Traktati i Komunitetit të Energjisë.

Hapat e ndërmarra

Në datë 15 Mars 2017 Sekretariati dërgoi dy opinionet arsyetuara ndaj Shqipërisë dhe Bosnje-Hercegovinës.

Arsyetimi

Në rastin e Shqipërisë mosnagazhimi ka të bëjë me mungesën e legjislacionit sekondar të nevojshëm (aktet nënligjore) për zbatimin e ligjit për Eficiencën e Energjisë dhe mungesën e miratimit të Planit të Veprimit.

Procedurat

Shqipërisë i kërkohet që të korrigjojë çështjet e identifikuara e që kanë të bëjnë me mosrespektimit brenda një afati prej dy muajsh.

Në vitin 2017 eficienca e energjisë do të jetë çështje primare për BE-në, duke u ndjekur më pas nga energjia e rinovueshme.

Në Shqipëri, eficienca e energjisë pritet të zbatohet në fillim në fushën e transportit, por edhe te ndërtesat me qëllim banimi.

Sipas planit ekzistues kombëtar për eficiencën e energjisë, Shqipëria duhet të kursejë 9% energji të rinovueshme deri në vitin 2018.

Plani i ri, si një nga detyrimet që sjell ligji i miratuar në vitin 2015 nuk ka përfunduar hartimin, ndërsa është në fazën e mbledhjes së komenteve nga ana e institucioneve. Në ligj nuk ka një afat të përcaktuar për miratimin e tij.

Sfidë mbetet edhe krijimi i Agjencisë së Eficiencës së Energjisë, si dhe Fondit të Energjisë.

Revista monitor,  17.03.2017

Renewable resources hold 34.9% of the total electricity production in Albania.

The data published by the statistical office of the European Union refer to the year 2015 and serve as a comparative basis with other European and regional countries.

The European Union has set the level of 20% as an objective of the total energy production by 2020.

Currently, this rate is at the level of 16.7% for the countries of the union, while in 2004 it was just at 8.5%.

Differences between EU member states, as well as other countries included, such as Albania, Montenegro, Turkey, Norway, Iceland and Macedonia, are high.

Among the 34 countries considered, Albania is ranked 7th on the list of countries that have a high percentage of renewable energy, as well as one of the 15 countries that has a rate over 20%, which is the objective of the European Union.

Eurostat estimates that in 2004, this rate was at the level of 28.1% of the total production, and that is gradually increasing over the years.

This rate touched a record level in 2012, when it amounted to 35.2% of the total production. Eurostat notes that Albania’s objective is to reach the rate of 38% in 2020.

European countries that have the lowest rate of renewable energy sources are Luxembourg, Malta and the Netherlands with 5, 5 and 5.8% respectively.

In the first place of the ranking is Norway and Iceland, with 69.4 and 70.2% respectively.

Regarding the region, Montenegro holds sway with 43.1%.

Renewable energy sources include solar energy, photovoltaic energy, hydro energy, wind energy, geothermal energy and all forms of biomass.

Scan Tv,  16.03.2017

Një raport i ri i Parlamentit Europian thotë se vendet anëtare nuk kanë bërë mjaftueshëm për të reduktuar shkarkimet e gazeve të automjeteve.

Raporti vjen pas hetimit të skandalit për provat e shkarkimit të Volkswagen-it.

Ligjvënësi holandez Gerben-Jan Gerbrandy mori pjesë në hartimin e raportit të ri.

“Skandali me diezelin do të ishte shmangur nëse shtetet anëtare dhe Komisioni do të kishin ndjekur ligjin europian. Le t’a drejtomë gishtin aty ku duhet,” tha Gerbrandy.

Në përpjekje për të parandaluar përsëritjen e skandalit VW-së, Komisioni Europian propozoi rishikimin rregullave të licensimit të automjeteve dhe kryerjen e provave ndaj tyre.

Një projektligj mbi mbikëqyrjen tashmë ka marrë mbështetjen e Komitetit të Tregut të Brendshëm të Parlamentit Europian.

Agjensia e lajmeve ekonomia,  02.03.2017