info@energjia.al

Egjipti është duke parë me kujdes mundësitë që ofron rajoni i Mesdheut për industrinë e gazit, veçanërisht tani që shteti po përgatitet për të reformuar sektorin dhe për të rritur investimet. Strategjia e re u prezantua në Kajro, ku u diskutua edhe pavarësia që duhet të kenë autoritetet rregullatore, si dhe modelet e tregjeve të gazit.

Takimi u bë i mundur nga Egyptian Gas Holding Company EGAS dhe në të morën pjesë përfaqësues të delegacionit të BE-së, por edhe nga Shqipëria (ERE) dhe Turqia (EMRA). Shqipëria prezantoi modelin që po zbaton për të ngritur tregun e gazit, zhvillimin e tarifave për licencimin e operatorëve që po interesohen, si dhe ndryshimet që po ndodhin. Interesimi i institucioneve egjiptiane për tregun e gazit të rajonit të Mesdheut, por edhe të Ballkanit, vjen menjëherë pas zbulimit që u bë në fushën Zohr e që pritet të ketë ndikim të ndjeshëm në këtë rajon.

Edhe Portugalia e Greqia paraqitën modelet e tyre të rregullimit të tregut të gazit, si dhe karakteristikat e veçanta. Së fundmi, Greqia përmes operatorit të saj shtetëror DEFSA, po synon të jetë prezent edhe në Shqipëri. Pas përfundimit të projektit TAP, do të zhvillohet tenderi për mirëmbajtjen e rrjetit të transmetimit. Duket se së bashku me kompaninë shqiptare të sapo krijuar AlbGas, edhe DEFSA do të shfaqë interes, kjo tregohet edhe nga memorandumi i bashkëpunimit që u firmos pak ditë më parë.

Si Shqipëria, ashtu edhe Turqia, Egjipti, Portugalia apo edhe Greqia, janë pjesë e Mediterranean Energy Regulators (MEDREG) në të cilin marrin pjesë në total 25 ente rregullatorë nga 21 shtete (BE-ja, Ballkani dhe Afrika e Veriut).

Revista Monitor,  18.04.2017

Avioni Solar Impulse 2, i furnizuar me energji diellore mbërriti në Egjipt, ndalesa e parafundit në udhëtimin e parë rreth botës pa karburant. Avioni që filloi udhëtimin në Abu Dhabi në mars 2015 dhe që pritet ta përfundojë atë përsëri aty, është pilotuar me radhë nga aviatorët zviceranë Andre Borschberg and Bertrand Piccard.

Qëllimi është të sigurohet mbështetje për teknologjitë e energjisë së pastër. Zwri i Amerikws shkruan se  Solar Impulse 2, avioni elegant një-vendësh, fluturoi sot mbi Piramidat e Egjiptit duke bërë një ulje të qetë në aeroportin e Kajros në 7:10 të mëngjesit. Ai përfundoi një segment fluturimi që zgjati 48 orë e 50 minuta. Në një konferencë shtypi pas uljes, Andre Borschberg, piloti që përshkoi segmentin e 16-të nga Spanja në Kajro, foli për efektshmërinë e avionit dhe potencialin e energjisë së pastër.

“Fluturimi kishte të bënte me kalimin nëpër shumë vende, kultura dhe shtete që ndajnë Detin Mesdhe, por që ndajnë edhe diellin, një burim energjie për përdorimin e teknologjive të pastra”. Solar Impulse fluturon pa asnjë pikë karburanti. Katër motorët e tij furnizohen vetëm nga energjia e grumbulluar nga më shumë se 17 mijë qeliza diellore në krahët e tij. Energjia e tepërt magazinohet në bateri për ta mbajtur avionin në ajër për fluturimet me distancë të gjatë.

Gazeta Shqip,  14.07.2016

Lëvizja e kompanise britanike e naftës dhe gazit BG International për të blerë aksione në depozitat minerale përtej detit të Qipros është një hap i rëndësishëm përpara në planet e vendit për të furnizuar Egjiptin me gaz natyror, tha ministri i energjisë i ishullit të Mesdheut Lindor të hënën.

Yiorgos Lakkotrypis tha se kompania amerikane Noble Energy ka arritur një marrëveshje me BG International për aksione prej 35 për qind në një zonë, ose bllok, ku është gjetur një fushë e vlerësuar të përmbajë më shumë se 4 trilion këmbë kub gaz.

Lakkotrypis tha se marrëveshja është një votë besim mbi perspektivat komerciale të depozitave të gazit në det të hapur të Qipros. Ajo gjithashtu rrit shanset e zhvillimit të fushës së gazit derisa BG operon një fabrikë të përpunimit të gazit në Idku, Egjipt.

Termat financiar nuk janë shpalosur ende. Noble do të mbetet operatori i bllokut dhe do të zotërojë aksione prej 35 për qind në të. Kompanitë izraelite Delek dhe Avner secili kanë aksione prej 15 për qind.

Fabrika e përpunimit të gazit të Egjiptit të BG mund të lëngëzojë lëndët djegëse fosile për transport me anije drejt tregjeve që gjasojnë të përfshijnë Evropën.

Revista monitor, 24.11.2015

Ministri rus i Energjisë, Aleksandar Novak tha se kompania ruse Gazprom çdo vit deri në vitin 2019 në Egjipti do të dërgojnë një milion ton gaz të lëngshëm natyror.

Ministri rus i Energjisë, Aleksandar Novak tha se kompania ruse Gazprom çdo vit deri në vitin 2019 në Egjipti do të dërgojnë një milion ton gaz të lëngshëm natyror.

Në Forumin e 22-të Ekonomik të Lindjes (EEF) që mbahet në Vladivostok nga 3 në 5 shtator, është nënshkruar marrëveshje bashkëpunimi mes Gazpromit rus dhe EGAZ-it egjiptian i cili do të jetë në fuqi deri në vitin 2019.

Ky forum është udhëhequr nga presidenti rus, Vladimir Putin.

Në forumin që synon rritjen e bashkëpunimit në rajon, marrin pjesë më shumë se 4,000 biznesmenë nga 24 vende. Rusia dëshiron të zgjerojë tregun e saj në vendet e pasura të Lindjes së Largët. Ky forum dhe marrëveshjet e nënshkruara në të, mund të kontribuojë në rritjen ekonomike të Rusisë, si dhe vendeve tjera të Azisë.

Forumi mbahet çdo vit në mënyrë që të tërheqin fonde në Siberi dhe në Lindjen e Largët.

Agjensia e lajmeve ekonomia,  06.09.2015

Kompania italiane Eni, e energjisë dhe gazit, ka njoftuar dje se ka zbuluar një fushë “supergjigande” të gazit natyror në brigjet e Egjiptit, sipas një deklarate të lëshuar për mediat.

“Zohr është zbulimi më i madh i gazit i bërë ndonjëherë në Egjipt dhe në detin Mesdhe dhe mund të bëhet një nga më të mëdhatë që bota mban për gazin natyror “ tha Eni në një deklaratë.

“Zbulimi, pas zhvillimit të plotë të saj, do të jetë në gjendje që të sigurojë kënaqjen e kërkesës për gaz natyror të Egjiptit për dekada të tëra, e jo vetëm”.

Lajmi erdhi një ditë pasi CEO Claudio Descalzi u takua në Kajro me presidentin egjiptian Abdel-Fatah el-Sissi.
Sipas informacionit sizmik, Zohr mund të mbajë një potencial prej 30 trilion kub gaz dhe rreth 5.5 miliardë fuçi nafte. Ajo mbulon një sipërfaqe prej rreth 100 kilometra katrorë.

Zbulimi që është rreth 120 milje nga bregu egjiptian dhe është në një thellësi prej 4,757 m në bllokun Shorouk, tha kompania.

“Eni menjëherë do të vlerësojë këtë burim, me qëllim të përshpejtimit të një zhvillimi të zbulimit,” tha kompania e energjisë.

Descalzi u citua nga Eni thënë se zbulimi rikonfirmon se “Egjipti ka ende potencial të madh” të energjisë. Eni ka qenë në Egjipt që nga viti 1954 nëpërmjet degës së saj, IEOC. Kjo kompani është prodhuesi kryesor hidrokarbur në Egjipt, me një prodhim të kapitalit përditshme e 200.000 fuçi naftë ekuivalent, shkruan Bloomberg.

Shqiptarja.com 31.08.2015

Egjipti ka përfunduar një studim fizibiliteti në importet e gazit natyror nga Qipro, raportuan mediat egjiptiane.

Sipas gazetës egjiptiane Al-Borsa, kompania inxhinierike Enppi ka përfunduar studimet teknike dhe financiare, rezultatet e së cilës janë aktualisht nën shqyrtim nga EGAS, kompania shtetërore.

Kryetari i EGAS, Khalid Abdul-Badi tha për Al-Borsa se studimet teknike dhe financiare përfshijnë specifikimet dhe koston e lidhjes së territorit egjiptian me fushën Aphordite në Qipro përms një tubacioni detar.

Ai shtoi se sasitë që do të importohen arrinë afërsisht 700 mcf gaz në ditë, dhe pritet të fillojnë në vitin 2018.

Në një takim ekonomik mbajtur në Sharm el-Sheikh në mars, EGAS nënshkroinjë memorandum mirëkuptimi me kompaninë e Hidrokarbureve të Qipros për të tregtuar informacion mbi ndërtimin e një tubacioni për të importuar gaz nga Qipro.

Një zyrtar i Ministrisë së naftës tha gjithashtu për Al-Borsa se sektori privat do të hyjë në marrëveshje për të importuar gaz nga Qipro, sepse kjo do të ishte më mirë dhe më lirë, dhe se kostot nuk do të tejkalojnë 6 dollarë per milion BTU, krahasuar me10 dollarë per milion BTUs për LNG (gaz të lëngshëm) raporton Cyprus Mail.

Revista Monitor,  04.08.2015

Në kuadër të aksionit kundër vjedhjes së energjisë, policia e qytetit bregdetar të Vlorës ka arrestuar së fundmi 2 persona të tjerë, njëri prej të cilëve me shtetësi egjiptiane.

Sipas policisë arrestimi i Tamer Abd Fattaha Mursi, 42 vjeç, është bërë pasi nga kontrolli i ushtruar ne fabrikën e prodhimit të çorapeve për energjine elektrike ka rezultuar se ka ai ndërhyre në matësin e energjisë elektrike.

Ndërkohë që në njoftimin e policisë raportohet edhe arrestimi për të njëjtën akuzë i Xhevair Xhelili, 52 vjeç, banues ne fshatin Dukat.

Duket me vend shprehja e kryeministrit se informalitetin e prodhon sistemi dhe jo njerëzit, edhe një gjerman po të vinte në Shqipëri do ti shkelte rregullat…

Shqiptarja.com 15.11.2014

Greqia, Qiproja dhe Egjipti duan të bashkëpunojnë më ngushtësisht në fushën e energjisë. Me konkertisht bëhet fjalë për rezerva nafte në bregdetin e Qipros…

Në një takim në Kajro Presidentët e Egjiptit dhe Qipros, Abdel Fattah al-Sisi dhe Nikos Anastasiades, ashtu si dhe kryeministri grek Antonis Samaras, nënshkruan të shtunën një marrveshje bashkëpunimi për prodhimin e gazit natyror më Mesdheun Lindor. Mediat greke raportojnë se edhe Izraeli është gait t’i bashkohet kësaj aleance të re të energjisë.

Prej kohesh mendohet se në zonën jugore të Qipros mund të ketë rezerva nafte dhe gazi. Pas kërkimeve në vitin 2011 nga koncerni amerikan Noble Energy, u vendos që nxjerrja e tyre do të nisë në vitin 2018. Por gjendia e vështirë financiare e Qipros e ka detyruar qeverinë e këtij vendi të shpejtojë hapat. Koncesioni i ri do t’i jepet firmave Total (Francë), ENI (Itali) dhe Kogas (Kore e Jugut).

Planet për shrytëzimin e burimeve të reja të energjisë përfshijnë edhe Egjiptin. Sidoqfotë nuk ka ende një strategji përfundimtare se si do të punojnë katër vendet. Drejtuesi i think tankut Greek Energy Forum, Alexandros Lagakos, thotë se një mundësi do të ishte ndërtimi i një terminali të përbashkët të gazit të lëngshëm në brigjet e Qipros ose Izraelit. “Një mundësi tjetër do të ishte edhe përdorimi i terminaleve ekzistuese të Egjiptit”, shton Lagakos.

Mardhënie të vështira mes Qipros dhe Turqisë

Për këtë projekt ka shqetësim për qendrimin që do të mbajë Turqia. Qiproja ka nënshkruar marrveshje bilaterale për zonat ekonomike në det me Izraelin dhe Egjiptin, por mundësia e nënshkrimit të një marrveshjeje me Turqinë duket e pamundur, sepse kjo e fundit nuk e njeh Qipron. Në kundërshtim të kësaj marrveshjeje Turqia ka nisur një anije kërkuese dhe një anije luftarake në këtë zonë të Mesdheut.

Evrypidis Tsakiridis nga Instituti për Mardhëniet Ndërkombëtare në Athinë thotë: “Republika e Qipros përpiqet të ndërtojë sovranitetin e saj, ndërkohë që një vend tjetër përpiqet ta ndalë këtë me mënyra jo ligjore. E vetmja gjë që Turqia duhet të bëjë në këtë kontekst ësthë ndalojë veprimet e saj ilegale.”

Rol kyç për Egjiptin

Egjipti është anëtar i partneritetit të ri në Mesdheun Lindor. Sipas televizionit shtetëror grek Presidenti egjiptian dhe ish shefi i ushtrisë Abdel Fattah al-Sisi në fillim hezitoi t’i bashkohej alenacës por më pas pranoi. Në konferencën për shtyp pas nënshkrimit të marrveshjes ai tha se partneriteti i ri është pasojë e interesit të përbashkët dhe nuk duhet të ngatërrohet me zhvillimet e brendshme në vendin e tij.

Deutsche Welle, 11.11.2014

Treguesi referencë për naftën e papërpunuar amerikane, WTI, u tregtua afër çmimit më të lartë në dy javë, teksa konflikti i përshkallëzuar në Egjipt nxiti shqetësimin se dërgesat e naftës përmes vendit ka të ngjarë që të ndërpriten.

Kontratat e së ardhmes u rritën për pesë ditë radhazi, duke shënuar shtrirjen më të gjatë të fitimeve që nga prilli. Vëllazëria Myslimane e Egjiptit u bëri thirrje mbështetësve në rrugë pas lutjeve të mesditës për të protestuar për vrasjen e qindrave prej tyre. Moti ka 50% shanse të përfshihet nga një ciklon tropikal. Terminalët e eksportit të naftës së papërpunuar dhe karburantit në Libi mbeten të mbyllur, ndërsa Ministria e Naftës së Irakut tha se vendi ka në plan të rrisë eksportet në shtator.

“Tregu nuk është i sigurt për drejtimin e ardhshëm dhe po kërkon për balancë”, tha në një intervistë telefonike Ole Hansen, kreu i strategjisë së mallrave në Saxo Bank A/S në Kopenhagën. “Tregu tani është i përgatitur më mirë se më parë për trazira, teksa ne vërejmë se ka më shumë oferta diku tjetër”.

WTI për dorëzimet e shtatorit arriti në 107.51 dollarë për fuçi në Bursën e Nju Jorkut, duke u rritur 18 cent. Vëllimi i të gjitha kontratave të së ardhmes të tregtuara ishte 31% nën mesataren 100-ditore. Kontrata përfundoi javën në 107.33 dollarë, mbyllja më e lartë që nga 1 gushti. Çmimet përparuan 1.5% këtë javë.

Treguesi referencë për naftën e papërpunuar europiane, Brent për dorëzimet e tetorit u rrit 33 cent në 109.93 dollarë për fuçi në tregtimet e Londrës.. Diferenca e Brent ndaj WTI ishte në një prim prej 2.61 dollarë. Raporti u zgjerua për të katërtën ditë radhazi në 3.78 dollarë.

Revista Monitor, 16.08.2013

Sipas informacionit që Kompania italiane e naftës dhe gazit natyror, ENI, përcjell në faqen e saj të internetit, 290 km në jugperëndim të qytetit të Aleksandrisë ka 150-200 milionë fuçi rezerva nafte.
Kompania italiane e naftës dhe gazit natyror, ENI, deklaroi se në Egjipt ka rezerva të mëdha hidrokarburesh.
Sipas informacionit që kompania përcjell në faqen e saj të internetit rezervat në fjalë gjenden në sipërfaqen e dhënë me koncesion 290 km në jugperëndim të qytetit të Aleksandrisë. Bëhet e ditur se rezervat e hidrokarbureve në këtë sipërfaqe arrijnë deri në 150-200 milionë fuçi.
Mësohet se rezervat e naftës u gjetën në kuadër të programit të rifillimit të punimeve eksploruese të kompanisë italiane ENI në Egjipt duke zbritur në një thellësi më të madhe.
Pas shpimeve që do të bëhen në zonë në puse të rinj në muajt e ardhshëm prodhimi ditor i naftës bruto mund të arrijë në nivelin e 10 mijë fuçive.

Agjensia e Lajmeve Ekonomia, 26.05.2012