info@energjia.al

Operatori i Sistemit dhe Transmisionit (KOSTT) njofton se të dielën do të realizohen punime për pastrimin/prerjen e vegjetacionit të rritur përgjatë trasesë së largpërçuesit të tensionit të lartë që lidhë nënstacionin Prizreni 2 me nënstacionin Rahoveci.

“Për të krijuar kushte të sigurisë në punë, largpërçuesi në fjalë do të ç’kyqet, prandaj gjatë intervaleve kohore të lartëcekura, qytetarët që furnizohen nga Nënstacioni 110/35/10 kV Rahoveci  nuk do të kenë furnizim me energji elektrike (parashikohet 18 MWh/h)”, thuhet në një njoftim të KOSTT-it.

Punimet në fjalë, do të ndikojnë në rritjen e sigurisë dhe besueshmërisë së operimit të Sistemit të Transmetues të Republikës së Kosovës, prandaj KOSTT kërkon mirëkuptim nga qytetarët.

Agjensia e lajmeve ekonomia,  22.07.2017

Operatori KOSTT njofton se për shkak të punimeve në kuadër të projektit të revitalizimit të nënstacioneve, në zonën Ferizaj 1 dje ka pasur reduktime të zgjatura në këtë zonë.

“Njoftohen qytetarët e komunës së Ferizajt se me datë 10 korrik, temperaturat e larta atmosferike kanë shkaktuar nxemjen e transformatorit energjetik TR2 në NS 110/35/10 kV Ferizaj 1, i cili ka qenë në punë gjatë periudhës sa janë realizuar punimet në transformatorin TR 1 në këtë nënstacion, në kuadër të projektit të KOSTT për rehabilitimin e stabilimenteve 35 kV”, thuhet në një komunikatë të Operatorit.

Si pasojë e kësaj, reduktimet në furnizimin me energji elektrike të parapara në NS Ferizaj 1 në kuadër të këtij projekti, kanë zgjatur më shumë se sa që është paraparë, deri në ora 19:00.

Punimet e parapara të KOSTT për dje bëhet e ditur se kanë përfunduar dhe transformatori energjetik TR 1 është energjizuar me sukses në ora 21:56.

KOSTT sh.a kërkon mirëkuptim nga qytetarët e rajonit të Ferizajit për reduktimet e shkaktuara, pasi që implementimi i këtij projekti është i nevojshëm për të rritur besueshmërinë dhe sigurinë e furnizimit me energji elektrike nga aspekti i transmisionit për rajonin e Ferizajit.

Agjensia e lajmeve ekonomia,  12.07.2017

Prej disa ditësh, në zonën e Thethit energjia elektrike shkëputej dy orë në ditë për shkak të një defekte në HEC.

Pas rregullimit të këtij defekti, OSHEE bën të ditur se në zonën e Thethit nuk do të ketë më shkëputje të energjisë elektrike.

Tip Channel,  08.07.2017

Një luhatje tensioni ka shkaktuar dëmtimin e rrjetit elektrik mbrojtës trefazor të televizionit informativ Report Tv në Tiranë.

Rreth orës 20:00 të mbrëmjes së kësaj të mërkure pas një shkëputje të energjisë elektrike është regjistruar një goditje tensioni, që ka sjellë dëmtimin e sistemit elektrik trefazor të televizionit.

Shiptarja.com  29.06.2017

Prej orës 10 të paradites gjysma e qytetit të Memaliajt ka mbetur pa energji elektrike.

Ky defekt ka ardhur pas një dëmtimi në linjën që furnizon me energji qytetin.

Pritet që defekti në linjë të zgjasë së paku deri nesër, duke bërë që qyteti të vijojë të mbetet pa energji elektrike.

Shqiptarja.com  13.04.2017

Zona përreth Stadiumit Qemal Stafa mbeti për orë të tëra pa furnizim me energji elektrike gjatë pasdites së djeshme.

Ndërprerja nisi rreth orës 14. Burime zyrtare pranë OSHEE thanë se shkak i ndërprerjes u bë një defekt tek fakulteti i Gjeologji Minierave, i shkaktuar nga Ndërmarrja e Bashkisë që kryente punime në zonë.

OSHEE tha gjithashtu se riparimi i defektit do të zgjaste rreth tre orë, duke bërë që furnizimi i zonës me energji të bëhet i mundur vetëm rreth orës 20:00 të mbrëmjes.

Shqiptarja.com  17.03.2017

OSHEE përmes një njoftimi për mediat ka bërë me dije se disa zona në kryeqytet janë pa energji elektrike, pasi ”nënstacioni i Karbit është jashtë pune pasi është dëmtuar transformatori i fuqisë”.

Zonat pa energji elektrike janë, Rr Siri Kodra (pjeswrisht), Rr Dibrë pjesërisht, Uzina Dinamo e Vjetër, Magazinat e Tregtisë OMT, Zona e Babrrusë Privat Ajka, Rr Riza Cerova.

OSHEE bën gjithashtu me dije se tek pallati me shigjeta, për shkak të dëmtimit të kabllit 2 kate të pallatit janë pa energji elektrike. OSHEE njofton se po punon për riparimin e defektit dhe rikthimin e energjisë elektrike.

Shqiptarja.com  23.01.2017

Pasditen e të enjtes së 5 janarit, pas borës që kishte mbuluar tërë terrenin, kishin filluar të fryjnë erëra të forta. Temperatura në qytetin më të acartë të vendit po shkonte në -20 gradë. Teksa po terrohej, një shtyllë e konstruksionit metalik e linjës 35 kilovolt nuk mundi t’i bëjë ballë atyre kushteve ekstreme atmosferike dhe u rrëzua. Kjo nënkuptonte se i tërë Dragashi me rrethinë mbeti pa energji elektrike.

Punëtorët e KEDS-it shkuan menjëherë në vendin e ngjarjes. Por, nuk kishte asnjë mundësi të kontrollohej e tërë linja mbi 10 km e gjatë, pasi gjithçka ishte e bllokuar nga bora. Nuk lëvizte asgjë.

Të nesërmen e lokalizuan vendin e prishjes. Ajo, po të posedonte Kosova helikopter, ka mundur të evidentohej brenda 10 minutash dhe të dihej saktë çka ka ndodhur. Por, nuk ndodhi ashtu. Shtylla ishte pas kodrës së pabanuar ku nuk ka fare infrastrukturë dhe është e vështirë të arrihet edhe në kushte të mira atmosferike. KEDS kontaktoi me të gjitha kompanitë e mundshme që kishin makineri për zhbllokim të rrugës. Refuzuan të gjitha, përkundër faktit se bëhej fjalë për shërbim me pagesë.

I trembeshin terrenit të vështirë. Të shtunën punëtorët arritën në vendin e ngjarjes. Shtylla e thyer duhej zëvendësuar. Por, sërish refuzuan të gjitha kompanitë bartjen. Nuk mundën t’i dalin në ndihmë ekipeve të KEDS-it as FSK (përkundër gatishmërisë) e as KFOR-i. KEDS kontaktoi KEK-un, që kishte makineri të rënda. U shprehën menjëherë të gatshëm të ndihmojnë. Por, problematikë ishte bartja e makinerisë deri afër vendit të prishjes. Sërish refuzuan të gjitha kompanitë.

Atëherë doli një kompani prizrenase, SEB Tours që i ndezi makineritë e veta. Në kushtet që rëndoheshin gjithnjë e më tepër, ajo arriti të depërtonte deri afër. Përderisa, punëtorët ishin nisur më herët. Ngecnin në borën që vende, vende arrinte në 1.5 m, ndërsa temperaturat nuk rriteshin nën -20 gradë. Por, falë vullnetit të çeliktë të tyre dhe ndihmës së pakursyer të Policisë së Kosovës të cilët iu qëndruan pranë në çdo moment, ata arritën tek vendi i prishjes dhe menjëherë filluan t’i hapnin gropat. Ishin mobilizuar punëtorë edhe nga Distrikte tjera, si ai i Gjilanit dhe Ferizajt. Me pajisje dore, në tokën e ngrirë ata duhej t’i hapnin gropat në një terren guror. Ia arritën pas 6 orë pune të pandarë.

Ndërkohë, bageri i fuqishëm i SEB Tours po ofrohej ngadalë në një terren të thepisur me tri shtylla të ngarkuara. Me të ardhur shtyllat, mbi 40 mijë banorëve të Dragashit brenda 10 minutash iu rikthye energjia elektrike.

KEDS me këtë rast falënderon Policinë e Kosovës, kompaninë SEB Tours, zëvendësministrin e Arsimit, Shkencës dhe Teknologjisë, Usmen Baldzi për angazhimin e madh që kjo çështje të rregullohej, si dhe KEK-un dhe FSK-në që treguan gatishmëri të ndihmojnë me pajisjet e tyre.

Rasti i Dragashit është vetëm një nga dhjetëra prishjet me të cilat u ballafaquan ekipet e KEDS-it gjatë acarit të fundit. Madje, prishje kishte edhe në bjeshkët tjera. Ishin edhe Shala e Bajgores apo Rugova që pësuan defekte, përderisa terreni ishte komplet i bllokuar për të shkuar atje. Me të pasur qasje, KEDS menjëherë i riparoi ato, sikurse të gjitha prishjet.

Për të ilustruar përmasën e dëmeve që shkaktoi moti i ligë, vlen të ceket rasti i Istogut, ku u thyen mbi 200 shtylla dhe kilometra të tëra përçues. Ato sot janë të riparuara dhe konsumatorët kanë energji.

Telegrafi,  13.01.2017

Operatori i Shpërndarjes së Energjisë Elektrike, OSHEE, njofton se si pasojë e motit të keq me reshje bore dhe temperatura të ulëta, rrjeti i shpërndarjes është prekur nga defektet në disa linja të tensionit të mesëm dhe të ulët.
Kompania OSHEE ka angazhuar në terren 1800 punonjësit e saj, të organizuar në 11 brigada avarie për cdo rajon të cilët vijojnë të punojnë për riparimin e avarive në të gjitha zonat ku raportohen ato.

Sipas informacionit të orës 13.00 nga 11 dispeceritë rajonale të OSHEE në vend, janë 8 fidera me defekt në mbarë vendin nga 1174 që është numri në total i tyre.

Zonat që janë pa energji aktualisht:
Rajoni Tiranë: pjesërisht Unaza e Re ku është djegur transformatori në një prej kabinave që furnizon këtë zonë
Rajoni Elbasan: Cërrujë/Gramsh
Rajoni Korcë: fashati Cemericë
Rajoni Fier me lagjet: Qenas, Kastriot, 16 Prilli ,
Rajoni Vlorë: Gorisht
Rajoni Kukës: pjesërisht Fajzë , Shemri , Qarr , Antenat/Has, pjesërisht Lekbibaj, Rragam, Qytet Fierzë
Rajoni Shkodër: Arrës, Miliska , Iballë/Puke si dhe Lagjet Dushkë dhe Zvinë në fshatin Berishë, Lagjet:Dobraç,Rus, Kiras, policia, F.N.Sh/Shkoder
Rajoni Burrel: Pjesërisht Lagjet Ish.Grumbullimi, Kulla Spital dhe Fshatrat: Plloxhan, Tomin, Pjesërisht Ish. Kom. Tomin)Ujësjellësi Peshkopi.

Zonat në të cilat është rikthyer energjia
Rajoni Korcë: Gostivisht/Erseke ;
Rajoni Tiranë:, Kabina Puna 5 që furnizon konsumatorët pranë Drejtorisë së Policise u vendos në punë.
Rajoni Durrës: Gërmenj/Kavajë

Grupet e terrenit të OSHEE-së po punojnë për riparimin e defekteve në kohë sa më të shpejtë dhe rikthimin e energjisë elektrike tek të gjithë abonentët.

energjia.al  12.01.2017

OSHEE bën me dije se vazhdon të ketë defekt fideri 322N/St Selitë dhe aktualisht janë 8 kabina jashtë pune.

Segmenti i linjës nga Kabina e Prince Park deri tek Kabina Kinoklubi është konstatuar kabell me defekt në linjën e Tensionit të Mesëm.

Zona e mbetur pa energji është zona pranë Kinoklubit në Qytet Studenti.

Ndërsa zonës së rrugës së Durrësit, Bllokut të Ambasadave, i është rikthyer energjia elektrike pas riparimit të kabujve që kishin defekt në fiderin 11.

OSHEE njofton gjithashtu se fideri 325 që mbulon zonën e ish qytetit të nxënësve, vazhdon të ketë një kabinë jashtë pune.

Shqiptarja.com  17.12.2016