info@energjia.al

Komisioni Hetimor për CEZ do i kërkojë Kuvendit në seancë plenare dërgimin e kallëzimit në Prokurori për Shkëlzen Berishën pas refuzimit të dëshmisë për skandali CEZ.

Kryetari i Komisioni Hetimor për CEZ Taulant Balla i ka bërë thirrje sot prokurorisë që të procedohet penalisht Shkëlzen Berisha, djali i ish-kryeministrit Sali Berisha.

Sipas Ballës, djali i ish-kryeministrit rrezikon deri në 3 vite burg. Kallëzim penal ka edhe Nue Kalajn, pasi nuk u paraqit në Komisionin Hetimor.

Shkëlzen Berisha u paraqit tre herë para komisionit hetimor, por refuzoi të betohej se do të thoshte të vërtetën rreth rolit të tij në procesin e privatizimit.

Rezulton se me këto refuzime Shkëlzen Berisha ka shkelur tre nene të Kodit Penal dhe Procedurës Penale, konkretisht nenin 307 dhe 310 i Kodit Penal si dhe nenin 165 të Kodit të Procedurës Penale.

Si pasojë ai mund të dënohet me gjobë ose me burg dhe ky i fundit parashikon dënimin nga 1 deri në 3 vite në qeli.

Ne 13 Mars, Komisioni Parlamentar mbylli hetimet, duke deklaruar përgjegjësit për abuzimet në këtë privatizim dhe kryesorin ndër ta kanë listuar ish-kryeministrin Berisha.

Po ashtu në listën e gjatë të përgjegjësve ndodhet dhe djali i tij Shkëlzeni dhe Ministrat e Ruli e Mima.

“Kemi gjetur përgjegjësi ndaj personave Sali Berisha, ish-kryeministër, Genci Ruli, ish-ministër i ish-Ministrisë së Ekonomisë Tregtisë dhe Energjetikës, Neritan Alibali, Eno Bozdo, Shkëlzen Berisha, person privat i lidhur me këtë proces privatizimi. Suzana Guxholli, Florian Mima, Nue Kalaj ju bëj me dije se të gjitha gjetjet e këtij komisioni do t’i dërgohen Prokurorisë së përgjithshme të Republikës së Shqipërisë”, tha Balla.

Dëmi që i është shkaktuar shtetit shqiptar nga privatizimi tek çekët e CEZ-it kap vlerën e 414 milionë eurove.

Por Shkëlzen Berisha mund të procedohet penalisht edhe për rolin që ka pasur në privatizimin e OSSH-së, për shkak të lidhjeve të tij të ngushta me sekserin Nuel Kalaj.

“VKM-të e firmosura nga qeveria e asaj periudhe kanë favorizuar kompaninë fituese. Përgjegjësia për dëmin ndaj shtetit prej 450 milionë euro bie mbi ish-kryeministrin Sali Berisha”, tha Balla.

Deputetët e maxhorancës votuan raportin e prezantuar një javë më parë. Në votim mungonte opozita.

Emaili qe implikon Shkelzen Berishen
Megjithatë, publikisht, Shkëlzeni ka deklaruar se nuk ka asnjë lidhje me këtë çështje. Por, një dokument dhe një dëshmi, konfirmojnë të kundërtën.

Bëhet fjalë për një e-mail që ish-drejtori i CEZ në Shqipëri, Josef Hejsek, i dërgon  nëndrejtorit të CEZ-it në Pragë, Tomas Pleskac, rreth një takimi të planifikuar me ish-kryeministrin Berisha dhe djalin e tij, me ndërmjetësimin e Nuel Kalajt. Së dyti, për një lidhje të mundshme mes Shkëlzen Berishës dhe sekserit Nuel Kalaj, ka folur edhe dëshmitari Romeo Kara. Ndërkaq, vetë Kalaj, ndonëse refuzoi të dëshmonte, ka pranuar takimet me Sali Berishën, por jo me Shkëlzenin.

E-maili i plotë i Josef Hejsek drejtuar Tomas Pelskac

Dërguar: E enjte, 28 Janar 2010, 22-40 PM
Nga: Josef Hejsek
Te: Tomas Pelskac
Subjekti: Shqipëri-Përgatitja e takimit me kryeministrin
Rëndësia: E lartë
Mirdita Tomas,
Në anekse janë përgatitur dokumentet. Ne do të përmendim gjithashtu kërkesat tona ndaj qeverisë, sa është debia që duhet paguar tani, rregullimin e çmimit etj.
Do të të pres ty me Nuelin në aeroport, në sallonin VIP.
Me Nuelin sapo mbarova negociatat e tjera. I shpjegova në detaje se çfarë kërkojmë.
Takimi me të birin, sipas Nuelit, është shtyrë për nesër pas ardhjes së PM (Kryeministrit).
Çfarë duhet të presim nga kryeministri?
Sipas Nuelit rezultatet në mënyrë të sigurt do të jenë pozitive dhe në 90 % konkrete. Ai më siguroi se për kryeministrin po punon një komision ndërministror i cili në mënyrë të specializuar po trajton problematikën tonë. (Mund t’ju konfirmoj që kam folur me disa anëtarë të komisionit që po merren me këtë marrëveshje).
Rezultatet e tyre nuk janë akoma të mbaruara apo përfundimtare. Ai më siguroi se përfundojnë shpejt dhe pas kësaj do ulemi sërish.
Si përfundim, sapo detajet e negociatave do jenë gati, do të fitojmë MR në Tiranë (Martin Roman). Gjithë të mirat.

Dy dosje për Shkëlzen Berishën

Dosja e parë
Referuar raportit të përfundimtar të hetimeve, komisioni hetimor për çështjen ‘CEZ’, në emër të Parlamentit, i kërkon prokurorisë të ndjekë penalisht Shkëlzen Berishën, me argumentin se ka refuzuar katër herë për të dëshmuar para komisionit, duke konsumuar veprën penale të refuzimit për të dëshmuar parashikuar në nenin 3007 të Kodit Penal. “Komisioni hetimor, gjatë zhvillimit të hetimeve, ka thirrur në cilësinë e dëshmitarit Shkëlzen Berishën për të dhënë dëshminë e tij lidhur me çështjen objekt shqyrtimi dhe hetimi. Ky dëshmitar është paraqitur katër herë në komision dhe në asnjë rast nuk ka pranuar që të dëshmojë. Kodi Penal e parashikon si vepër penale refuzimin për të dëshmuar. Në nenin 307 të Kodit Penal përcaktohet se “Refuzimi për t’iu përgjigjur pyetjeve rreth dijenisë për kryerjen e një vepre penale apo të autorit të saj, përbën kundërvajtje penale dhe dënohet me gjobë ose me burgim gjer në një vit. Kur refuzimi për të dëshmuar bëhet me qëllim fitimi apo çdo interes tjetër të dhënë apo të premtuar, dënohet me burgim nga një deri në katër vjet”. Në këto kushte, komisioni çmon se jemi në kushtet kur shtetasi Shkëlzen Berisha ka konsumuar elementet e veprës penale “Refuzimi për të dëshmuar”, parashikuar nën nenin 307 të Kodit Penal dhe i rekomandon prokurorisë fillimin e çështjes penale për këtë shtetas”, thuhet në raport.
Detyrimi për të dëshmuar
Sipas raportit, detyrimi për të dëshmuar nuk është një e drejtë e dëshmitarit, por një detyrim ligjor, mosrespektimi i të cilit është i dënueshëm nga legjislacioni penal. “Nga ana tjetër, Kodi i Procedurës Penale, mbi bazën e të cilit funksionon komisioni, në nenin 165 të tij, përcakton se “Kur dëshmitari ngul këmbë për mospranim për të dëshmuar ose kur del se dëshmitari bën dëshmi të rreme, gjykata i kërkon prokurorit që të procedojë sipas ligjit”, thuhet në raport.

Dosja e dytë
Komisioni hetimor, në raportin përfundimtar, i kërkon Parlamentit të kallëzojë penalisht Shkëlzen Berishën si person i përfshirë në privatizimin e OSSH. Komisioni ka përfshirë djalin e ish-kryeministrit në listën e personave përgjegjës, për privatizimin abuziv të OSSH, i konsideruar si privatizimi më i dështuar në historinë e pluralizmit shqiptar. Tre janë provat e komisionit hetimor kundër Shkëlzen Berishës. Prova kryesore është një e-mail i ish-drejtorit të CEZ në Shqipëri, Josef Hejsek, drejtuar nëndrejtorit të CEZ-it në Pragë, Tomas Pleskac, ku flitet për një takim të planifikuar me Shkëlzen Berishën. E-maili flet për njohje të Nuel Kalajt me Shkëlzenin. Ky i fundit ka deklaruar se takimi nuk është zhvilluar kurrë, por fjala e fundit i takon prokurorisë. Gjithashtu, komisioni do të referojë në prokurori dëshminë e Romeo Karajt dhe lëvizjet e Shkëlzen Berishës jashtë vendit.

Shqiptarja.com  21.03.2017

Komisioni për Privatizimin e CEZ mbyll hetimet duke vlerësuar se privatizimi pa inventarizim dhe ulja qëllimisht e vlerës së aseteve ka shkaktuar një dëm prej 414milionë euro dëm.

Sipas kryetarit të Komisionit hetimor Parlamentar për Privatizimin e CEZ, Taulant Ballla, përgjegjësia për këtë dëm të shkaktuar bie direkt ndaj kryeministrit të asaj kohe, Sali Berisha, por dhe ndaj ish-ministrit të Energjitikës, Genc Ruli, ish-zv/ministrit Enno Bozdo.

Balla theksoi se VKM e firmosura nga Sali Berisha kanë favorizuar fituese në mënyrë të padrejtë firmën që privatizoi kompaninë  e energjisë në Shqipëri.

Shqiptarja.com  13.03.2017

Prokuroria e Tiranes merr të pandehur zyrtarisht ish-drejtorin e ÇEZ, Josef Hejsek dhe specialistin Jan Ivan për akuzën e mashtrimit me pasoja të rënda.

Akuzat u janë komunikuar dy cekeve me letër-porosi përmes ministrisë së Drejtësisë.

Prokuroria kërkon që dy ish-zyrtarët e ÇEZ të pyetën si të pandehur në procesin ndaj Kastriot Ismailajt.

Josef Hejsek, ka qenë kreu i bordit drejtues të CEZ-Shpërndarja në vitin 2012, kohë në të cilën Ismailaj në rolin e administratorit të DIA-s ka lidhur kontratën me CEZ për mbledhjen e borxheve.

Hejsek ishte zgjedhur nga përfaqësuesit cek të CEZ SH.A pasi kjo kompani zotërohej nga çekët dhe aksioner ishte dhe shteti shqiptar. Kontrata DIA-CEZ u rrëzua në vitin 2010 ndërsa në tetor të 2011, por sipas Prokurorisë, Ismailaj arriti ta lidhë atë dhe në bashkëpunim me Hejsek duke i paraqitur CEZ-it fatura dhe dokumentacione fiktive e false, arriti të marrë 512 milionë lekë.

Për këto para tashmë Kastriot Ismailaj është në statusin e personit të pandehur.

Reagon Kastriot Ismailaj

Por lidhur me këtë hap të prokurorisë ka reaguar nga burgu Kastriot Ismailaj, ish-adminstrator i DIA, i pandehur në aferën e CEZ-DIA.

“Si mund ti hetoni kur Parlamenti ka miratuar një ligj sipas të cilit ju ndalon që ju t’i hetoni. Po dilni mbi ligjin”.

E megjithatë, Ismailaj në një letër drejtuar Gjykatës shprehet se është i gatshëm të dëshmojë para Komisioneve Hetimore të Parlamentit Shqiptar.
“Deklaroj se jam i gatshëm që të dëshmoj përpara Komisioneve Hetimore te Parlamenti Shqiptar dhe të përgjigjem para tyre për cdo cështje në interes dhe në objekt të këtyre komisioneve”.

Permbajtja e letres
E nderuar Gjykate
Në Parlamentin Shqiptar, po zhvillohen debate në dy komisionet hetimore të kërkuara nga opozita dhe mazhoranca në lidhje me çështjen CEZ. I pari është ai që heton marrëveshjen me mirëkuptim mes Qeverisë dhe kompanisë çeke që shmangu përplasjen në arbitrazh. Hetimi parlamentar i opozitës nis mbi bazën e një raporti të KLSH që akuzon ministrin e Energjisë, Damian Gjiknuri se i ka shkaktuar shtetit një dëm prej 479 mln Euro, gjë për të cilin ka ngritur edhe padi ndaj tij.

Mendoj që edhe materialet e komisioneve parlamentare, mund të jenë pjesë e shqyrtimit gjyqësor të çështjes kundër meje, ndaj do të ishte me vënd që nga ana juaj t’i kërkohej parlamentit që të dërgojë në këtë gjykatë materiale që do t’i vlerësoni të vlefshme për zgjidhjen e çështjes.
Nga ana tjetër, në këto komisione është përmendur mëse një herë emri im.

Deklaroj se jam i gatshëm që të dëshmoj përpara Komisioneve Hetimore të Parlamentit Shqiptar dhe të përgjigjem para tyre për çdo çështje në interes dhe në objekt të këtyre komisioneve.
Me respekt, Kastriot Ismailaj
letra kastriot ismailaj
(Faksimile e letres se Kastriot Ismailaj)

Pse Josef Hejsek?
Këto zhvillime vijnë pasi Komisioni hetimor parlamentar për çështjen ‘CEZ’ në fillim të shkurtit nisi zyrtarisht procedurat për të marrë dëshminë e ish-drejtorit të CEZ në Shqipëri, Josef Hejsek, i cili do të pyetet për prapaskenat e privatizimit të OSHE, personat e përfshirë, raportet me sekserin Nuel Kalajn, për favorizimet, kontratat dhe për çdo shkelje në dëm të shtetit shqiptar.

Dëshmia e Josef Hejsek konsiderohet e një rëndësie të veçantë dhe përcaktuese për pozitat e Shkëlzen dhe Sali Berishës. Komisioni hetimor ka administruar një e-mail të ish-drejtorit të CEZ në Shqipëri, Josef Hejsek, i cili i shkruante nëndrejtorit të CEZ-it në Pragë, Tomas Pleskac, rreth një takimi të planifikuar me ish-kryeministrin Berisha dhe të birin e tij, me ndërmjetësimin e Nuel Kalajt.

Kjo është një ndër provat kryesore që implikon Shkëlzen Berishën në këtë histori. Publikisht, Shkëlzen Berisha ka deklaruar se ky takim nuk është zhvilluar kurrë. Po ashtu, Shkëlzeni ka hedhur dyshime se ky e-mail mund të jetë manipuluar.

Në këto kushte, dëshmia e Josef Hejsek, autor i e-mailit, mund të rrezikojë apo të shpëtojë djalin e ish-kryeministrit. Mbetet për t’u parë nëse Josef Hejsek do të pranojë të dëshmojë dhe nëse po, do të konfirmojë apo mohojë vërtetësinë e e-mailit.

E-maili i plotë i Josef Hejsek drejtuar Tomas Pelskac

Dërguar: E enjte, 28 Janar 2010, 22-40 PM
Nga: Josef Hejsek
Te: Tomas Pelskac
Subjekti: Shqipëri-Përgatitja e takimit me kryeministrin
Rëndësia: E lartë
Mirdita Tomas,
Në anekse janë përgatitur dokumentet. Ne do të përmendim gjithashtu kërkesat tona ndaj qeverisë, sa është debia që duhet paguar tani, rregullimin e çmimit etj.
Do të të pres ty me Nuelin në aeroport, në sallonin VIP.
Me Nuelin sapo mbarova negociatat e tjera. I shpjegova në detaje se çfarë kërkojmë.
Takimi me të birin, sipas Nuelit, është shtyrë për nesër pas ardhjes së PM (Kryeministrit).
Çfarë duhet të presim nga kryeministri?
Sipas Nuelit rezultatet në mënyrë të sigurt do të jenë pozitive dhe në 90 % konkrete. Ai më siguroi se për kryeministrin po punon një komision ndërministror i cili në mënyrë të specializuar po trajton problematikën tonë. (Mund t’ju konfirmoj që kam folur me disa anëtarë të komisionit që po merren me këtë marrëveshje).
Rezultatet e tyre nuk janë akoma të mbaruara apo përfundimtare. Ai më siguroi se përfundojnë shpejt dhe pas kësaj do ulemi sërish.
Si përfundim, sapo detajet e negociatave do jenë gati, do të fitojmë MR në Tiranë (Martin Roman). Gjithë të mirat.

Por në muajin Dhjetor të vitit 2015, Prokuroria e mori nën hetim dhe ish-drejtuesin Josef Hejsek. Sipas prokurorisë vjedhjen Ismailaj e ka kryer në bashkëpunim me ish drejtuesin çek Josef Hejsek.
“I pandehuri Kastriot Ismailaj, duke pёrdorur tё dhёna tё rreme dhe dokumenta fiktive nё bashkёpunim me shtetasin Josef Hejsek, ka pёrfituar nё mёnyrё tё kundraligjshme shumёn  512 004 420 lekë, duke i shkaktuar pasoja tё rёnda pёr shoqёrinё “CEZ Shpёrndarja”, si rrjedhojё edhe pёr shtetin shqiptar, i cili ka zorёruar 26% tё  aksioneve tё kёsaj shoqёrie. Paratё e pёrfituara nёpёrmjet mashtrimit (vjedhjes), i pandehuri Kastriot Ismailaj nuk i ka pёrdorur me  qёllim realizmin e  kontratёs,  por i ka rinvestuar, i ka transferuar  jashtё vendit apo i ka pёrdorur  pёr qёllime personale,” sqaron Prokuroria.

Shqiptarja.com  10.03.2017

Shkëlzen Berisha, djali i ish-kryeministrit Sali Berisha, pretendon para gjykatës se akuzat për përfshirjen e tij në skandalin e privatizimit të OSSH, kanë si qëllim të cënojnë nderin e tij, të denigrojnë figurën e babait si dhe të dëmtojnë imazhin e Partisë Demokratike para zgjedhjeve të 18 Qershorit.

Shqiptarja.com zbardh padinë e Shkëlzen Berishës kundër juristit të OSSH, Romeo Kara, i cili me dëshminë dhe dokumentet e tij ka implikuar Sali Berishën dhe Shkëlzen Berishën në privatizimin korruptiv të OSSH, privatizim i cili u ka shkaktuar rreth 500 milionë euro dëm taksapaguesve shqiptarë.

Në kërkesën e tij drejtuar Gjykatës së Rrethit Gjyqësor Tiranë, për deklarimin fajtor të Romeo Karajt për kryerjen e veprës penale të shpifjes, Shkëlzen Berisha, akuzat në adresë të tij, i kamuflon me Partinë Demokratike dhe me pozitat politike të ish-kryeministrit Sali Berisha.

Referuar përmbajtjes së padisë, Shkëlzen Berisha kërkon ‘strehim politik’ tek Partia Demokratike, strategji të cilën duket se do ta përdorë edhe në rast të një përballje tjetër me drejtësisë, tashmë jo si akuzues, por si i akuzuar për implikimin në privatizimin e OSSH.

Nuk është më sekret se, komisioni hetimor për çështjen ‘CEZ’ po përgatit një dosje voluminoze, me dëshmi, fakte, transaksione dhe dokumente, të cilën do ta referojë në prokurori, në ngarkim të Shkëlzenit. Megjithatë, ky i fundit, ka nisur strategjinë e mbrojtjes.

“Të gjitha thëniet e mësipërme janë të pavërteta, konsiderohen shpifje nga ana jonë me qëllim denigrimin e figurës së z. Berisha, duke e lidhur atë me një aferë të dyshimtë korruptive dhe në një moment kohor që përket me afrimin e zgjedhjeve parlamentare në vend.

Siç dihet botërisht, i dëmtuari akuzues është djali i ish-kryeministrit z. Sali Berisha, një figurë e rëndësishme për mbarë politikën e vendit në këto 25 vite dhe gjithashtu një zë i pazëvendësueshëm i opozitës së sotme shqiptare.

Duke shpifur botërisht ndaj djalit, natyrisht që cënohet edhe figura e ish kryeministrit Berisha, në dëm kjo dhe të opozitës së sotme parlamentare që po përgatit të shkojë në zgjedhjet e përgjithshme parlamentare”, thotë Shkëlzeni.

Nuk mohon lidhjet me Nue Kalajn  
Në padinë e tij, Shkëlzen Berisha as nuk mohon dhe as pohon para gjykatës lidhjet me sekserin e privatizimit të OSSH, Nue Kalaj, i cili ka tërhequr me çanta, në një bankë të nivelit të dytë në Tiranë, 6.8 milionë euro, duke i larguar më pas nga Shqipëria, pa paguar asnjë taksë dhe pa kryer një punë të dokumentuar. Në padinë e tij, Shkëlzeni sqaron vetëm raportin me Kastriot Ismailajn.

“Thënie e mësipërme janë ndërtuar në një mënyrë të tillë dhe në një rend kronologjik që të krijojnë bindjen tek dëgjuesi dhe mbarë opinioni publik, lidhur me përfshirjen e Shkëlzen Berishës në një aferë korruptive, e cila është edhe në hetim penal nga organet përkatëse.

Deklarimet e të akuzuarit nuk luajnë asnjë rol informues, pasi ato rezultojnë të pavërteta, por kanë si qëllim t’i përçojnë publikut mesazhin e qartë se shtetasi Shkëlzen Berisha, një herë djali i ish-kryeministrit Sali Berisha, kryeministri i vendit në kohën kur pretendohen të kenë ndodhur faktet, është një bashkëpunëtor në krim, referuar veprimtarisë së ndërmjetësimit, nëpërmjet ndikimit të paligjshëm mes Ismailajt dhe kompanisë CEZ”, pretendon Shkëlzeni.

Dëshmitë dhe provat kundër Shkëlzenit 
E-maili i plotë i Josef Hejsek drejtuar Tomas Pelskac
Dërguar: E enjte, 28 Janar 2010, 22-40 PM
Nga: Josef Hejsek
Te: Tomas Pelskac
Subjekti: Shqipëri-Përgatitja e takimit me kryeministrin
Rëndësia: E lartë
Mirdita Tomas,
Në anekse janë përgatitur dokumentet. Ne do të përmendim gjithashtu kërkesat tona ndaj qeverisë, sa është debia që duhet paguar tani, rregullimin e çmimit etj.

Do të të pres ty me Nuelin në aeroport, në sallonin VIP.

Me Nuelin sapo mbarova negociatat e tjera. I shpjegova në detaje se çfarë kërkojmë.
Takimi me të birin, sipas Nuelit, është shtyrë për nesër pas ardhjes së PM (Kryeministrit).
Çfarë duhet të presim nga kryeministri?

Sipas Nuelit rezultatet në mënyrë të sigurt do të jenë pozitive dhe në 90 % konkrete. Ai më siguroi se për kryeministrin po punon një komision ndërministror i cili në mënyrë të specializuar po trajton problematikën tonë. (Mund t’ju konfirmoj që kam folur me disa anëtarë të komisionit që po merren me këtë marrëveshje).

Rezultatet e tyre nuk janë akoma të mbaruara apo përfundimtare. Ai më siguroi se përfundojnë shpejt dhe pas kësaj do ulemi sërish.
Si përfundim, sapo detajet e negociatave do jenë gati, do të fitojmë MR në Tiranë (Martin Roman). Gjithë të mirat.

Pretendimet e dëshmitarit Romeo Karajt
“Për sa kohë shkuan te djali, kanë pasur lidhje. Djali ka shkuar me këta me leje të të atit. Dhe kryeministri e ka deleguar atë.

Fakti që është gjetur Nuel Kalaj, një person emigrant në Francë, nga Prizreni, për të marrë pjesë në këtë privatizim, tregon se ka qenë i besuar i familjes së tij. Nuel Kalaj dhe Kastriot Ismailaj kanë qenë sekserë në marrëdhëniet mes ERE dhe CEZ, pasi ka pasur luhatje të çmimit të energjisë.

Kemi pagesat e bëra në nëntor-dhjetor të vitit 2010 dhe kemi një ulje të çmimit të blerjes së energjisë nga CEZ-i te KESH-i me pasoja për buxhetin dhe favorizime për CEZ-in.

Është premtuar 10 milionë dollarë për t’u paguar në dorë, është paguar një shumë e vogël e cila nuk ka shkuar në destinacionin e duhur. Pasi janë bërë këto pagesa, mblidhet ERE dhe merr një vendim për uljen e çmimit të energjisë në favor të kompanisë çeke.

P.sh nëse KESH e blinte me 8 lekë e shiste me çmimin 1 lek e ca. Në momentin që prishet kontrata me DIA, çmimi shkon nga 1.48 lek në 2.83 lek. Kemi një letërkëmbim ku futet sërish në lojë Nuel Kalaj”.

Lëvizjet e paregjistruara në kufi 
Shkëlzen Berisha, djali i ish-kryeministrit Berisha ka udhëtuar jashtë vendit dhe pa u regjistruar në kufi. Sipas të dhënave të sistemit TIMS, figurojnë të paktën 9 lëvizje të pa kontrolluara në kufi të Berishës gjatë viteve 2009, 2010 dhe 2011.

Sipas këtyre të dhënave ai ka dalë nga Shqipëria 48 herë dhe është kthyer 54 herë. Kësaj moskonkordance shifrash i shtohen dhe lëvizje të tjera ku ai figuron të jetë kthyer në Rinas dhe mos ketë lënë gjurmë në kontrollin e TIMS për këtë punë.

16 janar 2009 sipas TIMS, Shkëlzen Berisha kthehet nga Vjena e Austrisë në Rinas por nuk figuron asnjë dalje e mëhershme jashtë shtetit. Në TIMS figuron një hyrje nga Turqia në 19 janar 2010, po pa regjistruar më herët asnjë lëvizje të tij dalëse në kufi. Drejt Vjenës udhëton sërish në datën 16 prill 2010 por nuk figuron gjëkundi Chek-imi i kthimit.

Zhvillon sërish një udhëtim në kryeqytetin austriak gjatë datave 16-18 maj. Mosfunksionimi i sistemit TIMS është përdorur shpesh si argument nga PD për të akuzuar eksponentë të maxhorancës së kanë kryer lëvizje të paregjistruara dhe për qëllime të paligjshme jashtë vendit.

Shqiptarja.com  09.03.2017

Djali i ish-kryeministrit Sali Berisha, Shkëlzen Berisha, pritet të paraqitet sot për herë të tretë para komisionit hetimor parlamentar për çështjen “CEZ”, për të sqaruar rolin e tij (nëse ka) në procesin e privatizimit të OSSH.

Mbetet për t’u parë nëse Shkëlzen Berisha do të betohet para kryetarit Taulant Balla se do të thotë të vërtetën apo do të refuzojë si në dy seancat e fundit, refuzim i cili mundësoi edhe dështimin e dëshmisë.

Gjithsesi, në seancën e radhës pritet të ezaurohet edhe pretendimi i djalit të ish-kryeministrit, i cili për të shmangur dëshminë, paraqiti një kërkesë për përjashtmin e kryetarit të komisionit Taulant Balla nga kryesimi i seancës dhe nga pyetja e dëshmitarit.

Referuar praktikës dhe precedentëve, komisioni e ka hedhur poshtë kërkesën. Ndërkaq, seanca e sotme zhvillohet në kushtet kur, ditët e fundit, janë zbuluar edhe dy fakte komprometuese për Berishën.

Sipas një deklarate të tatimeve, Shkëlzen Berisha nuk ka paguar taksat nga viti 2007 deri në vitin 2011, për cilat rrezikon të procedohet penalisht.

Në vitin 2009 dhe 2010 ai rezulton të ketë shtuar pasurinë e tij në dy vite me plot 600 mijë euro, por nuk ka paguar asnjë taksë.

Vetëm gjatë vitit 2009, Shkëlzeni ka shtuar 300 mijë euro në llogarinë e tij bankare.

Shqiptarja.com  28.02.2017

Mbledhja e komisionit hetimor për aferën CEZ është shoqëruar nga debate të ashpra mes kryetarit të këtij komisioni Taulant Balla dhe nënkryetarit, Arben Ristani.

Shkak i kësaj përplasje u bë akuzat e Ballës për Shkëlzen Berishën dhe sekserin e marrëveshjes së privatizimit të OSSH te CEZ, Nuel Kalaj. Balla ironizoi mungesën e Shkëlzenit në komision për të dëshmuar duke theksuar se po feston Shën Valentinin.

Pas deklaratës së Ballës e menjëhershme ishte ndërhyrja e Ristanit i cili dukshëm i nxehur polemizoi ashpër me kryetarin e komisionit të CEZ.

Ai u ngrit disa herë  në këmbë dhe i fiku mikrofonin Ballës, duke i kërkuar që të mos e ndërpresë kur flet.

Ndërsa Balla e quajti të dehur Ristanin dhe kërkoi nga komisioni përjashtimin e tij nga mbledhja. Komisioni vendosi me votat e mazhorancës përjashtimin e nënkryetarit Arben Ristani.

Më pas nga mbledhja u larguan edhe përfaqësuesit e tjerë të Partisë Demokratike në shenjë proteste për përjashtimin e Ristanit.

Debati Ristani-Balla në komision

Ristani: Është bërë një transaksion në 2009 dhe është bërë një veprim tjetër më vonë.

Balla: Se atëherë ishte në pushtet ti, babai i Shkëlzenit dhe ai.

Ristani: Që ta dish mirë dhe vërë vath në vesh në këto raste hyn afati i parashikimit. Kjo tregon, se unë nuk marr në mbrojte asnjë njeri.

Ndërhyn Balla: Pse bën avokatin e tij?

Ristani: Mos më ndërhyj kur flas.

Balla: Pse bën avokatin e Kalajt?

Ristani: Mos më ndërhy kur flas.

Balla: Këtë mbledhje e drejtoj unë…

Ristani: Mbylle mikfrononin.

(Ristani i afrohet Ballës duke i fikur mikrofonin) 

Balla: Komisionit i kërkoj përjashtimin e nënkryetarit (Ristanit) nga mbledhja. Largohet nga mbledhja për dhunë të ushtruar. Nënkryetari është i pirë tapë duhet të largohet nga mbledhja.

Shqiptarja.com  16.02.2017

Mbi tre ore debate për procedura nuk lejuan zhvillimin normal të mbledhjes së Komisionit Hetimor për rimarrjen e aksioneve të CEZ Shpërndarje nga shteti shqiptar dhe mos marrjen e asnjë dëshmie të re.

Socialistët kërkuan që të hidhej në votim se kur do të merrej opinioni i këshilltarëve të komisionit në lidhje me disa çështje, si konflikti i interesit të avokates së shtetit Alam Hicka me disa deputetë, zbardhja e procesverbaleve ose korrigjimi i tyre.

Gjithashtu, opinion u kërkuar për disa pyetje të Eduart Shalsit drejtuar kryetarit të Kuvendit, Ilir Meta në lidhje me veprimtarinë e komisionit.

Për njëren nga pikat, juristët e komisionit thanë se zonja Hicka nuk ka konflikt të drejtpërdrejtë interesi me deputetë në gjyqet që ka avokatura e shtetit me ta.

Në të njëjtën mbledhje, kryetari Spaho lexoi një letër të Alma Hickës, e cila i kërkonte policisë arrestimin e Edmond Spahos në kushtet e flagrancës, pasi sipas saj, ai po sillej në mënyrë kriminale me të si dëshmitare.

“Duke qenë se veprimet e këtij shtetasi përbëjnë krime që lidhen me ushtrimin e detyrës në dëm të lirive dhe të drejtave themelore të shtetasve organet e drejtësisë duhet të veprojnë, kryesisht duke kryer arrestimin e tij në kushtet e flagrancës dhe njëkohësisht t’i përcjellin aktet organeve të hetimit”.

Spaho tha se do i drejtohej kryetarit të Kuvendit dhe kryeministrit për çështjen në fjalë.

Por sipas tij, Alma Hicka ka frikë të dëshmojë. Në të njëjtën kohë, Partia Demokratike ka paralajmëruar se do të depozitojë një kallëzim penal ndaj Avokates së Shtetit, Alma Hicka.

Top Channel,  14.02.2017

Nuel Kalaj, sekseri i privatizimit të OSSH te çekët e CEZ-it, refuzon thirrjen e komisionit hetimor parlamentar, pavarësisht se është kërkuar shoqërimi i tij me polici.

Pas dy fletëthirrjeve të firmosura nga kryetari i komisionit, Taulant Balla, vjen reagimi i Kalajt, i cili shkruan në rrjetin social Facebook duke lënë të kuptohet se s’ka ndërmend të paraqitet për të dëshmuar.

Kalaj thotë se ka pajtuar një avokat dhe ai ka të drejtë të përfaqësojë klientin e vet.

“Unë kam autorizuar një avokat që është paraqitur në komision dhe mesa di unë në ëdo shtet normal avokati ka të drejtë të përfaqësojë klientin e vet”, shkruan Kalaj.

Sa i takon fakteve të gjetura nga komisioni për lidhje me Shkëlzen Berishën, djalin e ish-kryeministrit Sali Berisha, Nuel Kalaj thotë se janë shpikje.

Postimi në Facebook i Nuel Kalajt:
Sqarim mbas emisionit Kapital ne Vizion Plus ku ishte i ftuar Taulant Balla,
Kam percjellur emisionin tek Vizion Plus dhe llogaria ime nuk eshte fshire asnjehere nga Facebooku por nuk kam deshiruar te vazhdoj te behem pjese e ketyre spekullimeve dhe mashtrimeve ne cdo moment me emrin time. Une kam pasur nje kontrate me Cez-in per te mbledhur informacione ne gjendjen e rrjetit OSHE por ne asnje rrethane nuk eshte negociuar per privatizimin nga ana ime. As per borxhin e keq as per asnje gje tjeter. Dhe kurre skam pasur kompani ne Shqiperi per mbledhjen e borxheve te Cez qe la OSHE-ja. Z.Balla ketu le te kerkoje kush vodhi leket e kompanive shteterore dhe qytetareve Shqipetare dhe jo leket qe Cezi me shperbleu per punen qe bera. Cfare shkolle dhe cfare universiteti kam une eshte problemi imi dhe jo i Taulant Balles, Taulant Balla eshte mire qe te merret me grupin parlamentare se cfare shkolle kane dhe ku e kane mbaruar shkollen. Edhe njehere dua te citoj,Nuk dua te behem pjese e lojrave politike dhe kjo eshte arsyeja qe une nuk dua te deshmoje asnjehere per nje gje qe nuk kam asnje lidhje. Kam deklaruar qe takimet e mia jane ZYRTARE ne shoqerim te Cezit ose drejtuesve te Cezit dhe jo takime “nga oxhaku”. I bej thirrje Taulant Balles te nderpres shpifjet ndaj meje dhe mos te pergojoj shume familjen time.
Dhe ju lutem shume mos u mundoni te shpikni dicka qe nuk egziston, nuk kam asnje lidhje as me Sali Berishen as me Shkelzen Berishen aq sa kam me Edi Ramen dhe Taulant Ballen. Ju lutem hetoni pasurite e juaja dhe mos u merrni me mua qe nuk i kam borxh askujt. Shpresoj shume qe kjo loje politike te marre fund.

P.s : Une kam autorizuar nje avokat qe eshte paraqitur ne komision dhe mesa di une ne cdo shtet normal avokati ka te drejte te perfaqesoj klientin e vet.

Shqiptarja.com  06.02.2017

Juristi i OSHEE, Romeo Kara, njeriu që hodhi dritë mbi paraskenat e privatizimit të OSSH, i ka paraprirë një tentative të mundshme për të eliminuar nga njerëzit që ka ‘fundosur’ me dëshmitë e tij për skandalin më të rëndë në 25 vitet e fundit.

Gjatë një interviste për Shqiptarja.com, Romeo Kara, shprehet se dosjen e skandalit ‘CEZ’, me dokumente dhe prova kundër ish-qeveritarëve të atëhershëm, e ka ‘siguruar’, duke e dërguar në disa shtete të huaja, përfshirë edhe vendet partnere. Në këtë kuadër, Kara thotë se eliminimi i tij nuk do t’i zgjidhte punë askujt.

Po ashtu, Romeo Kara, ka pohuar se është i gatshëm për të dëshmuar para organeve të drejtësisë për aferën e shitjes së OSSH nga qeveria ‘Berisha’ kompania çeke ‘CEZ’. Juristi i OSHEE ka komentuar edhe lëvizjen e fundit të Shkëlzen Berishës, i cili shmangu dëshminë e tij para komisionit hetimor, duke mos pranuar të betohej se do të thoshte të vërtetën.

-Shkëlzen Berisha, ashtu si ish-kryeministri Sali Berisha, refuzoi të bënte betimin para komisionit hetimor parlamentar se do të thoshte të vërtetën për çështjen CEZ. Pse dy personazhet në fjalë po tentojnë t’i shmangen dëshmisë para komisionit hetimor? 

Së pari, Sali Berisha është ligjërisht personi kryesor përgjegjës në lidhje me problemet e hasura përgjatë procesit të privatizimit të OSSH si dhe për dështimin e këtij procesi. Procesi i privatizimit të OSSH është monitoruar direkt nga qeveria Berisha si dhe është administruar me anë të dy VKM të dala në vitin 2008 posaçërisht për këtë proces. Pra, qeveria ka qenë aktori kryesor ligjor në këtë proces. Nga provat rezulton se drejtuesi i qeverisë, me anë të ndërmjetësve, paska qenë edhe aktori kryesor joligjor në këtë proces. Në një rast të tillë është e kuptueshme që ata nuk duan të prononcohen apo të prononcohen sa më pak që të jetë e mundur, pasi çdo fjalë e thënë mund të përdoret kundër tyre. Kjo taktikë i shkon për shtat keqbërësve apo rolit të të pandehurit. Nëse berishët do ta ndjenin veten të pastër dhe të paimplikuar në proces ata patjetër që do të mbanin një qëndrim tjetër. Ky qëndrim dëmton akoma më tepër imazhin e tyre.

-Shkëlzen Berisha vuri në dyshim vërtetësinë e provave që disponon komisioni për lidhjet me Nuel Kalaj. A është i manipuluar e-maili që ish-drejtorit të CEZ në Shqipëri, Josef Hejsek, i dërgonte nëndrejtorit të CEZ-it në Pragë, Tomas Pleskac, duke e informuar rreth takimit të planifikuar me ish-kryeministrin Berisha dhe të birin e tij? 

Ai e-mail është i pacënuar dhe i pamanipuluar. Është një e-mail që na është ofruar së bashku me shumë e-maile të tjera nga pala çeke nëpërmjet Clifford Chance, të cilët na i kanë përcjellë ne me shkresë zyrtare shoqëruese. E-maili është i vërtetë, Nuel Kalaj është i vërtetë dhe paratë që ka tërhequr Nuel Kalaj janë të vërteta. Nuk jemi në ëndërr por në zhgjëndërr.

-Sipas jush, çfarë masash duhet të marrë komisioni hetimor? 

Pamë me zë dhe figurë se si Berisha i vogël në vazhdën e Berishës së madh, me refuzimin për të bërë betimin, përpara komisionit hetimor parlamentar, konsumoi veprën penale të “Refuzimit për të dëshmuar” të parashikuar nga nenet 307 dhe 310 të Kodit Penal si dhe në nenin 165 i Kodit të Procedurës Penale të Republikës së Shqipërisë. Ligjërisht, komisioni hetimor parlamentar duhet t’ia referojë këto dy raste si dhe rastin e Nuel Kalaj, prokurorisë, e cila duhet të filloje procesin penal për shkeljen e mësipërme.
Sipas përcaktimeve ligjore, në lidhje me konsumimin e kësaj vepre penale, parashikohen sipas rastit dënim me gjobë dhe deri në katër vjet burgim. Kot nuk thonë që njeriu plaket duke nxënë. Shpresojmë që edhe Berisha i madh të mësojë më në fund që të respektojë ligjin. Le të presim se si komisioni do ta administrojë këtë sfidë.

-Ju keni folur për një dosje, të cilën do ta referoni në prokurori nëse komisioni hetimor nuk i shkon deri në fund kësaj çështje. Çfarë përmban kjo dosje dhe kë do të kallëzoni konkretisht, gjithnjë nëse komisioni hetimor nuk do ta referojë dosjen në organin e akuzës?

Dosja së cilës unë i referohem dhe e cila i është dorëzuar komisionit hetimor parlamentar, përmban një opinion të saktë ligjor, i cili përshkruan të gjitha shkeljet ligjore dhe dëmin ekonomik në lidhje me procesin e privatizimit të OSSH. Ky opinion shoqërohet me provat dhe faktet përkatëse në lidhje me shkeljet e konstatuara. Padyshim që unë nuk kam as kohë dhe as ndërmend të tallem me veten, familjen dhe opinionin publik. Nëse komisioni parlamentar dështon unë kam të drejtat e mia kushtetuese për të iniciuar vetë një proces penal lidhur me procesin e privatizimit të OSSH. Shpresoj që komisioni të përfundojë me sukses punën e tij dhe të mos jetë i nevojshëm ky hap nga ana ime.

-Besoj se jeni i vetëdijshëm se me dëshminë tuaj keni atakuar drejtpërdrejt familjen Berisha. A keni frikë për jetën tuaj dhe çfarë masash keni marrë?

Unë kam atakuar çdo person të përfshirë në shkeljet e vëna re në procesin e privatizimit të OSSH. Nuk është faji im se aty del i pari Berisha. Jam i vetëdijshëm për pozitën aktuale të tyre si dhe për veprimet që ata mund të ndërmarrin karshi meje. Megjithatë jam i lire prej çdo frike në aktivitetin tim dhe nuk kam ndërmend të tërhiqem për asnjë arsye. Ju siguroj se dosja është e siguruar në disa vende dhe kështu që edhe një eliminim i imi nuk i zgjidh punë kurrkujt.

-Kur thua që dosjen e ke ‘siguruar’ në disa vende, e ke fjalën edhe për vendet partnere, përfshirë edhe Shtetet e Bashkuara të Amerikës? 

Mundet.

-Nëse organet e reja antikorrupsion që do të ngrihen, Prokuroria e Posaçme dhe Byroja Kombëtare e Hetimit, do ta hapin dosjen ‘CEZ’, a jeni gati të dëshmoni për llogari të hetimeve të tyre?

Pa dyshim që jam i gatshëm.

1. Dëshmia e parë e Romeo Kara 
“Në dokument del se Nuel Kalaj ka hyrë në këtë valle pasi dështoi një person tjetër me origjinë kosovare, Hamza Merxhani, i cili jeton në Çeki, sipas të dhënave që kemi ne dhe kërkimeve tona, dhe ka dështuar në vitin 2005 për të ndërhyrë në lidhje me privatizimin e OSSH-së, apo KESH-it që ishte në atë kohë, në favor të CEZ-it.

Me ndërrimin e qeverisë, ka futur në lojë apo ka ftuar Nuel Kalajn, i cili paska lidhur, sipas kësaj letre, një kontratë tremujore për të lobuar pranë qeverisë shqiptare me një sous-estimer të përcaktuar atje, ka ardhur ne vjeshtën e vitit 2006 në Shqipëri, thuhet, ka pasur lidhje të forta me kryeministrin, ka takuar ministrin e linjës, Genc Ruli, ka edhe fotografi të tij me Genc Rulin në këtë material që unë kam. Thuhet se ka telefonuar mbi 100 herë brenda një muaji kryeministrin Berisha… Kështu e thotë letra dhe kështu e thonë edhe e-mailet e tjera që unë kam gjetur, të cilat do t’jua ofroj juve…”.

2. Deklarata e Nuel Kalajt 
“Me Shkëlzen Berishën nuk kam asnjë lidhje. Nuk i kam premtuar askujt organizimin e takimeve me të. Me ish¬kryeministrin Berisha jam takuar si pjesë e delegacionit të CEZ¬it, kur ata kanë ardhur në Tiranë. E gjithë veprimtaria ime ka qenë në përputhje me ligjet e Shqipërisë dhe të Çekisë ku zhvillon aktivitetin e saj kompania CEZ. Nuk kam negociuar, por kam pasur një kontratë për të mbledhur informacionet e nevojshme për nevojat që kjo kompani kishte në Shqipëri”.

Shqiptarja.com  04.02.2017

Komisioni hetimor parlamentar për çështjen ‘CEZ’ i ka dërguar zyrtarisht kërkesën Shkëlzen Berishës, për t’u paraqitur sot për të dëshmuar në lidhje me rolin e tij, nëse ka, në historinë e privatizimit të OSSH dhe favorizimit të CEZ.

“Në zbatim të nenit 14, shkronja “c” dhe nenit 16 të ligjit nr 8891 datë 2.5.2002 “Për organizimin dhe funksionimin e komisioneve hetimore të Kuvendit” të neneve 153-165 të Kodit të procedurës penale dhe të neneve 17 dhe 18 të Rregullores së Brendshme, Komisioni hetimor ka vendosur t’ju thërrasë për të dëshmuar mbi ngjarjet dhe faktet që Ju keni në dijeni, me qëllim sqarimin e rrethanave të ndryshme, në lidhje me çështjen objekt hetimi, ditën e mërkurë datë 1 shkurt 2017, ora 17:00 pranë Kryesisë së Kuvendit”, thuhet në kërkesën e komisionit. Komisioni hetimor e paralajmëron djalin e ish-kryeministrit Sali Berisha se nëse nuk paraqitet për të dëshmuar, ai do të shoqërohet me forcë nga Policia e Shtetit.

Komisioni ju bën me dije se në rast mosparaqitjeje për të dëshmuar, do të zbatohet ligji nr 8891 datë 2.5.2002 “Për organizimin dhe funksionimin e komisioneve hetimore të Kuvendit”, i cili në nenin 16, pika 4 përcakton: “Kur dëshmitari nuk paraqitet për arsye të përligjura, i kërkohet organeve të policisë të bëjnë thirrjen me forcë të tij””, thuhet në kërkesën paralajmëruese të komisionit.

Mbetet për t’u parë nëse Shkëlzen Berisha do t’i bindet detyrimit ligjor për të dëshmuar, apo do të ndjekë taktikën e babit, i cili refuzoi disa herë komisionin deri sa u vu në lëvizje Policia e Shtetit. Shkëlzen Berisha ka mohuar disa herë lidhjet me sekserin e privatizimit të OSSH si dhe me bosin e kompanisë DIA, Kastriot Ismailajt, por komisioni disponon një e-mail që provon të kundërtën.

Shqiptarja.com  01.02.2017