info@energjia.al

Kompania SHELL, e cila po realizon operacionet e nxjerrjes së naftës në zonën e Beratit në tre puse, tani është në përfundim të negociatave me Agjencinë Kombëtare të Burimeve Natyrore për të arritur një marrëveshje hidrokarbure për Bllokun 4, që shtrihet në zonën mes Sarandës dhe Gjirokastrës.

Dje u zhvillua raundi i radhës së negociatave ndërmjet AKBN dhe SHELL. Burimet zyrtare në AKBN bënë me dije se ky ishte takimi i radhës së grupit negociator të të dyja palëve, mbas negocimit mbi Marrëveshjen Hidrokarbure të Bllokut 4 të kërkimit, e cila tashmë po shkon drejt finalizimit.

Drejtor Ekzekutiv i AKBN-së, Viktor Tushaj, u shpreh se “mbas disa negociatash, po shkojmë drejt finalizimit të Marrëveshjes Hidrokarbure, e cila vjen në një moment të rëndësishëm për SHELL në lidhje me kërkimin e naftës dhe të gazit në pusin e Shpiragut për Bllokun 2-3”.

Ai tha se “ne jemi munduar të krijojmë një kontratë model edhe për kontrata hidrokarbure që do vijjnë më pas, duke pasur parasysh interesat e shtetit shqiptar, si dhe nga ana tjetër t’i lejojë SHELL për të punuar në kushte të qeta dhe të sigurta. Ne urojmë që kjo kontratë të finalizohet sa më shpejt”.

Rohan D‘Souza, përfaqësuesi i SHELL Upstream Albania, shpreson që shumë shpejt të ketë një marrëveshje hidorkarbure të finalizuar për Bllokun 4 të kërkimit.

Sipas Agjencisë Kombëtare të Burimeve Natyrore, investimet e kryera deri tani në kuadër të kësaj marrëveshje hidrokarbure nga SHELL arrijnë në rreth 270 milionë USD.

AKBN, në mes të vitit 2015, ftoi të gjitha kompanitë hidrokarbure të aplikonin për blloqet e lira (tokësore) të naftës, përkatësisht Blloku 4 dhe Blloku i Dumresë.

Revista Monitor,  18.05.2017

Një vit e gjysmë pas shpalljes fituese të dy kompanive për zonat e lira të naftës në Shqipëri, duket se negociatat për të firmosur marrëveshjet e kërkimit nuk po ecin në rrugën e duhur.

Drejtori i Hidrokarbureve Dritan Spahiu, sqaron gjatë një interviste për Televizionin Klan se rënia e çmimit të naftës në tregjet ndërkombëtare ka zbehur interesin e firmave që fituan tenderin, gjë e cila ka zgjatur në një periudhë teje të gjatë edhe hartimin e kontratave.

Spahiu thotë se kompania Shell është shumë afër nënshkrimit të kontratës për bllokun 4, zonë naftëmbajtëse në afërsi të Gjirokastrës, ndërsa Navitas, degë e firmës izraelite Delek Group është më e tërhequr në negociata.

Në datën 3 gusht 2015-të Agjencia Kombëtare e Burimeve Natyrore shpalli fitues për bllokun e Dumresë kompaninë Navitas, ndërsa Shell fitoi bllokun numër 4.

Të dyja këto zona mendohet se kanë sasi të konsiderueshme nafte, por ende nuk është zbuluar lloji i lëndës që ato kanë, çka jep një risk të lartë për firmat që marrin përsipër shfrytëzimin e tyre.

Klan Tv,  19.02.2017

Kompania kanadeze Pennine Petroleum Corporation ka njoftuar se ka miratuar marrëveshjen për ndarjen e prodhimit me Albpetrol Sh.A për eksplorimin dhe zhvillimin e Bllokut të Velçës në Shqipëri.

Burime nga Albpetrol konfirmuan për Monitor firmosjen e marrëveshjes, por thanë se ajo mbetet ende subjekt i nënshkrimit nga Këshilli i Ministrave.

Sipas kompanisë, marrëveshja finale e nënshkruar nga Pennine, Ministria e Energjisë dhe Industrisë dhe Albpetrol, shoqëria shtetërore e energjisë, është për një periudhë 6-vjeçare eksplorimi, e konvertuar në një leje prodhimi 25-vjeçare, pas zbulimit të rezervave të naftës ose gazit.

“Shqipëria ka një histori të gjatë për zhvillimin e naftës dhe gazit, që prej një shekulli dhe Pennine është shumë e kënaqur që po sjell ekspertizën e vet në këtë rajon”, – tha shefi ekzekutiv N. Desmond Smith.

“Shqipëria ka infrastrukturë të mirë të energjisë, legjislacionin e ngritur dhe rregulloret, dhe së fundmi ka pasur investime të rëndësishme në sektorin e energjisë”, -shton zoti Smith.

Pennine planifikon të nisë një Raport Teknik në 60 ditët e ardhshme, dhe me të dhënat ekzistuese të identifikojë objektivat e mundshëm të shpimit në Bllokun e Velçës.

Pennine po punon aktualisht me ekspertët e industrisë nga Albpetrol dhe Ministria e Energjisë dhe Industrisë.

“Ne besojmë se kjo marrëveshje mundëson një kontratë të balancuar mes riskut dhe shpërblimit për eksplorimin dhe shfrytëzimin e Bllokut të Velçës dhe ne shpresojmë që ka shumë mundësi në Shqipëri”,- tha CEO i Pennine, Richard Wadsworth, i cili ka udhëhequr Bankers Petroleum Ltd. në rizhvillimin e fushës së Patos Marinzës, si president nga 2004 deri në 2008.

Marrëveshja përfshin fazën e eksplorimit dhe atë të shpimit. Në fazën e eksplorimit, Pennine dhe Albpetrol do të shqyrtojnë të gjitha të dhënat ekzistuese në Bllokun e Velçës dhe do të përpunojnë të dhënat për përzgjedhjen e puseve për shpim. Faza e shpimit do të konsistojë në një angazhim për të shpuar një minimum prej dy pusesh, në një thellësi minimale prej 2,500 metra.

Pennine do të rikuperojë të gjitha kostot e eksplorimit dhe shfrytëzimit nga 90% e të ardhurave neto operative, pas pagimit të rentës prej 10%, dhe më pas do të jetë subjekt i Faktorit R të ndarjes së të ardhurave me Albpetrol, duke u luhatur nga 2% në 15% të të ardhurave operative neto, në varësi të shumëfishit të rikuperimit të kostos së projektit. Pasi të jenë shlyer të gjitha kostot, interesi i të ardhurave do të ndahet, me 50% për Ministrinë e Energjisë dhe 50% për pjesëmarrësit e marrëveshjes.

Termat dhe kushtet kryesore të Bllokut të Velçës janë nënshkruar në shkurt 2016. Pennine dhe Albpetrol ranë dakord në prill të vitit 2016 për kushtet dhe marrëveshja e ndarjes së prodhimit u dorëzua në Ministrinë e Energjisë dhe Industrisë së Shqipërisë për miratim. Pennine e rishikoi marrëveshjen e licencës, që ishte një komponent integral i marrëveshjes së ndarjes së prodhimit, në dhjetor 2016.

Revista Monitor,  15.02.2017

KESCO ka bërë të ditur se është njoftuar nga KEK-u se ka rënë nga sistemi në  mënyrë  të  paplanifikuar njësia B1 e Termocentralit Kosova B, i cili gjatë ditëve të fundit edhe ashtu kishte punuar me kapacitet të reduktuar.

Rënia e këtij blloku ka krijuar mungesë të menjëhershme të rreth 200 Megavatë/orë energji elektrike, gjë që vështirëson furnizimin me energji elektrike.

KESCO për momentin, sipas planit është duke importuar rreth 200 MW , por kjo sasi është e pamjaftueshme të mbulojë tërë kërkesën sidomos tani pas rënies së bllokut B1.

KESCO menjë herë  ka nisur procedurat e importit shtesë për te mbuluar hendekun e krijuar.

Siç jemi njoftuar nga KEK, blloku B1 pritet të kthehet në sistem të shtunën në ora 00:00.

KESCO falënderon konsumatorët për mirëkuptim dhe mbetet e përkushtuar për të bërë maksimumin për të tejkaluar këtë situate.

Agjensia e lajmeve ekonomia,  10.02.2017

AKBN dhe Ministria e Energjisë dhe Industrisë njoftojnë afatin e ri për ankandin e Bllokut Panaja dhe 5.

Njoftim i AKBN:

Important Announcement: “New Application deadline for onshore blocks PANAJA, and 5, on October 30th 2016″. Please be advice that with the Minister of Energy and Industry Order No. 256, on August 03rd, 2016 it has been issued the new Deadline for Onshore Blocks PANAJA, and 5. The deadline for these blocks is October 30th, 2016.

Mei order no.256

energjia.al  25.08.2016

KEDS njofton se mbrëmë rreth orës 22:00 ka rënë nga sistemi njësia B1 e Termocentralit Kosova B që menaxhohet nga KEK-u. Rënia e papritur e këtij blloku ka krijuar mungesë të menjëhershme të 260 megavatë/orë energji elektrike.

Kjo ka rënduar furnizimin me energji elektrike, kur dihet se kjo njësi përbën rreth 35 për qind të prodhimit aktual.

Në këtë rast duhet të rikujtojmë konsumatorët se importi i menjëhershme në rast të devijimit nga plani i furnizimit nuk i takon dhe nuk është përgjegjësi e KEDS-it, por e Operatorit të Tregut (KOSTT).

KEDS fillimisht ka nisur të importojë menjëherë 70 megavatë/orë energji elektrike, por kjo sasi është e pamjaftueshme të mbulojë tërë kërkesën. Ndërkohë KEDS ka nisur procedurat e importit shtesë, dhe me gjithë vështirësitë e shkaktuara nga moti i keq ka arritur të sigurojë importin shtesë që stabilizon furnizimin me energji.

Megjithatë të gjitha kompanitë e hallkës së sistemit energjetik të Kosovës janë të mobilizuara që situata të tilla të tejkalohen sa më lehtë dhe sa më shpejtë.

Në të njëjtën kohë KEDS falënderon të gjithë konsumatorët për mirëkuptimin e tyre nga mungesa e furnizimit me energji, e shkaktuar nga rënia e papritur e bllokut B1.

Telegrafi, 06.01.2015

Ministri i Punëve të Brendshme Saimir Tahiri inspektoi operacionin policor kundër vjedhjes së energjisë elektrike, në zonën e Tiranës së Re. Ministri tha se aksioni do të shtrihet në çdo cep të Shqipërisë dhe nuk do të ndalet deri në prerjen e lidhjes së fundit të paligjshme të vjedhjes së energjisë.

Prononcimi i Ministrit Tahiri për mediat:

MINISTRI TAHIRI: Sot vazhdon operacioni i Policisë së Shtetit dhe Operatorit të Shpërndarjes për identifikimin dhe arrestimin e të gjithë atyre që vjedhin energjinë elektrike. Është një operacion që konsiderohet shumë i suksesshëm për nga rezultatet e ditës së parë. Do vijojmë në çdo cep të Shqipërisë për të prerë çdo mundësi të vjedhjes së energjisë elektrike dhe për të çuar përpara përgjegjësisë penale, jo vetëm ata që vjedhin energjinë elektrike, por edhe ata që kanë lehtësuar ose kanë bashkëpunuar, për të ndihmuar hajdutët e energjisë elektrike. Këta janë punonjësit e OSHEE, të cilët në vend që të garantonin të mirën publike që është energjia elektrike, kanë bërë të kundërtën, por kanë bashkëpunuar me hajdutët duke i sjellë dëm shtetit, duke shkaktuar pabarazi ndërmjet qytetarëve para ligjit, pra do të thotë, disa e paguanin me kursimet e tyre familjare disa jo, disa e vidhnin dhe nga ana tjetër duke shkaktuar një dëm shumë më të madh që është bota informale në këtë rast me vjedhjen e energjisë elektrike dhe parregullsinë ose paligjshmërinë në tërësi. Ky është një operacion që do vijojë kryesisht siç e kemi nisur nga sipërmarrësit, konkretisht, rasti pas meje është ekzaktësisht ajo që kemi bërë edhe dje dhe që do vazhdojmë të bëjmë. Një sipërmarrës që e vjedh energjinë elektrike për përfitim. Këtu Policia e Shtetit ka arrestuar përgjegjësin e vjedhjes pra atë që duhet të mbajë përgjegjësi penale dhe njëkohësisht punonjësin e Operatorit të shpërndarjes që duhet t’i identifikonte por që nuk e ka bërë madje ka bashkëpunuar për vjedhjen e energjisë elektrike. Kjo është vlera jonë për të garantuar që të gjithë gjithë qytetarët janë të barabartë para ligjit. Kjo është mënyra jonë jonë për t’i dhënë fund njëherë e mirë Shqipërisë informale, kjo është mënyra jonë për t’i dhënë fund njëherë e mirë vjedhjes së energjisë elektrike dhe për të garantuar që ky mall si gjithë të tjerët nuk është mall pa zot, por është një e mirë publike që duhet garantuar nga shteti dhe nga qytetarët e ndershëm të këtij vendi.

GAZETARI: Z.Tahiri, sa persona janë arrestuar?

MINISTRI TAHIRI: Shifrat i merrni te komunikata zyrtare e Policisë së Shtetit.

GAZETARI: Z.Tahiri, a ka mënyra tjera për ta zgjidhur apo do shkojmë deri te arrestimet? A kemi vende në burgje për t’i mbajtur gjithë këta njerëz?

MINISTRI TAHIRI: E kam dëgjuar shpesh merakun se a ka kapacitet Policia e Shtetit për të bërë këtë operacion? A është kjo mënyra për të zhdukur vjedhjen e energjisë elektrike?! Këtë merakun që kishit ju tani që a ka vend në burgje, nuk e kisha ndeshur ndonjë herë! E rëndësishme është të shqetësohemi të gjithë për një alarm publik, siç është vjedhja e energjisë elektrike me pasoja mjaft të rënda për qytetarët dhe kosto e vjedhjes masive dhe kolektive të energjisë elektrike që sipas përllogaritjeve shkon 150 milionë euro në vit, që janë investime të munguara për ju, për qytetarët. Do të thotë, është shembulli më i mirë i pabarazisë para ligjit kur disa e shkelin ligjin me të dyja këmbët dhe disa të tjerë e respektojnë ligjin me sa munden. Shqetësimi ynë dhe shqetësimi juaj, siç unë besoj është shqetësimi i të gjithë qytetarëve të ndershëm, në këtë vend, është të garantojmë që të gjithë janë të rregullt dhe të gjithë respektojnë ligjin. Në momentin kur t’i japim fund vjedhjeve të energjisë elektrike, atëherë edhe ky operacion do pushojë.

energjia.al  29.10.2014

Edhe pse shumica e subjekteve tregtare në zonën e ish-Bllokut në kryeqytet siguron fitime të larta, ata sërish nuk e paguajnë energjinë elektrike. 25 milion lekë vjetra është borxhi që tregtarët dhe familjarët i kanë kompanisë së shpërndarjes së energjisë elektrike. Armand Zhuka, drejtor i njësisë numër 2 në OSHEE, tha se do t’u ndërpritet energjia 18 bizneseve në këtë zonë. Aksionet do te vazhdojnë tek konsumatorët familjarë qe janë debitorë. Kompania e shpërndarjes ka nisur një fushatë të madhe me prerjet e lidhjeve të paligjshme dhe të atyre klientëve që nuk shlyejnë faturat. Kjo pasi sektori i energjisë është duke i marrë buxhetit vit për vit mesatarisht 200 milion euro për shkak të borxheve që lanë çekët ndaj KESH-it dhe OST-së. Paralel me këtë situatë janë edhe borxhet që subjekte shtetërore dhe private i kanë kësaj kompanie, duke e kthyer sektorin energjisë në një gropë të madhe për ekonominë e vendit.

Vizion Plus, 09.10.2014

Kuvendi i Shqipërisë e ka nisur punën me debate sot. Edhe pse nuk duhej të kishte deklarata politike në nisjes të seancës, opozita e ka nisur duke denoncuar shkeljet e fundit përsa i përket KQZ-së.
Deputetja Arta Dade tha: “Shqipëria është i vetmi vend në Europë që nuk bën zgjedhje të lira. Ky parlament ka bërë shkelje flagrante të Kushtetutës”.
Por kryetarja e Kuvendit, Jozefina Topalli, i ndërpreu fjalën, duke i thënë se ishte jashtë rendit të ditës.
“Nëse keni ardhur me axhendë tjetër, këtu është e përcaktuar, mund ta bëni kudo tjetër, por jo këtu”, është shprehur Topalli.
Por seanca është tensionuar kur mes kryetares së Kuvendit dhe deputetit socialist, Taulant Balla, pati replika dhe akuza.
TOPALLI: Po qani humbjen e zgjedhjeve.
BALLA: Ne do fitojmë zgjedhjet.
TOPALLI: LSI e keni ju, apo kush e ka, bllokun e keni ju, apo kush e ka?
BALLA: Ke marrë edhe ti nga ai blloku, 2 koncesione, i ke marrë, 2 HEC-e.
TOPALLI: Vetëm 2?!
BALLA: I ke marrë shpirtin Shkodrës me pallatin.
TOPALLI: Pallatin, yyy.. hë na kallzo për patentën.
BALLA: Je patenta europiane nr. 1 për harxhimet e parave të shqiptarëve me udhëtimet në kryeqytete. Mbi 700 mijë dollarë ke shpenzu.
TOPALLI: Në jep lut, më ke çu mesazhe duke më kërkuar të të marr me vete, pas dere më rrije. Nuk të marr me vete as mandatin e ardhshëm.
Më pas, ndërsa deputeti i PS, Blendi Klosi po fliste, kryetarja e Kuvendit i tha se opozita ka për të ikë për lesh.
Sikur të mos mjaftonte kaq, Topalli e bëri Ilirian Muhon të vdekur. Kryeparlamentarja e cilësoi fjalën e deputetëve të PS-së si “zia për të tretat” e Ilirian Muhos.
“Mesa shoh unë, ndjesë pastë, Ilirian Muho paska të tretat sot. Për të tretat shkohet në shtëpi, jo në Parlament”.

Gazeta Tema, 18.04.2013