info@energjia.al

Rreth 8 mijë banorët e fshatrave Zharrëz, Frashër dhe Sheqishtë nuk do të përballen më me përmbytjet e përvitshme gjatë sezonit të shirave. Kompania Bankers Petroleum në bashkëpunim me Bashkinë Patos po kryejnë pastrimin dhe rehabilitimin e Përroit të Zharrzës me një vlerë totale investimi që arrin në mbi 120 mijë dollarë.

Kryetarja e Bashkisë së Patosit Rajmonda Balili thotë se kjo është një mundësi shumë e mirë për t’ju dhënë fund problemeve me përmbytjet.

“Fakti që burimet njerëzore, burimet financiare jo gjithmonë janë të mjaftueshme në bashki dhe nëpër pushtetet vendore. Ne jemi drejtuar Bankersit për të na ndihmuar financiarisht për projekte të ndryshme, por një nga ndërhyrjet ku kemi kërkuar është pastrami i përroit të Zharrzës. Unë gjej rastin t’a falenderoj Bankersin për këtë mbështetje që na ka dhënë në një bashkëfinancim të pastrimin e përroit të Zharrës me gjatësi prej 5 kilometrash dhe brenda një përiudhe të shkurtër besoj se do të arrijmë atë që kemi planifikuar, pra pastrimin e këtij 5 kilometërshit dhe ardhjen në kushtet dhe standartet të tilla që mos të shkaktoj ato problematike dhe ato përmbytje që ka shkaktuar gjithë këto vite”-tha Balili.

Përroi i Zharrzës që nis nga rezervuari i këtij fshati dhe kalon ndërmjet Zharrzës, Frashërit dhe Sheqishtës nuk është mirëmbajtur prej një periudhë 30-vjeçare. Sedimenti i depozituar dhe bimësia e rritur në të dy krahët e tij pengon rrjedhjen e ujrave të përroit dhe është shndërruar në një shqetësim të madh për banorët.

Vetëm gjatë shirave të dimrit të shkuar u përmbytën mbi 200 shtëpi si dhe 100 ha tokë në këto fshatra duke shkaktuar dëme të shumta materiale, në shtëpi, makineri bujqësore, por edhe në bagëti.

Përmes këtij investimi të rëndësishëm, këto fshatra nuk do të vuajnë më përmbytjet e dhjetëveçarëve të fundit.

 “Kështu që duke iu ardhur  në ndihmë të gjithë komunitetit të Zharrzës, nga pjesa ku fillon burimi  dhe deri në derdhjen në kanalin  “Dhia e Ngjalës”. Përfitojnë të gjithë fermerët dhe të gjithë banorët e njësisë administrative të Zharrzës. Përfitojmë edhe ne si drejtues të pushtetit vendor, sepse sigurisht do të jemi më të çliruar nga të gjitha këto ankesa dhe probleme, por do të jemi në vëmendje që të funksionoj i gjithë rrjeti I kullimit të kanaleve të para dhe të dyta”-ka përfunduar kryetarja e Bashkisë së Roskovecit Balili.

Për Bankers Petroleum mirëqenia e banorëve të zonave ku operon është një nga themelet e aktivitetit të saj. Përveç projekteve që kompania zhvillon vetë në komunitet, ajo vazhdimisht bashkëpunon me njësitë administrative për të mbështetur investime në përmirësimin e infrastrukturës, mjedisit, edukimit, etj.

Shqiptarja.com  14.10.2017

Flet Zv.presidenti i Operacioneve dhe Prodhimit të Bankers Petroleum, Guangqing Zhang

Ritmet e investimit dhe nivelet e prodhimit të Bankers Petroleum, eksportuesit më të madh në vend, që shfrytëzon me koncesion fushën naftëmbajtëse të Patos Marinzës, janë ndikuar nga çmimet e ulëta të naftës në tregjet botërore.

Zv.presidenti i Operacioneve dhe Prodhimit të Bankers Petroleum, Guangqing Zhang pohon se çmimet në tregjet botërore janë një faktor kyç për të mundësuar rritjen për Bankers, por është gjithashtu shumë e rëndësishme për ne që të kemi siguri për investimet në Shqipëri, rimbursim në kohë të TVSH-së dhe të taksave të tjera për të përmirësuar besimin e investimit të grupit të ri aksioner.

Teksa Bankers është ende në konflikt me tatimet për një vlerësim detyrimi tatimor për mosnjohje shpenzimesh prej 300 milionë dollarësh, ai shton se çështja është në Arbitrazh Ndërkombëtar dhe vendimi i arbitrazhit do të ndikojë në planin e investimeve të kompanisë.

Si ka qenë ecuria e kompanisë në 2016 dhe gjatë 2017?

Bankers ka kaluar në një proces të shitjes së pronësisë në vitin 2016, ku aksionet publike kanadeze në Bursën e Torontos u blenë nga një grup kinez, Geo Jade Petroleum, që është e regjistruar në Bursën e Shangait. Ecuria e përgjithshme e aseteve të Bankers në Shqipëri, më së shumti fusha naftëmbajtëse e Patos-Marinzës, ka qenë e qëndrueshme, por ritmi i investimit tonë dhe nivelet e prodhimit janë ndikuar nga çmimet e ulëta të naftës në tregjet botërore. Ne i kemi reduktuar investimet tona kapitale për të ruajtur një program të balancuar brenda cash-flow (parave të lira) që kemi në dispozicion si rezultat i veprimtarisë në vendburim.

Viti 2016 ka qenë shumë i vështirë, sepse për një periudhë, çmimet e naftës në tregjet ndërkombëtare ranë nën 30 dollarë/fuçi, ndërkohë që pjesën më të madhe të vitit kanë qenë nën 50 dollarë/fuçi, çka ka prekur të ardhurat tona. Viti 2017 ka qenë më i qëndrueshëm, rreth 50 dollarë/fuçi, por ende ky çmim është i ulët për të garantuar rritjen e prodhimit të naftës bruto shumë të rëndë siç është ajo e Patos-Marinzës.

Vitin e kaluar, ju keni qenë në një mosmarrëveshje me Drejtorinë e Përgjithshme të Tatimeve për një vlerësim detyrimi tatimor prej 300 milionë dollarësh. Mund të na informoni mbi të rejat e fundit mbi këtë çështje?

Në lidhje me këtë mosmarrëveshje, palët iu drejtuan vlerësimit të ekspertëve të pavarur, ashtu siç e parashikojnë edhe Marrëveshja Hidrokarbure dhe Licencë-Marrëveshja që administron veprimtarinë e Bankers në vendburimin e Patos-Marinzës. Raporti i ekspertëve që u krye nga PWC (Pricewaterhouse Coopers) ishte në favorin tonë, por pala shqiptare (AKBN) e apeloi këtë raport pranë Gjykatës Ndërkombëtare të Arbitrazhit (ICC). Ne presim që ky proces të përfundojë para këtij fundviti.

Nëse vendimi i kësaj Gjykate do të jetë në favorin e Bankers, atëherë me fitimin e Arbitrazhit, rimbursimi i taksave të vendosura në mosmarrëveshje nga Zyra e Tatimeve do të jetë shumë i rëndësishëm për Bankers për të rritur nivelet e investimit në Shqipëri. Ne jemi të fokusuar në gjetjen e një zgjidhjeje me qeverinë për të bërë efektiv rimbursimin e vlerës së këtyre taksave në të mirë të të gjitha palëve të interesit, duke përfshirë punonjësit vendas, komunitetet rreth operacioneve tona, ofruesit e shërbimeve lokale dhe rafineritë vendase.

Çfarë ka ndryshuar në Bankers pasi u ble nga Geo Jade? Cilat janë planet e investimit të kompanisë kineze në Shqipëri?

Mënyra sesi ne operojmë në biznesin tonë në Shqipëri nuk ka ndryshuar shumë si pasojë e transferimit të pronësisë. Ne kemi një ekip shumë konkurrues dhe me eficencë të lartë që do të përmirësohet me mbështetjen e grupit tonë të ri të pronarëve dhe do të na mundësojë rritjen e mëtejshme në Shqipëri. Planet tona të investimit në Shqipëri po zbatohen aktualisht dhe në thelb është një program i balancuar, ku pjesa më e madhe e cash flow e gjeneruar nga operacionet tona në Shqipëri, do të investohet po këtu. Çmimet në tregjet botërore janë një faktor kyç për të mundësuar rritjen për Bankers, por është gjithashtu shumë e rëndësishme për ne që të kemi siguri për investimet tona në Shqipëri, rimbursim në kohë të TVSH-së dhe të taksave të tjera për të përmirësuar besimin e investimit të grupit të ri aksioner dhe për të përmirësuar kthimin e investimit për asetin shqiptar krahasuar me asetet e tjera ndërkombëtare të Geo Jade.

Gjatë vitit të kaluar, çmimet e naftës kanë qenë të ulëta. Si ka ndikuar kjo tek kompania, planet e saj të investimit dhe të fitimit?

Çmimet e naftës kanë ndikim të madh në operacionet tona në një kohë kur ne kemi një plan të balancuar investimi që bazohet tek cash-flow ynë. Ne kishim një program të madh kapital në vitet 2013 dhe 2014 dhe kemi investuar mbi 2 miliardë dollarë përgjatë 2004-2017. Potenciali i Patos-Marinzës është i mirë, por nafta e rëndë e papërpunuar nuk ka kthim të madh të investimit kur çmimet janë të ulëta. Ne po testojmë teknologji të reja, të tilla si teknikat termale për të nxehur naftën e rëndë për të përmirësuar lëvizshmërinë e naftës.

Ky mund të jetë niveli i ri i rritjes së prodhimit nga Patos-Marinza, por mund të realizohet vetëm me investime të rëndësishme që mundësohen nga bashkëpunimi me qeverinë dhe rritja e çmimeve të tregjeve ndërkombëtare. Potenciali i së ardhmes është i mirë, por ne na nevojiten disa gjëra para se të jemi të aftë të realizojmë këtë rritje.

Revista Monitor,  09.10.2017

Prodhuesit globalë të makinave i kanë bërë thirrje Kinës që të vonojë dhe zbusë kuotat për shitjet e makinave elektrike atje, duke thënë se propozimet e vendit do të jenë të pamundura për tu arritur dhe do të ndërpresin ashpër bizneset e tyre.

Në përpjekje për të luftuar ndotjen e mjedisit, Kina po planifikon të caktojë objektiva për makinat elektrike, në mënyrë që të zënë rreth 20% të shitjeve deri në vitin 2025, me një sistem të ashpër të kuotave që nis që në 2018-ën.

Pekini e sheh këtë politikë si një mjet për të ndihmuar industrinë vendase të automjeteve që të konkurrojë me rivalët e huaj, që kanë eksperiencë më të madhe në motorët me djegie. Rregullat e reja strikte, shtuar planet e ashpra për gjoba ndaj moszbatimit të tyre, si anulimi i licencave për të shitur makina jo-elektrike në Kinë, ka mundësi të shkaktojë një goditje të fortë ndaj prodhuesve në këtë treg.

Pavarësisht se Kryeministri Li Keqiang dhe kancelarja gjermane Angela Merkel ranë dakord muajin e kaluar se do të ketë lehtësime, Ministria e Industrisë dhe Teknologjisë së informacionit në Kinë, publikoi më vonë regulloret që mbështesin kuotat e ashpra të shitjeve.

Revista Monitor,  17.07.2017

Kompania Bankers Petroleum ka vendosur të bëjë disa ndryshime në teknologji që synojnë të rrisin prodhimin e naftës në fushën e Patos Marinzës ku operon. Në një raport joteknik ku jepen edhe detajet mbi këtë risi, kompania argumenton mënyrën sesi do të procedohet dhe çfarë ndryshimi propozohet.

“Bankers Petroleum Albania Ltd synon të rrisë prodhimin e naftës në fushën e Patos-Marinzës përmes zbatimit të Rikuperimit të Zgjeruar të Naftës (EOR) duke përdorur teknologjitë termike. Teknologjia termike nëpërmjet injektimit të avullit ose rikuperimi termik i naftes është një metodë gjithnjë e më e zakonshme per nxjerrjen e naftës së rende te papërpunuar. Konsiderohet si një nga llojet kryesore të stimulimit termik të rezervuarëve të naftës. Teknologjia që do të zbatohet është Stimulimi i avullit ciklik (CSS) dhe kanalizimi i avullit nëpërmjet gravitetit (SAGD)” thuhet në raportin e kompanisë.

Kërkesa e Bankers ka mbërritur tashmë pranë insitucioneve kopetente për të marrë një miratim paraprak nëse mund të aplikohet kjo tenkologji në vijim. Ka një ndjeshmëri më të lartë lidhur me aktiviteitn e kompanisë në kushtet kur zona ku ndodhen puset e naftës përfshijnë në koordinata edhe fshatara të tërë që numërohen në 34.

Efekti në prodhim

Raporti vlerëson se ndryshimi në teknologji është minimal pasi injektimi i avullit është pak a shumë i ngjashëm me pjesën e injektimit të ujit që aktualisht zbatohet nga kompania. Efiçenca e të dytës ka bindur edhe për aplikimin e të parës.

“Të dyja metodat në shumicën e rasteve aplikohen në rezervuaret e naftës që përmbajnë naftë bruto e cila është shume viskoze në temperaturen e formacionit nëntokësor mëmë. Injektimi termik, i cili në thelb përfshin futjen e nxehtesisë, përbën 40 përqind të prodhimit EOR në Shtetet e Bashkuara” vlerëson kompania.

Mbetet e paraqartë sesa do të jetë rritja e prodhimit si efekt i aplikimit të ndryshimit në teknologji gjithsesi  kompania thekson se nuk pritet të ketë efekte negative në mjedis, në florë apo faunë.

Gjatë vitit të kaluar, Bankers Petroleum ka qenë në konflik me banorët e fshatit Zharrës, teksa këta të fundit ankoheshin se proceset që kompania aplikonteme injëktim për nxjerrjen e naftës shkaktonin tërmete, duke dëmtuar shtëpitë. Konflikti u mbyll në shkurt pasi qeveria pranoi të dëmshpërblente banorët, ndërkohë që një vlerësim i pavarur po kryhet për të përcaktuar nëse tërmetet kanë qenë natyrore, apo të shkaktuara nga Bankers. Nëse Bankers do të rezultojë përgjegjës, qeveria do ia ngarkojë kompanisë dëmet.

Revista monitor,  11.07.2017

Bankers Petroleum Albania, në vijim të mbështetjes që jep për zhvillimin ekonomik të zonës së operacioneve të veta, në kuadër të programit të zhvillimit ekonomik dhe nxitjes së biznesit të vogël dhe të mesëm, ndihmoi në organizimin prezantimit të ofiçinës në qytetin e Fierit.

Ofiçina është një iniciative dhe projekt i përbashkët i fondacionit Soros dhe Institutit Harry Fultz që synon kualifikimin e sipërmarrësve të rinj për t’u përshtatur me ndryshimet e vazhdueshme të ekonomisë globale dhe të arrijnë të krijojnë biznese komercialist të qëndrueshme që të mund të penetrojnë me produkte dhe shërbime në tregun ndërkombëtar.

“Zhvillimi i qëndrueshëm ekonomik është një nga shtyllat e programit të investimeve në komunitet të Bankers Petroleum. Prej dy vitesh kemi çelur një grant përmes të cilit mbështesim biznese të vogla dhe të mesme. Kemi synim rivitailizimin dhe gjallërimin e aktivitetit ekonomik në zonën tonë. Por ne e kuptojmë që nuk jemi të vetmit të përfshirë në iniciativa të tilla. Iniciativa që po mbështesim si kompani sot, iniciativa e Fondacionit Soros dhe e partnerëve të tjerë që janë të përfshirë në këtë projekt, është një iniciativë që na u prezantua dhe na duket shumë e mirë për tu aplikuar dhe në qytetin e Fierit dhe në zonën e Patos-Marinzëz, prandaj Bankers e mbështet këtë iniciativë edhe me organizimin e eventit të sotëm, qoftë edhe me grante në të ardhmen nëse kjo iniciativë do të provohet që është e dobishme për banorët dhe për qytetarët e qytetit tonë
, tha Golemi.

Pjesëmarrësit shprehen interes për lart për këtë program dhe po mendohet seriozisht që një program i ngjashëm të mund të aplikohet dhe me sipërmarrës të rinj në rajonin e Fierit.

Shqiptarja.com  13.05.2017

TAP pipeline and Bankers Petroleum provided about 80% of the total amount of foreign direct investment in Albania for the fourth quarter of last year.

Based on data issued by the Bank of Albania, the majority of foreign investments in Albania rely heavily on the energy sector and in the mining industry.

From 276 million euros of foreign investment in the fourth quarter of 2016, 167 million, or about 60% of the total, belonged to the energy sector, where the construction work for TAP pipeline is now at full pace.

Another 56 million euros came from the extractive industry, a sector dominated by the oil industry, and mainly from Bankers Petroleum.

In other economic sectors, the amounts of investment are at modest levels.

The financial sector is ranked third, with 21 million euros. Even in the case of the financial sector, there are no new investors, but the extra capital injections come from existing companies, mainly in the banking system.

For the past year, the government proudly announced an inflow of 1 billion euro in foreign investment, although the exact figure issued by the Bank of Albania was somewhat below, at 959 million euro.

However, the fact is that investments remain concentrated in a few sectors and in some transitional projects, however large, such as TAP pipeline.

The concentration in a few sectors and enterprises makes the prospect of maintaining high levels of foreign investment in the long term highly fragile.

Scan Tv,  04.04.2017

Thellohet skandali me kompaninë e nxjerrjes se naftës, Bankers Petrolium. Një tjetër raport i Agjencisë Kombëtare të Burimeve Natyrore ka zbuluar se Bankers ka manipuluar dokumentacionin për të shmangur pagesën e takes se tatim-fitimit edhe për vitin 2012, duke përdorur të njëjtën skemë evazioni si në vitin 2011, vit për të cilin palët do të përballen në Arbitrazh.

AKBN thotë se nga një autidimi i saj rezulton se Bankers Petrolium ka raportuar vetëm humbje në bilancet e saj, vetëm për të mos paguar tatim fitimin në buxhetin e shtetit shqiptar.

Sipas AKBN janë afërsisht 130 milionë dollarë shpenzime të fryra për 2012-ën, e prej nga rezulton të jenë shmangur 30 milion dollarë taksa.

Këto para, në vend që të përfundonin në arkën e shtetit shqiptar, kanë përfunduar ne xhepat e Bankers Petrolium, drejtuesve e pronareve të saj.

Bashkë me vitin 2011, shuma që duhet t’i paguante Bankers shtetit shqiptar përllogaritet në 90 milionë dollarë, para me të cilat do të ishin shpërblyer edhe banoret e Zharrzës, të cilët thonë se Bankers u ka shkatërruar shtëpitë dhe të gjithë zonën, duke ua bërë jetën të pamundur.

Ekspertët e AKBN thonë se për këtë mashtrim Bankers ka kryer punime me kompani të treta pa zbatuar procedurat e tenderimit, por me prokurim të drejtpërdrejtë, duke shkelur kontratën.

Në këtë mënyrë, Bankers, sipas raportit të AKBN, i ka fryrë faturat e shpenzimeve në mënyrë fiktive.  E kontaktuar nga Televizioni Klan, Bankers i kundërshton pretendimet e palës shtetërore, dhe thotë se është në pritje të vendimit nga arbitrazhi ndërkombëtar për 2011-ën.
Por AKBN dyshon se kjo skeme është përdorur për 11 vjet me radhë dhe shumat që Bankers Petrolium do të duhej t’i kishte paguar shtetit shqiptar arrin në qindra milionë dollarë.

TV KLAN,  15.03.2017

5 muaj pasi ka marrë vendimin për të çuar në Gjykatën Ndërkombëtare të Arbitrazhit kompaninë Bankers Petrolium për çështjen e 65 milion dollarëve tatim – fitim që pretendojnë të marrin financat shqiptare vetëm për vitin 2011-të, pala shqiptare nuk ka mundur të hapë çështjen në këtë gjykatë. Shkak është bërë pagesa që kërkohet të jepet për Gjykatën Tribunale të Arbitrazhit prej 240 mijë dollarësh, dhe që akoma dhe sot, qeveria nuk ka miratuar asnjë fond. Televizioni Klan, ka arritur të sigurojë një dokument konfidencial që sekretariati i gjykatës ndërkombëtare të arbitrazhit i ka çuar palës shqiptare, ku i nënvizon afatet dhe kushtet për të zhvilluar seancën. Shqipëria duhet të paguajë 240 mijë dollarë deri në datën 13 mars, ose çështja nuk do të merret në shqyrtim. (faksimile)

Burimet në AKBN dhe në Avokaturën e Shtetit thonë për televizionin Klan, (dhe faksimile) se pengesë për dhënien e këtij fondi është bërë ish-ministri i drejtësisë Ylli Manjani që nuk ka miratuar përzgjedhjen e studios avokatore. Vetë Manjani i kontaktuar nga Tv Klan thotë se nuk ka miratuar asnjë procedure për përzgjedhje studiosh nga Avokatura e shtetit, pasi ashtu siç propozohej ishte pa konkurrence dhe që linte shteg për abuzime. Sipas Manjanit AKBN kishte përzgjedhur me pare një studio avokatie dhe nuk ishte bindëse që të zgjidhej një studio e re pa vlerësuar me pare suksesin e firmës ekzistuese. Për të rregulluar procedurat ish-ministri thotë se propozoi një VKM, por që nuk kaloi për miratim asnjëherë në qeveri. Pas këtyre

Të njëjtat burime konfirmojnë se janë në pritje të një shume që do të jepet nga kompania shtetërore Albpetrol, në mënyrë që të mos digjen afatet dhe Shqipëria të nisë betejën për të fituar 65 milion dollarë. Nëse çështja fitohet, atëherë do të vendoset një precedent për koncesionarin e naftës, për të paguar tatimin edhe në vitet e tjera pasardhëse. Burime nga Avokatura e Shtetit e pranojnë këtë problematikë, madje thonë se kjo nuk është e vetmja, por janë shumë çështje të tjera të cilat mund të fitohen në arbitrazh, por nuk jepen fonde për të zhvilluar seanca.

Tv Klan,  10.03.2017

Kryeministri Edi Rama përmes video mesazhit në ‘Komunikimin Javor’ në faqen e tij në Facebook ka akuzuar PD si përgjegjëse për atë që ka ndodhur në Zharrëz kur ishte në pushtet, ndërsa tani qeveria ka gati zgjidhjen dhe dëmshpërblimet për banorët që protestojnë para Ministrisë së Energjisë.

Rama u shpreh se qeveria është në krah të banorëve të Zharrëzës dhe se janë ndaluar injektimet nga kompania, ndërsa janë gati dëmshpërblimet.

Shumë kanë dëgjuar për banorët e Zharrëzit. Qeveria e dëgjoi me shumë vëmendje problemin e tyre dhe angazhoi ekspertizë vendasve dhe të huaj.

Problemi i tyre lidhet me zonën dhe jo domosdoshmërisht me operacionet, pasi mund të kenë ndodhur lëvizje të shtresave ndër vite.

Qeveria reagoi duke ndaluar injektimet, tani presim konkluzionet. Kërkesa e banorëve për ndalimin e injektimeve është plotësuar.

Banorët janë mosbesues pas braktisjes së shtetit për kaq shumë vite, por iu them se injektimet nuk do të fillojnë.

Qeveria po punon për evidentimin e dëmeve. Jemi dakord me pretendimet e banorëve për rivlerësime në disa vende.

Kemi folur me Bankers për një program dëmshpërblimi dhe po punohet për ta garantuar sa më parë” deklaroi ai.

Kryeministri u shpreh se banorët janë të nxitur nga opozita, ndërsa thumboi edhe Blushin kur u shpreh se kushdo që ka dy fije mend dhe gjykon përtej partiçkës së vet e kupton se kjo histori nuk është e thjeshtë.

Qeveria është në krah të banorëve, historia e ka zanafillën shumë vite më parë. Që kjo histori është jo e thjeshtë këtë e kupton kushdo që ka pak informacion për sektorin e naftës dhe që ka dy fije mend për të arsyetuar përtej interesit të vet apo të partiçkës.

Këta janë aktivistë të kamuar që shfaqen mes njerëzve kur ata protestojnë për të nxjerrë përfitim, këta pelivanë janë rreshtuar dhe s’po lënë gurë pa luajtur për t’i nxitur kundër qeverisë.

U kishin bërë gati edhe një çadër. Politikanët duan vota për karrige dhe as e çajnë kokën për pasojat sikur nuk e çanë” tha ai.

Në fund të fjalës së tij, kryeministri deklaroi se opozita me protestën e nisur po përpiqet që të rezistojë kundër Vettingut.

Kanë dalë nga arsyeja në përpjekje për ti rezistuar reformës dhe për ta hedhur në detin e anarkisë çelësin e kësaj reforme, Vettingun.

Kërkojnë revolucion për të mbrojtur karrierat e tyre të ngritura mbi zullumet dhe tradhtitë e panumërta” përfundoi ai.

Pas udhëtimit në këmbë nga Zharrëza në Tiranë, prej dy ditësh banorët vazhdojnë grevën para ministrisë së Energjisë duke kërkuar dëmshpërblim dhe largimin e kompanisë naftënxjerrëse.

Shqiptarja.com  27.02.2017

Ministria e Energjisë dhe Industrisë, MEI, ka bërë të ditur se do t’i kërkojë kompanisë Bankers të ndalojë operacionet e injektimit të ujit gëlqeror në zonën e Zharrëzës dhe të përdorë alternativa të tjera për trajtimin e ujit teknologjik pa dëmtuar mjedisin, si dhe masa riparuese të nëntokës dhe mbitokës, sipas standardeve ndërkombëtare, në mënyrë që të shmangen në të ardhmen pasojat negative për komunitetin. Kjo është masa e dytë, në vazhdim të urdhrit të lëshuar MEI për ndalimin e injektimit të ujit teknologjik në puset gëlqerorë në Zharrëz, të datës 26.12.2017.

Vendimi erdhi, teksa në dhjetor të vitit të kaluar, u ngrit një grup pune “Për vlerësimin e situatës së krijuar nga lëkundjet e tokës në zonën e fshatit Zharrëz dhe për përcaktimin e masave që duhet të merren në varësi të shkaqeve të ndodhjes së fenomenit të lëkundjeve të tokës”.

Sipas MEI, Drejtoria e Përgjithshme e Emergjencave Civile, në bashkëpunim me Institucionin e Prefektit të Qarkut të Fierit dhe me Bashkinë e Patosit do të marrë masa të menjëhershme për sistemimin e përkohshëm të banorëve, banesat e të cilëve janë vlerësuar si të pabanueshme dhe riparimin e shtëpive me dëmtime të rënda, deri sa të konkludohet me pranim nga të dy palët, qeveria dhe Bankers, përgjegjësia për shkaktimin e lëkundjeve sizmike, ose të disponohet një vendim i formës së prerë nga një palë e tretë e pranuar për zgjidhjen e mosmarrëveshjes apo nga arbitrazhi për këtë çështje.

Albpetrol do të finalizojë blerjen dhe instalimin e 3 sizmomarrësve shtesë dhe 6 akseleromarrësve, si dhe pajiset përkatëse në bashkëpunim me IGJEUM.

MEI do të angazhojë, në përputhje me parashikimet në Marrëveshjen Hidrokarbure dhe Licencë Marrëveshjen për shfrytëzimin e vendburimit të Patos-Marinzës nga Bankers Petroleum, një ekspert teknik ndërkombëtar të pavarur për të përcaktuar në mënyrë objektive dhe asnjanëse shkakun e lëkundjeve, por edhe për të propozuar zgjidhjen më optimale për teknologjinë e trajtimit të ujit dhe mbetjeve teknologjike që shoqërojnë nxjerrjen e naftës nga nëntoka, sipas standardeve më të mira ndërkombëtare.

Revista Monitor,  09.02.2017