Publisher is the useful and powerful WordPress Newspaper , Magazine and Blog theme with great attention to details, incredible features...

IAP, në shtator fillon projekti

Projekti IAP do të nisë të konceptohet në shtator të këtij viti, pritet që të themelohet një kompani e përbashkët e shteteve që do të jenë pjesë e këtij tubacioni. Lajmi konfirmohet nga kreu i Socar në Ballkan dhe jepen detaje mbi specifikat e ndërtimit të tubacionit të dytë të transportit të gazit në vendin tonë. Kësaj here, shtrirja në hartë do të jetë në katër vende ballkanike.

Filiali i kompanisë shtetërore të naftës Azerbajxhan, SOCAR në Ballkan, tha se katër vende në Evropën Juglindore do të ndërtojnë një kompani të përbashkët deri në shtator, për të zbatuar projektin e tubacionit të gazit Jon-Adriatik, njoftoi agjencia e lajmeve azere, Trend.

Shqipëria, Bosnja, Kroacia dhe Mali i Zi do të ngrenë kompaninë e përbashkët me ndihmën teknike të SOCAR Balkan, bëri të ditur drejtori i SOCAR Balkan, Murad Heydarov.
Tubacioni Jon-Adriatik (IAP) është planifikuar të traansportojë gaz natyror nga Fieri, nëpërmjet Malit të Zi dhe Bosnjës, në Split në Kroaci. Tubacioni 516 km do të jetë i dyanshëm dhe kapaciteti i tij vjetor mendohet të jetë 5 miliardë metra kub.

Në Fier, IAP do të lidhej me Gazsjellësin Trans Adriatik (TAP), një projekt në ndërtim e sipër nga një konsorcium që përfshin SOCAR. TAP do të transportojë gaz natyror nga fusha e Shah Deniz II në Azerbajxhan në Evropë.
Shqipëria, Bosnja, Kroacia dhe Mali i Zi nënshkruan në gusht 2016 një memorandum mirëkuptimi me SOCAR mbi projektin IAP.

Revista Monitor,  08.06.2018