info@energjia.al

Një kompani e re kaliforniane e quajtur RAESR (Rice Advanced Engineering Systems and Research) ka zbuluar një makinë krejtësisht elektrike që arrin një shpejtësi marramendëse.

Makina e quajtur Tachyon Speed, që e ka marrë emrin nga grimca teorike që lëviz më shpejt se drita, mendohet se mund të arrijë një shpejtësi maksimale rreth 390 km/h.

Ndërkohë, nga 0 në 100 km/h e bën për 3 sekonda.

Me sedilje të ngjashme me ato të makinave të Formulës 1, kjo makinë ka nisur që të konceptohet që në vitin 2012 e më në fund ka dalë në treg.

Porositë janë shumë të limituara.

Top Channel,  15.11.2017

Disa familje kuksiane kërkojnë azil në Shtetet e Bashkuara të Amerikës. Në një kërkesë publike drejtuar Ambasadës Amerikane, ata thonë se nuk kanë të ardhura për të mbijetuar në Shqipëri.

Tokat e tyre u përmbytën nga ndërtimi i HEC-it të Fierzës dhe prej më shumë se dy dekadash nuk janë dëmshpërblyer.

Kryetari i shoqatës “Tokat e Përmbytura” nga liqeni i Fierzës, Sherif Kastrati ia drejton thirrjen në emër të familjeve edhe ambasadave të vendeve të BE-së në Tiranë.

“Të hapin rrugë për t’i garantuar mbijetesën këtij populli. Nuk ka bukë, nuk ka punë, mungon energjia”, thotë Kastrati.

Janë gjithësej 5.500 familje apo rreth 40 mijë banorë, shumica e të cilëve asnjëherë nuk ka përfituar para nga tokat e përmbytura.

Ndërtimi i hidrocentralit të Fierzës në vitin 1978 përmbyti Kukësin e vjetër dhe 36 fshatra të rretheve Kukës, Has, Tropojë dhe Pukë.

Top Channel,  15.11.2017

Gazsjellësit Trans-Adriatik AG ( TAP AG) ka publikuar një video të re ku tregon zbatimin e një numri iniciativash dhe masash që po ndërmerr për të shmangur ndikimet në mjedisin në të cilin po punohet.

Në përputhje me kuadrin rregullator të vendeve pritëse dhe lejet e fituara nga TAP AG, sistemi i  menaxhimit mjedisor dhe shoqëror i kompanisë identifikon ndikimin e aktiviteteve në karakteristikat e ndjeshme.

Po ashtu, përcakton masa të posaçme zbutëse dhe kontrolle menaxhimi si pjesë e angazhimit të saj për shmangien, duke minimizuar dhe lehtësuar çdo ndikim në ndërtimin e gazsjellësit Trans-Adriatik mund të ketë në mjedis.

Në video paraqitet zbatimi i disa prej këtyre masave dhe kontrolleve, si për shembull ato të cilat lidhen me arinjtë, erozionin dhe monitorimin e cilësisë së ujit në Greqi dhe Shqipëri.

Scan Tv,  15.11.2017

Projektligji “Për statusin e minatorit” e iniciuar nga një grup deputetësh nuk duhet të miratohet, sipas Konfindustria, pasi drafti i paraqitur në Kuvend është i pazbatueshëm, si dhe prodhon pasoja të rënda në zhvillimin e industrisë minerare dhe ekonomisë së vendit.

Sipas Konfindustria përmbajtja e projektligjit:

  1. Bie ndesh drejtpërdrejt me ligjet në fuqi, deri edhe vetë Kushtetutën e Shqipërisë;
  2. Shkel kontratat ligjore të lidhura ndërmjet kompanive minerare dhe shtetit, duke rrezikuar përballjen në gjykatë;
  3. Është teknikisht i pazbatueshëm në praktikë;
  4. Prish funksionimin e tregut të punës dhe shkakton kosto të renda financiare për biznesin si dhe vetë buxhetin e shtetit. Kompanitë minerare do të kenë një rendim të drejtpërdrejtë kostosh prej të paktën 7 milion dollar në vit si dhe buxheti i shtetit më shumë se 15 milion dollar në vit, duke ulur ndjeshëm konkurueshmërine në tregjet ndërkombëtare të mineraleve shqiptare, si dhe duke rrezikuar deri në falimentim të sektorit dhe shtim p0punësie dhe probleme sociale.

Scan Tv,  15.11.2017

Çmimet e naftës po qëndrojnë në rënie të lehtë në sesionin e sotëm, për shkak të pritshmërive për një rritje të mëtejshme të prodhimit në Shtetet e Bashkuara të Amerikës, që ka eklipsuar optimizmin e OPEC dhe vendeve të tjera prodhuese për të balancuar tregun.

Nafta Brent e Londrës po tregtohet pranë 63 dollarëve për fuçi, ndërsa nafta Bruto amerikane tregtohet në rreth 56.6 dollarë për fuçi. Javën e kaluar, 2 bençmarkët kryesorë prekën nivelin më të lartë që nga mesi i vitit 2015, por në sesionet në vijim tendenca ka qenë në rënie.

Investitorët po tregohen të kujdesshëm, pasi janë vendosur shumë baste për çmime më të larta të naftës, por në anën tjetër, prodhimi në Shtetet e Bashkuara është rritur me 14%, që nga mesi i vitit 2016, në një rekord prej 9.62 milionë fuçi në ditë.

Qeveria amerikane deklaroi të hënën se, prodhimi i naftës argjilore, do të rritet për të 12 muaj me radhë, gjatë dhjetorit. Gjithashtu, ftohja e ekonomisë kineze ka risjellë shqetësimet në krahun e kërkesës.

Agjencia e vlerësimit të kreditit, Fitch Ratings, deklaroi se, çmimet gjatë vitit 2018 do të jenë në të njëjtin nivel krahasuar me 2017-ën.

Pavarësisht kësaj ndjenje kujdesi, tregtarët shprehen se, çmimet nuk do të bien ndjeshëm, për shkak të marrëveshjes së OPEC për të ulur prodhimin dhe pritshmërive për shtyrjen e kësaj marrëveshjeje përtej marsit të vitit të ardhshëm.

Ndërkohë, Agjencia Ndërkombëtare e Energjisë solli një parashikim më të kujdesshëm, përsa i përket kërkesës për naftë.

Në raportin mujor, agjencia me bazë në Paris e uli me 100 mijë fuçi në ditë parashikimin për kërkesën, gjatë këtij viti dhe gjatë vitit të ardhshëm.

Scan Tv,  15.11.2017

Energjia dhe fokusi i veçantë tek burimet e rinovueshme mund të quhet padiskutim kryefjala e debateve dhe zhvillimeve të këtij viti. Per herë të parë këtë vit Shqipëria miratoi ligjin “Për burimet e rinivueshme të energjisë” duke i hapur kështu rrugë investimeve potenciale që kapin qindra milionë euro.

E në këtë kontekst disa nga aktorët më të rëndësishëm janë bashkuar për t’i dhënë vëmendje dhe përgjigje disa prej çështjeve dhe pikëpyetjeve që lidhen me këtë aspekt. Expocity në bashkëpunim me Ministrinë e Infrastrukturës dhe Energjisë, Bashkinë e Tiranës si dhe kompani private partnere po organizojnë në Tiranë për herë te parë expo-forumin dedikuar energjisë.

Expocity: Ndjekim tendencën e tregut

Ne fjalën e saj të hapjes drejtorja ekzekutive e Expocity Aida Lutaj u shpreh se vëmendja jo rastësisht këtë herë është tek energjia dhe në veçanti tek ajo nga burimet e rinovueshme. “Në Expocity kemi vendosut të fokusohemi tek zhvillimet dinamike të tregut. Mendojmë që energjia ka pasur të tilla zhvillime dhe ka vend që këtë platformë që po paraqesim sot ta kthejmë në një traditë por duke zgjeruar bashkëpunimin në nivel rajonal” nënvizoi Lutaj.

Qindra miliona euro investime Zëvendësministrja e energjisë Donina Çinari nënvizoi në fjalën e saj disa nga zhvillimet më të rëndësishme të tregut të energjisë. Ajo nënvizoi se ambicja është siguria energjetike permes diversifikimit por edhe çuarja përpara e reformës së nisur në modelin e tregut ku përfshihet mes të tjerash ndarja e OSHEE, zbatimi i projektit për smart meteres, nxitja e burimeve të rinovueshme.

Ajo nënvizoi se vetëm në shpërndarje do të investohen 170 milionë euro, në transmetim 160 milionë euro ku përfshihet dhe linja 400 kv me Maqedoninë. Deri ne 2020mendohet që do të jenë te paktën 60 milionë euro investime tek eolikët ndërkohë që te paktën 80 milionë euro do të investohen në funksion të eficencës së energjisë.

Simaku: Ja skemat mbështetëse

Gjergj Simaku, drejtor në drejtorinë për Energjinë e Rinovueshme dhe Eficencën prane MIE u shpreh se Shqipëria ka një objektiv për prodhimin e energjisë së rinovueshme në 38%. “Marrveshja e Parisit i vendos vendet para angazhimit dhe Shqiperia edhe pse me një nivel të ulet të gazrave serë serish duhet të plotesojë kërkesat.

Kjo shihet në dy menyra. Përmes nxitjes së energjisë nga burimet e rinovueshme dhe eficenca e energjisë. Akoma kemi disa çështje që nuk janë ndarë deri në fund siç është institucioni që do të këtë nën varësi projektet nga burimet e rinovueshme. Mund të jetë OSHEE, OST ose Agjencia e eficencës por kjo mbetet për tu ndarë.

Thembra e Akilit mbetet mbështetja për priojektet dhe ne kemi disa skema mbështetëse ku sigurisht pjesa më e favorshme lidhet me çmimin që u garantohet investitorëve nga burimet e rinovueshme por edhe aksesi në rrjet, askujt nuk i refuzohet kjo” tha Simaku.

Revista Monitor,  15.11.2017

Agjencitë lokale të zbatimit të ligjit po sigurojnë vendin e ndërtimit të tubacionit Trans Adriatik (TAP) në Italinë Jugore, tha konsorciumi i TAP AG në faqen e tij të Twitter.

“Është një përparësi për të siguruar sigurinë e punëtorëve dhe kushdo tjetër në afërsi”, tha konsorciumi.

Greqia, Shqipëria dhe Italia, përmes të cilave kalon tubacioni, do të përfitojnë në një nivel strategjik nga prania e TAP dhe statusi i tyre në hartë evropiane, si shpërndarës rajonal të energjisë.

Përfitimet që TAP do të sjellë përfshijnë: kontributin e drejtpërdrejtë në Produkti i Brendshëm Bruto (BPV) përmes taksave; punësim të drejtpërdrejtë dhe të tërthortë gjatë ndërtimit dhe operimit; prokurimi i mallrave dhe shërbimeve nëpërmjet furnizuesve të kualifikuar; përfitime sociale dhe mjedisore: programet e investimeve në komunitet dhe ndërtimi i rrugëve hyrëse dhe urave në Shqipëri.

TAP është pjesë e Korridorit të Gazit Jugor, i cili është një nga projektet prioritar të energjisë për Bashkimin Evropian. Projekti parashikon transportin e gazit nga Shah Deniz e Azerbajxhanit, në vendet e BE.

Tubacioni do të lidhet me tubacionin e gazit natyror Trans Anatolian (TANAP) në kufirin turko-grek, të drejtuar përmes Greqisë, Shqipërisë dhe Detit Adriatik, përpara se të burojë në jug të Italisë.

Revista Monitor,  15.11.2017