info@energjia.al

Drejtori i ATK-së Sakip Imeri, ka thënë për Telegrafin se deri më tani janë fiskalizuar mbi 27 mijë biznese. Sipas tij, rritja e konkurrencës për arka fiskale ka ulur çmimin e tyre.

“Janë fiskalizura mbi 27 mijë biznese, por procesi i finalizimit nuk është i përmbyllur sepse ka biznese që hapet të reja. Pa u fiskalizuara janë bizneset e vogla të cilat kanë probleme. Por mbi 90 për qind, e të hyrave që krijojnë prej shitjeve me pakicë janë të fiskalizuara”, tha Imeri.

Sipas tij, me uljen e çmimit të arkave fiskale, naftëtarët më nuk kanë arsye për tu mos u fiskalizuar.

“Ngurrimi i naftëtarëve ka qenë për shkak të çmimeve, por edhe për shkak të konkurrencës jo të mjaftueshme të bizneseve të arkave. Ne i kemi shtatë operatorë që ofrojnë pajisje elektronike fiskale, por tash kanë edhe pajisje specifike për derivate të naftës. Çmimi për arka fiskale, ka rënë dhe nuk ka as një arsyeje që naftëtarët të mos fiskalizohen. Aktualisht çmimi i arkave fiskale tek ne është i krahasueshëm me regjionin”, ka thënë drejtori i ATK-së Sakip Imeri në një intervistë për telegrafin.

Telegrafi,  23.10.2017

Në kuadër të përgjegjësisë shoqërore të Korporatës, KEDS ka filluar projektin e “Efiçiencës së Energjisë Elektrike” me nxënës të shkollave fillore.
Në bashkëpunim me Komunën e Prishtinës janë përzgjedhur në fazën pilot 4 shkolla.

Nën ligjërimin e studentëve të KEDS Akademisë, lidhur me masat efiçientë që duhet t’i zbatojnë në shtëpitë e tyre, janë pajisur me njohuri të gjithë nxënësit e klasave të katërta të shkollave fillore “Shkëndija” në Hajvali, “Andon Zako- Çajupi” në Bardhosh, “Hilmi Rakovica” në Kodër të Trimave. Pilot projekti përfundon me nxënësit e shkollës fillore “Nazim Gafurri” po në qytetin e Prishtinës.

Nxënësve u është mësuar nga studentët e trajnuar të KEDS Akademisë përdorimi sa më efiçient i të gjitha pajisjeve shtëpiake që funksionojnë me energji elektrike.

Menaxherja e departamentit të komunikimeve në KEDS-së, Naxhije Arifaj ka deklaruar se ky projekt është në vazhdën e shumë projekteve që ka ndërmarrë KEDS-i në fushën e përgjegjësisë shoqërore.

“KEDS ka filluar me projektin për efiçiencën apo kursimin e energjisë elektrike në shkolla, ky projekt është në vazhdën e shumë projekteve të tjera që KEDS është duke i realizuar në fushën e përgjegjësisë shoqërore. Sot është dita e tretë e projektit dhe projekti po shkon mjaftë mirë. Këtë po e vërejmë tek nxënësit të cilët janë shumë të interesuar …Efekti që dëshirojmë të arrijmë me këtë projekt është që t’i mësojmë fëmijët që të kursejnë energjinë elektrike, të vetëdijesohen, pra në kursim, por që këto këshilla t’i bartin edhe tek familjarët e tyre, tek shokët dhe shoqet dhe miqtë e tjerë”, tha ajo.

Arifaj po ashtu tregoi se me qëllim që ligjërata të bëhet më atraktive për nxënësit, ata kanë përfshirë edhe animacione si Elmeni, të cilat do iu ndihmojnë nxënësve që t’iu mbesin në kujtesë më shumë këshillat që KEDS i ka ndarë me ata.

Ndërkaq, mësimdhënësja e shkollës fillore “Hilmi Rakovica”, Pranvera Muqiqi këtë projekt të KEDS-it e ka konsideruar të qëlluar dhe të domosdoshëm për vetëdijesimin e nxënësve për kursimet energjetike.

“Ndryshimet gjithmonë ose tek ne është mirë me filluar që nga rinia, që nga të rinjtë dhe nga ato moshat, të vegjlit që ne i kemi në hapat e arsimimit mos të them vetëdijesimit sepse duhet me u vetëdijesuar edhe ne të rriturit…Mendojë që është shumë e domosdoshme dhe shumë e qëlluar, besoj dhe shpresoj shumë se ka me pas efekt”, tha ajo.

Ligjëruesja e këtij projekti e cila njëherit është edhe studente e KEDS Akademi, Marjeta Dobra tha se qëllimi i këtyre ligjëratave është vetëdijesimi i nxënësve të klasave të katërta lidhur me kujdesin ndaj energjisë elektrike.

Ajo shtoi se kanë synim që përmes fëmijëve të transmetohet mesazhi për efiçiencën e energjisë edhe tek familjarët. “Ne kemi të caktuara katër studente nga KEDS Akademia për t’i ligjëruar nxënësve të klasave të katërta në lidhur me kursimin e energjisë elektrike, t’i vetëdijesojmë ata se si të kujdesin energjinë dhe ta transmetojnë këtë mesazh tek familjarët e tyre. Po ashtu ne po u japim nxënësve disa njohur të përgjithshme në lidhje me energjinë elektrike, se si ajo prodhohet dhe se si na furnizon në shtëpitë tona, po ashtu po i vetëdijesojmë me ndotjen e ambientit në lidhje me ngrohjen globale dhe duke rezultuar kështu me përparësitë e kursimit të energjisë elektrike”, tha ajo.

Ligjëratat kanë qenë interaktive dhe është kërkuar në vazhdimësi edhe aktivizimi i nxënësve, përderisa maskota e përgatitur nga KEDS ka bërë që trajnimi të jetë edhe shumë atraktiv dhe i akceptueshëm për nxënës.

Nxënësja e klasës së katërt, Brisilda Beka, e cila tha se fal Elmenti ajo ka mësuar për ruajtjen e rrymës. “Prej Elmenti kam mësuar se drita nuk duhet t’i lëmë ndezur, makinën e rrobave duhet ta mbushim plotë dhe pastaj ta lëshojmë, derën e frigoriferit nuk duhet ta lëmë hapur vetëm sa na nevojitet dhe gjërat e nxehta në frigorifer nuk duhet t’i lëmë“, tha ajo.

KEDS të njëjtën kohë ka përgatitur edhe borshurën përkatëse që i është shpërndarë të gjithë nxënësve që kanë qenë pjesë e trajnimit.

Telegrafi,  23.10.2017

Ministria e Infrastrukturës dhe Energjisë njofton se ka marrë një aplikim për ndërtimin e një hidrocentrali në lumin e Bistricës, në një seksion të kanalit të Çukës.

Bashkimi i Përkohshëm i Shoqërive “Alb BB Auditing” sh.p.k. dhe “Qendra e Vlerësimit dhe Zhvillimit të Pasurive Ujore” sh.p.k. ka riaplikuar pranë këtij institucioni pas dështimit një vit më parë për të siguruar dritën jeshile për ndërtimin e HEC-it “Saranta”.

Shkak për mosmiratimin e aplikimit herën e parë duket se ka qenë kapaciteti shumë i ulët prodhues prej 1 MW, pasi tashmë projekti ka dyfishuar fuqinë e instaluar në 2 MW.

Sa i takon shoqërive, “ALB BB Auditing” ka si veprimtari kryesore kryerjen e misioneve të kontrollit ligjor, të llogarive dhe të ekspertizave kontabël, ndërsa nuk paraqet asnjë eksperiencë në fushën e energjisë apo ndërtimit.

Ndërsa shoqëria “Qendra e Vlerësimit dhe Zhvillimit të Pasurive Ujore” sh.p.k., e regjistruar në Qendrën Kombëtare të Biznesit në vitin 2012, rezulton të ketë kapital prej vetëm 100 lekësh të reja. Përshkrimi i kompanisë thotë se ajo merret me vlerësimin e pasurisë ujore, por edhe zhvillimin e hartimin e projekteve për realizimin e ndërtimeve civile, industriale e hidroenergjitike.

Kjo është kërkesa e dytë pranë Ministrisë së Energjisë për ndërtimin e një hidrocentrali prej 2 MW, pas kërkesës për ngritjen e HEC-it “Gunja” pranë fshatit Guri i Bardhë.

Sakaq, interesi më i madh i investitorëve të brendshëm e të huaj është në lidhje me ndërtimin e parqeve fotovoltaike për shfrytëzimin e energjisë diellore.

Scan Tv,  23.10.2017

Iraku ka rritur eksportet e naftës të shtunën nga rajoni jugor i Basrës me 200,000 fuçi në ditë për të kompensuar një mungesë nga fushat veriore të Kirkukut.

Rritja e eksporteve të Basrës mban prodhimin e përgjithshëm të Irakut në kuotën e rënë dakord me Organizatën e Vendeve Eksportuese të Naftës, tha në një deklaratë Ministri i naftës Jabar al-Luaibi.

“Barsa Oil Company (BOC) filloi të pompojë 200 000 fuçi në ditë nga fushat në jug dhe qendër duke arritur një total prej 2,2 milionë fuçi të eksportuara çdo ditë. Bëhet fjalë për të kompensuar sasinë e humbur nga Iraku pas ndërprerjes se eksporteve nga terminali turk i Ceyhan për shkak të operacioneve që po zhvillohen”.

Forcat kurde peshmerga u vendosën në Kirkuk në vitin 2014, kur ushtria irakiane u largua nga pozicionet e saj përballë një përparimi nga militantët e Shtetit Islamik. Masa kurde i pengoi militantët të marrin kontrollin e fushave të naftës.

Scan Tv,  23.11.2017

The 400-kW power transmission line linking Albania with Kosovo is facing a possible failing.

The alert comes from Albania’s State Supreme Audit, which has audited this year the project for the construction of this line.

In its final report, SSA notes that although the Albanian part of the project has been completed and taken over by the OST, the line is both not functional and it also jeopardizes the project’s future.

The cause is cited to be the condition set by Serbia that Kosovo should license a supplier from Serbia to supply part of the country’s north in areas inhabited by Serbs.

Meanwhile, the Kosovo Distribution Operator has signed a recognition agreement with the European Network of Energy Distribution Operators, which has not yet become effective due to the Serbian condition.

Albanian and Kosovo operators have asked the European regulator to lift the Serbian non-technical condition that hinders Kosovo’s operator to perform its functions, but a final answer has not been received as yet.

The State Supreme Audit asks OST to inform the Assembly and the Albanian Government to be aware of the crippling costs, but especially on the project’s possible failure.

From the relevant Albanian authorities it is estimated that the annual losses from the missing revenues from the line malfunction are 500,000 to 1 million euros per year.

On the other hand, the Kosovo Transmission Operator OTK loses about 14 million euros in each fiscal year by not collecting cross-border energy transmission tariffs, which go to the Serbian operator’s coffers.

Scan Tv,  23.10.2017

Në periudhën janar-shtator, Operatori i Shpërndarjes së Energjisë Elektrike arkëtoi 48.1 miliard lekë, duke shënuar rritje në krahasim me të njëjtën periudhë të një viti më parë. Sipas të dhënave të OSHEE për 9-mujorin 2016 arkëtimet ishin në nivelin e 45.7 mld lekë, çka do të thotë se këtë vit janë mbledhur 2.4 miliard lekë më shumë.

Paralelisht me rritjen e arkëtimeve, humbjet në rrjet kanë pësuar rënie, duke u regjistruar në nivelin e 26.8%.  Ky nivel për 9-mujorin e 2016-ës u regjistrua në masën 27.6% apo 0.8% më shumë se këtë vit. Ndërkaq, në krahasim me 8-mujorin e këtij viti humbjet në rrjet kanë pësuar një rritje të lehtë, me 0.1%.

Një muaj më parë, rrejti i shpërndarjes raportoi edhe një ulje të borxhit, i cili deri në fund të gushtit zbriti në 49.5 miliardë lekë, nga 67.8 mld lekë që ishte për fatura të periudhës 2007-2014. Reduktimi i tij erdhi edhe si pasojë e zbatimit të skemave lehtësuese për pagesat me këste të detyrimeve të prapambetura.

Megjithatë, kompania nuk është në situatën më të mirë financiare, për shkak të thatësirës së tejzgajtur, çka ka diskutuar nevojën për blerje të energjisë, me qëllim plotësimin e  nevojave të abonentëve.

Niveli i humbjeve të energjisë në rrjet (9-mujori)

26.8%          2017

27.6%          2016

Niveli i arkëtimeve (9-mujori)

48.1 mld lekë 2017

45.7 mld lekë 2016

Scan Tv,  22.10.2017

Mbi 23 milion euro është vlera që pritet të investohet për ndërtimin e parqeve voltaike, përmes të cilëve mund të prodhohet energji nga burime të rinovueshme. Shifra i përket kërkesave të mbërritura pranë Ministrisë së Infrastrukturës dhe Energjisë vetëm javën e fundit, duke shënuar një numër rekord prej 10 shprehjesh interesi.

Vlera më e madhe i përket projektit të paraqitur nga bashkimit i 3 operatorëve, për ndërtimin e një parku me sipërfaqe 10 ha në Bashkinë e Divjakës, ku kapaciteti i instaluar do të jetë 5 MW, ndërsa vlera e investimit rreth 3.9 milion euro.

Ndërkohë që, pjesa tjetër e projekteve të paraqitur varion nga 1.7 në 2.7 milion euro, sipas sipërfaqes dhe kapaciteti prodhues. Prodhimi i energjisë nga dielli po shihet me një interes në rritje, duke qenë se vetëm për periudhën prill-korrik të këtij viti pranë Ministrisë së Energjisë janë paraqitur 8 kërkesa.

Por, aktualisht ende nuk ka një park fotovoltaik funksional, duke qenë se vetëm Ujësjellësi i qytetit të Korçës ka instaluar panele diellore, duke prodhuar energji për të plotësuar nevojat e veta. Diversifikimi i burimeve të prodhimit të energjisë është kërkuar me ngulm nga ekspertët, duke e cilësuar si mundësi jo vetëm për prodhimin e energjisë, por edhe si nxitje për zhvillimin ekonomik dhe mbrojtjen e mjedisit.

Scan Tv,  21.10.2017