Publisher is the useful and powerful WordPress Newspaper , Magazine and Blog theme with great attention to details, incredible features...

Rriten rezervat e naftës në SHBA me 3.1 mln fuçi

Çmimet e naftës i janë rikthyer humbjeve në sesionin e sotëm, pas tre ditësh në rritje, pasi rezervat e karburanteve në Shtetet e Bashkuara të Amerikës u rritën gjatë javës së kaluar, pavarësisht përpjekjeve të OPEC për të ulur prodhimin.

Nafta Bruto amerikane po tregtohet pranë 51 dollarëve për fuçi, ndërsa nafta Brent e Londrës tregtohet pranë 56.6 dollarëve për fuçi.

Që nga fillimi i këtij viti, Organizata e Vendeve Eksportuese të Naftës dhe disa vende të tjera, duke përfshirë Rusinë, kanë rënë dakord të ulin prodhimin me 1.8 milionë fuçi në ditë, në përpjekje për të mbështetur çmimet.

Gjithsesi, kjo marrëveshje ka ndihmuar që çmimet në rriten nga 35 dollarë në fillim të vitit 2016, në mbi 50 dollarë aktualisht.

Përpjekjet e OPEC për të rritur çmimet janë dëmtuar nga prodhimi i lartë i naftës argjilore në Shtetet e Bashkuara të Amerikës, që mund ta detyrojë OPEC të shtyjë marrëveshjen përtej marsit të vitit të ardhshëm.

Përsa i përket të dhënave ekonomike, rezervat e naftës Bruto në Shtetet e Bashkuara u rritën me 3.1 milionë fuçi, gjatë javës së kaluar në 468.5 milionë fuçi.

Ndërsa në terma afatgjatë, Goldman Sachs parashikon se, çmimi mesatar i naftës Brent të Londrës, gjatë vitit 2018, do të jetë 58 dollarë për fuçi.

Scan Tv,  13.10.2017