Nafta, SHBA dhe Arabia ndërrojnë rolet

Çmimet e naftës u regjistruan në luhatje minimale gjatë sesionit të sotëm.

Të dhënat që flasin për një rënie të prodhimit të naftës në Arabinë Saudite kanë lënë në hije të dhënat e tjera që flasin për rritje të prodhimit nga prodhues të tjerë të mëdhenj, përfshirë Shtetet e Bashkuara të Amerikës.

Tashmë dy gjigandët kanë ndërruar sërish rolet, me SHBA që shqetëson dhe Arabinë Saudite që qetëson tregjet.

Kompania shtetërore e naftës në Arabinë Saudite, “Aramco” ka shkurtuar furnizimin me naftë ndaj klientëve nëpër botë me 520 mijë fuçi në ditë tregojnë të dhënat e fundit.

Në çelje të sesionit të sotëm, nafta Brent e Londrës kuotohej pranë nivelit të 52.42 dollarëve për fuçi, ndërsa ajo bruto amerikane pranë 49.49 dollarëve për fuçi.

Scan Tv,  09.08.2017