Publisher is the useful and powerful WordPress Newspaper , Magazine and Blog theme with great attention to details, incredible features...

Ndalimi i motorëve me diegie kërcënon vendet e punës

Gjermania po vlerëson idenë e nxjerrjes nga qarkullimi të mjeteve me motor me djegie në vitin 2030.

Motorët me djegie janë ata tradicionalë që sot përdoren masivisht nga shtëpitë prodhuese, përveç atyre që janë fokusuar te makinat elektrike.

Instituti ekonomik Ifo, një ndër më të rëndësishmit jo vetëm në Gjermani, por në të gjithë Europën, paralajmëron se, ky vendim do të kërcënojë 600 mijë vende pune.

Motorët me djegie, për shkak të ndotjes së larte, përfshirë motorët me naftë, janë kthyer në një çështje mjaft delikate në Gjermani, dhe jo vetëm.

Në qytete si Mynihu dhe Shtutgarti po vlerësohet ideja e nxjerrjes nga qarkullimi të makinave të vjetra me motor me naftë. Gjermania është një ndër vendet ku makinat me motor me naftë mbretërojnë rrugët.

Ky debat vjen vetëm 2 muaj përpara zgjedhjeve të përgjithshme në vend, dhe kancelarja Merkel është nën presion nga grupimet e ndryshme për të marrë masa për të mbrojtur ambientin dhe shëndetin e njerëzve.

Scan Tv,  19.07.2017