info@energjia.al

Korporata Publike e Energjisë në Greqi do të shesë përfundimisht 24% të Operatorit të Pavarur të Sistemit të Transmetimit tek kompania kineze SGID (State Grid International Development).

Marrëveshja kap shifrat e 320 milionë eurove dhe mori aprovimin e Komisioni Europian, pasi nuk paraqet asnjë rrezik për konkurrencën duke qenë se dy kompanitë IPTO dhe SGID nuk janë të ndërlidhura në asnjë formë.

Privatizimi i aksioneve të kompanisë greke u imponua nga ligji, pas një marrëveshjeje të korrikut 2015 mes Greqisë dhe trojkës europiane, ku parashikohej ndarja e IPTO nga kompania mwmw. Pas vlerësimit të ofertave, më e larta rezultoi ajo e SGID.

Kompania kineze kontrollohet nga Këshilli Shtetëror i Mbikëqyrjes së Aseteve të Republikës Popullore të Kinës dhe merret kryesisht me investime dhe operimin e kompanive të transportit e shpërndarjes së elektricitetit jashtë Kinës.

SGID aktualisht zotëron 40% të aksioneve të Operatorit të Transmetimit në Filipine, 25% të aksioneve të kompanisë portugeze të energjisë REN, 44,1% të australianes ElectraNet dhe 12 kompani braziliane transmetimi.

Scan Tv,  12.05.2017

Çmimet e naftës u rritën lehtë gjatë sesionit të sotëm, duke marrë shtysë nga përpjekjet e OPEC për të shtyrë përtej qershorit marrëveshjen e shkurtimit të prodhimit, por edhe nga shifrat më të fundit që vijnë nga Shtetet e Bashkuara të Amerikës.

Në çelje të sesionit të sotëm, nafta Brent e Londrës kuotohej pranë nivelit të 50.96 dollarëve për fuçi, ndërsa ajo bruto amerikane pranë 48.01 dollarëve për fuçi. Të dy benchmarkëty janë larguar ndjeshëm nga nivelet rekord minimale të prekura javën e kaluar.

Ekspertët shprehen se, tashmë janë krijuar kushtet ideale për një marshim të çmimeve të naftës në rast se OPEC do të shtyjë në kohë marrëveshjen e shkurtimit të prodhimit, përtej këtij viti, e ndoshta edhe përtej vitit të ardhshëm. Gjasat që kjo të ndodhë janë mëse reale.

Scan Tv,  12.05.2017

Çmimet e naftës së papërpunuar shënuan rritje mëngjesin e ditës së sotme.

Treguesit referencë ëpr naftën e papërpunuar amerikane, WTI, u rritën me 0.1 për qind dhe u tregtuan me 47.89 dollarë për fuçi.

Treguesit referencë për naftën e papërpunuar europiane, Brent, u rritën me 0.1 për qind dhe u tregtuan me 50.81 dollarë për fuçi.

Indeksi i çmimeve të arit u rrit me 0.2 për qind dhe u tregtua me 1.226.50 dollarë për onz.

Revista Monitor,  12.05.2017