info@energjia.al

The concessionary company exploiting extraction of copper and chromium in the north of Albania has requested to extend the term of its concession by 12 years.

Although they had a range of concerns about the level of investment and exploitation of the company, members of the Parliamentary Economy Committee approved the request.

The argument of the Ministry of Energy officials was that the value of investment and the level copper extraction has been overcome.

Today the company has invested $ 72.6 million – that is about $ 55 million more than foreseen – nearly three times more of what was provided in the concession agreement. This has certainly led to the opening of new mines. The fact is that the technology used in the opening of the mine, in its use, as well as in the processing of copper ore is a highly advanced technology,” said Deputy Minister of Energy Gezim Musabelliu before the committee.

MPs Erjon Brace and Ervin Bushati have opposed these claims, while questioning the seriousness of the concessionaire, and according to them in some cases work has been interrupted as a result of reduction of prices in international markets.

Even though the committee adopted the draft, it is expected that the discussion at the plenary session will not pass without discussions.

According to the report accompanying the draft, the concession agreement was signed in 2001 and about 15 years have now passed from the time when the concession of the company “BOT” was given to Turkish company “Ber-Oner” for some objects of the copper and chromium industry.

The concessionaire has changed the registration name in 2007 from Turkish company Ber-Oner Madencilik san.ve.tic.AS to NESKO METAL SAN.TIC.A.S.

Scan Tv,  26.04.2017

Fillimi i punimeve për seksionin detar të gazsjellësit Trans-Adriatik do të fillojë vitin e ardhshëm, deklaron kompania “Saipem”, përgjegjëse për punimet e seksionit nënujor. “Saipem” deri më tani nuk është përfshirë në asnjë fazë të punimeve.

Seksioni nënujor në shtratin e detit Adriatik që do të lidhë Shqipërinë me rajonin e Puglias në Itali, do të jetë i gjatë 105 kilometra dhe në thellësinë më të madhe do të prekë 820 metra.

Aktiviteti i Saipem do të fillojë kur zona e mikro-tunelit të jetë e gatshme dhe në jemi të interesuar që kjo zonë të jetë e gatshme në mënyrë që të organizojmë operacionet. Po e ndjekim projektin me kujdes të veçantë“, deklaroi një burim pranë kompanisë.

Kompania është përgjegjëse për projektimin inxhinierik, prokurimin, ndërtimin dhe instalimin e gazsjellësit në seksionin nënujor, që do të jetë edhe faza përfundimtare  e gazsjellësit.

Në pjesën tjetër, atë tokësore, punimet po ecin me ritme të shpejta, dhe në Shqipëri e Greqi është mbyllur faza e parë për gjysmën e projektit, ndërkohë që në Itali janë zhbllokuar punimet për pjesën prej 8 kilometrash.

Scan Tv,  26.04.2017

Naskë Afezolli është një nga dy personat që kanë ideuar gazsjellësin TAP. Prej vitesh ai jeton dhe punon në Zvicër, për një nga kompanitë kryesore të energjisë në këtë vend, “EGL”, e cila është edhe një nga aksioneret kryesore të gazsjellësit TAP.

Sot kur ky projekt është realitet, Afezolli ka disa pengje për mënyrën sesi pala shqiptare ka negociuar këtë marrëveshje.

“Të gjitha linjat e gazit kanë fitime shumë të mëdha nga tranziti. Për fat të keq, këto të gjitha që unë i kisha ëndërr për t’u realizuar për Shqipërinë, pas vitit 2013 kur u bënë marrëveshjet, në këto marrëveshje përfaqësuesit e TAP ishin shumë të mobilizuar që Shqipërisë mos t’i jepnin ‘fee’ tranziti, ose element të tranzitit, kështu që Shqipëria faktikisht nuk përfiton tranzit. Megjithatë përfitimet prapë janë të mëdha. Por në ‘Host Government agreement’ që u krye, unë prisja që të ishin marrëveshjet më pozitive ndaj Shqipërisë, që t’i jepej Shqipërisë më shumë gaz dhe më shumë ‘Exit points’”, tha Naskë Afezolli, ideator i gazsjellësit TAP.

Ai ndalet dhe te taksa e tranzitit, duke shpjeguar arsyet se pse Greqia nuk ka të drejtë ta përfitojë atë, ndërsa Shqipëria po.

“Greqia nuk ka të drejtë të kërkojë kosto tranziti, sepse është anëtare e BE-së. Pra kur vjen puna te anëtarësimi në BE, Greqia e luan shumë mirë rolin e BE-së, ndërsa Shqipëria duke mos qenë anëtare e BE-së, përsëri i takonte të merrte diçka për tranzitin”, tha Naskë Afezolli.

Afezolli sjell në vëmendje edhe një tjetër investim që lidhet po me TAP.

“Qeveria zvicerane ka dhënë 6-7 mln euro fond ndihme Ministrisë së Energjisë dhe Industrisë. Ky fond është ekzaktësisht për të përgatitur infrastrukturën, ekspertët përsa i përket krijimit të të gjithë departamenteve në ministritë përkatëse, në mënyrë që të zhvillohet edhe infrastruktura e gazit, e përveç kësaj, një pjesë e këtij fondi do të shkojë edhe për të përgatitur një studim fizibiliteti edhe për një tubacion që do të ndërtohet nga TAP-i do të shkojë në Vlorë, në TEC-in e Vlorës”, tha Naskë Afezolli.

E në fund, Afezolli vlerëson interesin e kompanisë azere “SOCAR” për ndërtimin e sistemit të shpërndarjes së gazit në Shqipëri, por ai kërkon që edhe kompanitë europiane të përfshihen në këtë proces.

Top Channel,  26.04.2017

Ambienti i pafavorshëm i çmimeve në tregun ndërkombëtar ndikoi negativisht prodhimin e naftës në vend gjatë vitit 2016.

Sipas të dhënave nga Ministria e Energjetikës, prodhimi i naftës ra me 18 për qind në krahasim me vitin paraardhës.

Prodhimi total arriti në 1 milion tonë më 2016 nga mbi 1.2 milionë tonë që ishte më 2015. Sipas të dhënave, 91 për qind e prodhimit në vend (922 mijë tonë) u realizua nga Bankers Petroleum.

Albpetrol radhitet i dyti për sasinë e prodhimit me mbi 50 mijë tonë. Në radhë vijnë Transatlantic me 49 mijë tonë, Transoil me 25.5 mijë tonë, Sherwood me 2.8 mijë tonë, Phoenix me 4 mijë tonë.

Që nga vitet 1990, prodhimi i naftës ka shënuar nivelin më të lartë në vitin 2014 me mbi 1.3 milionë tonë që përkon me një situatë më të mirë të çmimeve në tregjet ndërkombëtare.

Shqipëria është një vend hidrokarbur mbajtës, i cili ka rreth një shekull që prodhon naftë dhe gaz.

Veprimtaria hidrokarbure në Shqipëri i ka fillimet e saj rreth viteve 1800, kur u kryen ekspeditat e para gjeologjike, dhe më pas, rreth viteve 1900, kur këto operacione u intensifikuan më tej dhe u kurorëzuan me zbulimin e mjaft vendburimeve të naftës dhe gazit.

Bashkëpunimi me industrinë ndërkombëtare të naftës ka filluar në fillim të viteve 1900, kur u dhanë një numër koncesionesh për shoqëri të huaja, nga më të mëdhatë e kohës.

Pas viteve 1990 janë zhvilluar disa raunde licencimi për kërkimin, zhvillimin dhe prodhimin e hidrokarbureve dhe janë lidhur një numër marrëveshjesh hidrokarbure me shoqëri të huaja. Gjatë kësaj periudhe janë kryer një numër i madh operacionesh hidrokarbure dhe janë grumbulluar një numër i madh të dhënash, të cilat shfrytëzohen për punimet në vazhdim.

Zhvillimi i operacioneve hidrokarbure bëhet i mundur si rezultat i një legjislacioni specifik dhe mjaft efektiv në këtë fushë. Gjithashtu në këtë fushë ekziston dhe një organizim institucional mjaft i përshtatshëm. Për zhvillimin e aktivitetit të licencimit, AKBN ka hartuar procedura të cilat janë mjaft të qarta dhe mundësojnë një proces licencimi të shpejtë.

Revista Monitor,  26.04.2017

Çmimet e naftës shënuan rritje mëngjesin e ditës së sotme.

Treguesit referencë për naftën e papërpunuar amerikane,WTI, u rritën me 14 cent ose 0.3 për qind dhe u tregtuan me 49.37 dollarë për fuçi.

Treguesit referencë për naftën e papërpunuar europiane, Brent, u rritën me 14 cent ose me 0.27 për qind dhe u tregtuan me 51.74 për qind.

Indeksi i çmimit të arit ra me 0.15 për qind duke u tregtuar me 1.273.22 dollarë për onz.

Revista Monitor,  26.04.2017

Fituesi i tenderit për ndërtimin e hidrocentraleve Çebren dhe Galishte duhet të bëhet i ditur deri në fillim të vitit të ardhëm, paralajmëruan nga Kompania Shtetërore për Prodhimin e Energjisë, ELEM. Deri në fund të korrikut, kompania gjermane Fihtner deri te Qeveria duhet të tregojë zgjidhjet më të mira ideore për digat që i dorëzuan kompanitë e interesuara, pas çka do të shpallet tender me kushtet e kërkuara. Nga ELEM thonë se të drejtë për pjesëmarrje në tender do të kenë të gjitha kompanitë e interesuara, e jo vetëm ato që dorëzuan zgjidhje ideore, mes të cilëve janë edhe dy Konsorciume nga vendi.

Ne sugjerojmë që jo gjithherë kompania të jetë investitore ose kontraktues. Nevojiten që tre gjërat, investitor, kontraktues dhe tregtarë të bashkohen dhe të marrin pjesë në këtë projekt – tha Hristijan Mickovski, drejtor i përgjithshëm i ELEM.

ELEM dhe qeveria në mënyrë drastike e ndryshuan qasjen për këtë projekt dhe tani nuk kërkohen kushtet e vjetra për dy diga të larta, por kërkohet zgjidhje tjetër, që duhet të tërheqë investitorë. Në korrik do të dihet sa diga do të ketë në Cërna Reka dhe të cilit lloj do të jenë. Mickovski paralajmëroi se për momentin ka një numër të madh të kompanive që janë të interesuara të marrin pjesë në tender, mes të cilave edhe një kompani e madhe nga Zvicra. Megjithatë, nuk janë kompanitë e mëdha energjetike nga Gjermania dhe Austria. Deri më tani oferta më të mira për Çebren dhe Galishte kishte në vitin 2006 kur për ndërtimin e digave konkurruan kompania gjermane RwE dhe ajo austriake Verbund.

Alsat M,  26.04.2017

Ministri i Energjetikës dhe Industrisë, Damian Gjiknuri, kryetari i Bashkisë së Tiranës, Erion Veliaj dhe ambasadorja e Gjermanisë në Tiranë, Susanne Schütz përuruan sot fillimin e punimeve për rindërtimin, sipas parimit të efiçiencës energjitike të godinave të Qytetit Studenti nr. 2, në kuadër të projektit për rehabilitimin e konvikteve ku Bashkia e Tiranës është përfituese direkte.

Projekti synon përmirësimin e kushteve të jetesës për rreth 600 studentë, nëpërmjet rinovimit të ndërtesave me një sistem më të mirë ngrohjeje dhe insulimi, si dhe rinovimit të strukturës së brendshme të ndërtesave për të rritur cilësinë e jetesës si dhe mundësite e ngrohjes për studentët. Kështu, studentët e shkollës së inxhinierisë dhe fakulteteve të tjera që jetojnë në Qytetin Studenti Nr.2, pranë “21 Dhjetorit”, do të kenë shumë shpejt mjedise tërësisht të rikonstruktura dhe me standarde që garantojnë ngrohje me efiçencë energjitike.

Kryebashkiaku i Tiranës, Erion Veliaj falenderoi qeverinë gjermane për kontributin e dhënë dhe theksoi se ky investim do të ofrojë për të gjithë studentët, kryesisht ata të inxhinierisë, por edhe të fakulteteve të tjera që jetojnë në këto konvikte, kushte më të mira e me standarde. “Bashkojmë energjitë që të kemi kushte më të mira në konvikte për 600 studentë të Tiranës. Është fatkeqësi të mendosh se kemi sot disa burgje që janë të standardeve evropiane, ndërkohë që kemi disa hapësira në qytetin e  studentëve ku, në fakt, konviktet i ngjajnë më shumë burgjeve të vjetra. Më vjen mirë që për 600 prindër, që i kanë çuar fëmijët e tyre të shkollohen në Tiranë, duke e parë Tiranën si vendin e mundësive, edhe konvikti që është në fakt shtëpia e tyre e dytë, të jetë sot në kushte të mira”, tha Veliaj.

Ai u shpreh se përmes këtij projekti bëhet e mundur përdorimi më efiçent i energjisë elektrike, duke ulur ndjeshëm kostot që duhet të paguajë Bashkia për ngrohje. “Deri para një vit e gjysmë, Bashkia e Tiranës hynte tek debitorët kryesorë të energjisë dhe besoj se për publikun nuk shkon kur ai e paguan energjinë elektrike, kurse vetë Bashkia ishte debitore. Kjo do të thotë se ashtu si publiku, edhe pushteti vendor është emancipuar; pra, jo vetëm duhet ta paguajë energjinë, por të gjejë mënyra alternative se si ta reduktojë faturën. Unë besoj se ky projekt i kënaq të gjitha këto interesa; edhe interesin për të pasur çmime të përballueshme në minimum për studentët që vijnë nga rrethet në Tiranë, por sigurisht edhe për të ulur faturën e energjisë Bashkisë së Tiranës me 20%, para të cilat mund të shkojnë për investime të tjera në të ardhmen”, shtoi Veliaj.

Kryetari i Bashkisë së Tiranës tha se Plani i Përgjithshëm Vendor parashikon që të gjitha ndërtimet e reja që do bëhen në Tiranë të jenë të pajisura me sistemin e efiçencës së energjisë. “Është një plan urbanistik, i cili ka vendosur për herë të parë edhe çështjen e efiçencës energjetike në të gjitha lejet e reja që do të jepen në Tiranë. Kjo do të thotë se nga tahmaja e viteve ’90, ku njerëzit ndërtonin pa limit, pa menduar si do ngrohemi, pa menduar se si do funksiononte lagështira, por vetëm për të siguruar nevojën bazë të hapësirës, besoj që sot, jo vetëm investitorët, por edhe çdo qytetar që bën një rregullim të shtëpisë, e ka si kusht që për të marrë leje do t’i duhet të bëjë të gjitha këto rregullime për të pasur ndërtesa me efiçencë energjetike”, u shpreh Veliaj. Më tej, ai theksoi se Bashkia e Tiranës ka parashikuar që edhe 20 shkollat e reja që ka nisur të ndërtojë, të jenë të pajisura edhe me sistemin e efiçencës së energjisë, duke ofruar ambiente më të ngrohta dhe që kërkojnë më pak shpenzime për energjinë elektrike.

Ministri i Energjisë dhe Industrisë, Damin Gjiknuri vlerësoi se ky është një investim që ofron jo vetëm mundësi dhe kushte më të mira për studentët, por edhe që bën të mundur që brenda një kohe shumë të shkurtër, me anë të kursimit të energjisë, të shlyejë veten e vet. “Rikonstruksion sipas parimit të efiçiencës energjitike, që do të thotë kursim deri në 20% të faturës së energjisë dhe një investim, i cili e lan veten në 8 vjet, por mbi të gjitha, kushte mjaft të mira për studentët. Këtë model që po ndërtojmë duam ta shtrijmë në të gjitha godinat publike të Shqipërisë. Pra, parimi i efiçiencës së energjisë të jetë një parim udhëheqës për rikonstruksionin apo edhe ndërtimet në të ardhmen, në mënyrë që të kursejmë energji. Këtu po aplikojmë për herë të parë disa teknologji të reja të energjisë së rinovueshme, që do të shërbejnë për ngrohjen dhe për shërbimet e tjera të kësaj godine”, u shpreh ministri Gjiknuri.

Ambasadorja gjermane, Susanne Schütz theksoi se Qeveria Federale ka vënë në dispozicion 15,5 milionë euro për të gjithë projektin; nga të cilët 9 milionë euro do të përdoren për rikonstrukionin energjitik të katër konvikteve, duke përmirësuar ndjeshëm izolimin termik dhe duke rinovuar impiantet e ngrohjes. “Gjermania dhe Shqipëria investojnë kësisoj shumëfish në të ardhmen e këtij vendi: Ne përmirësojmë kushtet e jetesës dhe para së gjithash kushtet e mësimit të studentëve. Njëkohësisht ne angazhohemi në favor të  mbrojtjes së mjedisit dhe klimës, duke penguar humbjet në ngrohje përmes dritareve të pa izoluara mirë, çka bën që  impiantet e vjetra të ngrohjes të konsumojnë më shumë lëndë djegëse fosile se sa e kanë të nevojshme”, deklaroi ambasadorja Schütz.

Projekti parashikon termoizolimin dhe sistemin kapot për sipërfaqet e jashtme dhe vendosjen e dyerve dhe dritareve të cilësisë më të lartë, duke synuar garantimin një ngrohje me më pak kosto përmes reduktimit në maksimum të shpërdorimit të energjisë. Kompleksi i Qytetit Studenti Nr. 2 që po rikosntruksohet përbëhet nga katër ndërtesa 6 katëshe. Ndërhyrja do të ruajë strukturën  ekzistuese dhe do të riorganizojë ndarjen në dhoma. Gjithashtu, në çdo kat janë shtuar  një kuzhinë, një hapësirë ngrënie dhe llozhë e përbashkët. Për herë të parë, do të instalohet një ashensor, si dhe do të vendosen dy shkallë të jashtme duke siguruar dalje emergjente.

energjia.al  26.04.2017