info@energjia.al

Trans-Adriatic Pipeline contractors have announced that 47% of the first phase of works in Greece and Albania has been completed so far.

So, about 370 kilometers of gas pipeline in both countries is ready for the second phase of works, announces TAP consortium.

In Greece, the length of the pipeline will be 550 kilometers, while in Albania it covers 215 kilometers.

The rest of the project will extend in Italy, just 8 kilometers, and in the Adriatic seabed, with a length of over 105 kilometers.

The project is expected to finish by 2020, and the European Union has set it as a key priority, and has repeatedly stated that the timely completion of construction works is of a crucial importance.

So far, with the exception of Italy, works in Greece and Albania have continued according to the plan, and there is no delay so far.

In Italy, meanwhile, the works have been suspended, due to disagreements between local authorities and residents of the Puglia region, on the one hand, and the contracting firm, on the other.

Scan Tv,  21.04.2017

Çmimet e naftës u regjistruan në rritje gjatë sesionit të fundit të javës. Por, pavarësisht kësaj, të dy benchmarkët kryesorë janë të destinuar që të mbyllin javën më të keqe në një muaj.

Në çelje të sesionit të sotëm, nafta Brent e Londrës kuotohej pranë nivelit të 53.07 dollarëve për fuçi, ndërsa ajo bruto amerikane pranë 50.82 dollarëve për fuçi. Nafta Brent ka humbur rreth 5% gjatë kësaj jave, ndërsa ajo amerikane rreth 4.5%.

Dyshimet që bien mbi aftësinë e OPEC për të balancuar tregun nëpërmjet strategjisë së shkurtimit të prodhimit kanë gjeneruar rënien e lirë të çmimeve gjatë javës. Ekspertët shprehen se, nga ana tjetër, prodhimi rekord amerikan i naftës argjilore po saboton çdo përpjekje, sado minimale, të OPEC për të balancuar tregun.

Scan Tv,  21.04.2017

Kompania, e themeluar nga Elon Musk, ka konfirmuar se do të tërheqë 53 mijë mjetet e saj që kanë probleme me frenat. Tesla konfirmon se nuk ka pasur aksidente apo plagosje nga ky defekt.

Bëhet fjalë për modelet S dhe X për shkak të një problemi të frenimit gjatë parkimit, gjë që çon në mosfunksionimin e tyre.

Dhe pse nga ky problem janë prekur më pak se 5% e mjeteve, Tesla do të jetë e sigurtë që asnjë nga konsumatorët nuk është në rrezik. Bëhet fjalë për mjete që janë prodhuar mes Shkurtit dhe tetorit të 2016.

Kompania ka tërhequr vullnetarisht në nëntor 3 mijë mjete të Modelit S për të zgjidhur problemin e lidhjes së rripit të sigurimit. Gjatë 2016 kompania ka prodhuar 83.922 automjete.

Top Channel,  21.04.2017

Një kamion tip “Benz” është përplasur me një fuoristradë në aksin rrugor Pogradec-Korçë.

Ngjarja ka ndodhur rreth orës 14:50 ku kamioni me targë AA267OJ dhe foristrada me targë AA 898 PM u përplasën dhe për pasojë është dëmtuar një shtetas egjiptian rreth 30 vjeç, i cili udhëtonte me mjetin me targë AA 898 PM, (punonjës i TAP)i cili po transportohet në Spitalin e Korçës për mjekim jashtë rrezikut për jetën.

Burime nga policia e Korçës njoftojnë se u ngrit grupi hetimor dhe po punohet për zbardhjen e rrethanave të aksidentit.

Shqiptarja.com  21.04.2017

Komisioni Hetimor “Për të kontrolluar zbatimin e legjislacionit në fuqi dhe mbrojtjes e interesit të shtetit shqiptar nga realizimi i marrëveshjes për zgjidhjen me mirëkuptim ndërmjet Republikës së Shqipërisë dhe shoqërisë “CEZ, A. S.”, u ngrit me kërkesë të PD pas pretendimeve të demokratëve se “marrëveshja, sipas të cilës qeveria do i kthejë CEZ 95 milionë euro në këmbim të rimarrjes së pronësisë në katër vjet është e paligjshme dhe jo transparente”.

Por, duket se ky komision vecse nuk ka qënë funksional në hetime, ka degraduar edhe në shkelje të panumërta ligjore e etike.

Një raport 77 faqësh, i publikuar nga “Albanian Platform For Policy Advocacy”  zbulon një numër të lartë shkeljesh nga deputetët, anëtarë të këtij komisioni, të cilët përmes fyerjeve, sherreve, presioneve ndaj dëshmitarëve, kanë shkelur një sërë nenesh të rregullores së brendshme të komisionit, ligjin e komisioneve hetimore, kodin e procedurës penale dhe rregulloren e parlamentit.

Kryetari i këtij komisioni Edmond Spaho, shënon rekorde shkeljesh, nga ku më flagrantet mbeten:

– zhvillimi i mbledhjeve pa kuorumin e nevojshëm duke deklaruar se “mbledhjen mund ta zhvilloj edhe i vetëm”.

-mohimin i të drejtës së fjalës së anëtarëve për procedurë, fyerjet ndaj kolegëve e dëshmitarëve si “karagjoz’, “arrogante”, apo ajo ndaj kryeministrit Rama: “Nuk do të zhveshim…”.

-Nuk mungojnë as rastet kur Spaho kërcënon dëshmitarët me shprehjet: “Provo të largohesh!”

Shqiptarja.com  21.04.2017

Çmimet e naftës së papërpunuar shënuan rritje mëngjesin e ditës së sotme.

Treguesit referencë për naftën e papërpunuar amerikane, WTI, u rritën me 0.1 për qind dhe u tregtuan me 50.74 dollarë për fuçi.

WTI e mbylli këtë javë duke shënuar një humbje prej 4.6 për qind.

Treguesit referencë për naftën e papërpunuar europiane, Brent, u tregtuan me 53.00 dollarë për fuçi.

Brent e mbylli këtë javë duke shënuar një humbje prej 5.2 për qind, duke shënuar njëkohësisht performancën e tij më të keqe që prej 10 marsit.

Indeksi i çmimeve të arit ra me 0.1 për qind. Ai u tregtua me 1.279.87 dollarë për onz, ndërsa gjatë gjithë javës shënoi një rënie prej 0.4 për qind.

Revista Monitor,  21.04.2017

Kryetari i Bordit të AKP-së, Petrit Gashi, ka thënë se në fund të prillit do të prezantohet studimi i fizibilitetit për “Trepçën”, i cili është marrë nga GIZ-i gjerman dhe se ai është një potencial edhe më i madh sesa ishte menduar. Punë emergjente është zbatimi i Ligjit për “Trepçën”. “Trepça” ka minerale në vlerë 2 trilionë dollarë

Ligji për “Trepçën”, i miratuar në Kuvendin e Kosovës dhe i cili e nxjerr gjigantin ekonomik kosovar nga AKP-ja dhe ia kthen shtetit të Kosovës, ende nuk ka filluar të zbatohet në praktikë. Minatorët e “Trepçës” ia kanë përsëritur kërkesën Qeverisë së Kosovës që të fillojë zbatimi i ligjit dhe të krijojë kushte më të mira të punës. Halil Çela, ish-drejtor i “Trepçës”, aktualisht i ngarkuar në “Trepçë” për hulumtimin e resurseve minerare, ka thënë se nuk ka asnjë arsye që ligji të mos zbatohet.

“Pavarësisht se ligji ia ndërron pronësinë ‘Trepçës’, ajo vazhdon ende të menaxhohet nga AKP-ja. Është absurde sepse ligji është miratuar, ndërsa nuk zbatohet”, ka thënë Çela. Njëjtë thotë edhe drejtori i “Trepçës”, Ahmet Tmava, i cili siguron se vazhdimisht bën trysni tek Qeveria e Kosovës që të fillojë me zbatimin e ligjit, përkatësisht që ta formojë bordin mbikëqyrës dhe bordin menaxhues, pa të cilët ligji nuk mund të zbatohet.

Tmava ka shtuar se bordi mbikëqyrës mund të përbëhet edhe nga njerëz të politikës, por jo domosdoshmërish e siç duket pikërisht këtu ka ngecur puna pasi që edhe PDFK-ja e edhe LDK-ja, partner të koalicionit, janë duke u përpjekur t’i shtyjnë njerëzit e vet në bordin mbikëqyrës, i cili pastaj do ta zgjedhë edhe bordin menaxhues.

Zeri,  20.04.2017