info@energjia.al

Me vendim të Ministrisë së Tregtisë dhe Industrisë kompetencat për inspektimin e cilësisë së karburanteve të naftës iu bartën Doganës së Kosovës, me qëllim të rritjes së kontrollit në pikat doganore për naftën e importuar në Kosovë.

Për të diskutuar mbi dispozitat e Udhëzimit Administrativ për Cilësinë e Karburanteve të Naftës, Oda Ekonomike Amerikane në Kosovë organozi një diskutim me Drejtorin e Përgjithshëm të Doganës së Kosovës dhe kompanitë e shpërndarjes së naftës.

Drejtori i Përgjithshëm i Doganës, Bahri Berisha tha se bashkëpunimi i Doganës me sektorin privat është i një rëndësie të veçantë sidomos në aspekt të zbatimit të mirëfilltë të ligjit, zbatim i cili poashtu do të mundësohet përmes laboratorëve të sofistikuar me të cilët është pajisur Dogana dhe bashkëpunimit me institucionet ndërkombëtare.

Berisha theksoi se të gjitha kompanitë e shpërndarjes së naftës fillimisht duhet të jenë të pajisura me deklaratën e konformitetit dhe të cilësisë, 3% e të cilave do t’u nënshtrohen kontrollimit të cilësisë brenda ditës.

Kompanitë e shpërndarjes së naftës u njoftuan nga zyrtarë të Doganës mbi procedurat përkatëse për kontrollimin e cilësisë së naftës së importuar në Kosovë, duke shprehur nevojën edhe për një trajnim të veçantë i cili do t’iu lehtësojë kryerjen e këtyre procedurave dhe si rezultat zbatimin e mirëfilltë të ligjit.

Agjensia e lajmeve ekonomia,  13.04.2017

Në Tiranë u nënshkrua Memorandumi i Bashkëpunimit midis kompanisë shtetërore të gazit “Albgaz sh.a” e përfaqësuar nga administratori Z. Klodian Gradeci dhe kompanisë shtetërore greke të transmetimit të gazit natyror “DESFA”, e përfaqësuar nga Drejtori i Përgjithshëm Z.Nikas Sotirios.

Në vijim të angazhime të ndërmarra nga Operatori Shqiptar i Transmetimit të Gazit Natyror (Albgaz sh.a), në respektimin të marrëveshjeve të lidhura midis qeverisë shqiptare dhe TAP AG për mirëmbatjen e seksionit shqiptar të tubacionit të gazsjellësit, realizohet  nënshkrimi i Memorandumit midis dy kompanive.

Ky bashkëpunim është një hap shumë i rëndësishëm për kompaninë “Albgaz sh.a” dhe sektorin e Gazit Natyror në Shqipëri, pasi  i hap rrugën nënshkrimit të kontratës midis Albgaz sh.a dhe TAP AG për mirëmbajtjen dhe operimin e seksionit shqiptar të tubacionit, kontratë kjo që do të sjell të ardhura të sigurta kompanisë “Albgaz sh.a” në vitet e ardhshme dhe nga ku pritet të krijohen vende të reja pune.

Në fjalën e tij Z. Gradeci, administratori i “Albgaz sh.a” falenderoi homologun e tij Z.Sotiras për gadishmërinë dhe bashkëpunimin e ofruar.

Memorandumi i bashkëpunimit shpreh vullnetin dhe angazhimin e qartë të “Albgaz sh.a” dhe “DESFA” për të krijuar një partneritet në fushën e mirëmbajtjes dhe operimit të seksionit shqiptar të tubacionit të TAP AG nga ku kompania DESFA do të ofrojë ekspertizën e saj shumëvjeçare në këtë sektor dhe Albgaz do të trajnojë stafin e saj, në mënyrë që brenda një kohe të shkurtër të gjitha operacionet në seksionin shqiptar të TAP AG të kryhen nga kompania Albgaz sh.a.

energjia.al  13.04.2017

Policia arrestoi një 54-vjeçar i cili kontrabandonte naftë nga  Maqedonia. Ilir Kosturi nga Pogradeci u kap duke shitur një sasi prej 520 litrash naftë.

Arrestimi tij vjen pas kapjes së 8 personave, pjesë e një rrjeti kontrabande me naftë, të cilën e shisnin në Pogradec në mënyrë të paligjshme.

Policia bën me dije se operacioni “Porosia” u realizua me metoda speciale hetimi, filmimi dhe vëzhgimi.

Top Channel,  13.04.2017

Rritja e lehtë e çmimeve të naftës në tregjet ndërkombëtare gjatë sesionit të së Mërkurës, është reflektuar edhe në tregun vendas. Gjatë sesionit të sotëm, nafta me shumicë në dy portet e vendit shitet me146.58 lekë për litër, në rritje me 0.17%në krahasim me sesionin e kaluar.

Çmimi i pasqyruar është aktual dhe i referohet vetëm ditës së sotme. Luhatjet në çmimin e shumicës vijnë, përveç çmimit me të cilin kuotohet në bursë, edhe në bazë të kostove të transportit, cilësisë së produktit të zhdoganuar, kursit të këmbimit ndërmjet dollarit dhe lekut, si dhe barrës  shtetërore.

Këto të dhëna i referohen çmimit përfundimtar me të cilin nafta del nga dy portet e vendit, atë të Durrësit dhe atë të Vlorës, ku përfshihen edhe të gjitha kostot që janë të detyruara me ligj, përfshirë barrën shtetërore, që sot fiksohet në rreth91.6 lekë për litër.

Scan Tv,  13.04.2017

Çmimet e naftës janë regjistruar në luhatje minimale gjatë sesionit të sotëm, pavarësisht të dhënave që tregojnë një rënie të theksuar të prodhimit dhe rezervave në shtetet e bashkuara të Amerikës.

Tashmë ShBA-të dhe OPEC kanë ndërruar rolet, pasi është organizata e vendeve eksportuese që po pengon rritjen e çmimeve, pasi raporton një rritje të prodhimit.

Në çelje të sesionit të sotëm, nafta Brent e Londrës kuotohej pranë nivelit të 55.86 dollarëve për fuçi, ndërsa ajo bruto amerikane pranë 53.05 dollarëve për fuçi.

Gjithsesi, gjatë javës çmimet e naftës kanë qenë në rritje të vazhdueshme, si pasojë e të dhënave që flasin për një përpjekje të Arabisë Saudite për të shtyrë në kohë marrëveshjen e shkurtimit të prodhimit, përtej afatit të paracaktuar të qershorit.

Scna Tv,  13.04.2017

Në mbledhjen e sotme qeveria ka vendosur zgjatjen e afatit të Task Forcës për mbledhjen e detyrimeve të energjisë elektrike deri më 31 dhjetor 2017.

Në vendim theksohet që veprimtaria e Task-Forcës gjatë vitit 2016, ka dhënë ndikim të drejtpërdrejtë në rezultatet e mira të shoqërisë së shpërndarjes së energjisë elektrike, prandaj është zgjatur afati.

Ky projektvendim propozohet me qëllim zgjatjen e afatit kohor të funksionimit të Task-Forcës deri më 31 dhjetor 2017, duke marrë në konsideratë efektivitetin e punës prej saj, në kuadër të uljes së nivelit të humbjeve në rrjetin e shpërndarjes dhe rritjes së nivelit të arkëtimive të faturave të energjisë elektrike.

Veprimtaria e Task-Forcës, edhe gjatë vitit 2016, ka dhënë ndikim të drejtpërdrejtë në rezultatet e mira të shoqërisë së shpërndarjes së energjisë elektrike dhe në përmirësimin e gjendjes financiare e operacionale të të gjithë operatorëve të tregut të energjisë elektrike, duke qenë një mbështetëse e madhe e reformës energjetike” thuhet në vendim.

Shqiptarja.com  13.04.2017

Prej orës 10 të paradites gjysma e qytetit të Memaliajt ka mbetur pa energji elektrike.

Ky defekt ka ardhur pas një dëmtimi në linjën që furnizon me energji qytetin.

Pritet që defekti në linjë të zgjasë së paku deri nesër, duke bërë që qyteti të vijojë të mbetet pa energji elektrike.

Shqiptarja.com  13.04.2017

The agreement that changes the benefits of Albania from TAP pipeline was discussed at the parliamentary committee of production activities.

Secretary General of the Ministry of Energy and Industry Koli Bele gave details on the additional benefits that Albania benefits from the project.

Benefits can be grouped into three categories: benefits that stem from amendments to legislation with a fiscal impact, and as such these are benefits that would extend throughout the period when the TAP will function, therefore starting from this point in time and extending for the entire period; then, we have the benefits of a legal character, where the most tangible is connected with the fiscal stability, but even with the duration of the agreement; in addition to these, other important elements of this agreement are related to direct benefits to the community, which are direct payments to community projects. If we were to quantify these benefits, we can say that, in total, including a long-term effect of fiscal alleviation and changes with a fiscal impact, we reach a margin which is approximately $ 90 million,” Bele said.

The ministry representative explained that Albania is committed to maximize its benefits from this project.

This refers to the establishment of the necessary capacity for gasification and utilization of the gas industry in the country.

The company “Albgas”, established earlier this year, may be engaged in the maintenance of the TAP network in Albania, but this is a point that still needs to be discussed.

Scan Tv,  13.04.2017