info@energjia.al

Prodhimi i energjisë prej ujit, diellit dhe erës po tërheqin së fundmi shumë investitorë. Përveç HEC-eve shumë kërkesa janë drejtuar në Ministrinë e Energjetikes për ndërtimin e parqeve që do të prodhojnë energji të pastër nga dielli. Shqipëria si një vend 240-300 ditë diell në vit, nuk e ka të zhvilluar prodhimin e energjisë nga burimet e diellit.

Por Ministria e Energjetikes ka marrë ditët të e fundit një propozim nga kompanitë AGE” ALBANIAN GENERAL ELECTRICITY SH.A. dhe “A.E. Distribution” Sh.P.K.,  për të ndërtuar në një park fotovoltaik në zonën e Topojës në Bashkinë Fier me vlerë investimi 2 milionë euro.

Bashkimi i përkohshëm i Shoqërive ka shprehur interesin dhe kanë paraqitur pranë Ministrisë, aplikimin për ndërtimin e një parku fotovoltaik për prodhimin e energjisë nga burime të rinovueshme, me kapacitet 1.750 MW, që do të shtrihet në një sipërfaqe 2.3 hektarë në zonë  e Topojës.

Sipas përcaktimeve ligjore Ministria e energjetikes për 15 ditë jep ok për zhvillimin e projektit. Më herët pranë Ministrisë së Energjetikes janë bërë disa aplikime për ndërtimin e parqeve diellore.

Në gusht të vitit 2016 shoqëria “Novoselë Photovoltaic PowerPlant” i  ka kërkuar një autorizim paraprak Ministrisë së Energjisë për të ndërtuar një park fotovoltaik që synon prodhimin e energjisë elektrike nga rrezet diellore. Sipas projektit që kompania ka dorëzuar, synohet të prodhohen 50 MW energji për të cilat është planifikuar një vlerë investimi prej 72 milionë eurosh.

Parku është planifikuar të ndërtohet në zonën e Novoselës në Vlorë, por ndërtimi i tij, sipas burimeve nga Ministria e Energjetikës, do të kalojë në një procedurë të ndryshme nga ai i koncesioneve të HEC-eve.

Po  në gushtë të 2016 Kompania “Sun&WindEnergyCorporation” aplikoi në Ministrinë e Energjetikës ër ndërtimin e dy parqeve të prodhimit të energjisë nga era dhe dielli me vlerë totale 45 milionë euro në zonën e Pilurit në Bashkinë e Himarës.

Nga të dhënat e aplikimit shihet se projekti i i parë ka të bëjë me ndërtimin e një parku ekolik në zonën në juglindore të zonës së Pilurit të Bashkisë së Himarës, respektivisht në tri parcela.

Parcela e parë është projektuar të shtrihet në një sipërfaqe 123.9 ha; parcela e dytë në një sipërfaqe 910.2 hektarë dhe parcela e tretë në 1034.1 hektarë.

Kapaciteti i instaluar do të jetë 30 MW dhe është parashikuar të implementohet në tri faza, të ndara sipas fuqisë. Faza e parë 6 MW (2018‐2022); faza e dytë 6 MW (2022‐2026) dhe faza e tretë 18 MW (2026‐2030).

“Sun&Wind Energy Corporation” parashikon një vlerë investimi rreth 27 milionë euro.

Revista Monitor,  07.04.2017

Çmimet e naftës shënuan një rënie mëngjesin e ditës së sotme, e cila erdhi kryesisht pas rritjes surprizë të inventarëve të naftës së papërpunuar nga qeveria amerikane në nivele rekord.

Treguesit referencë për naftën e papërpunuar amerikane, WTI, ranë me 29 cent dhe u tregtuan me 50.86 dollarë ëpr fuçi.

Treguesit referencë për naftën e papërpunuar europiane, Brent, ranë me 27 cent dhe u tregtuan me 54.09 dollarë për fuçi.

Revista Monitor,  07.04.2017

State oil company Albpetrol announced that it has issued an invitation for express of interest regarding the blocks that were taken over in January this year by the company TransAtlantic Albania.

The blocks in question are Gorisht-Kocul oilfield and Cakran Mollaj oilfield.

The list also contains the free search blocks in the Adriatic Sea and the blocks mentioned are oilfields 2.3 and 4.

All interested investors must submit their applications at Albpetrol and the deadline for submission of this application is the date May 2, 2017.

Each application will be submitted in turn to the Ministry of Energy and Industry will be submitted to Albpetrol and a bid assessment will be made within 10 days.

“Any party interested in entering into a Petroleum Agreement with Albpetrol JSC for the abovementioned blocks and/or oilfields must file and officially submit via mail the Application Form and all the corresponding documents as specified in the Application Form,” writes the announcement.

The application should be separate for each of the blocks and not in group.

Earlier the Ministry of Energy and Industry announced that it would pursue a different policy regarding the oilfields.

Any interested investor may submit a request, while during the last three years the practice has been different, namely, NANR used to make announcements for individual oilfields.

Scan Tv,  07.04.2017

Italia, Izraeli, Greqia dhe Qipro u angazhuan sot të çojnë përpara projektin e tyre të gazjellësit nëndetar, që do të jetë më i gjati në botë duke lidhur Mesdheun lindor në jug të Evropës, me mbështetje të Bashkimit Evropian.

Është parashikuar që gazjellësi me një kosto prej 6,2 miliardë dollarësh (5,8 miliardë euro) të drejtojë gazin e zbuluar së fundi në brigjet qipriote dhe izraelite në Evropë duke reduktuar gjithashtu varësinë e kontinentit ndaj energjisë ruse.

Ministrat e Energjisë së katër vendeve, si dhe komisioneri evropian për veprim mbi klimën dhe energjinë, Miguel Arias Canete, rikonfirmuan vendosmërinë e tyre për projektin gjatë një konference të përbashkët në Tel-Aviv.

“Studimet për fizibilitetin kanë përfunduar, por zhvillimi i projektit nuk do të fillojë dhe për disa vite dhe gazsjellësi do të jetë operacional vetëm në 2025”, theksuan ministrat.

“Ky do të jetë gazjellësi nëndetar më i gjatë dhe më i thellë në botë”, deklaroi ministri izraelit i Energjisë, Yuval Steinitz.

Gazeta Dita,  07.04.2017

Telashet për gazsjellësin trans-adriatik në Itali duket se nuk kanë të sosur. Pasi u duk se çdo gjë mori fund pas vendimit të Këshillit të Shtetit, tashmë ka ndërhyrë gjykata administrative e Lazios, duke pezulluar punën në kantier, të paktën deri në datën 18 prill kur do të mbahet seanca e radhës.

Gjykata ka vendosur të marrë parasysh kërkesës e rajonit të Puglias, se punimet në zonë mund të gjenerojnë një dëm të parikuperueshëm. Rreth 211 rrënjë ullinj janë kthyer në mollën e sherrit, dhe gjatë javëve të fundit ka pasur përplasje të shumta me forcat policore që kanë shkuar deri në përdorimin e dhunës.

Jo vetëm banorët kundërshtojnë shpërnguljen e ullinjve por edhe protestues të tjerë, të cilët pretendojnë se gazsjellësi do të sjellë dëme ambientale. Plot 94 kryetarë komunash i kanë bërë apel edhe presidentit të republikës duke shpresuar se punimet do të pezullohen.

Ndërkohë, protestuesit kanë vendosur të bllokojnë disa segmente rrugore në mënyrë që ta bëjnë të pamundur për kamionët që të shkojnë në kantier. Gazsjellësi trans-adriatik, më shumë se 800 kilometra i gjatë, do të përfundojë pikërisht në rajonin e Puglias, dhe pavarësisht se bëhet fjalë për vetëm 8 kilometra gazsjellës në fund të rrugëtimit, situata është komplikuar së tepërmi.

Por, nga ana tjetër, gazsjellësi duket se ka mbështetjen e plotë të qeverisë italiane. Ministri italian i ekonomisë, Carlo Calenda, deklaroi se projekti është një prioritet për qeverinë.

“Qeveria italiane beson se, implementimi i TAP është mjaft i rëndësishëm, dhe se duhet siguruar që të mos ketë asnjë shtysë në ketë proces”-deklaroi ai.

Scan Tv,  07.04.2017

Në radhët e gjata pranë pikave ku kryen pagesat e energjisë elektrike në Greqi, gjen tashmë çdo ditë e më shumë qytetarë që duan të paguajnë me këste për arsye të pamundësisë ekonomike.

Sipas satistikave të fundit, 40% e grekëve nuk mund të paguajnë energjinë elektrike dhe vonojnë pagesat, pasi janë gjunjëzuar nga kriza. Lajmi tashmë publikohet edhe në mediet e huaja, me titullin “Shekulli i errësirës së Greqisë”.

“Siç e shihni, kemi vënë disa llamba me të cilat gati po verbohemi, pesë vatëshe ose dy vatëshe. Ndezim dushin vetëm 5 minuta sa të vaket uji, në mënyrë që të mos rritet llogaria e energjisë”, tha Kostas Argyros.

Më shumë se 625 mijë persona apo subjekte që nuk kanë shlyer llogarinë me vlerë prej 1.3 mld eurosh kanë përfituar nga lehtësimi që ka krijuar kompania shtetërore e energjisë, për të paguar me këste detyrimet, ndërsa mijëra të tjerë presin të përfitojnë, por tashmë shuma totale që grekët i detyrohen këtij shërbimi shkon në 2.6 mld euro.

“Shuma e pagesës që dua të bëj me këste është e papërfillshme, flasim vetëm për 319 euro. Por një familje në këtë gjendje bën përpjekje të mbijetojë. Këstet do të më ndihmonin shumë, por fatkeqësisht nuk më pranuan”, tha Konstandinos Sarafis, pensionist.

Një fenomen gjithnjë në rritje është tashmë edhe vjedhja e energjisë, sidomos në lagjet e varfëra. Një nga mënyrat, sipas përfaqësuesve të kompanisë, është ajo me magnet, e cila ngadalëson matësit e energjisë.

Nga 4.470 raste të konstatuara në vitin 2012 , vjet janë regjistruar 10.600 të tilla dhe kjo humbje përllogaritet në 500-600 mln euro në vit. Pothuajse çdo javë ka protesta nga qytetarë që nuk paguajnë, ose që vonojnë pagesat, shumica e të cilëve janë nga familjet e pensionistëve që kanë vuajtur 13 herë reduktime të pensioneve në 7 vitet e fundit, si dhe të të papunëve që tashmë janë 23.3% e popullsisë aktive në vend.

Revista Monitor,  07.04.2017

Kontrabandonin naftë nga shteti maqedonas dhe më pas e shisnin në Pogradec në mënyrë të paligjshme, arrestohen tetë persona.

Policia ka finalizuar me sukses operacionin policor i koduar “Diezel”. Të arrestuarit akuzohen për veprat penale “Kontrabanda me mallra që paguhet akcizë” dhe “Ruajtja dhe Depozitimi i mallrave Kontrabandë”.

Drejtoria Vendore e Policise Korçë, Sektori Kundër Krimit Ekonomik-Financiar, Prokuroria e Rrethit Gjyqësor Pogradec në bashkëpunim me Drejtorinë Vendore të Kufirit dhe Migracionit Korçë, në kuadër të procedimit penal nr 402 të vitit 2016 të Prokurorisë së Rrethit Gjyqësor Pogradec, finalizuan operacionin ku u bë kapja dhe arrestimi në flagrancë i shtetasve:

1. Vasil Bardhi, 50 vjeç, banues në fshatin Grabovicë–Pogradec

2. Rexhep Elmasllari, 60 vjeç, banues në fshatin Mëmëlisht-Pogradec

3. Enrik Muçollari, 31 vjeç, banues në fshatin Vërdovë–Pogradec

4. Alban Seitllari, 35 vjeç, banues në fshatin Gështenjas–Pogradec

5. Mihal Qazollari, 54 vjeç, banues në Pogradec

6. Eneris Elmasllari, 26 vjeç, banues në fshatin Nizhavec-Pogradec

7. Krenar Hoxha, 32 vjeç, banues në Pogradec

8. Marsel Ymer, 30 vjeç, banues në fshatin Goskovë e Poshtme-Korçë.

Arrestimi i tyre u bë pasi, në bazë të një hetimi disa mujor, të filluar në muajin Tetor 2016, rezulton se këta persona në mjetet e tyre kanë modifikuar depozitat e naftës duke i shtuar depozitë tjetër për të marrë sasi nafte më të madhe në shtetin Maqedonas, e cila më pas shitej prej tyre, në tregun vendas në mënyrë joligjore.

Nga hetimet e zhvilluara është bërë e mundur që në faza të ndryshme të hetimit të faktohet edhe vend depozitimi i sasisë së naftës së futur kontrabandë, në dy ambiente të ndodhura në fshatin Mëmëlisht dhe në fshatin Grabovicë.

Pas verifikimit të mjeteve dhe personave, si dhe ambienteve të cilat përdoreshin për depozitimin e naftës kontrabandë, më datë 05.04.2017 u bë e mundur kapja dhe arrestimi në flagrancë i këtyre shtetasve .

Gjithashtu janë sekuestruar në cilësinë e provës materiale 6 automjete që përdoreshin nga këta të fundit për të futur naftë kontrabandë, si dhe një sasi rreth 1500 litra naftë e ndodhur nëpër bidona plastikë e cila është futur kontrabandë nëpërmjet Pikës së Kalimit Kufitar të Qafë-Thanës.

Materialet për hetime të mëtejshme i kaluan Prokurorisë të Rrethit Gjyqësor Pogradec për veprat penale: “Kontrabanda me mallra që paguhet akcizë”; “Ruajtja dhe Depozitimi i mallrave Kontrabandë” parashikuar nga nenet 172 dhe 179 të Kodit Penal.

Shqiptarja.com  06.04.2017