OPEC nxit çmimet

Çmimet e naftës u regjistruan në rritje gjatë sesionit të dytë të javës duke marrë shtysë nga deklaratat e OPEC për një shtyrje në kohë të marrëveshjes për shkurtimin e prodhimit.

Edhe të dhënat që flasin për një rritje të kërkesës globale për arin e zi i kanë dhënë një shtysë çmimeve gjatë sesionit të së martës. Në orët e para të sesionit të sotëm tregtar, Nafta Brent e Londrës kuotohej pranë nivelit të 51.97 dollarëve për fuçi, ndërsa ajo bruto amerikane pranë 48.50 dollarëve për fuçi.

Organizata e vendeve eksportuese të naftës së bashku me prodhues të tjerë, përfshirë Rusinë janë dakordësuar të shkurtojnë prodhimin me 1.8 milionë fuçi në ditë gjatë periudhës janar-qershor.

Por deri tani, kjo marrëveshje nuk ka dhënë efektet e dëshiruara. Për këtë arsye vendet anëtare të organizatës po mendojnë të shtyjnë paktin përtej qershorit.

Scan Tv,  21.03.2017