Çmimet e naftës, java e nis me rritje
Çmimet e naftës u regjistruan në rritje gjatë sesionit të parë të kësaj jave, pavarësisht të dhënave të fundit që flasin për një rritje të rezervave dhe aktivitetit të shpim-kërkimit në shtetet e bashkuara të Amerikës.
Në çelje të sesionit të sotëm, nafta Brent e Londrës kuotohej pranë nivelit të 56.04 dollarëve për fuçi, ndërsa ajo bruto amerikane pranë 53.59 dollarëve për fuçi.
Në shtetet e bashkuara, kompanitë që operojnë në sektor kanë rritur numrin e puseve aktive të naftës për të pestën javë me radhë, çka sinjalizon se lufta e tregut do të vijojë të bëhet edhe më e ashpër.
Përgjatë vitit aktual, prodhimi amerikan i naftës projektohet të rritet me 130mijë fuçi në ditë, në krahasim me vitin e kaluar. Vendet e OPEC ndërkohë vijojnë të aplikojnë strategjinë e shkurtimit të prodhimit.
Scan Tv, 20.02.2017