info@energjia.al

Sipas, një vlerësimi të fundit të Agjencisë Evropiane të Mjedisit (EEA), shtimi i përdorimit të makinave elektrike në Europë, do të sjell në mënyrë të konsiderueshme reduktimin e emetimeve të gazeve serë.

Sipas Hans Bruyninckx, Drejtor Ekzekutiv i Agjencisë Europiane të Mjedisit: “Automjetet elektrike, që vihen në lëvizje nga burimet e rinovueshme të energjisë mund të luajnë një rol ndërmjetës në planet e BE-së për të lëvizur drejt një sistemi të gjelbër, transporti të qëndrueshëm dhe në përmbushjen e qëllimit të saj për të reduktuar emetimet e gazit nga 80-95 përqind deri në vitin 2050. Megjithatë, automjetet elektrike, nuk do të jenë të mjaftueshme për të sjellë një ekonomi me karbon të ulët”.

Informimi mbi përdorimin e makinave elektrike, synon evidentimin e ndikimit të skenarëve të ndryshëm që marrin parasysh rritjen e përdorimit të makinave elektrike dhe efektin e tyre në sistemin energjetik të Bashkimit Evropian si dhe në emetimet e gazeve serë e të ndotësve të tjerë të ajrit.

Disa skenarë janë hulumtuar, duke përfshirë edhe një model ku makinat elektrike do të jenë në masën 80 përqind deri në vitin 2050. Nevoja për përdorim edhe më të gjerë do të jetë e nevojshme, nëse sektorët e tjerë si: industria apo familjet nuk do të marin masat e duhura, në përmirësimet e planifikuara të efiçiencës së energjisë.

Automjetet elektrike do të reduktonjë ndjeshëm emetimet e përgjithshme të disa ndotësve të ajrit si oksidet e azotit (NOx) dhe grimcat (PM).

Ekolëvizja,  02.10.2016

The Trans Adriatic Pipeline (TAP) AG marked the start of pipeline construction in Albania. The occasion was marked by an inauguration ceremony near the town of Fier, attended by the Prime Minister of Albania, Edi Rama, Minister of Energy and Industry, Damian Gjiknuri, and TAP Managing Director, Ian Bradshaw.

Speaking to an audience that included representatives of the local authorities and other key stakeholders, Prime Minister Rama and Energy Minister Gjiknuri emphasised the importance of the project to Albania. As one of the largest foreign investments in the country, TAP will have a positive impact on the country’s energy sector and will help encourage other foreign investments, they said.

TAP Managing Director Ian Bradshaw said: “I am delighted to be standing here today. TAP has made huge progress over these last few years and the evidence is what you see here today: steel pipes on the ground, heavy machinery in the background, right of way being cleared and trenches dug waiting for pipe to be laid. All this, with many hundreds of thousands of safe hours worked.

I would like to take this opportunity to thank the Albanian Government, in particular the Ministry of Energy and Industry for its unwavering support of our project and our strong cooperation, which has led to TAP’s realisation and delivery of this project.”

In Albania, TAP’s construction progress to date includes:

  • 23km of Right of Way (RoW) cleared
  • 12km pipe strung
  • 8km of pipe welded
  • 56% of pipes delivered – Line pipes & bends continue to arrive in Durrës (since April 2016)
  • Over 94% of access roads & bridges (combined progress) are complete; approx. 90% of the workforce from Albania

TAP continues to be an active player in Albania, particularly in the regions where the project operates. Social investment projects are planned and executed with the participation and in close cooperation with the local community representatives.

energjia.al  03.10.2016

Në një kohë kur investitorët nuk dinë çfarë pozicioni të hapin mbi naftën dhe vetëm spekulimet po japin konkluzione mbi çmimet, një sondazh i Reuters tregon se prodhimi i naftës nga OPEC, ka gjasa të ketë arritur nivelin më të lartë në histori gjatë muajit shtator.

Iraku ka shtuar eksportet drejt veriut ndërsa Libia ka rihapur disa prej terminaleve kryesorë. Kjo rritje vjen pavarësisht prodhimit më të ulët nga eksportuesi kryesor Arabia Saudite, dhe marrëveshjes së kësaj jave nga OPEC për të limituar ofertën, që është marrëveshja e parë në 8 vite.

Oferta nga OPEC është rritur në 33.6 milionë fuçi në ditë në muajin Shtator, nga 33.53 milionë që ishte në gusht, tregon një sondazh bazuar në të dhënat e transportit dhe informacioneve nga burimet e industrisë.

Rritja e outputit mund ti bashkohet skepticizmit mbi aftësinë e Organizatës për të vendosur objektivin e ri të prodhimit në rreth 32.5 milionë fuçi në ditë, një detyrë që ministrat e lanë për takimin e nëntorit.

Nafta u rrit ndjeshëm, nga 45 dollarë për fuçi që ishte përpara takimit informal, në rreth 49 dollarë, duke u kufizuar ditën e premte te 48 dollarëshi. Sipas analistëve, kjo marrëveshje do të hasë vështirësi në negociatat e vendeve individuale, dhe pavarësisht arritjes së Organizatës, nafta nuk kaloi dot sipër 50 dollarëshit.

Telegrafi,  03.10.2016

Më shumë se 20 punëtorë të KEDS-it të larguar nga puna ditë më parë, kanë mbyllur sot në mëngjes dyert kryesore të KEDS-it në Distriktin e Mitrovicës, duke pamundësuar kështu punën në këtë distrikt.

Ata kanë protestuar kundër largimit nga puna të 21 punëtorëve nga ky distrikt, duke paralajmëruar masa edhe më radikale nëse problemi i tyre nuk zgjidhet shpejtë.

Abdullah Veseli, kryetari i Shoqatës së Sindikatës së Punëtorëve për rajonin e Mitrovicës, ka bërë të ditur për KosovaPress, se gjithsej 21 punëtorë janë larguar nga puna prej këtij distrikti.

Sipas tij, nëse nuk zgjidhet problemi I këtyre punëtorëve, ata do të dalin në rrugë për të protestuar dhe do të hynë në grevë.

“Kjo revoltë e punëtorëve po ndodhë për shkak të largimit të punëtorëve nga puna të cilën e ka bërë menaxhmenti pa kurrfarë kriteresh, të cilët shpallin Departamente të palicencuara dhe pastaj i shuan ato duke i larguar punëtorët nga puna. Në Mitrovicë kemi 21 punëtorë të larguar nga puna, të cilët kanë kryer punën me sukses dhe janë shumë të suksesshëm në punë dhe kurrë nuk kanë pasur shkelje të detyrave të punës…Andaj, kërkoj nga menaxhmenti i KEDS-it që të eliminojë këtë trend dhe t’i kthej punëtorët në punë. Ndryshe, ne do të revoltohemi dhe do të marrim masa më radikale sesa sot…Do të dalim edhe në rrugë, do të protestojmë, do të hymë edhe në grevë…Të gjithë këta punëtorë të cilët janë larguar nga puna janë me kontrata të përhershme”, ka thënë Veseli.

Musa Nimani, njëri nga punëtorët e larguar, tha se punon qe 29 vite, ndërsa tani nuk di se si do ta mbaj familjen e tij 6 anëtarëshe dhe t’i shkollojë fëmijët.

“Punoj prej vitit 1987 deri në masat e dhunshme të përgjithshme.. Në gusht të viti 99 jam kthyer në vendin e punës, kështu që sot jemi të larguar nga puna me vendim të prerë…Më datë 29.09 na kanë lajmëruar me shku në burime njerëzore. Kemi shku, na kanë thënë se ky shërbim nuk ka ekzistu…Krejt kolegët që jemi sot, janë që kanë punuar prej viteve 80-ta…Jemi gjashtë anëtarë të familjes, familja nuk e din, ata mendojnë se unë kam ardhur sot në punë, ndërsa sot djalin e kam nisur në fakultet, është student i vitit të dytë…Nuk e di më prej sotit a e kam mundësinë me i thënë me vazhdu shkollën, apo mundësia ime ka me qenë me i thënë biletën Vinarc-Mitrovicë, Mitrovicë-Prishtinë, katër bileta, dhe nëse ka ligjërata dy herë në ditë, ai duhet me pas edhe për një byrek me hongër, unë s’kam me pas mundësi me ia ofru me vazhdu vitin e dytë”, theksoi Nimani.

Në anën tjetër, Edmond Osmani, njëri nga udhëheqësit e KEDS-it të Distriktit në Mitrovicë, nuk ka pranuar të prononcohet për KosovaPress, duke thënë se nuk ka të drejtë të flas për media.

Telegrafi,  03.10.2016

Kryeparlamentari Kadri Veseli dhe ministri i Zhvillimit Ekonomik, Blerand Stavileci e kane vizituar minierën e Trepçës, ku së bashku me udhëheqësit kanë shkuar 800 metra nën tokë.

Veseli nga atje tha se deri në fund të javës tjetër do të finalizohet Ligji për Trepçën, i cili nuk e lejon likuidimin e gjigantit ekonomik.

“Ligji do të finalizohet brenda javës tjetër, do ta dërgojmë në Qeveri dhe pastaj do ta qesim për votim në Kuvend. Unë besoj se shumica e deputetëve do të votojnë pro këtij ligji”, tha Veseli.

Nëse deri më 2 nëntor nuk miratohet Ligji për Trepçën nga Kuvendi i Kosovës, gjiganti ekonomik shkon në likuidim, sipas vendimit të Dhomës së Veçantë të Gjykatës Supreme.

Deri te ky vendim që e rrezikon Trepçën ka ardhë pas mosfunksionalizimit të bordit të Agjencisë Kosovare të Privatizimit, procedurave të prokurimit, dhe pasi që AKP-ja ka dështuar ta bëjë me kohë studimin e fizibilitetit.

Qeveria e Kuvendi i kanë edhe rreth një muaj për ta ndryshuar statusin e Trepçës, përmes një ligji të veçantë, njofton Klan Kosova.

Ndërsa Kryeministri Isa Mustafa, gjatë seancës të së enjtes ka thënë se Ligji për Trepçën është përgatitë dhe se ky gjigant nuk do të rrezikohet nga likuidimi.

Mustafa tha se brenda javës ose në një afat prej 10 ditësh Ligji do të shkojë në Kuvend.

Ai premtoi se Trepça nuk do të shkojë në likuidim dhe se Ligji do të jetë në fuqi deri më 2 nëntor.

Ndërsa Veseli e Stavileci gjithashtu kanë njoftuar edhe për iniciativën përmes të cilës do të përfitojnë punëtorët e veriut që do të punojnë në pjesën e Trepçës në jug se do ta kenë nga një pagë ekstra.

Telegrafi,  02.10.2016

Një shtyllë tensioni është rrëzuar në mes të rrugës duke bllokuar kalimin e mjeteve. Mësohet se një kamion i tonazhit të rëndë ka prekur telat e energjisë dhe për pasojë ka rrëzuar në tokë shtyllën.

Pamjet kanë mbërritur në “Ti Raporton” në Top Channel dhe mësohet se ngjarja ka ndodhur paraditen e kësaj të hëne në zonën e Unazës së Re, ku është bllokuar kalimi i mjeteve. Kjo pjesë rruge është mjaft e frekuentuar për shkak se lidh unazën e re me rrugët dytësore të Kasharit, ku ndodhen një numër i madh biznesesh.

Top Channel,  03.10.2016

Trans Adriatic Pipeline (TAP) AG shënoi fillimin e ndërtimit të pjesës tokësore të gazsjellësit në Shqipëri me shtrimin e tubacioneve. Kjo ngjarje u shënua nga një ceremoni në afërsi të qytetit të Fierit, ku morën pjesë Kryeministri i Shqipërisë Edi Rama, Ministri i Energjisë dhe Industrisë Damian Gjiknuri, dhe Drejtori Menaxhues i TAP-it Ian Bradshaw.

Drejtori Menaxhues i TAP-it Ian Bradshaw tha: “Jam me të vërtetë i gëzuar që sot jam këtu me ju. TAP-i ka bërë një progres shumë të madh gjatë këtyre pak viteve të fundit dhe këtë e tregon qartë ajo çka mund të shihni sot këtu: tuba çeliku në tokë, makineri të rënda në sfond, pastrimin e korridorit të kalimit dhe kanalet që po hapen për shtrirjen e tubave. E gjithë kjo është në sajë të qindrave dhe mijërave orëve të punës të sigurtë. Dëshiroj të përfitoj nga rasti të falënderoj Qeverinë e Shqipërisë, veçanërisht Ministrinë e Energjisë dhe Industrisë për mbështetjen e saj të palëkundur për projektin tonë dhe për bashkëpunimin e ngushtë, që ka hapur rrugën për realizimin e TAP-it dhe dorëzimin e projektit”.

Në Shqipëri progresi i deritanishëm i ndërtimit të TAP-t përfshin 23 km Korridore Kalimi të pastruara; 12 km tuba të lidhur; 8 km tuba të salduar ndërsa 56 % e tubave janë dorëzuar – Tuba linje & bërryla vazhdojnë të mbërrijnë në Durrës (që prej prillit të vitit 2016).

Më shumë se 92% e rrugëve ndihmëse dhe urave (progres i kombinuar) janë përfunduar; rreth 90% e fuqisë punëtore janë shqiptarë.

TAP-i vazhdon të jetë një aktor aktiv në Shqipëri, veçanërisht në rajonet ku projekti vepron. Projektet e investimeve sociale janë planifikuar dhe zbatuar me pjesëmarrjen dhe bashkëpunimin e ngushtë të përfaqësuesve të komuniteteve vendore.
Fjala e Ministrit Gjiknuri në ceremoninë e nisjes së shtrimit të tubacioneve të gazsjellësit TAP

I nderuar z.Kryeministër,

I nderuar z.Bradshaw,

Të nderuar pjesëmarrës,

Sot është një ditë jashtëzakonisht e rëndësishme, e një guri të ri kilometrik në ndërtimin e kësaj vepre të madhe. E them gur i rëndësishëm kilometrik sepse në Shqipëri sapo fillon shtrimi i tubacioneve të projektit të gazsjellësit TAP dhe ky po bëhet gjithnjë e më konkret. Nga një ëndërr dhe një diskutim që shumë njerëz e mendonin vite më parë si të vështirë për tu realizuar, sot jo vetëm ne por e gjithë Evropa po e sheh që po përparon.

Ne si shqiptar kuptohet se jemi të kënaqur por dhe krenar për bashkëpunimin e deritanishëm me kompaninë TAP për këtë projekt kompleks ku secila palë mëson. Mbi të gjitha, për autoritetet shqiptare ka qenë një shkollë më vete menaxhimi i këtij projekti kaq kompleks. Kjo si përsa i përket aspekteve të pronësisë, marrëdhënieve me komunitetin, aspektet e lejeve dhe shumë procese të tjera të një megaprojekti të tillë si gazsjellësi TAP.

Kuptohet, jo gjithçka ka qenë në muaj mjalti dhe shpeshherë kemi negociuar me kompaninë TAP për të marrë më të mirat e mundshme për interesin e këtij vendi, siç është përfshirja e sa më shumë kontraktorëve lokalë për tu bërë pjesë e këtij projekti. Jam i gëzuar që shoh e mësoj se të paktën vitet e fundit, një pjesë e kompanive shqiptare kanë nisur të bëhen pjesë e këtij projekti, duke marrë punë konkrete. Patjetër, kjo ka sjellë edhe përfitime konkrete për ekonomitë familjare. Siç u tha dhe këtu, janë mbi 1700 persona të cilët janë të punësuar direkt në projekt dhe përgjithësisht marrin edhe paga relativisht të mira duke patur ndikim në ekonomi.

Nuk dua të lë pa përmendur edhe disa element që ne jemi duke i adresuar me kompaninë TAP. Është e pranuar tashmë se Shqipëria ka patur disa kushte jo shumë të favorshme krahasuar me Greqinë. Unë dua të falenderoj kompaninë e cila sëbashku me Ministrinë e Energjisë është përfshirë në një proces intensive negocimi, të cilin jemi duke e përfunduar, për të sjellë në një balancë të plotë përfitimet e Shqipërisë siç i ka marrë edhe Greqia. Kjo do të jetë shumë më mirë për të dyja palët por mbi të gjitha për vet qëndrueshmërinë e projektit pasi qëndrueshmëria e projektit ka të bëjë edhe me drejtësinë, se si të ndjehen të gjitha vendet se kanë përfituar njësoj.

Patjetër që projekti është strategjik. Bashkimi Evropian, Shtetet e Bashkuara dhe të gjithë e kanë inkurajuar Korridorin Jugor të Gazit. Ka atë rëndësinë që unë dua ta përsëris, sepse është alternativa më e re dhe më e rëndësishme që mund të konkurojë rrugët tradicionale të furnizimit të gazit nga Rusia sepse ajo dihet se është furnizuesja tradicionale e Bashkimit Evropian.

Rëndësia e këtij projekti është e jashtëzakonshme dhe nga ana tjetër ne na e kanë dhënë mundësinë që si Shqipëri të përfitojmë nga gazi. Njëkohësisht të marrim masat që në këtë kohë për të përgatitur të gjithë infrastrukturën e nevojshme për përfitimet e gazit. E tillë është së pari legjislacioni, së dyti ngritja e kompanisë së veçantë për gazin. Në dy muajt e ardhshëm ne do të kemi një kompani tonën të gazit e cila do të ketë mbështetjen e TAP-it dhe madje edhe kontratat e para të cilat do të jenë në shërbim. Kjo do të jetë një njohuri tjetër që transferohet tek kompanitë shqiptare dhe do të shërbejë si shtylla kryesore për ndërtimin edhe të rrjetit të gazit në Shqipëri.

Interesi është rritur nga shumë kompani të huaja. Ka shumë kompani të huaja që po e shikojnë me interes zhvillimin e sektorit të gazit në Shqipëri. Kemi siguruar financimin jo vetëm nga TAP por edhe nga qeveria zvicerane për ndërtimin e gjitha kapaciteteve të nevojshme njerëzore dhe institucionale për ngritjen e sektorit të gazit. Të gjitha këto zhvillime kanë krijuar një zinxhir vlerash të cilat do të kthehen në përfitim për Shqipërinë. Do ta kthejnë vendin në një nyje të vogël rajonale përsa i përket gazit. Edhe me degëzimin e projektit Jonian-Adriatik (IAP) e kemi këtë mundësi dhe gazi do të japë mundësinë të futet edhe në portofolin energjitik, përfshirë edhe prodhimin e energjisë elektrike por sidomos edhe ndikimin pozitiv për zonën e Fierit. Në zonën e Fierit ka shumë industry të lidhura me gazin dhe jam i bindur se këto industri do të zhvillohen më shumë kur gazi të jetë i vlefshëm.

Ky është fillimi i diçkaje të madhe dhe ne jemi të gjithë dëshmitarë të asaj që po ndodh. Dua tu uroj sukses dhe shpresoj që ky projekt të sjellë të mira jo vetëm për rajonin por Bashkimi Evropian si përfituesi më i madh duhet ti kushtojë më shumë vëmendje Evropës Juglindore duke investuar për ndërlidhjen e rajonit. Siguria e këtij rajoni do ti flejë edhe sigurisë evropiane dhe për këtë jam i bindur. Ky projekt është një tullë shumë e rëndësishme në këtë infrastrukturë të sigurisë.

Faleminderit

energjia.al  03.10.2016