OSHEE, shërbimi call center 24 orë

Në muajin shkurt 2015, OSHEE riktheu në funksion qendrën e ofrimit të shërbimeve në distancë, përmes sistemit call center. Fluksi pagesave të faturave energjisë elektrike, trajtimi kërkesë/ankesave, si dhe procesi i lidhjes së aktmarrëveshjeve kishin shtuar radhët në sportele.

OSHEE, ju përgjigj duke marrë një sërë masash, ndër to, rilidhjen e sistemit, trajnimin e punonjësve dhe vendosjen e tyre në gatishmëri me tre turne, 24 orë, si dhe vendosjen e numrit unik në të gjithë vendin 04 277 4141 (gjithashtu, funksiojnë edhe numrat dispecer, të ndara sipas rajoneve)

Kur po mbyllet një vit nga ofrimi i këtij shërbimi, OSHEE konstaton me kënaqësi se numri i përdorusve të marrjes së informacionit dhe zgjidhjes së problemit përmes sistemit call center është gati dyfishuar.

Z.Florenc Rama, përgjegjësi i Sektorit për Qëndrat e Kujdesit ndaj Klientit (KNK), shpjegon më me detaj funksionet e kësaj qendre, për çfarë shërben dhe cilat janë avantazhet e përdorimit të call center, rrjet i cili shumë shpejt do të zgjerohet.

“Ky numër telefoni shërben jo vetëm për të njoftuar operatorin në lidhje me defektet/mungesën e energjisë elektrike në zonën ku banon, por edhe për të marrë informacione të nevojshme. Me anë të këtij numri mund të udhëzohen për kryer një ankesë në qendrat e KNK-ve, apo të interesohen për të mësuar statusin e ankesës apo kërkesës që kanë paraqitur.

Përmes kësaj qendre informimi në distancë, abonentën mund të njihen me statusin e kontratës së tyre, mund të pajisen më një password dhe username për të parë faturën online, për ta printuar ose paguar direct, etj, pra ka shumë avantazhe.

Call center është menduar të funksionojë edhe për kthimin e përgjigjes po nëpërmjet telefonit për abonentët, duke i konfirmuar zgjidhjen e problemit.

Kjo mënyrë komunikimi ka sjellë rritjen e besimit tek abonentët, pasqyruar dhe me rritjen e numrit të telefonatave.

Nga muaji shkurt 2015 që ka nisur funksionimi, trendi i telefonatave është rritur nga 650 telefonata në muaj, kjo shifër pothuajse është trefishuar në janar 2016, falë besimit të krijuar mes nesh dhe abonentëve duke u krijuar atyre komoditet të telefonojnë pranë call center për të marrë shërbimin e kërkuar.

Duke parë numrin gjithnjë në rritje të abonentëve, është menduar zgjerimi i tij, si me numër operatorësh, por edhe me ofrimin e shërbimeve të shumta përmes qendrës call center”.

energjia.al 08.02.2016