Shqipëria do marrë pjesë në Samitin “Oil & Gas Balkan”

Zyrtarë të Ministrisë së Energjisë dhe Industrisë, si dhe të AKBN-së do të jenë pjesë e grupit përfaqësues të Shqipërisë në Samitin e 4-ët të IRN “Oil Ballkani & Gas” në datë 23-25 shtator, që do të mbahet në Sheraton Hotel Riviera të Dubrovnikut, në Kroaci. Në këtë samit, përfaqësuesit tanë do të ndajnë më shumë informacion mbi ecurinë dhe fazat e tenderit të shpallur së fundmi, për blloqet e kërkimit të naftës dhe gazit në tokë, perkatesisht blloku Panaja, C dhe 5. Drejtues të lartë nga kompani nafte dhe gazi, se bashku me zyrtarë të lartë të qeverive nga të gjitha vendet e Ballkanit, do të jenë pjesë e kësaj ngjarje të rëndësishme. Pas samitit do të zhvillohet një seminar, me fokus në perspektivat e detit Adriatik dhe Detit të Zi.

energjia.al 31.09.2015