Publisher is the useful and powerful WordPress Newspaper , Magazine and Blog theme with great attention to details, incredible features...

Miratohet projektligji për konçesionet

Gjatë seancës së sotme të Komisionit të Ekonomisë, ministri i MZHETSS Ahmetaj foli rreth koncesioneve, duke i konsideruar ata si forma të veçanta të partneritetit publik privat.

Komisioni diskutoi pikërisht projektligjin “Për koncesionet dhe partneritetin publik dhe privat”, i cili u miratua me shumicë votash. Ahmetaj tha se nëpërmjet këtij ndryshimi në pr.ligj është bërë i mundur zhvillimi i projekteve në fushën e bujqësisë kryesisht, por edhe të fushës së energjisë, që ligji i mëparshëm nuk i përfshinte.

“Përmes këtij projektligji synohet reduktimi i procedurave për dhënien e një partneriteti publik privat, duke eliminuar procedurat e tepërta në fazën përgatitore. Në fazën e identifikimit të projekteve, studimit të fizibilitetit dhe deri në vlerësimin e ofertave, procedurat do të kryhen nga një komision i përzgjedhur nga autoriteti kontraktor në bashkëpunim me ministrinë përgjegjëse për ekonominë (Njësinë e Trajtimit të Koncesioneve /Partneriteteve Publike Private) dhe brenda 60 ditëve nga krijimi i këtij komisioni kryhen të gjitha procedurat e sipërpërmendura. Ky afat mund të shtyhet për shkaqe të kompleksitetit të projektit jo më shumë se 30 ditë. Po ashtu në p/ligj parashikohet zgjerimi i fushës së veprimit. Në ligjin ekzistues nuk është përfshirë si fushë e veprimtarisë sektori i bujqësisë. Nëpërmjet këtij ndryshimi është bërë i mundur zhvillimi i projekteve në fushën e bujqësisë nëpërmjet partneritetit publik privat”, tha Ahmetaj.

Projektligji synon reduktimin e procedurave për dhënien e një partneriteti publik privat, duke eliminuar procedurat e tepërta në fazën përgatitore, si dhe krijimin e një komision të përzgjedhur nga autoriteti kontraktor në bashkëpunim me ministrinë përgjegjëse për ekonominë, për zbatimin e kontratave.

Revista Monitor, 01.07.2015