Operacioni ndaj vjedhjes së energjisë do vazhdojë
Kryeministri Edi Rama deklaroi se Qeveria do të rrisë pensionin për pensionistët kryefamiljarë do të rrisë pagën për ndihmën ekonomikë dhe për aftësinë e kufizuar, me qëllim që 200 mijë familje në nevojë të mos preken nga heqja e fashës 300 KW.
Rama theksoi se reforma në sektorin energjetik do të jetë një nga reformat më të rëndësishme të bëra ndonjëherë në Shqipëri.
“Operacioni për të ndaluar vjedhjen e energjisë nuk do të përfundojë në fund të vitit, por do të vazhdojë deri kur të marrë fund fenomeni i vjedhjes së energjisë. Sot ne ngremë Njësinë Operacionale Speciale,në përbërje të të cilës do të jenë specialistë për gjetjen dhe kapjen e vjedhjes me te specializuar te energjise qe mund te realizohet nga elektricistë, në bashkëpunim me faturistë”, tha Rama.
Kryeministri theksoi se të hënën do të prezantohet projektbuxheti i vitit 2015, ndërsa theksoi se për herë të parë Kuvendi do të ketë gjithë hapësirën e nevojshme për të shtrirë diskutimin për këtë projekt.
Top Channel, 30.10.2014