Kopac: Çmimi i energjisë, çështje urgjente
Komisioni i veprimtarisë prodhuese po zhvillon një seancë për raportin e komunitetit të energjisë elektrike.
Pjesë e këtij takimi është Drejtori i Sekretariatit Ndërkombëtar të Energjisë, Janez Kopac.
Në fjalën e tij, ai fillimisht thekson se ERE duhet të jetë e pavarur si institucion dhe se s’mund të ndryshojë sa herë ndryshon qeveria.
Ndërkaq, ai vijon: “Në 4 vitet e fundit deri më tani, Shqipëria nuk ka bërë asnjë reformë në sektorin energjitik. Është nevojë emergjente rregullimi i çmimit të energjisë dhe rritja në çmimin e energjisë elektrike”
Sektori i energjisë, sipas Kopac, është gati i falimentuar, për shkak të çmimeve dhe se duhet vendosur një treg i qëndrueshëm energjitik.
Revista Monitor, 01.10.2014