Rosneft zbulon fushë të re nafte

Kompania më e madhe e naftës në Rusi, Rosneft, ka thënë se ka hapur një fushë të re të naftës në rajonin e Detit Kara të Oqeanit Arktik.

Njoftimi vjen pasi Shtetet e Bashkuara kanë sanksionuar Rosneft-in dhe shefin e tij ekzekutiv, Igor Sechin, për shkak të rolit të Moskës në konfliktin e Ukrainës.

Rosneft ka thënë se depozitat e vlerësuara kalojnë 100 milionë tonë të naftës së papërpunuar.

Kompania po ashtu ka thënë se fusha e re, e quajtur Pobeda (Fitore), përmban rreth 338 milionë metra kub gaz.

Radio Evropa e Lirë, 27.09.2014