13 persona akuzohen për kontrabandë nafte
Prokuroria e Durrësit dërgon për gjykim kërkesën ndaj 13 personave, të akuzuar për “Kontrabandë me mallra që paguhet akcizë” (11 prej tyre) dhe 2 për “Tregtim i mallrave që dihet se janë kontrabandë”.
Këta persona, në bashkëpunim me njëri-tjetrin, blinin në Mal të Zi karburant më shumë se sa u lejohej për anijet e peshkimit (karburanti për anijet është më i lirë) dhe një pjesë të saj e tregtonin në pikat e karburanteve me pakicë në qytetin e Durrësit. Nga kjo veprimtari e paligjshme, përveçse përfiton shuma në mënyrë të padrejtë, ndikonin drejtëpërdrejtë negativisht në automjetet e qytetarëve, pasi karburanti për anijet është i një cilësie më të dobët se sa ai që përdoret për automjetet.
Në përfundim të hetimeve paraprake, gjykata e rrethit gjyqësor Durrës, në Dhjetor 2013, vendosi masën e “arrestit me burg” për 9 prej tyre, ndërsa për 4 u vendos “detyrim paraqitje”. Në Shkurt 2014, Gjykata e Apelit Durrës vendosi që hetimi ndaj të gjithë personave të vijonte në gjendje të lirë, duke vendosur masën e sigurisë “detyrim për paraqitje”.
Në përfundim të hetimeve, Prokuroria e Durrësit ka dërguar për gjykim në Shtator 2014, kërkesën ndaj:
Të akuzuar për veprën penale “Kontrabanda me mallra që paguhet akcizë” e kryer në bashkëpunim, të parashikuar nga neni 172- 25 të Kodit Penal, si më poshtë:
- Ardian Cani
- Zyhra Vokshi
- Ahmet Masha
- Kujtim Brahimaj
- Fundim Masha
- Eugen Hysa
- Irgen Balla
- Emiljano Kuçi
- Arbër Çerkini
- Altin Imeraj
- Emirjan Hako
Të akuzuar për veprën penale, “Tregtim i mallrave që dihet se janë kontrabandë“ parashikuar nga neni 178 i Kodit Penal, si më poshtë:
- 12. Soko Troplini
- 13. Isuf Beshi
Balkan Web, 17.09.2014