Gazi europian shpëton Ukrainën

Prurjet e gazit drejt Evropës ka të ngjarë të mos ndërpriten teksa Gazprom varet nga të ardhurat e shitjeve, referon një analist i lartë.

Çmimet evropiane të gazit natyror po përmbysin rënien e tyre më të madhe në pesë vjet teksa rritet shqetësimi se tensioni mes Rusisë dhe Ukrainës do të trazojë sërish prurjet në rajon.

Gazi për dorëzimet e ardhshme mujore në Mbretërinë e Bashkuar u rrit 21 për qind gjatë gjashtë javëve të fundit teksa Ukraina tha se kjo mund të ndalojë OAO Gazprom, furnizuesin më të madh të Evropës, nga transportimi i karburantit përmes territorit të saj për shkak të mbështetjes që Rusia po i jep separatistëve. Kompania me bazë në Moskë, e cila plotëson 15 për qind të kërkesës evropiane të gazit përmes tubacioneve të epokës sovjetike në të gjithë Ukrainën, ndali furnizimet ndaj fqinjit të saj më 16 qershor si pasojë e një mosmarrëveshje rreth borxhit dhe çmimeve.

Magazinimi i gazit në Ukrainë është më pak se gjysma e plotë dhe vendi filloi këtë muaj të kufizojë përdorimin e brendshëm për të kursyer karburant. Çmimet në Mbretërinë e Bashkuar, treguesi referencë rajonal, ranë në nivelin e tyre më të ulët që nga viti 2010 muajin e kaluar pasi një dimër i butë bëri që fushat e magazinimit të 28-vendeve tëBashkimit Evropian të qëndrojnë plotë për këtë periudhë të vitit që nga 2008. Kostot e shitjes me shumicë tremujorin e ardhshëm do të jenë 11 për qind më të larta nga sa po paguajnë aktualisht kompanitë për atë periudhë, në bazë të një parashikimi nga Societe Generale SA në Paris.

Revista Monitor, 20.08.2014