Publisher is the useful and powerful WordPress Newspaper , Magazine and Blog theme with great attention to details, incredible features...

LDK: Reduktimet e energjisë, të papranueshme

Lidhja Demokratike e Kosovës (LDK), ka reaguar të mërkurën duke thënë se reduktimet e energjisë elektrike të cilat po ndodhin ditëve të fundit janë të papranueshme dhe po vështirësojnë jetën e qytetarë. LDK për ketë gjendje ka fajësuar Qeverinë.

Lidhja Demokratike e Kosovës nëpërmjet një reagimi ka thnë se reduktimet e energjisë elektrike në këto ditë të ftohta, është papërgjegjësi e madhe e qeverisë dhe e KEK-ut, të cilat nuk kanë bërë për të siguruar furnizim të rregullt për qytetarë dhe biznese.

“Pas shtatë vitesh qeverisje të PDK-së, në fushën e energjisë vetëm emri i projektit ka ndryshuar nga ‘Kosova C’ në ‘Kosova e Re’. Premtimet për energji 24 orë shihet se kanë qenë mashtrim. Shumë komuna këto ditë janë përballur me reduktime të mëdha, duke mos marrë asnjë shpjegim nga KEK-u. Në anën tjetër, qytetarët dhe bizneset paguajnë fatura shumë të larta si rezultat i keqqeverisjes së PDK-së dhe menaxhimit të keq nga KEK-u. Tash e sa vite, humbjet e energjisë në rrjet nuk janë zvogëluar dhe ndërtimi i kapaciteteve të reja ka ngecur”, thekson komunikata.

Protestat qytetare vitin që shkoi nuk mjaftuan, sipas LDK-së për tu vetëdijesuar personat përgjegjës. “Qeveria, KEK-u dhe Zyra e Rregullatorit të Energjisë nuk ndërmorën masa edhe pse u formua Komision Hetimor Parlamentar për Faturat e Energjisë Elektrike, i iniciuar nga LDK-ja, dhe u nxor raport me rekomandime konkrete. Shumë qytetarë sot nuk e dinë si llogaritet çmimi i energjisë, si rezultat i komplikimit nga tarifat e trefishta”.

LDK-ja i mban përgjegjës të gjithë personat në zinxhirin menaxherial, nga menaxhmenti i KEK-ut e deri tek qeveria për përkeqësimin e situatës. “LDK-ja fton që urgjentisht të ndërmerren masa për të përmirësuar furnizimin me energji. LDK-ja fton që të aplikohen urgjentisht masat e propozuara nga Komisioni Hetimor Parlamentar për Faturat e Energjisë”.

Portali Telegrafi, 16.04.2014