Projekti TAP nis në vitin 2015

Punimet për ndërtimin e gazjsellësit Trans-Adriatik do të nisin në fillim të vitit 2015.

Faktin e bën të ditur zv/ministri i Energjisë Ilir Bejtja, gjatë një takimi me përfaqësues të ambasadës së Azerbajxhanit në Shqipëri. Përfitimet nga vepra, që pritet të përfundojë në vitin 2020 do të jenë të mëdha, si për Shqipërinë, ashtu edhe për vendet e tjera nga ku do të kalojë gazsjellësi.

Punimet për gazsjellësin Trans-Adriatik duhet të nisnin gjatë muajve të verës së këtij viti. Shtyrja e punimeve erdhi për shkak të vonesës së ratifikimit të marrëveshjes nga ana e dhomës së deputetëve të Italisë.

Scan TV, 03.04.2014